Սուրբ ծննդյան ավետիսներ՝ «Այբ»-ի աշակերտների կատարմամբ 🤍

🔶«Մեկ ձայն» անկախ դպրոցների ասոցիացիայի նախաձեռնությամբ «Այբ» դպրոցում անցկացվեց «Մեկ ձայնի» անդամ դպրոցների բասկետբոլի թիմերի միջդպրոցական առաջնությունը:
🟧Մասնակցում էին «Մեկ ձայնի» անդամ դպրոցներից 7-ը, որոնց թիմերը կազմված էին 13, 14 և 15 տարեկան աշակերտներից: Առաջնությանը ընդհանուր մասնակցեց 70 աշակերտ։ Իսկ խաղի մրցավարները հրավիրված էին Հայաստանի բասկետբոլի ֆեդերացիայի մրցավարական կազմից:
🟠«Մեկ ձայնի» բասկետբոլային առաջնությունում լավագույնն էին «Եվրոպական» դպրոցի թիմը, որը զբաղեցրեց երրորդ տեղը, «Ավետիսյան» դպրոցինը, որը դարձավ արծաթե մեդալակիր՝ զբաղեցնելով երկրորդ տեղը, և «Արեգնազան» կրթահամալիրինը, որը ճանաչվեց մրցույթի հաղթող՝ գրավելով առաջին պատվավոր տեղը:
Շնորհավորում ենք☺️
https://aybschool.am/am/page/mekdzayn_basketball

🔶Ձեր ուշադրությանն ենք ներկայացնում «Ինքնություն և արժեքներ» հաղորդաշարի 5-րդ թողարկումը։
Առաջնորդության թեմայի շուրջ զրուցում են՝
🟧ABBYY, iiko, Yva.ai ընկերությունների եւ «Այբ»-ի համահիմնադիր Դավիթ Յանը,
🟧Flagship Pioneering ընկերության հիմնադիր եւ գլխավոր գործադիր տնօրեն, «Մոդերնա» ընկերության համահիմնադիր նախագահ Նուբար Աֆեյանը,
🟧«Միկշին» կազմակերպության հիմնադիր նախագահ, «Այբ» դպրոցի ՀԽ անդամ, բարերար Տիգրան Հարությունյանը։
«Ինքնություն և արժեքներ» հեռուստաշարքը նկարահանվում է «Այբ» դպրոցում և եթեր է հեռարձակվում «Արմենիա» հեռուստաընկերությամբ։ Այս հանդիպում-քննարկումները յուրահատուկ ձևաչափ են հասարակության հետ կարևոր թեմաների շուրջ երկխոսելու համար։
https://www.youtube.com/watch?v=xatDrknaXHI

🔸Կարո՞ղ է արդյոք արհեստական բանականության ստեղծած արվեստը դառնալ լուրջ մշակութային գործոն։ Ի՞նչ կարող է տալ գեներատիվ արվեստը, իսկ ի՞նչ կարող ենք կորցնել։

📙«Այբ» դպրոցում անցկացվող «Ինքնություն եւ արժեքներ» նախագծի տարեվերջյան բացառիկ քննարկման բանախոսներին էին արհեստական բանականության ոլորտի ջատագովներ Immaterial Future Association-ի տնօրենների խորհրդի նախագահ Դմիտրի Ակսյոնովը և ABBY, iiko,Yva.ai և «Այբ»-ի համահիմնադիր Դավիթ Յանը։

💡Քննարկման թեման մշակույթի ապագան էր տեխնոլոգիական հեղափոխության դարաշրջանում։

https://itel.am/am/news/14082

Երեք օր շարունակ «Այբ»-ում անուշահամ բույր էր տիրում. փոքրիկները մայրիկների հետ թխում էին ամանորյա «Ասիլիկ-Վասիլիկ» 😇

Տարրական դպրոցի աշակերտները թխվածքաբլիթների պատրաստման համար լուրջ աշխատանքներ էին արել։ Դպրոցի խոհարարից իմացել էին բաղադրատոմսը, տատիկներից լսել ու գրի առել պատմություններ, ապա հաշվել մթերքները՝ գումարել, հանել ու բազմապատկել սովորել ☺️

Իսկ պատրաստված թխվածքաբլիթները վաճառեցին դպրոցի ամանորյա բարեգործական տոնավաճառում 🎄

Ամանորյա էտյուդներ 🧑‍🎄🤶🎄

Բեմին «Այբ» ավագ դպրոցի աշակերտներն են 🤍

«Ինքնություն և արժեքներ» հաղորդաշարի այս թողարկումը նվիրված է հայ ինքնության առանձնահատկություններին: Ի՞նչ է ազգային ինքնությունը, ի՞նչ դերակատարություն այն ունի մեր կյանքում և որո՞նք են ցուցիչները, որոնք բնութագրում են հայ ազգը. այս և այլ հետաքրքիր թեմաների մասին զրուցել են՝

Կոմիտասի թանգարան-ինստիտուտի գիտական խորհրդի նախագահ, ՀՀ արվեստի վաստակավոր գործիչ Մհեր Նավոյանը,

Հայաստանի արդյունաբերողների և գործարարների միության նախագահ, «ԱՊԱՎԵՆ» ՍՊԸ գլխավոր տնօրեն Արսեն Ղազարյանը,

«Այբ» կրթական հիմնադրամի և «Այբ» դպրոցի համահիմնադիր, աստվածաբան, գիտնական Տ. Մեսրոպ քհն.Արամյանը։
«Ինքնություն և արժեքներ» հեռուստաշարքը նկարահանվում է «Այբ» դպրոցում։ Այս հանդիպում-քննարկումները յուրահատուկ ձևաչափ են հասարակության հետ երկխոսելու կարևոր թեմաների շուրջ։
https://www.youtube.com/watch?v=tqZDRU6OWj8

Կրթական հեղինակավոր կազմակերպությունները, որոնց թվում է նաև «Այբ» կրթական հիմնադրամը, հանդես են եկել Արցախի շրջափակումը դատապարտող հայտարարությամբ և դիմել Հայաստանում միջազգային կառուցների ու առաքելությունների ներկայացուցիչներին՝ ընդգծելով, որ միայն միանշանակ և հասցեական քննադատությունը, պատասխանատվության միջոցներն ու գործողությունները կարող են երաշխավորել Արցախում բնակվող 30,000 երեխաների կյանքն ու անվտանգությունը, նրանց կրթության իրավունքը։

Ամբողջական տեքստին ծանոթացեք այստեղ ➡ http://bit.ly/3GkNpmk

*

The biggest and most prominent educational organizations, including the Ayb Educational Foundation, released a statement condemning the blockade of Artsakh and appealed to representatives of international organizations and missions in Armenia to intervene. It is emphasized that only direct and targeted criticism, measures, and actions can ensure the safety and lives of 30,000 children living in Artsakh, as well as their right to education.

Read the full text of the statement here ➡ http://bit.ly/3GkNpmk

🔶«Այբ»-ում հյուրընկալեցինք Հայաստանում կայացած առաջին «Bebras 2022 Armenia» մրցույթը, որը նախաձեռնել էր «Codzilla» ՏՏ ուսումնական կենտրոնը։ «Bebras»-ը ինֆորմատիկայի միջազգային մրցույթ է, որի նպատակն է երեխաների մոտ բարձրացնել համակարգչային գիտության նկատմամբ հետաքրքրությունը: Մրցույթին մասնակցեցին 6-րդ և 7-րդ դասարանների 26 աշակերտ մարզերից ու Երևանից:

📙Ինֆորմատիկայի միջազգային մրցույթի մասին մանրամասն այստեղ՝ https://medium.com/@codzillakids/bebras-armenia-2022-a-successful-contest-for-young-coders-59f3ab7284d7

🔶Ինչի՞ շնորհիվ է, որ երեխաները ձեռք են բերում երազանքներ, որոնք ուղղորդում են նրանց կյանքում և դառնում են հաջողության գլխավոր գրավականը։ Այս հաղորդումը բաց և անմիջական զրույց է «Այբ» դպրոցի 2022 թվականի երեք շրջանավարտների հետ, որոնք 12-րդ դասարանում ստեղծեցին մի սարք, որը բարեհաջող տիեզերք ուղարկվեց։

https://www.youtube.com/watch?v=NSEalSNOnC0

✨Սուրբ Ծննդյան հրաշքին հաղորդակից լինելու գաղտնիքը խոնարհ սիրտն է։

Թե ուսուցիչ ես` հետևի՛ր գիտուն մոգերին, ովքեր գնացին խոնարհվելու Մանուկ Հիսուսի մսուրին, թե աշխատակից ես` նայի՛ր պարզասիրտ հովիվներին, ովքեր առաջինը ականջալուր եղան Սուրբ Ծննդյան հոգեթով Ավետիսին, թե աշակերտ ես` սիրե՛լ սովորիր Մանուկ Հիսուսից, ով մեզ սիրեց անսակարկ և ներեց անհիշաչար կերպով և խոստացավ մեզ հետ լինել մինչև աշխարհի վախճանը։

🫶Սուրբ Ծննդյան Պատարագին բոլորս միասնաբար խնդրենք, որպեսզի Աստծու շնորհով մեր հավատից բխեն աղոթասիրության, կրթությունից` իմաստության և մեր գործերից հայրենաշինության կենարար աղբյուրներ:

ՔՐԻՍՏՈՍ ԾՆԱՎ ԵՒ ՀԱՅՏՆԵՑԱՎ.
ՕՐՀՆՅԱԼ Է ՀԱՅՏՆՈՒԹՅՈՒՆՆ ՔՐԻՍՏՈՍԻ

📙Սուրբ ծննդյան պատգամը՝ «Այբ» դպրոցի հոգևոր հովիվ Աշոտ քահանա Սաֆարյանի

Այսօր շնորհակալության միջազգային օրն է։ Իսկ դուք հասցրե՞լ եք շնորհակալություն ասել ձեզ շրջապատող մարդկանց ☺️

🫶Աշակերտներն անակնկալ շնորհակալական բացիկներ բաժանեցին ուսուցիչներին ու աշխատակիցներին։

📙Համակարգերը, որոնց մեջ չկա սեր, նմանվում են դժոխքի։ Գործը, որն արվում է առանց սիրո, դառնում է տառապանք։ Երեխաները, որոնց կրթում են առանց սիրո, դառնությամբ են լցվում կրթության նկատմամբ։ Արամ Փախչանյանի հաղորդումը կրթության մեջ սիրո դերի մասին է։
https://www.youtube.com/watch?v=QRuzFh0SGYs

«Այբ»-ում մեկնարկեց Արցախի շաբաթը 🧡

Ավագ դպրոցի աշակերտների նախաձեռնությամբ շաբաթվա ընթացքում նախատեսվում են արցախյան մշակույթին, պատմությանը, կենցաղին վերաբերող ճանաչողական միջոցառումներ։ 😊

📙Արցախյան ոգով այբական շաբաթվա մեկնարկն էլ տրվեց Համայնքի ժամին։ 10-րդ դասարանցիներ Էրիկ Ճաղարյանը և Եվա Մուրդայանը ներկայացրին Արցախի պատմությունը։

🎥Նախագծային ուսումնառության ֆիլմարտադրության ակումբի աշակերտները երկու հեռուստաֆիլմ էին պատրաստել հայկական արծաթի և տարազի մասին, որոնք կարող եք դիտել նշված հղումներով
🎞 Հայկական գենով հագուստ՝ https://youtu.be/9Ax3457Zzc4
🎞 Հայկական բնավորությամբ մետաղ՝ https://youtu.be/K71FYY1Pgzg
🔶Ֆիլմերի շնորհանդեսը տեղի ունեցավ ամռանը` Լուսիկ Ագուլեցու տուն-թանգարանում: