عريـان يـگول

اذا طگاتنه من أعزاز چا ياهو اليرد
حگنه !

وكل هالمسافه البعد وسوالفك تنسمع
جنه احنه حلك بحلك والله عشكنه عشك..!


كاظم اسماعيل الكاطع💜

آآآخ..!

الرسايل كلهن انكتبن عليك ..
وانتَ ذاك الماشفتهن

چـم ظرف ودّيت وعيونك جزتهن ؟!
وانتَ ذاك الشگگتني وشگگتهن


-مثنى كامل💜

النزف يحلالهن ماريدك اتشدهن
ناوي تغيضهن ماتبي اتضمدهن
بعد ماصيرلك مثل الفلوس الدين
العله گد الحاجه من تاخذهن تردهن
انه الخاطرك طينت جم غربيل
خاطر مااطيح وطحت من عدهن
وما سديت بابي ابوجهك اهلي شيوخ
بيبان العتب مانعرف نسدهن
تبعدني شعجب مو جنت عگازات
حته بنومتك يم راسك تمدهن
بس هوه الغصن فزاعه من يصير
العاشن فوگ متنه يگوم يطردهن
اجيت ومو ابوكتك جيتب شضيف
گتلي انطيني شاهد هاك شاهدهن
هيبتهه الجرايد باول المصباح
ويصفن للمسح لو فات موعدهن
بعد مو ذاك اني اليعذر السجين
العميه البلعضام سنونهه اتحدهن
ومو كل مره تسلم منهه يلنعام
الحيايه البلرمل جيتك رزق عدهن
ربك مايضيع حوبت المتعوب
المشابج. جروحه ومايوجدهن
الحگ فانوس سحري اشما يدثره تراب
الجفوف اتمسحه من تحتاج ماردهن
مو گتلك ترد من الحرب مصيوب
سواترهم خشب لاتلبد بسدهن
مدامك عاندت ضل لابد سدهن

#سعد_شميل

يعرفوني عليك العرفتهم بيك

وتريد جروحي اكضهن ...وانسه...واتلافاك

جنت ماي الهم وكامو بدوني
وهضيمة زين ابدلنة بدوني
ومحمد كلشي مايخلص بدوني
اذا مو اني ماتنحل قضية

متت وطف صبح مختصر كلمت وين
وسلامةاللة دفنتة بكطعت الجفين
خذة مجاني سهم من ترس هاي العين
سمعت اني الشمر صيح لخوين حسين

شلون اتريد تعارك وحنة حزامك وذرنا

حسام الشمري

#نعيش_فكَور_اذا_ينسانه_الحسين

ويا سچين اليعجبك اخذنه اعليه !
حلاته الچفن
من يتكاسر بــ أحمر ..

"نهر أبيض"

#المد_الطلابي_باقي

الشاعر صفوت عادل

 عجبني هذا النص كثيراً :
أنا لا أحب الالتزام بنصوص القتل
لا احترم أديان الاغتصاب والسبي
أصلي للحب لا لطمر الذنوب
لا أقول للكافر اسلم
لا أتحدى الضعفاء
لا اقتل لنشر كلمة الرب
ولا اعترف بنبي لا يحترم معارضيه .

ادهم عادل

شرد مني حبيبي والفصاحة
وعرف حبي الحقيقي والفصاحة
النبط وشعبي يلطم والفصاحة
اذا حطيت عقلي ويالبوذية

انه من ال توبه اليسبكون الذيب!!!!
:::::::::::::::::::::::::::::::::::::
اهل تاريخ واضح بتفك والطيب!!!!
:::::::::::::::::::::::::::::::::::::
صندل واليضدهم. كون شمسا اتغيب !!!!
:::::::::::::::::::::::::::::::::::::::
انه ابن الا. كالو. هاهو
نوصل كبل اصدور الخيل

الشاعر مبارك غالي عطشان التوبي /

لم أجد وصفاً لأمي ،

غير أني وجدت في كيانها

معنى أن ينبض قلبي لامرأة


حمزه حسن 💚

ولام على خلي الماصفة وياي ولام
تحسر ضامري ولجم ولام
جمع ولفي بصفاتة الالف ولام
طلع ممنوع طرفة وشح علي


عبادي العماري

اجر ونتي عبالك نغم مناي
بسبب جنت الامنة اليوم مناي
نحلني وكال اخذت السكم مناي
على خصرة الرهيب يضرب مثل بية

عبادي العماري

جروحي لا حصت بحساب وبعيد
ولا بفراح كلبي انشرح ونعاد
شلون احمل ترف فركاك وبعد
ونة بهوتك قيس العامرية

عبادي العماري

مابيك غير العافيه المابيه

كالوا حلاة الصدفة مو يوميه

يومين ماشفتك عظم وجهي نشاف

وانه سبع يومين ياكل بيه

وتفاجئت شفت الاماكن وياي

مشتاگلك اني ادري بيهة أغنيه

شفلي دوه شوگين ولي يسلمك

لا صابني شوگ يبرد شوگي

كل ما هگيتك جيت ما استگبلتك

المعذره دمي نشف بعروگي

عــذبني خلــي اتبــاهة بـــين الوادم

مـا اريد اطـــلع من عشرتك سالم

وڪہ انـتَ ماتدري بمعزتـك بـالروح

خــادم واذا مٰــاا عاجبك هم خــادم

وتفاجئت شفت الاماكن وياي

مشتاگلك اني ادري بيهة أغنيه

خــذهها مـهب الريـــح طــيب علومي

خاصمــت نــاسي يـــاا مشاڪل حبـــك

وبسبتـك منــي تبــروا كومي

يبغــون مٰــاا يبـــغون بـــاقي جنـــبك

وتفاجئت شفت الاماكن وياي

مشتاگلك اني ادري بيهة أغنيه

ياسر فليح

لفت سمع الاذن حكمة ومثل منشود
حكمة وسمعتة بحلك شايب عود
يكولون الكرم بلجودبلماجود
شرايك بلكرم عين ونحر وزنود

اقرة بعنوان طف وعاين معنا جود من الماجود

عبد الحسين الحاتمي

كلبج خل يهيد وبضعن عباس
يشريان البكلبي اليضخ دم لراس
بعدني بلمدينة وبزلم وهواس

ها انتي المكفولة بهاذة الشارب
بس ياشارب يوصل ليج

فاخر التوبي

اتصوريني

طيب من شراي الاول ما افيد اليشتريني

اتصوريني

تايه بزيزايه وحدي
والعشگ طيره غريبه منين ماهدها تجيني

اتصوريني

وشاله زيبگ حطني وكتي بضهر مهره
اترهرز بماعون صيني

اتصوريني

نخله بديالى تلگح نخله بالبصره بعيده السالفه البينج وبيني

اتصوريني

هنه ضلن گطرتين وبعد ماوچد دمعتي وياهي عيني

محسن الخياط

‏اعتذر لنفسي
على سوء اختياري لبعض البشر .