يدمعي بليل على الماشين هدهد
ولازمني يا دهري شبيك هدهد
وحياتك صرت جني عضم هدهد
مطلوب علة ريشات العلية


كاظم الگاطع

جمر وثلج فد كاس ينجمعن شلون
جمر لون شفاة وثلج السنون

سعد محمد الحسن

وثيقة بكل فخر كلبي وثقلاك
جبل ماشفت بخلاقك وثقلاك
الك يرخص دمع عيني وثقلاك
الكلب لمن يدك يوكع بدية

جبار رشيد

يومي تاة في فجرة وليلاة
ضائع لم يجد شخصا ولي لاة
قيس يشرب الخمر وليلى
ماتت قبل ماتكتب وصية

مهند العزاوي

شغلاتك من جنت وياي ومقدر
حمامه حضره محد يمد جفه اعليك
لاشكلو جناحك لا الريش انجر
وكالولي! !
اليطحك ترى المنك بيك
كتلهم شلون؟ كالو اتصور
بضلوعه الكصارالجادر امن يطيح
واول مايهدمه البالعزه موزر
سواجي ثنينه بس هيه هم توفيق
طلع للدخن دربك واني للعنبر
وشفتك منجل وكتلهم استفهام
بس كالولي عمي صويحبك زنجر
اليدنك بالحرب مو شرط جازه الخوف
انا من دنكت بالرؤس جاي انحر

للمبدع المتألق❤
#سعد_شميل

مثل جربة عشت
تعدمني من ارويك
سعد شميل

كبيت وراح اسولف عن كبوتي
وحرت عن ضيمي شحجي عن كبوتي
عكس مالت محمد عنكبودي
شال الخيط دلاهم علية

تعال وشوف من حالي شمر صار
ودمع بجفاك ماينزل شمر صار
نخيتة وياي ماگصر شمر صار
كطع راسي وشماتة طوف بية

اني اريد يا ابن فاطمه امانا مستمسكا بيدي من طارق الزمن


دعاء ابي عبدالله الحسين (ع) من كل شر ومرض

كسر العظام يهون يتشافه ويروح ؟؟
حيرت اليجبرون لن كسري بالروح؟؟
.......................................................
سهله الكسر بالروح تندل مكانه ؟؟
بس جرحي وين ايصير ماعرف انه ؟؟
....................................................
وتكلي عن الروح يسهل كسرها ؟؟
من تنكسر بالحال يخلص عمرها ؟؟
.......................................................
كَلبك حجر مركون مابين الضلوع ؟؟
بس انشغلت وياك صايرلي موضوع ؟؟
..........................................................
لاتنشغل وياي ومنين اعرفك ؟؟
مره ابحرت وياك غرّكَني جرفك ؟؟
.....................................................
أنه اصبحت جتال وانت الضحيه ؟؟
جا هيه بالمكَلوب جا هيجي هيه ؟؟
..................................................
أدري الوجه مندار والغيري عينه ؟؟
يوميه وي بحّار مثل السفينه ؟؟
...................................................
لومُخلص البحّار ماغركَاها ؟؟
ومن غركَت المفروض يغركَـ وراها ؟؟

سامحيني يانبع ريحان حبي
الغارك بروض المحبة
سامحيني ياملاك الرغبتني
بهالحياة المالي بيهه
جنت رغبة
سامحيني ياطلبتي البلعمر
والعمر ينطي البشر بالدنيا طلبه
ووآنة رايي
آنة رايي بهالحجاية البيني
وبينج بسيطة وموش صعبة
يارخص حبي وغلات اجفاي
عندج يارخص عيني المسجبة
جا نسيت افلانه انا الماصح ورك
وبورد كمتي اتكاتبيني
جانسيت افلانه انا ذاك الاجي
ولو جوا هلج تحت العباية اتلبديني
جا نسيتي امرار ماجي ومثل
جية المفصلة لمن تجيني
ها ترى جدم الصخر لان وتكلم
وهم صخر لو جان كلبج كلميني
كلميني بعد مابياش اكلج
سامحيني
واخجل النفسي وسمعتي لني واكف بين اديج
اتوسلج وتحاسبيني
سامحيني ؟؟

لــ .. عبادي العماري

شما يكبر زرع وشما كثر محصول
جن العمر يرجع يزغر الفلاح
يكلبي شبيك بعد لتصير ادم لو شفت تفاح
لوما بابكم مقفول ماينغر علي مفتاح
يامه اجيك بشوك وتردني كئيب
وخاطري تكسره ولا تكول اجبره
كل امنياتي اصبح الاهلك نسيب
كن البنات ارجال بس انتي مره
جسمي من اجفيت نحلان وسليب
في سباك الوزن غلبتني اشعره
انسان لكن فيه من طبعك يذيب
ما انام الليل لابد اسهره
ليل ويحب جيتي الشخص الغريب
الماكدرت احمي يطلبني استره
الدنيا وش هالدنيا لو شح الحبيب
شما تضوي المكبره تضل مكبره
السبب عشكك والا ماعرف النحيب
الليل لوما الشمس ياهو ليكدره
الما محكك فرحتي الكسمه ونصيب
الليل يكصر شاربو بشمعه تره
يالعنود شبيك حس فيني منغيب
الغيمه من تغيب تكثر لصحره
ليه تزعل لو جفيتك يالحبيب
اليرضه يصبح جسر ينداس اضهره
اختبرني وروح ضم بالصحره ذيب
لو اجيبن جثتي لو جيب اخبره
الشجر في الساحه له فين رهيب
لكن بس شجراتي تعطيك اثمره
ماشي هورك لو صبح نايك طبيب
اليزرع الفانوس مايحصد ضوه
شيخ وهوه المر واحسنه كريب
مو جديد المر انه ربات اكهوه
شدهه عيني وحطلي طيره وانه اصيب
النيته بيضه يصيد بالشبجه هوه..

الرائع .. علي المنصوري

عريـان يـگول

اذا طگاتنه من أعزاز چا ياهو اليرد
حگنه !

وكل هالمسافه البعد وسوالفك تنسمع
جنه احنه حلك بحلك والله عشكنه عشك..!


كاظم اسماعيل الكاطع💜

آآآخ..!

الرسايل كلهن انكتبن عليك ..
وانتَ ذاك الماشفتهن

چـم ظرف ودّيت وعيونك جزتهن ؟!
وانتَ ذاك الشگگتني وشگگتهن


-مثنى كامل💜

النزف يحلالهن ماريدك اتشدهن
ناوي تغيضهن ماتبي اتضمدهن
بعد ماصيرلك مثل الفلوس الدين
العله گد الحاجه من تاخذهن تردهن
انه الخاطرك طينت جم غربيل
خاطر مااطيح وطحت من عدهن
وما سديت بابي ابوجهك اهلي شيوخ
بيبان العتب مانعرف نسدهن
تبعدني شعجب مو جنت عگازات
حته بنومتك يم راسك تمدهن
بس هوه الغصن فزاعه من يصير
العاشن فوگ متنه يگوم يطردهن
اجيت ومو ابوكتك جيتب شضيف
گتلي انطيني شاهد هاك شاهدهن
هيبتهه الجرايد باول المصباح
ويصفن للمسح لو فات موعدهن
بعد مو ذاك اني اليعذر السجين
العميه البلعضام سنونهه اتحدهن
ومو كل مره تسلم منهه يلنعام
الحيايه البلرمل جيتك رزق عدهن
ربك مايضيع حوبت المتعوب
المشابج. جروحه ومايوجدهن
الحگ فانوس سحري اشما يدثره تراب
الجفوف اتمسحه من تحتاج ماردهن
مو گتلك ترد من الحرب مصيوب
سواترهم خشب لاتلبد بسدهن
مدامك عاندت ضل لابد سدهن

#سعد_شميل

يعرفوني عليك العرفتهم بيك

وتريد جروحي اكضهن ...وانسه...واتلافاك

جنت ماي الهم وكامو بدوني
وهضيمة زين ابدلنة بدوني
ومحمد كلشي مايخلص بدوني
اذا مو اني ماتنحل قضية

متت وطف صبح مختصر كلمت وين
وسلامةاللة دفنتة بكطعت الجفين
خذة مجاني سهم من ترس هاي العين
سمعت اني الشمر صيح لخوين حسين

شلون اتريد تعارك وحنة حزامك وذرنا

حسام الشمري

#نعيش_فكَور_اذا_ينسانه_الحسين