‍ لەوەتەی هەم
تاوانی
هەنگی پەنجەکان و
کەرمی خودا و
سروشتی نیشتیمان ئەدەم
لەوەتەی هەم
گۆر ئەپێوم
مردوو مردوو
کۆلانی گۆرەکان ئەبڕم
نە خودا
وتارێک ئەدا لە جیاوازیم
نە زیندویەک
گیرفانی دکات بەهێلانەم
لەوەتەی هەم
بە برین دادەرۆم
لە سێبەری پۆتیندا وەچان دەدەم
ملم لەچەقوی مەزهەب دەسووم
لە ئەشەکەوتی ئاین دا
بێ واز بێ واز
بۆ ئەشکەوتێکی تر دەخەوم
هەر با ئەزانی
من چۆن هاتم
شار چۆن پیر بوو
گوند چۆن
بە مێر مندالی خنکا
دایک چۆن گەیی بە زەستان
باب چۆن گەیی بە بەهار
هەر با ئەزانی
ئەو قانگەلاشکانەی تاژەیان دەکرد
لە پەسیویکدا
بێ پێناسەو مێژوو
هەر بە خەمی گیرفانەوە
چۆن بوون بەخاک
هەر با ئەزانی
دلم
لە کوێ ئوقرەی دەگرت
هەر باش بو
پرچی تاریکی لادا
من رۆژێ چەند جار
نەزا ئەکەم لە پەنجەرە
بە با ئەلێم
بیرت نەچێ لە نوسینەوەم
بیرت نەچێ
لە هەورازی دەمەوە نەرۆز
لەوقانگلاشکانەی
بە دەم پشوی سەدامەوە
بەسەر دوعای سالی تازەوە سووتان
ئیستاش باوەر ناکەن
شەڕی زریان و شەمال
لە سەر کەولی ئەوان بوو
عەزیزعەلیزادە ۲٤/۱۲/۹٦
@azizkawlani

‍ دەمەونەورۆز
هەورە بۆرانە بەفر دەبارێ
داویە لەسەری ترسی ئادارێ
گەرچی تەمەنی کەمترە لەگوڵ
چەقووی دوسەرە نیشتوە لە دڵ
رەشەمێ لەرزی وەرزی کۆتایی
کەباری لە رووم ڕەنگی تەبایی
زانی کەشەماڵ، وێی دەخا چۆرە
بەفر لە بەرزی ،هەربەشی گۆرە
نەورۆز،وەرزی سەرهەڵدانی کورد
وەرزی ژینەوە، بەرخۆدانی کورد
مزگێنی لەتۆ کێژی بەهاری
بەرداشی گەلم ،بەردی دەهاڕی
هێندەی نەماوە بۆ کەلی نەورۆز
بەردەم لە دڵم ئاگڕی نەورۆز
دیوتە کێژی کورد ؟قۆلی هەڵمالی
لێم چۆتە چیاو چەۆتی ئەمالی
لەمنت کەۆی ئەی ئاسکی هەردم
ئەی شۆرەسواری چاخی سەردەم
چلک وچەپەری نێو دڵ وحالم
دار و بەرد، سەر و سیپالم
بیدە لەسەری دووژمنی زالم
نەورۆزە ، بکە خاوێنی مالم
عەزیز عەلزادە 22/12/94💥🔥👈کانال @Azizkawlani

سڵاو هاوڕێیانی خوشه ویست👋👋

وا نیزیکە و کۆتایی ساڵین
لەم چرکە ساتانەی کۆتایی ساڵ پێت دەڵێم، بمبوورن گەر خراپییەکم بوو🙏
بۆنی ساڵی نوێ هەڵمژن و فەرامۆش بکەن من یان هەر کەسێک باش نەبووین
ڕۆژگارێکی نوێ لە چرۆ دانایە،🌱🌱
ئەوین و ئاوات لە ژیانەوەدایە🌸
بزەی لێوتان ئاواتی ئەم ڕۆژانەی هەتاوە🌞☀️

ئاگات لە دڵی جوانتان بێ
ژیانتان لێورێژ لە شادی🌸☘🌸👋
عەزیز عەلیزادە(کاولانی)

🔥🔥نەورۆزی کوردان پیرۆز بێت 🔥🔥💐💐💐💐
@azizkawlani 🔥

‍ ڕۆژێ فەرمووت تا دەمێنم ئاشنای
دوو چاوی تۆم
بــەو ئـومـێـده مـامـــەوه و ئێستا
نیگـات بێگـانـەیه
خاڵەقازے
من کە ماوم زۆر لە جاران عاشق و دێوانەتر
دیدی تۆێە بەرز دەروانێ رۆم بەروت بێگانەیە
عەزیزعەلیزادە
@azizkawlani

دڵت داوە بە دەس کی کە من نابینی هاوڕێ🌸
@azizkawlani

‍ من عەفرینم من کۆبانیم
باش بزانن قەل وداڵ
وەک دار بەروو
تێهەلدەچم
گوێ نادەم بە درک وداڵ
ریشەم لە زاگڕۆس دایە
هیوام بارین ئەوێستایە
چیان ئەوێ بابردەلە
قانگلاشک بێ مەنزلە
کوردم
کورستان جێگەمە
ژین وژیار هەوارگەمە
مێژووم پر لە شانازییە
بەرخۆدانە گێانبازییە
روح لە داگیرکەر دەگرم
لەپێناو وەلات دا دەمرم
عەزێز عەلیزادە

@azizkawlani

دڵ = دار
کە دڵ بێ دار بوو
جێژوان خەم دەگرێ 😔
دەفتەری منیش شێعر
خۆزگە هێچ دلێ
بێ دار نەبێ 🙏
عەزیز عەلیزادە ۷/۱/۹۷
@azizkawlani 💔❣💔

کە قازی
درا لەدار
لە چۆار پارچەم بوو باران
هەر دلۆپە و
قازێیەک هاتەوە ژیان
..................
ژانی گەلم
لەهەرکوی بێ
لەوێ جستەم دەکات هاۆار
عەزیز عەلیزادە @Azizkawlani1

‍ جاران
هەر من وتۆ بوین
خواش کەمتر خەوی لێ ئەشکاندین
چ ژوورێکی ئارام بوو
باوەشت
کات،
خۆێ ئەکرد بە قوربانت
دەفتەر،
لێزمەی شێعر ئەیبرد
ئازار بە کونی دەرگادا هەڵدەهات
یادی بەخێر
چ شەوێکی کورت بون
ئەوشەوانەی
هەر من وتۆ بوین
عەزیز عەلیزادە۹/۱/۹۷مەهاباد
😭💔😭
ئەو چرکانەی بۆ تۆم سەر بڕین
دانە دانە
باسی ئەودیو چاوت و
ئەودیو وەشەی
خۆشەویستی دەکەن
ئەو شێعرانەی بۆتم نووسین
ئیستە بالێان گرتوە
پێی و شوێنت
لە کاتژمێر ئەپرسن
ئەو ئازارەی
تۆم پێنوسێ
ئیستە بۆتە دارکوتکەو
هێلانە لە گوێمدا دەکات
دەفتەرەکەم
لە خۆم چۆلتر
بۆ پێنوسێکی ئاوس دەگریی
شەرم لەگلۆپی ژوورەکەم دەکات
خەۆتن
هەر ئەلێ ببە بەشەو
من دەمێکە ماندووم
ئەمشەو ژوورەکەم ئاوەدانە
ئەمهەوێ لە تۆدا بخەوم
عەزیز عەلیزادە ۹/۱/۹۷ مەهاباد

سادە دلان
کەپری بەرۆژن
رۆخانی دلیان پێوەیە
ئەمانەتت هێلانە بێ
عەزیز عەلیزادە ۱۱/۱/۹۷
@azizkawlani

چەند وێنەیەکی رۆژی سێزدە بەدەری سالی۹۷ی هەتاوی👇👇👇

من گوڵێکی ژاڪــاو

❤️❤️
@azizkawlani