✔✔✍✍✍السلام و علیک یا بنت
الحسین(ع) یارقیه(س)
----------------
رقیّه صُبحیدن آخشامه گُوزلدی باباسین
گُوروب کسوک باشین آخرده باشینا وُردی
من الّذی اََبتی قُل عَلَیَّ اَیتَمنی
اوشاقلقمدا دیدی کیم ایدوب یتیم منی
بو مدتی دیدی اول شهریاره هاردیدون
گلوبدی نالیه سویلوب دوباره هاردیدون
گیدنده خیملروندن باشون بدندیدی
دوشوبدی ایندی بدندن کناره هاردیدون
رقیّه نی بلورم اکبرون تک ایستردون
سالوبسان ایندی غم بی شماره هاردیدون
یاناندا خیملرون جانمه دوشوب وحشت
دوتاندا دامنیم اوددان شراره هاردیدون
هدف بوئیدی بیزی اوددا یاندیرا دشمن
بی بیم اجازه ویروبدی فراره هاردیدون
ایاق یالین چوله قاچدوقجا سسلدوم بابا وای
ال آتمادون نیه بس ذوالفقاره هاردیدون
نه سن هرایه یتشدون نه ده ا‌وزون قول عَمُوم
اولاندا توش گلون نیش خاره هاردیدون
سسیمه سس ویروب عممّ اونیدا وُردی قوشون
آخوبدی قانی اولوب چیگنی یاره هاردیدون
اوجا بوی عمهّ مه باخ قدی غصّه دن اگلوب
سالوبدی آیریلقون چوخ فشاره هاردیدون
_________________
استادعینی فرد....مأخذ دیوان طوفان زینبیه ج ۳
__________________________________
@babalhavaejgogan

✳️شجاعت العبّاسیه_اثراستاد غلامرضا عینی فرد
--------------
لشگره تیغ شررباری بوساعت چکرم
نار نیرانه سپاهی اولا فرصت چکرم
**********🍃🌸🍃
ابن سعدی سالارام آت دوشونه بی پروا
بوینونا تیغیمله طوق مذلت چکرم
یا که قبرین قازارام گورمیه هیچ ری ملکون
اوزونه لشگرینه حیدری صولت چکرم
***********🍃🌸🍃
بو امیران سپاهی الیوی اُپسونلر
خیمه لر سمتینه وار منده بو جرأت چکرم
باشینی ترپدنین باشینی من سندیرام
یاعلی نعره سی وردقجادا ضربت چکرم
***********🍃🌸🍃
توکرم نعشیلری نعشیلر اوسته یره من
نعشیلردن یولا دیوار حفاظت چکرم
کوفه ده ابن زیادین اوزرم جُبَّه سینی
تختون اوستن یره ای روح عدالت چکرم
***********🍃🌸🍃
نجه سقّایم آقا یوخدی سویوم مشگیمده
خط خون نهر فرات اوسته بو ساعت چکرم
بله لر حمله دی قصدیم داغیلار کوفه لیلر
خرمن عمرلرین من اوتا حضرت، چکرم
**********🍃🌸🍃
کوفه و شامی مسخّر ایدرم اذن اولسا
ظالمه تیغیمی من ایتموشم عادت چکرم
قُوریان مشگلریم تختیه بنذر آقاجان
قوریان لبلره باخدقجا خجالت چکرم
************🍃🌸🍃
بلمورم سرّی ندور جنگی ایدورسن ممنوع
تیغیمی قانلو بیاباندا به ندرت چکرم
سندن ئورگشمیشم ای شاه فنون جنگی
سنده شمشیر علی واردی من حسرت چکرم
***********🍃🌸🍃
دال دالا ویرساق اگر داغلاری بیز سندیروق
من رکابونده قلج ویرماقلقا لذّت چکرم
باغرینا باسدی علمدارینی فرمایش ایدوب
برده بو قول بویون اولماقلقا حسرت چکرم
**********🍃🌸🍃
شعله خشمیوی صبرونله مهار ایله بوگون
سنی اُلدورسله من رنج و مشقت چکرم
سن منه مالک اشتردن عزیزیم باشسان
مالکیم گیتسه الیمدن غم غربت چکرم
**********🍃🌸🍃
باغبانا بو صولان گللره بر فکر ایله
آغلاشور تشنه اوشاقلار من اذیّت چکرم
عرض ایدوب چشم آقا امر ایله آلوم دریانی
خط خون ساحل دریاده زیادت چکرم
**********🍃🌸🍃
@babalhavaejgogan

بو ابالفضل آقا اهل حرمین گوهریدی

مرحبا رتبه سینه شیعه لرون سروریدی
پهلوانان قوی پنجه اونون نوکریدی
یوسف مصری آلا گوزلرینه مشتریدی
قدرت خلقت علی اوغلونی گویچک یارادوب
بو ابالفضل آقانی شیعه لره تک یارادوب

@babalhavaejgogan

✍✍✍یک قطعه درباره مجلس یزید در شام
---------
قهقه چالدی دیدی ای سبط پیغمبر حسین
دیشلرون نورانیدور مثل دُر و گوهر حسین
حاضرم ایندی دیدی نازک دوداقین ورماقا
بی حیا دوردی ایونده اوز قوناقین ورماقا
اللی یدّی اولسا سِنّون واریمش چوخ قدرتون
لشگری توکدوم اودور که لَخ بوداقین ورماقا
دوشمیوب هرگز طراوتدن مگر سو ایچمیسن
قویمادیم دریا سویوندان بر دوداقین ورماقا
بلمدی راهب اونی عطر و گلابیلن یووب
حاضر اولدی ریشة حقّه اوراقین ورماقا
خیزران قوزاندی اندی طشت سسلندی دیدی
وُر منی بو لبلری یوخ اشتیاقین ورماقا
پیچ وخمده گوزله دَیمه خیزران بو لبلره
سعی ایدور گرچه یزید بطحا چراغین ورماقا
بو چراغ راه حقّی سوندورنمز اشقیا
تک اوزی نه حاضر اولدی شمر،اوشاقین ورماقا
آغلوری نازلی رقیّه بویلانور طشته باخور
اِنجیری تزتز، یره یاره ایاقین ورماقا
گوزله سندیرما سنا، یا دیشلرینی حیفدور
دشمن ایستور زینبون داغ اُسته داغین ورماقا
بو حسین قرآن ناطقدور اوزی خون خدا
حکمران ایلور یزید، هی اختناقین ورماقا
ایتمگه دنیای فانیده بش اون گون سلطنت
ایلوری هر یرده حق گولر سُراقین ورماقا
------
استادعینی فرد،،،مأخذ دیوان طوفان زینبیه ج ۳
__________________________________
@babalhavaejgogan

شهامت حضرت زینب (س)

ارثیدور منده شجاعت عارفم آزادیم
ظلمه گردن قویمارام،چونکه پیمبرزادیم
یدّی قارداشیم اولوبدی مختصر افتادیم
دینی کشتی فرض اگر ائتسوز اونامن لنگرم
هاردا ظلم اولسا اویِرده من حسین دیگرم

سن بئله فکر ایلوسن عزّت فقط منصبده دی
بیلمدون قدرت ولی خنجرده یوخ٬ مکتبده دی
سیز توکن قان باتمیوب یکسر رگِ زینبده دی
سن هله غفلتده سن ظلمین نهالین قازمیشام
باشیمون قانیله ظلمه حکمِ باطل یازمیشام

"استاد هادی اردبیلی"

@babalhavaejgogan

اوخ که دگدی هدفه قلبی داریخدی بالانون
او کیچیک قلبینی غم پنجه سی سیخدی بالانون
آتا پیکانی چکنده جانی چیخدی بالانون
گولدی قاتل ائوینی گولماقی یخدی بالانون
آهیله ووردی شرر خرمنه شش ماهه بالا

دئمم ایستوردی امامه بالا روحیه ویره
ولی بیر فکر ائدوب اول منظره نی آل نظره
آتا نیلر الی اوسته دگه اوخ صودامره
قویمادی اوخلی بوغازدان توکوله قانی یره
دیدی قرباندی حق ذوالمنه شش ماهه بالا

ای خدا نوشیدی غم عاشقه تاجان واریدی
کسماقا هانسی خلیلین بله قربان واریدی
خسته جسمینده بالامون بیر اووج قان واریدی
بیر اووج قاندا ولی دردلره درمان واریدی
پوزدی مین سلسله نی یکتنه شش ماهه بالا

@babalhavaejgogan

اوربابى که گورورسوز باشنا قاره سالوب
.
اوخلانوب سود امرى گل کيمى رنگى سارالوب

.سوت گلوب دوشلرينه اللرى قوينندا قالوب.

سيزى تارى داخى بسدور بو قدر دل ياراسى .

چکلوب باخسون اوزاقدان سود امرلر اناسى.
@babalhavaejgogan

زبانحال زینب خاتون در وفات خانم رقیه

گل قارداش حسین گل بو امانت قیزون اولدی
قلبین غم اوخی ایتدی جراحت قیزون اولدی
یاندیردی منیم قلبیمی بو قلب شکسته
اولموشدی ایکی خردا الی سینه سی اوسته
گل صورتینه اشکی آخوب گوزبولاقیندان
گوز یاشلی چیخوب دور بالامون جان دوداقیندان
گل شامیده قارداش منه لطفون علن ایله
ویرانه مکانی گل و باغ و چمن ایله
اللرده ئولن دختریوی سن کفن ایله

@babalhavaejgogan

کاروان سرعتیلن باشلادی یول شامه طرف
دوش نسوانه دوشوب بار گران چوللرده
سعی ایدور زینب کبرا بالالار اینجمیه
ساربان تند گیدور ویرمور امان چوللرده
ام کلثوم گوزی قولسوز ابولفضلی گزور
هی دیور یوخ باجیوی یاده سالان چوللرده
یتجاخ هر منزله وقتی که یاتور توز تپراق
باخوری بیر بیره قزلار نگران چوللرده
هرکس ایستور یاتا فورآ اوجالور بانگ رحیل
یول اوزاخدی تلسور شمر و سنان چوللرده
حرمله غملی ربابین گوزنه گورسنمور
گیزلدوب تیر و کمانین اوخ آتان چوللرده
تند یللر که اسور دیسگینور اصغر آناسی
آختارور اوغلونی دلده ضربان چوللرده
غم مسافرلری عریان دوه لر اوسته گیدور
یوخ سکینه تلینه شانه وران چوللرده
غرق ایدوب لیلی نی ئوز دردی خیال عالمینه
باخور اکبر باشنا وقت اذان چوللرده
دیور ای آهو باخشلی بالا آچ بیر گوزیوی
سنه خاطر قالوب آواره آنان چوللرده.
@babalhavaejgogan

دیوانۀ حسینم ...

یحیوی

دیوانۀ حسینم درمانه حاجتیم وار
چون هر گئجه دخیلم زنجیره عادتیم وار

اورگشمشم بو رمزی عرشون ملک لریندن
ال چکمرم حسینون قانلو اتک لریندن
فطرس تک حاجت آلام پرخون بیلک لریندن
اصغر کیمی قباقدا اعظم وساطتیم وار

فرمایش ایلیوبدور جعفر امام صادق
هر کیمسه نون حسینه ایمانی اولسا لایق
قلبینده شبهه قالماز الهام اولور حقایق
بو باره ده یازیلمش بی حد روایتیم وار

سنگر گورر گوزیمده مژگان چشمگیری
اوز گوزلرینده گورمور اما سه شعبه تیری
بی جا مذمت ایلور بو عاشق حقیری
بولمز نقدر حسینه عشق و ارادتیم وار

ایمان ایچینده در نورافکنیم حسیندور
ظلماتیده چراغ شب روشنیم حسیندور
عکس حسین بهشتیم هم گلشنیم حسیندور
هر گونده منزلیمده باغ زیارتیم وار

ای مدعی عزیز ذات خدا حسیندور
هر گوز اونی گورنمز شمس الضحی حسیندور
صبحه صفا حسیندور ظهره ضیا حسیندور
اول نوردن اورکده شمع هدایتیم وار

گوگدن یاغان یاغشلار یک رنگ و یک صدادور
داغدا آجی تکاندورباغدا گل صفادور
نام حسینده مثل باران پربهادور
سن بیر آجی تکانسان من گل طراوتیم وار

ای مدعی دخیلم گودال قتلگاهه
یوز قویمیشام اوزاقدان شش گوشه بارگاهه
یانموش چوله سپلمش خرگاهه خیمه گاهه
مصنوعی شیعه لردن قلبیمده نفرتیم وار

یا مظهر العجایب یا مظهرالغرایب
سال باشیم اوسته سایه سنسن بو باشه صاحب
سن اهل فهمه ظاهر سن اهل جهله غایب
شور محبتوندن باشدا علامتیم وار

دنیاده بیر غریبم الله منیم پناهیم
بیر بنده ی فقیرم دینمدو تکیه گاهیم
هم تربت حسیندور طاعتده سجده گاهیم
حمد ایلرم خدایه روح عبادتیم وار

من ریزه خار خوان پر زیور حسینم
پروانه تک نثار نور سر حسینم
هم خاک پای مولا خاک در حسینم
قوم بنی اسدلن ارحامی نسبتیم وار

وقتیکه جان وئرنده گوزدن چکیلدی پرده
ظاهر اولور حقیقت سیمای خیر و شرده
تصدیق ائده رسن اوندا گرداب پر خطرده
آیا نیه حسینه دنیاده خدمتیم وار

زنبور انگبینم هر گلدن آلمارام بار
برگ محمدیدن قلببیمده شبنمیم وار
یدی کتاب نوحه قویدوم اوزیمدن آثار
عباسقلی آدیم دور یحیوی شهرتیم وار
محشر گونی آقامدا چشم شفاعتیم وار

@babalhavaejgogan

فکر ایلدیم که ئوز قاپوم جانیمه خوش پناهیدی ، من نه بیلیم که پشت در محسنه قتلگاهیدی ، آند اولا روح محسنه فاطمه بیگناهیدی ، فضه گلینجه دادیمه اولدی اولان عم اوغلیجان
چرخ ترحم ایتمدی سینمون اوسته یاریه ، کیسمه دوا قویانمادی بو دل پاره پاریه ، قسمتیم اولمادی سالام محسنی گاهواریه ، آغلیا صود ویروب دیم محسنه جان عم اوغلیجان. 🚩
@babalhavaejgogan

راز ونیاز حضرت زینب(س)در غارت:
الهی عترت خیرالورایه محشردی
کیمیم قالوب چاغورام تا هرایه محشردی
سنی قسم وئرورم آیه های والفجره
یتور بالا لاری نُور صفایه محشردی
به حقّ سورهٔ کوثر بحق سورهٔ نور
آماندی رحم ایله اهل ولایه محشردی
سن ایلدون اُوتی ابراهیمه گوزل گلشن
یانوبدی خیمه سی زین العبایه محشردی
خلیل عصری قوتار ناریدن خداوندا
اُوتی گُل ایله کی بیر مقتدایه محشردی
داغیلدی گنج جواهر سینیق سینیق اولدی
الهی خازن کنز طلایه محشردی
یاخیندی قانلی بیاباندا گوی یره گلسون
گئدور بلوط کیمی توستی هوایه محشردی
رسول اکرم آچوب سینه سین ورور سینه
سوسوز ئولوب بالاسی مُصطفایه محشردی
دیلیمده جاریدی اَمّن یُجیبُ مُضطرّه
ترحّم ایله من بینوایه محشردی
هانی بلالی چولون نامدار موساسی
کلیم تکٔ الین آتسون عصایه محشردی
سپاه کفری یخوب معجزه نشان ویرسون
آچوبلار اَل بئله ظلم و جفایه محشردی
قاچور تکانلیقی ال باشینه قویان قزلار
بو چولده دشمنه یوخ آشنایه محشردی
دیورم هر دم آنا کربلا دیاریمه گل
حسین باشی ورولوبدور جدایه محشردی
باخور یارالی باشا هر کیم ال آتور باشینا
دوشوبدی آل عبا مین بلایه محشردی
قاچور گوزل بالا لار چوللّره ایاق یارالی
یانور گوی اهلی یانیقلی صدایه محشردی
رقیه بیلمورم هاردا اوزون ائدوب پنهان
یری وار ایلسه مندن گلایه محشردی
گئدوب شکایته یا نهر علقمه ساری
گینه آچوم الیمی من دُعایه محشردی
حسینمون بدنی قالدی گون قباقینده
شاخور گون هر طرفه یوخدی سایه محشردی
ایگرمی دورد چادری یاندیروب سپاه دغا
کأنه اوت ویریلوب کربلایه محشردی
دومان کیمی بوریوب توستی کربلا چولونی
سوزون دیور هره صاحب لوایه محشردی
بیری دیور بی بی یاندیم دوتوبدی دامنیم اوت
دل آچمیشام گینه ده التجایه محشردی
بیری دیور قولاقیمدان آلیندی گوشواره
الیم یتیشدی منیم قان حنایه محشردی
بیری دیور طویوی گورمدیم ننون قربان
منیم غمیمده نئچه دلرُبایه محشردی
بیری دیورقلم اولدی قولی ابوالفضلون
الهی خواهر مشکل گشایه محشردی
بیری دیور بدنیم قمچیدن اولوب یول یول
گوره گر عمّهٔ صاحب عزایه محشردی
بیری دیور علی گل سینمه دیردیم من
بالاسی الده ئولن بیر آنایه محشردی
آماندی گلمه چکلّلر شراریه سنیده
فناده سیر ائدن حتّی همایه محشردی
سو آخدی نهریده اوچ گون دوداقلارون قورودی
دئدیم نه چاره حامی مَه لقایه محشردی
بالاسی اوخلانان آهوده حالووه مَلدی
سیزیلدیوبدی گلوب آه و وایه محشردی
قماطووی منه گتدی امام تشنه لبان
الیمده گر گوره لر اولیایه محشردی
«معزّیم» دیرم یاحسین قیامتده
آماندی لطف ایله تئز گل هرایه محشردی
شعر از فخر الشعرای حسینی ، خادم الرضا ، حاج یوسف معزی اردبیلی
از کتاب یادگار معزی
@babalhavaejgogan

گتوردی غنچه نازین ساتا نگاره حسین
بو عشقیلن یتوره دینی اعتباره حسین
دیدی الهی بو بیر غنچه ده ربابوندی
چکور الینده نه وار بیر به بیر عیاره حسین
آییرمیشام ننه سیندن بو نیمه جان بالانی
توجه ایلمیوب چشم اشکباره حسین
اگر چه یوخدی دیلی لایق حضوروندی
وارین یوخون سنه خاطر چکور شراره حسین
باخوردی یاره طرف گوردی تز هواده اوخی
گوز آلتی باخدی الی اوسته بیر شکاره حسین
بو ایسته دی دیه جان اوخ بوغازدا ایتدی مکان
دیدی شهادتی تبریک او شیر خواره حسین
بویادی صود امرین قانی باغبان اتگین
خدا بیلور نجه تاب ایتدی بو فشاره حسین
ال آتدی تیری چکه گولدی اصغرین دوداقی
ندا یتیشدی کی احسن بیله وقاره حسین
بهشتی اوغلووا ویردیم بو عرش و فرشی سنه
شفاعت امرینه بسدور بو بیر ستاره حسین

استاد سیفی اردبیلی
@babalhavaejgogan

‍ من کیمم، من کربلانین تشنه لب سقّاسی ام
من کیمم،من ماسوانین تاج کرّمناسی ام
من کیمم، یئتمیش ایکی مَشکین سوسوز رؤیاسی ام
من کیمم، قاندان بزه نمیش نهضتین معناسی ام
من کیمم، معناده عاشورانین عاشوراسی ام
من کیمم،عطری یاییلمیش بوستانین یاسی؟ یوخ
من کیمم، یازدا گول آچمیش غنچه نین احساسی؟ یوخ
من کیمم، نازدان سوزولموش گوزلرین الماسی؟ یوخ
من کیمم، زاهدلرین واعظ لرین عباسی؟ یوخ
من فقط دیلسیز لرین، دیلسیز لرین عباسی ام
من کیمم، رؤیا، سوسوز دریالرین آئینه سی
من کیمم، دریا، شیرین رؤیالرین آئینه سی
من کیمم، قولسوز، کسیک طوبالرین آئینه سی
من کیمم، ای وای حسینیم والرین آئینه سی
من سوسوزلارین حسینیم وا، حسینیم واسی ام
من کیمم، انّا فتحنا شهرینین دروازه سی
من کیمم، نصر و من الله شرحنین شیرازه سی
من کیمم، مین دورد یوزایللیک کهنه عشقین تازه سی
من ابوالفضلم قوجا عشقین جوان سیماسی ام
من ابوالفضلم تیکیب اهل حرم گؤز مشکیمه
دولدوروب آب فراتین حسرتی کؤز مشکیمه
نیله رم سالسا سوسوز قیزلار سودان سؤز مشکیمه
دولدورام گؤز یاشیمی اوندا گره ک اؤز مشکیمه
من ابوالفضلم سوسوز آهولرین سقّاسی ام
من ابوالفضلم منی آهیله سسله های وئریم
هر نه ایسترسن دئنن بیر یول حسینیم وای وئریم
بیر باخیملیق اولدوز ایسته مین گونش لیک آی وئریم
بیر سئخیم گوز یاشی تؤک عشقیمده سئل سئل پای وئریم
من ابوالفضلم کرم طومارینین امضاسی ام
من ابوالفضلم ویروب چوخ یاره لر نوفَل منه
خوش گونومده چوخ دییردی چوخ لاری گَل گَل منه
ایندی کی قلبیم سینیبدور قالمیوبدور اَل منه
اوخ شماتت دن یاغاندا گؤز تیکر اوّل منه
من ابوالفضلم بلا لولاسینون معناسی ام
من ابوالفضلم گوزوم اوخلاندی مولا جان دئدی
داغ داغیلدی دامن صحرایه، صحرا جان دئدی
من دئدیم یاندیم آنا، سسله ندی زهرا جان دئدی
بیر جهان جان سیز ییخیلدی بیر جهاندا جان دئدی
من ابوالفضلم حسینین دوغرانان اعضا سی ام
استاد نیکفال اردبیلی(فریاد)
@babalhavaejgogan

‌ السلام علیک یا اباعبدالله الحسین(ع)

ای شمع من بسوز که پروانه میرود
زین آستان صاحب این خانه میرود
ای شهر جّد اَمجد والاتبار من
بنگر حسین چگونه ز کاشانه میرود
ای آستان مادر دلسوز من،بسوز
این اشنا ببین که چو بیگانه میرود
اَدنای شام،اَراذل کوفی نوشته اند
آل علی چرا ره ما را نه می‌رود
از ماحسین چه دیده که فرمان نمی برد
بیعت نمی‌کند ره خصمانه می‌رود
من کی دهم به ذلّت وخواری تن،ای وطن؟
عَنقا مگر به دام پیِ دانه می رود
آن کو نَسب ز هند جگرخواره می برد
مسجد به پشتِ سر،سوی میخانه می‌رود
@babalhavaejgogan

احوالات کوچ از کربلا:
حسین باجون سفره قلب ائوینده یاره گئدور
باشندا لشکر غم آیری بیر دیاره گئدور
او شهر کوفه ده بئش ایل خانملق ایلیه نون
بو گون ولی اوتانور کوفیه دوباره گئدور
او گون جلالینه باخدون بو گون ملالینه باخ
اسیر اولوبدی بو صحراده اهل ناره گئدور
جنازهٔ شهدا قالدی گون قباقینده
غموزده بو اوره گیمدن گوگه شراره گئدور
کفن تاپانمه میشم کربلا چولونده سیزه
بتول نائبه سی گلمیش آه و زاره گئدور
گینه اوخ حمل اولونور اوخلانوب گویر چینلر
بو شامون اهلی مگر اوخ ورا شکاره گئدور
الون کسیلمیشیدی باخمیشام من اوخ دئمیشم
منیمده بو اوره گیم شامه پاره پاره گئدور
اوزوکده هئچ یوخیدی بارماقوندا هئچ کاره گئدور
جهاندا غارته البته هیچ کاره گئدور
گئجه زیارتووه فاطمه آنام گلدی
اولوبدی دعوت رسمون او اشکباره گئدور
زیارت ایلمیشم منده قانلی حنجروی
اولوبدی مرحمتون زینب خماره گئدور
الی اورکده قالوب لیلینون جوانی ئولوب
غمین چکه اوره گینده بیرآز کناره گئدور
عروس قافله دولمیش بلوط سیاقی حسین
سوزون جداده دیه پاکباز یاره گئدور
ربابیده آپارور شهر یثربه بلگین
گونون الینده سوسوز اوخلانوب ستاره گئدور
قویوبدی چگنینه بوینون باخور فراته طرف
نه گاهواره قوجاقدا نه شیرخواره گئدور
رقیه ده گوزونی گور نئجه تیکوب باشووا
سوسوز دوداقلاروا ایلیور نظاره گئدور
نولار جداده فلک سولدوران یوزه باخاسان
قولی طنابله باغلی باشیندا قاره گئدور
دئدیم ملالیمی امّا حسین پیامیمه باخ
کناریده نقدر باخمارام سواره گئدور
ورود کوفه ده نطقمده محشر ایلیرم
گوزومدن اشکیمی من قویمارام عذاره گئدور
یزیده والی اولان ظالمون ایوین یخارام
من عاشقم گوره لر خدمتیم نگاره گئدور
ورار دوداقلاروا خیزرانی هند اوغلی
دوداقوون قانیدا طشت زر نگاره گئدور
دیرم اللریوی ساخلا ورما قارداشیمی
سوزوم غذا سیاقی روح هوشیاره گئدور
رقیه آهی یخار ظالمون ایوین بیرگون
اوره کدن آهون اوتی کاخ ظلم کاره گئدور
قویار یوزون در ودیواره گوزلیر یولووی
فراقوون شرری قلب زخمداره گئدور
قولون قویار باشینین آلتینا ائدر بالش
سزیلتیسی گئجه لر کوی و کوهساره گئدور
باخار دوداقلاروا بیر گئجه اولار خاموش
دوداقلارون کیمی قبره دوداقدا یاره گئدور
حسین حسین سنی زهرا آنون حمایت ایله
«معزّینی»یادا سال اوندا کی مزاره گئدور
شعر از فخر الشعرای حسینی ، خادم الرضا ، حاج یوسف معزی اردبیلی
@babalhavaejgogan

جهاندا سیم و زری، وار بیلمرم ئوزومه

حسینچی اولمیانی، یار بیلمرم ئوزومه

منیم‌ بو گوزیاشیما‌گولسه‌ مدعی لر اگر

حسینه آغلاماقی، عار بیلمرم ئوزومه
@babalhavaejgogan