Ramazon va bahor fasli muborak bo'lsin!

Alloh tutayotgan ro'zangizni, qilayotgan ibodatlaringizni, ehson va duolaringizni qabul qilsin. Ramazon hayr-baraka, sabr-toqat va mehr-oqibat oyi bo‘lsin! 🤲

Shuningdek, bahorning yoqimli havosi, yashillik va gullarning chiroyi sizga quvonch va farovonlik olib kelsin. Yangi fasl hayotingizga yangilanish, baxt va muvaffaqiyat olib kelishini tilayman!

Ramazon muborak! Bahor fasli muborak!

🌱@azamiy - Qalblar oromi!

#kun_oyati

Va biringizga o‘lim kelib: «Ey Robbim, agar mening o‘limimni yaqin muddatga orqaga sursang, bas, sadaqa qilib solihlardan bo‘lsam», demasdan avval, Biz sizlarga rizq qilib bergan narsalardan nafaqa qiling.

Munofiqun surasi, 10-oyat

🌱@azamiy - Qalblar oromi!

Bir kishi Hasan Basriydan so‘rabdi: “Iblis ham uxlaydimi?” U zot: “Uxlaganida edi, rohat topgan bo‘lardik”, deb javob berdilar.

“Talbiysi ibliys” kitobidan.

🌱@azamiy - Qalblar oromi!

#kun_hadisi

Rasululloh sollallohu alayhi vasallam dedilar: “Qabriston va hammomdan tashqari, butun yer yuzi masjiddir”.

Imom Termiziy rivoyati.

🌱@azamiy - Qalblar oromi!

Abu Bakr roziyallohu anhu dedi: “Agar va’z aytsang qisqaroq so‘zla. Albatta, ko‘p gapning ba’zisi ba’zini unuttiradi”.

🌱@azamiy - Qalblar oromi!

Bosh qoʻyib yigʻlashga yelka topmasang ham bilginki, bosh qoʻyib duo qilishga joynamoz bor..

🌱@azamiy - Qalblar oromi!

Tilingni kuchini oʻsha tilingni charxlab bergan ota-onangga koʻrsatma!

🌱@azamiy - Qalblar oromi!

Har bir kechiruvchi inson ortida oʻzining gunohlarini yukini anglab yetgan qalb yotadi...

🌱@azamiy - Qalblar oromi!

– Qachon gapirishni bilishing tarbiyadir.
– Gapirayotgan kishini eshitishing axloqdir.
– Gapirayotgan kishini gapini bo‘lmaslik odobdir.
– Gapirilayotgan narsani anglash hikmatdir.
– Gapirayotgan har-bir kishini tasdiqlamaslik zukkolikdir.

🌱@azamiy - Qalblar oromi!

Allohdan gullar soʻrasang, avval yomgʻir yuborganiga hech ham hayron boʻlma...

🌱@azamiy - Qalblar oromi!

Hasad haqida

Abdulloh ibn Mas’ud roziyallohu anhu: “Shuni bilinglarki, kimki bir bandaga ato etilgan narsada hasad qilsa, u bandaga o‘sha ne’matni ato etganni g‘azablantiradi. U zot esa – Alloh azza va jalladir”, dedilar.

Isbahoniyning “Tavbih va tanbeh” asaridan.

🌱@azamiy - Qalblar oromi!

Suhbatdosh/doʻstni tanlanglar

Qurʼoni Karimda: “Ey voh! Qani edi, falonchini do‘st tutmagan bo‘lsam. Batahqiq, menga Zikr (Qurʼon) kelganidan so‘ng, u (doʻst) meni adashtirdi. Shayton insonni yordamsiz tashlab ketuvchidir”.

Furqon surasi, 28 - 29 oyatlar

🌱@azamiy - Qalblar oromi!

#kun_hadisi

Rasululloh sollalohu alayhi vasallam: “Ummatimdan yetmish ming kishi jannatga hisob-kitobsiz kiradilar. Ular dam soldirmaydilar, irim-sirimlarga ishonmaydilar va Rabbilariga tavakkul qiladilar”, dedilar.

Imom Buxoriy rivoyati.

🌱@azamiy - Qalblar oromi!

#kun_oyati

Shoyadki, yoqtirmagan narsangiz siz uchun yaxshi bo‘lsa. Va shoyadki, yoqtirgan narsangiz siz uchun yomon bo‘lsa, Alloh biladir, siz bilmassiz.

(Baqara surasi, 216-oyat)

🌱@azamiy - Qalblar oromi!

#kun_hadisi

Rasululloh sollallohu alayhi vasallam aytdilar: «Qaysi bir qavm Alloh azza va jallani zikr qilib o‘tirar ekan, farishtalar ularni qurshab oladilar, ularni rahmat o‘rab oladi, ustlariga sakinat-sokinlik tushadi hamda Alloh taolo O‘z huzuridagi farishtalar ichida ularni zikr qiladi».

Imom Muslim rivoyati.

🌱@azamiy - Qalblar oromi!

O‘zing qilmagan ish bilan faxrlanma:

Husnu jamoling bilan faxrlanma, chunki uni sen yaratmagansan.
Naslu-nasabing bilan ham faxrlanma, chunki uni sen tanlamagansan.
Ammo odob-axloqing bilan faxrlanaver, chunki ular bilan o‘zing bezangansan.

🌱@azamiy - Qalblar oromi!

Laylat-ul Qadr kechasi haqida hadislar:

Rasululloh ﷺ dedilar: «Qadr kechasini Ramazonning oxirgi o‘n kechasining toq (kecha)laridan izlanglar».

© Buxoriy va Muslim rivoyati
(Oisha roziyallohu anhodan)

• Rasululloh ﷺ dedilar: «Kim Laylatul Qadr kechasini imon va ixlos bilan bedor o‘tkazsa, uning shu kechagacha sodir etgan barcha gunohlari mag‘firat qilinadi».

© Buxoriy, Muslim va Termiziy rivoyati

• Oisha roziyallohu anho:
«Ey Rasululloh ﷺ, agar Laylatul qadr (ya’ni qadr kechasi) ekanini bilsam, nima deb duo qilay?» deb so‘radilar, shunda Rasululloh ﷺ:

اَللَّهُمَّ إِنَّكَ عَفُوٌّ تُحِبُّ العَفْوَ فَاعْفُ عَنِّي

«Allohumma innaka ’afuvvun, tuhibbul ’afva fa’fu ’anniy», deb ayt», dedilar.

(Ma’nosi: Ey Robbim, Sen afv qilguvchisan va afv qilishni yaxshi ko‘rasan. Meni afv et.)

© Imom Termiziy, Nasaiy, Ibn Moja rivoyati.

🌱@azamiy - Qalblar oromi!

Qafasda tugʻilgan qushlar uchishni kasallik deb oʻylaydi...

🌱@azamiy - Qalblar oromi!

Bir hakimga: «Nega odam birovlarning aybini ko‘rganchalik o‘zining ayblarini ko‘ra olmaydi?» deyishdi. «Chunki inson o‘ziga oshiqdir, oshiq esa ma’shuqining aybini ko‘rmaydi», deb javob berdi.

🌱@azamiy - Qalblar oromi!

Rasululloh sollallohu alayhi vasallam dedilar:
«Zamon oxirlaganda yer yutish, tosh yog‘ishi va boshqa maxluqqa aylantirib qo‘yish sodir bo‘ladi», dedilar. (Sahobalardan biri: «Bu qachon bo‘ladi, yo Rasululloh?» deb so‘radi.) Shunda Rasululloh sollallohu alayhi vasallam: «Raqqosalar va sozlar ko‘payganda, xamr ichilganda», dedilar».

Imom Tabaroniyning «al-Kabir»dagi rivoyati.

🌱@azamiy - Qalblar oromi!