كان السّر في بهجتها الدائمة ، هيَّ تلك اللحظات البسيطة التي تظفر بها مع نفسها بعيداً عن كُل شيء .♥️

قبل ما تنومو ..

قولوا يا رب .. ما نشوف الغلط عادي
ولا الحرام عادي
يا رب ما نألَف المعاصي ولا نستَصعِب الطَّاعات ..
يا رب تهدينا وتيَسِّر لينا سُبُل الخير وتبعدنا عن دروب الشر..

آمين 🙏🏾♥️

#صفِيّة_مُصطفى

اليوم يوم ميلادي ها أنا أطبق عام جديد من أيام عمري💙🌸توالت الأيام يوما بعد يوم ...وفي كل يوم كان شعوري بالله يزداد🌸.. أحب ذاتي يوما بعد يوم أكثر وأقدسها ....وفي كل مرة أصر علي ان تبقي الطاقه الايجابية تلازمني ...فاعتدت عليها وبات بذلك الالم لايأخذ سوى حجمه واعود لطبيعتي 😌 صنعت لي حياة تمضي وفق ما اريد ..كل ماتحتويهه بيني وبين خالقي ومابيني وبين الناس حسن المعاملةة والوجه البشوش😌💜ان اكون أثرا طيبا ترحل من الدنيا وتبقى ذكرآها مخلدة بالعقول..أسال الله ان يهب لي عمرآ مديدآ محتواه النعيم وتحقيق الأهداف ورضآئه علي ورضآئي بما يحب وعيشي للحياة بظله وظل أحبابي🎀🔐

وكل عآم وأنا بخير♥

‏وقد نظُن كل الظن انها ضاقت ثم يأتي لطف خفي من الله فيُفرج كرباً ويعطي أملاً 😍

#صلاة_الفجر ❤
أستعدوا 🌹

‏قال تعالى:

﴿ أدْعُونِي أَسْتَجِب لَكُم ﴾❤

لم يحدد نوع الدعاء ولا حجم الطلب
فقط أدعوه وأنتم واثقون بالاجابة.

‏اللّهم ارزقني رزق لم أتوقعه ، وخير لم أفكر به ، وتحقيق أمنيات ظننت يوما أنها مستحيلة ، واستجابة دعوات أكررها دائما .. ربي وفقني، سخّر لي، بشرني، أرح بالي وقلبي، أسعدني، اعفو عني ، ارحمني، قر عيني، أرض عني، هب لي ما أتمنى وما أريد يا الله❤️

أكرم نفسك عن كل من يُشعرك أنك أقل من غيرك، من يقلل من جهدك ونجاحك، من لا يرى فيك إلا سيئاتك، لا تظلم نفسك بمن لا يستحقك، كن دائماً عزيزاً فخوراً بصفاتك، من الله العوض الأجمل لخساراتك♥️✨.

‏"أنتِ تستحقين أن يمضي أحدهم كل أيّامه نحوكِ وهو يركض محاولًا فقط لفت إنتباهكِ، تستحقين أن تضحكي ويشعر كل من حولكِ بأنه قد تم تكريمهم، تستحقين أن يُقاتل لأجلكِ، وأن تُخاض حربًا للفوزِ بكِ♥️✨.

‏"أُريد أن أكون سعيدة دون أن أضطر لمُحاربة الأيام وإنتزاع سعادتي منها ،لا أُحب كل ما يأتي بمذاق النزاع ، أُريد أن أكون سعيدة بما لدي بكل ماهو متاح لي"✨♥️

النصيب الحلو من كل شيء ، لا أكثر ✨♥️

كيف أقرأ كتب إنجليزية؟
#English_books
الطريقة + اقتراحات كتب 📚🌼..

مبدئياً ماتستعجلي النتايج مهما حسيت إنك مابتقدري ..
ممكن ماتلاحظي تغيير إلا بعد سنة لكن لاحظي إنه القراءة اكتساب ثقافة عامة و نقل أفكار شخصية أو بيئة فمحتاجة سلاسة و استمرار.

طيب أنا كنت مبتدئة في تعلم الفرنسي و الإيطالي فمن هنا أحب أنوه إنه الأفكار دي ممكن تنفع مع أي لغة .

ح أقسم ال post لمراحل الأولى للمبتدئين و الثانية لما قبل التمكن آخر شي للمتمكنين.
بسم الله نبدأ 🌼 :

المبتدئات :
_ أبدي بالكتب السهلة مذكرات أو حتى قصص مصورة، يوميات لكن الروايات و القصائد بتحتوي خلفيات ثقافية اكتر تعقيد تشبيهات و كنايات غالبا حتصعب عليك البداية.
مثال هنا :
كتاب Frazzled
📖Every day disasters
بيتميز إنه واقعي و عصري في أفكاره.

📖Wreck this journal
كتاب عبارة عن مجموعة ألعاب و تحديات و ألغاز كله باللغة الإنجليزية و دا داعم جدأ ليك في المرحلة دي.

بعده في كتاب شوية أصعب بس حينقلك خطوة اكبر شوية
📖Alice in wonderland
طبعا كلنا عارفين القصة بس حقيقي ممتعة و ح تساعدك تصلي ل level أعلى شوية في ال skil دي.

اخر شي ممكن تقري.
( المانجا) manja📖
المانجا دي عبارة عن قصص مصورة يابانية وغالبا هي مصدر كل أفلام و مسلسلات الإنمي حالياً سهلة جدا ممتعة و لغتها بسيطة.
المشكلة الوحيده إنه كتب المانجا شوي سعرها غالي فمتوفر ليها applications لقرائتها زي manja Rock.

كل القصص المصورة الإنجليزية عموما متوفرة في ركن منفصل داخل مكتبة جرير بعنوان :
Graphic novels.

الكتب الصغيرة و القصص المصورة مهما كانت بسيطة أكيد حتضيف لصياغتك و فهمك للغة, اكتسابك لمفردات جديدة و ممكن لو عندك دفتر أثناء القراءة تعملي فيه column تعنونيه ب new words وتكتبي فيه الكلمات وال terminology البتعرفيها كل يوم.

_ في كتب بتوفر خيار مختلف هي الكتب الإنجليزي / عربي متوفر منها نسخ لعدة كتب منها
📖Wuthering heights
مرتفعات وذرينغ لإيميلي برونتي حتلقي عندي post بيحتوي review عنها.
هي رواية جيدة من الأدب الإنجليزي الكلاسيكي و لغتها عالية بس توفرها بنسخة عربي / إنجليزي بيخلي التوصل لعانيها سلس و يسير بإذن الله.

_ لما تواجهي صعوبة استخدمي sticky notes للصفحات اللي بتحسي محتاجة شرح أكتبي فيها الترجمة و بعدين أقري الصفحة من أول و جديد.

ثانياً : القراءة بالإنجليزية في بداية التمكن :
بعد ماخلصت أو بديت ترفعي معدل قرائتك من ناحية معدل زمني و كمي و فهم للمفردات و السياقات نجي لمرحلة بداية التمكن و هنا أنا برشح مبدئياً كتب المعلومات.
Scientific books
زي
📖Cosmos by carle sagan
غني عن التعريف طبعا و في ليهو سلسلة مترجمة للمشاهدة لقناة
Abudhabi national geographic.

_المتوقع تكوني مريت بجزء كبير في الجامعة من السلاسل العلمية المعروفة و ممكن تضيفي حاجة منوعة و في مجالات مختلفة عن مجالك.

برضو هنا ح أضيف ليك كم كتاب مناسب لليافعين عندهم طبعا الفكرة انه في البداية ماحنستفيد لو بدينا بكتب معقدة و تاريخية بمستوى إنجليزية جين أوستن مثلاً.
فمنهم :
📖Everything Everything
ل Nicola yoon
عارفة دايماً بقوله بس الكتاب فعلا بيحمل معاني جميلة و قصة مميزة بالإضافة لأنه عصري و فيه مقاطع محادثات ايميل و كدا فحتشعري بالبساطة.
📖13 reasons why justin death by Jay asher

رواية بشكل تسجيلات لغتها سهلة و القصة مميزة

📖The sun is also star by nicola Yoon
كتاب جيد لغته أصعب شوية من للبقية بس نفس مستوى كتابها الأول.
📖The hate you give
رواية مؤثرة تستحق القراءة.
و طبعا
📖The fault in our stars by john green.
الرواية المعروفة و طبعا متوفرة منها فيلم و مترجمة و رقية و إلكترونية.

_مرحلة المتمكنين :
كتاب :
📖Anne franke( The diary of young girl)
يوميات لفتاة في بداية المراهقة لغته أقوى و أعمق بس طويل شوية لكن غالبا ما حتوقفي قراءة.

📖Sopholic ties the knot by Sophie kinsella.
فكرة قريبة لأني فرانك بلغة ممتازة مطورة أكتر.
آخر كتاب
📖Brain on fire
كتاب بتحكي كاتبته عن إصابته بمرض نادر و حياتها في الفترة دي.
لسه ماقريته بس high recommended و هو واحد من
New York Times Best seller

الكتب المذكورة متوفرة في مكتبة جرير و العبيكان في أغلب الفروع.
بعض الاقتراحات للقراءة تجميع من أفكار
Good readers on YouTube.

ضيفي لينا في التعليقات كتب مناسبة، توصياتك من تطبيقات و طرق قراءة.

اللهم اجعله جهدا يرضيك و علما يضيء المساعي إليك 🌹..
#Jasmeen_Ali
#حصاد_ياسمين_2020
📖📚

في مرة كانت الداتا بتاعتي شغاله  يومياً بتنزل فيها 500 ميقابايت وغالباً ما بكمّل ال500 في اليوم.
و كان عندي  مسلسل بحضر فيهو.
أثناء ما الداتا شغالة جاني رصيد في شريحتي التانية حوالي 200 جنية.
لمّا جاني الرصيد الكتير دا، كنتا ببدأ أنزّل المسلسل بي الداتا ولما تنتهي طوالي بفعّل شريحة الرصيد وبقعد أنزّل وتنتهي، وتاااني أفعّل وأنزّل وهكذا والحكاية ماشه.
تقريباً نُص الرصيد العندي خلص وأنا بنزّل في المسلسل.
و كنتا بقعد اليوم الكلو بحضر فيها وبخلي باقي حاجاتي كُلّها و واجباتي وإلتزاماتي.
طبعاً عندي تبريرات ببررا لي نفسي بقول بتعلّم إنجليزي عشان ما أحس بالذنب 😂
المهم قبل موضوع المسلسل دا بي كم يوم كان مرت علي آية الرزق في سورة الشورى  (( وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَٰكِن يُنَزِّلُ بِقَدَرٍ مَّا يَشَاءُ ۚ إِنَّهُ بِعِبَادِهِ خَبِيرٌ بَصِيرٌ))
فكّرتا فيها كم يوم ورا بعض
وبقيت بسأل نفسي بقول :  ما كان ممكن اللَّه عز وجل ينزّل لينا الرزق كتير، لي يعني بقدرٍ معلوم؟
حسيت إني عايزه أفهم الآية أكتر وأتيّقن بيها أكتر.
فلمّا حصل موضوع المسلسل دا إتذكرتا الآية طوالي.
وربطّا بين تصرفي وبين الآية💙
أنا عندي شريحة الداتا اللي هي بتنزل لي فيها الميقابايت بي قدر معلوم وكل يوم كُنتا بنزّل حلقة وبحضر، وباقي اليوم بعمل باقي واجباتي.
أما لمّا بقى عندي الداتا والرصيد الكتير اللي هو رزق كتير بقيت بنفس ما قالت الآية "لَبَغَوْا فِي الْأَرْضِ"
باغية على نفسي،
ما خاته حساب لي زمني أو إلتزاماتي،
ولا لي الرصيد، ولا لي أي شي.
حسيت الآية وقعت لي شديد اللحظة ديك💙
بس لسه كان في سؤال في بالي..
طيب برضو كان  ربّنا سبحانهُ وتعالى ينّزّل لينا رزق كتير مرّه وحده بدل التعب؟
لقيت روحي بجاوب ليها وبقول : لو حصل كده معناها الدنيا حتبقى جنّه.
إذا كل شخص فينا أخد رزق من غير إنقطاع وسعي وتعب معناها فعلاً دي الجنة.
غير إنو لو نزل ليك رزقك كامل مرة وحده  غالباً حيكمل قبل ما نموت ذاتو 😂بي سبب إنو الإنسان كائن إستهلاكي شرِه .
فهي الدُنيا كده دار إبتلاء للفقير والغني.
لي البلقى رزق اليوم ولي البشحد ولي الموظّف حتى الملياردير اللي إحنا بنشوفو أحسن مننا تعبان في الدُنيا عشان يزيد قروشو أو أقلّاها يحافظ عليها ما تنقص.
فيبقى إحنا في دار الإختبار  وبي نفوسنا الضعيفة دي لو الرزق دا بقى ماشي لينا كده.
حنبغي في الأرض، حنظلم أنفسنا قبل الحولنا، حنركلس وحنتكِل على الدُنيا.
أما لمّا الرزق يكون معلوم وربّنا بنزّلو بقدر وبي حكمة وشوية شوية حنتعلّم نصبّر لمّا نفقد ونشكر لمّا يجينا.
والإتنين الصبر والشكر بتمشي بيهم الحياة 💙
فسبحانهُ الحكيمُ الخبير🌸☁️
اللهم أرزقنا دوماً الفهم لآياتك واليقين في حكمتِك💙🌸
#إيلاف_بدرالدين

مرات كتير لما نبدأ دايت بجي فجأة كدا نفسنا في حاجات
معينه من غير سبب ،. ف اعرف اي حاجه يكون نفسك
فيها معناها في خلل و نقص ف نظامك الغذائي و محتاج تعديل :

1) لما يكون نفسك في شوكولاته = اعرف انو عندك نقص في المغنيسيوم = فضيف مكسرات / سبانخ / شوفان / ذرة / سمك / موز .

2) اذا نفسك في مكرونة أو عيش = نقص في البروتين في
نظامك = ضيف بيض / تونة / لحمة / صدور دجاج .

3) نفسك في شبس = نقص في الكلورايد أو الكالسيوم =
ضيف منتجات الألبان .

4) نفسك في حلويات = كروميوم أو زنك = ضيف بقدونس / بقوليات / بيض / منتجات البان / شوكولاتة داكنه .

تعديل بسيط في نظامك يخليك تلتزم ف ما تخرب تعبك بسبب انو نفسك في حاجه ، اجتهد ، التزم ، حتلقى نتيجة✌️
.
.
آية سيف

‏سؤال مهم:
هل بعدت عن الحاجات البتضايقك؟ ولا لسة بتسمح ليها تأذيك أكتر؟
انت بأيدك تغير شكل حياتك ومنو مسموح ليهو يكون قريب منك ومنو لا. انت بنفسك بتختار المكان الأفضل لراحتك، دايما حاور قلبك وكلمو، استمر في انك متصالح معاك وابعد عن اي شي ما بشبهك عشان نفسك أولا وأخيرا ودايما.

الحمد لله حمدا كثيرا طيبا مباركا فيه ملء السماوات و ملء الأرض و ملء ما بينهما ❤️

‏كرّروا هذا الدعاء دائمًا اذا حسيتوا بضيق أو هم أو حُزن:

"ربِِّ لا تكلني إلى أحد ولا تحوجني إلى أحد، أسألك الغِنى عن كل أحد، فأنتَ وحدك عليك المُستند وعليك المعتمد، أنت الواحد الفرد الصمد، لا شريك لك ولا ولد، أسألك أن تأخذ بيدي من الضلال إلى الرشد، وأن تنجيني من الضيق والنكد".

عدم التدخل في خصوصياتي فرض عليك مش كرم منك
أوك؟ 🤷‍♀️

-


‏انتو عارفين السعادة اللي في الدنيا دي كلها بدايتها *الرضا*.. لازم نرضى باللي عندنا واللي بيصيبنا عشان نقدر ننبسط بيه.. وخلي الجمله دي كتيره ف لسانك *ياربّ عودنا على أن نرضى بأقدارك بفضلك بخيرك العظيم الذي لا تراه أعيُننا*.. وربنا ح يفرجها عليك.

فلا تيأس ♥️🌻

*كُنْ من الذاكرين*💙
- سبحَان الله💙.
- الحمدُلله💙.
- لا اله الا الله💙.
- الله اكبر💙.
- سبحان الله وبحمدِه💙.
- سبحان الله العَظيم💙.
- لا حَول ولا قُوة الا بالله💙.
- استغفر الله و اتُوب إليه💙.
- اللهُم صلِّ وسلم على نبينا مُحمد💙.
- لا اله الا الله وحدهُ لا شريك له،له المُلك وله الحمد وهو على كُل شيء قدِير💙.
- حسبي الله لا اله الا هو،عليه تَوكلت وهُو ربّ العرش العظيم💙.
- اللهم اجعلنِي من التَوابين واجعلنِي من المُتطهرين💙.
- لا اله الا انت،سبحانك أني كُنت من الظَالمين💙.
- اللهم قلبِي ومن بقلبِي💙.
- اللهم نُورك إذا حلت الظُلمه،اللهم نجنِي من عذابِك يومُ يبعث عبادك💙.
- اللهم اغفرلِي،ولمن اغتبتُه وظلمتُه وأسأتُ اليه، اللهم تجاوز عنا وعَنه💙.
- رضيتُ بالله رباً،وبالإسلام ديناً،وبمحمدٍ صلى الله عليه وسلم نبياً💙.
- اللهم ارزقني حبك، وحب من يحبك، وحب عملاً صالحاً يقربني إلى حبك💙
- اللهم اقضي حوائج كل من وكلني لدعائك💙.

مافي زول حياتو ماشة سكينة في تورتة _ كناية عن السهولة_ ولا في زول امورو كلها ظابطة و مافي حاجة شايل همها
الحياة عبارة عن سلسلة طويلة من المشاكل بنحل وحده عشان نقع في البعدها ..
الرضا هو الحاجة الوحيدة الممكن تنتشلنا ، الإيمان التام انو ربنا ما حيضيعنا و انو بحبنا شديد و بختار لينا الاحسن حتى لو نحن ما عارفين الحكمة من كده شنو

"فإن رضيت ، هان عليك مُصابك ، واتّسعت رحمة الله في فؤادك ، ورأيت من حولك يركضون متخبّطين ، وأنت تغشاك السكينة" ❤

" بطلي تكوني هبلة"..

قالت : الجملة دي إتقالت لي من ناس كتار شديد،. قريبين وبعيدين لحد ما اقتنعت اني هبلة فعلاً..

أنا زولة حساسة شديد، تفاصيلية وبتأثر ب أقل حاجة وأقل كلمة ومرات أقل نظرة ما تعجبني..

مشكلة حياتي بقت في إني بثق ف الناس سريع ، بحبهم جدًا، بتعلق سريع ، بآمن ليك من أول لقاء، زي الطفل إللي لسه بيتعرف على الناس جديد..

ما بقدر أخت فكرة كعبة عن زول، حتى ولو كل الناس قالت لي إن الزول دا كعب أنا بفضل معاه طول ما أنا شايفة منو الحاجة السمحة..
اتقبلت الاختلاف لدرجة بعيدة وبقيت بحب الناس بكل صفاتهم..

بقيت بحاول أصلح من نفسي و شفت كل العالم وردي وبقيت بتعرف على ناس كتار شديد، كتار جدًا و فوق طاقتي..

أي زول لازم أعرفو وأي زول لازم يكون صحبي ، بكون قريبة ليهم كلهم وبحب أعرف كل تفاصيلهم و بعبر ليهم دايماً عن حبي سواء ب هدايا بسيطة أو ب ورق بكتبو بعبر ليهم قدر شنو أنا بحبهم وبحترمهم..

بس لا..

العالم ما كدا ، الدنيا ما وردية ، الناس ما كويسين، الخذلان موجود وأنا هبلة فعلاً !

الغريب ف الموضوع إن إحساس جلد الذات لساهو موجود، دايماً بخت اللوم على نفسي..
دايماً حتى لو ما غلطانة برجع وبعتذر علشان ما أفقدك..

إحساس فقدان زول من حياتي كان وما زال حاجة مُرعبة بالنسبة لي ..

كنت بسأل نفسي ، الغلط فيني ؟ ولا في نظرتي للناس؟ ولا في اختياراتي الغلط ؟ ولا الغلط من الوردية والمثالية الأوفر إللي أنا خاتاها عن الناس وعن المجتمع !

الناس بتتغير، إللي كان عاجبو فيك كل صفاتك بقى بنتقد نفس ذات الصفات ، وإللي كان بيقول ليك أنا معاك حتى ولو كل الناس مشو تلاقيهو أول واحد أداك ضهرو ومشا !

مرات برجع وبسامح وبعفو وبكل حسن نية ببادر بالعفو بلقى نفسي اترفضت !

ااي والله اترفضت..

بسأل نفسي طب ما أنا إللي مفروض أعمل كدا ليه اتبدلت الأدوار ؟

لحد ما حسيت إني فعلاً شخص غير مرغوب فيه..

تخيل إن أقرب الناس ليك يحسسوك بالإحساس دا !💔

حالياً اتغيرت..

بقيت ما بسأل، بشغل نفسي بالجامعة والشغل ومرات ما برد على الناس..

ما بحاول أرضي زول، بكون مع نفسي و أغلب الأوقات سرحانة وبفكر ف حاجات كتيرة ..

بقيت بحاول أبعد عن الناس علشان أحافظ عليهم ، حسيت إني كل ما قربت منك فقدتك ف خليك بعيد أحسن ...

بقيت بخاف..

بخاف أقرب، بخاف أصاحب، بخاف أسأل، بخاف أحب وأحتوي..

اتشوهَت نظرتي لكل أنواع العلاقات الفي الدنيا..
صداقة أو حب أو زمالة..

بقى كل زول بالنسبة لي صاحب مصلحة وبس..

بعامل الناس ب سطحية واستهتار وعدم احترام بس ما ب يدي!

ودي ما مشكلتي براي.. أغلب الناس مشكلتها ف الحياة دي " علاقة"..

أغلب الناس الفي الدنيا دي سبب وجعهم أقرب الناس ليهم..

بحاول بقدر الإمكان أحافظ بس على نفسي ، على جزء بسيط باقي جواي بخليني قادرة أبتسم في وش الناس..
ولسه خاته أمل في ربنا..
ولسه منتظرة الناس الصاح..

ما تفتكرو علشان بنكون دايماً باسمين وبنضحك يبقى حياتنا فل الفل ، لا والله يمكن نحن أكتر ناس محتاجين اللي يطبطب علينا..

بس المهم إننا نعافر، ونحارب الأحاسيس السلبية حتى ولو كانت مسيطرة علينا..
ما تتجاهلوها، عيشو حزنكم وسلبيتكم دي كاملة وبعدها قومو أقوى مما كنتو 💕

عليكم الله خلونا نكون لطيفين مع بعض، شفافين وصادقين شديد مع بعض..

ما تقرب ل زول لو إنت ما قدر المسؤولية ، ما توعد زول ب شي انت ما قدرو..
لأن في ناس بسببك ممكن تفقد حبة العلاقات الباقية ليها ف الدنيا دي..

و " لا نملك سوى أن نهوّن على بعضنا الطريق"

#آية_عبدو