‏فيديو من قاطعوا💚

# *متشابه أمور*
لحفظة القرآن:

-في البقرة: "فسواهن سبع سموات"،
وفي فصلت: "فقضاهن".

-في البقرة: "وقلنا يا آدم اسكن"،
وفي الأعراف: "ويا آدم اسكن".

-وفي البقرة: "وظللنا عليكم الغمام"،
وفي الأعراف: "وظللنا عليهم الغمام".

-في البقرة: "فانفجرت منه"،
وفي الأعراف: "فانبجست".

-في البقرة: "بعد الذي جاءك من العلم"،
وفي الرعد: "بعد ما جاءك من العلم".

-في البقرة: "للطائفين والعاكفين"
وفي الحج: "والقائمين".
(لا اعتكاف في الحج)

-في البقرة: "وما أنزل إلينا"،
وفي آل عمران: "علينا".

-في البقرة: "أو لو كان آباؤهم لا يعقلون شيئاً"،
وفي المائدة: "لا يعلمون".

-في آل عمران: "لكيلا تحزنوا"،
وفي الحديد: "لكيلا تأسوا".

-في النساء: "وخلق منها زوجها"،
وفي الأعراف: "وجعل".

-في النساء: "إن تبدوا خيراً".
وفي الأحزاب: "شيئاً".

-في الأنعام: "من إملاق"،
وفي الإسراء: "خشية إملاق".

-في الأعراف: "فأرسل معي بني إسرائيل"،
وفي طه: "معنا".

-في الأعراف: "وأرسل في المدائن حاشرين"،
وفي الشعراء: "وابعث".

-في الأعراف: "ثم لأصلبنكم"،
وفي طه: "ولأصلبنكم".

-في التوبة: "يريدون أن يطفئوا"،
وفي الصف: "ليطفئوا".

-في يونس: "فأتبعهم فرعون وجنوده"،
وفي طه: "بجنوده".

-في هود: "وأمطرنا عليها"،
وفي الحجر: "عليهم".

-في الحجر: "وما يأتيهم من رسول"،
وفي الزخرف: "من نبي".

-في الحجر: "كذلك نسلكه"،
وفي الشعراء: "سلكناه".

-في الكهف: "ولئن رددت"،
وفي فصلت: "ولئن رجعت".

-في الكهف: "فأعرض عنها"،
وفي السجدة: "ثم أعرض عنها".

-في طه: "وسلك لكم فيها سبلاً"،
وفي الزخرف: "وجعل لكم".

-في الأنبياء: "وأرادوا به كيداً فجعلناهم الأخسرين"،
وفي الصافات: "فأرادوا به كيداً فجعلناهم الأسفلين".

-في الأنبياء: "وتقطعوا أمرهم بينهم"،
وفي المؤمنون: "فتقطعوا".

-في النمل: "ففزع من في السموات"،
وفي الزمر: "فصعق".

-في القصص: "وما أوتيتم"،
وفي الشورى: "فما أوتيتم".

-في العنكبوت: "ولقد تركنا منها آية"،
وفي القمر: "ولقد تركناها آية".

-في فصلت: "ثم كفرتم به"،
وفي الأحقاف: "وكفرتم به".

-في المدثر: "كلا إنه تذكرة"،
وفي عبس: "كلا إنها تذكرة".

جعلنا الله وإياكم من أهل القرآن الكريم.

#متشابه_القرآن💙

‏مقطع صوتي من قاطعوا💚

❁──❁──❁──❁──❁──❁──❁
•• دورة مدرسة الذاريات 💡••
شرح فضيلة الشيخ
م/علاء حامد

المحاضرة التاسعة »
{أني مغلوب فانتصر}

┈┉━━━ • ✿ ✿ • ━━━┉┈

📩 رابط المحاضرة (9) على الساوند:

https://on.soundcloud.com/w7nYU9RPqkhcAEi37


🔖 رابط المحاضرة (9) على اليوتيوب:

https://youtu.be/Pmc5tlLOiV4?si=y9OYDRWe0rDwnf_c

🔖 رابط إختبار المحاضرة (9)

📍 *رابط الاختبار (٩) الأساسي: «نساء من ٤٠ إلى ١٧٥»*
https://forms.gle/tULdooMV9ZCzvgnP9

📍 *رابط الاختبار (٩) الأساسي«نساء من ١٧٦ إلى ٣١٠»*

https://forms.gle/rfeWd6eLrR2aXkBq7

┈┉━━━ • ✿ ✿ • ━━━┉┈

قناة دورات التدبُّر م.علاء حامد على التليجرام👇🏻
https://t.me/tdburalquran

صفحة الدورات على الفيس بوك👇🏻
https://www.facebook.com/profile.php?id=100083070533939

قناة المُبادرات على التيلجرام👇🏻
https://t.me/mobadra1alaahamed
┈┉━━•✿••❅✿❅••✿•━━┉┈
هدف دوراتنا »»
طالب علم يعبدُ الله على بصيرة🤍

الدرس التاسع من سورة الذاريات

*🔰ملخص المحاضرة التاسعة🔰*
*🎀سلسة مدرسة الذاريات🎀*
*✍🏻م. علاء حامد*
➖🌸➖🌸➖🌸➖🌸➖

الحمد لله وأشهدُ أن لا إله إلا الله وحده لا شريك له وأشهدُ أن محمدًا عبده ورسوله صلى الله عليه وسلم أما بعدُ...

*🟣سورة القمر سورة مكية*
↩️ وبدأت بالكلام عن المعجزة التي حصلت وهي انشقاق القمر
*🔍{فَتَوَلَّ عَنْهُمْ يَوْمَ يَدْعُ الدَّاعِ إِلَىٰ شَيْءٍ نُّكُرٍ}*
✍️هنلاقي إن بعد فتولى عنهم فيه وقف لازم ميم الرقعة دي ( ۘ ) وقف لازم فتولى عنهم بعدها وقف لإن هنا مش مقصود فتولى عنهم يوم يدع الداعي إنما فتولى عنهم يعني في الدنيا وبعد كده كلام جديد
⛔امتى يُشرع للإنسان يتولى عن المدعو؟❓
✅لما يكون فعلًا أدى ما عليه!
لكن ده لا يمنع *{وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ}*
مِن وقت لآخر ممكن أنت تُذكره لكن مش هيكون اهتمامك مُنصب عليه
*🔍{فَتَوَلَّ عَنْهُمْ}*
↩️ده إذن مِن الله أنت إذا أعرضت أنت غير مُقصر بل النبي عليه الصلاة والسلام كان بيبالغ في دعوة قومه لدرجة إن الله سبحانه وتعالى قال:
*{فَلَعَلَّكَ بَاخِعٌ نَّفْسَكَ عَلَىٰ آثَارِهِمْ إِن لَّمْ يُؤْمِنُوا بِهَٰذَا الْحَدِيثِ أَسَفًا}*
يعني أنت هتموت نفسك عشان الناس دي!
➖🌸➖🌸➖🌸➖🌸🌸➖🌸
*🔍{يَوْمَ يَدْعُ الدَّاعِ إِلَىٰ شَيْءٍ نُّكُرٍ}*
✍️ يعني إلى شيء مُنكر فظيع لا يعلم أمره إلا الله سبحانه وتعالى
↩️مشاهد يوم القيامة، أحداث يوم القيامة، مواقف الحساب، مواقف العذاب، أحوال أهل الجحيم
يومها بقى سيكون حالهم كالتالي: ⤵️
*🔍{خُشَّعًا أَبْصَارُهُمْ يَخْرُجُونَ مِنَ الْأَجْدَاثِ كَأَنَّهُمْ جَرَادٌ مُّنتَشِرٌ}*
⛔ما معنى خشعًا أبصارهم؟❓
✅ يعني فيه أبصارهم خشوع
الخشوع مش هو الخشوع المحمود هنا خشوع لا ينفعهم لإن خشوع منتجش عن الانقياد لله والاستجابة لله وإنما نتج عن الذلة والمهانة الإجبارية التي حصلت عليهم
↩️أهل الإيمان في الدنيا يخشعون لله؛ فلما كانوا خاشعين في الدنيا اختيارًا وانقيادًا واستسلامًا لرب العزة سبحانه وتعالى كانوا يوم القيامة أعزة مرفوعي الرؤوس على منابر مِن نور يركبون الركائب وتستقبلهم الملائكة
*🔍{يَخْرُجُونَ مِنَ الْأَجْدَاثِ}*
👈 الأجداث معناها القبور.

🔍*{كَأَنَّهُمْ جَرَادٌ مُّنتَشِرٌ}*
👈جرادٌ منتشر هنا وصف... طبعًا دايمًا ربنا لما بيوصف شيء بيقربه بحاجة تفهمها العرب، العرب عارفة صورة الجراد المنتشر هنا التصوير التشبيه بحركتهم وهما طالعين مِن القبور الهلع والفزع والرعب إن هما بُعثوا بالفعل والصدمة اللي حصلتلهم
↩️يطلعوا في حالة مرعبة لإن هما عارفين إن هما كدبوا باليوم ده واكتشفوا إن هما فجأة بُعثوا وطالعين متوقعين هيحصل فيهم إيه، فحالة الذعر والهلع مخلياهم طالعين بيتحركوا حركة سريعة حركة فيها اضطراب حركة فيها انتشار وتموج أنت متخيل يخرجون مِن الأجداث مش طالعين كده زي المؤمن.
↩️النبي عليه الصلاة والسلام بيقول : *"المؤمن حين ينشق عنه القبر يلقاه القرآن"*
✍️لما أنت صاحبتني في الدنيا أنا لازم أقف معاك في الآخرة ":أنا صاحبك القرآن أنا الذي أسهرت ليلك وأظمأت هو اجرك ويُعطى الملك بيمينه والخلد بشماله"
↩️وناس تطلع مِن القبور هتلاقي الملايكة بتستقبلها *{وَتَتَلَقَّاهُمُ الْمَلَائِكَةُ هَٰذَا يَوْمُكُمُ}*

🌸➖🌸➖🌸➖🌸➖🌸➖
*🔍{مُّهْطِعِينَ إِلَى الدَّاعِ}*
✍️يعني مسرعين إلى الداع أول ما يدعوهم الداع تعالوا هنا تلاقيهم جري راحوا طبعًا هما في جريهم مفيش نظام زي ما قولنا جراد منتشر بس هو بيجري بهلع بيتصور إن هو لما يجري ويستجيب كده بسرعة هيتقدرله السرعة دي
يعني مجرد ما أي حد يدعوه يجري عليه عارف أنت اللي هو بيسمع الكلام بس بعد إيه! هذا لا ينفعهم

*⛔الداع ما هو الداع؟❓*
✍️الداع الله، الداع محمد صلى الله عليه وسلم، الداع القرآن كل ما يدعوك إلى الله كل ما سرعتك هنا تبقى أعلى كل ما هناك هتستريح "مَن ترك الراحة طلب الراحة" وكل ما تستجيب هنا أسرع كل ما هناك تستريح أكتر
➖🌸➖🌸➖🌸➖🌸➖🌸
*🔍{مُّهْطِعِينَ إِلَى الدَّاعِ يَقُولُ الْكَافِرُونَ هَٰذَا يَوْمٌ عَسِرٌ}.*
✍️ربنا وصف يوم عاد بيوم نحس، وسيدنا لوط وصف اليوم اللي جات فيه الملايكة وكده *{وَقَالَ هَٰذَا يَوْمٌ عَصِيبٌ}*
👈والنبي عليه الصلاة والسلام نهى عن سب الدهر قال: "لا تُسبوا الدهر"
⛔هل ده مِن سب الدهر؟❓
✅لأ، سب الدهر إن أنت تسُب الدهر معبرًا عن اعتراضك على القدر
لكن أنا كوني وصفت يوم ده وصف هنا ده وصف مجرد مش اعتراض ولا حاجة إنما هو وصف اليوم فعلًا بوصف يليق بيه، يوم كان صعب فبقول يوم صعب يوم كان فيه عذاب فبقول يوم كان نحس وهنا نحس عليهم هما لإن هو مكنش نحس بشكل دايم كان فيه ناس تانية حصلتلهم أحداث حلوة لما سيدنا لوط يقول *{هَٰذَا يَوْمٌ عَصِيبٌ}*

↩️فأنت مثلًا رجعت مِن الشغل تقول النهاردة كان يوم صعب جدًا تقول النهاردة الامتحان كان صعب واليوم كان صعب فده مش سب للدهر ده وصف لأحداث فعلًا كانت صعبة وحصلت فده غير ده لكن السب اللي هو أنت بتسب الدهر مش بتوصفه أنت بتسبه لكي تبين الضجر وقلة الصبر هو ده المنكر.
🌸➖🌸➖🌸➖🌸🌸➖🌸
*🔍{۞ كَذَّبَتْ قَبْلَهُمْ قَوْمُ نُوحٍ فَكَذَّبُوا عَبْدَنَا وَقَالُوا مَجْنُونٌ وَازْدُجِرَ}*
✍️كذبت قبلهم قوم نوح دول أول قوم دي البداية أول قوم أشركوا، قال ابن عباس "كان بين آدم وبين نوح ألف عام على التوحيد" أول شرك وقع في قوم نوح
➖🌸➖🌸➖🌸➖🌸➖🌸
*🔍{وَازْدُجِرَ}*؟
↩️تحتمل معنيين:
👈المعنى الأول: وازداد جنونًا فوق الجنون.
👈المعنى التاني: زجره قومه وصدوه عن الدعوة وأذوْه ومنعوه مِن البلاغ وحاولوا صده عن البلاغ.
✍️سبب الخلاف هو: ازدُجر دي هل هي مِن كلام القوم ولا مِن كلام الله.

➖🌸➖🌸➖🌸➖🌸➖
*🔍{فَدَعَا رَبَّهُ أَنِّي مَغْلُوبٌ فَانتَصِرْ}*
✍️الدعوة دي طالعة مِن نوح عليه السلام طالعة مِن قلب واحد بقاله ألف سنة إلا خمسين عامًا بيُؤذَى وبيبُتلى وبيُسب وبيُمنع مِن الدعوة وبيُظلم
↩️بقاله ألف سنة إلا خمسين عامًا صابر مدعاش على قومه قط ألف سنة إلا خمسين عامًا وبعد كده ما آمن معه إلا قليل وأُوحي إليه أنه لن يؤمن مِن قومك إلا مَن قد آمن هنا فاض بيه الكيل وطفح بقى خلاص مش قادر وهنا دعى نوح على قومه فقال ربي *{أَنِّي مَغْلُوبٌ فَانتَصِرْ}*
↩️أنا عايزك تتخيل حرارة الدعوة دي عايزك تتخيل كمية الصدق والإخلاص والحرارة ومدى الظلم اللي بيشعر بيه سيدنا نوح وهو بيطلع الدعوة دي.

✍️النبي عليه الصلاة والسلام: "دعوة المظلوم لا تُرد" ربنا يقول: "لأنصرنكِ ولو بعد حين" ده المظلوم اللي اتظلم دلوقتي اللي اتظلم مِن ساعة، أومال نبي تقي نبي نوح عليه السلام مِن أولي العزم مِن الرسل بقاله ألف سنة إلا خمسين عامًا صابر وطلع دعوة بقى دعوة العالم اتقلب، الكون اتقلب مِن بعديها بدعوة والعجيب إن دعوة سيدنا نوح عبارة عن 3 كلمات بس!
↩️هذه أقوى دعوة في التاريخ الدعوة دي غيرت وجه الأرض كله اتغير بتلت كلمات!.
👈إذًا الدعوة مش بعدد كلماتها الدعوة مش بحسن تنميقها وسياقها والسجع اللي فيها لأ لأ الدعوة قلب
*"الله لا يقبل الدعاء مِن قلب لاهٍ غافل"*
↩️أحد السلف بيقول إني لأعلم متى يُجاب دعائي قالوله متى يُجاب دعائك؟ 👈قال: "إذا خشع قلبي ورقت جوارحي ونزل دمعي علمتُ أن الله قد أجاب دعوتي"

*🟣بص بقى الإجابة عاملة إزاي:*
1️⃣ {فَفَتَحْنَا أَبْوَابَ السَّمَاءِ بِمَاءٍ مُّنْهَمِرٍ}
👈أبواب السماء، المطر منزلش مِن السحاب ده فيه أبواب في السماء اتفتحت، اتفتحت السماء مش السحاب، السماء نفسها هذا البنيان، البنيان المتماسك اللي هو السماء
باب سماء بيتفتح المياه مش بتنزل مِن سحابة الموضوع أكبر مما تتخيل، الأرض كلها غرقت كلها، كوكب الأرض كله غرق أبواب السماء فيه أبواب اتفتحت فيها وبدأ ينزل المطر مباشرة مِن السماء!
2️⃣ {وَفَجَّرْنَا الْأَرْضَ عُيُونًا}
👈مش العيون اللي هي أصلًا بتطلع مياه خليناها تطلع مياه بزيادة لأ
الأرض اتفجرت بقت كلها عيون لدرجة إن ربنا قال *{وَفَارَ التَّنُّورُ}* [هود : 40] يعني بدأت المياه تطلع مِن الفرن، الفرن اللي هو مينفعش تطلع منه مياه ودي كانت العلامة، بداية النهاية، ربنا خلى كل الأرض عبارة عن عيون عشان كمية المياه لازم الأرض كلها تتحول عيون عشان الموضوع أكبر مما تتخيل لدرجة المياه بقت تطلع مِن التنور، مِن كل حتة بتطلع منها مياه.
➖🌸➖🌸➖🌸➖🌸
*🔍{فَالْتَقَى الْمَاءُ عَلَىٰ أَمْرٍ قَدْ قُدِرَ}*
✍️وكله محسوب وكله بقدر وكله بوقت متستعجلش
المعجزة
*{وَحَمَلْنَاهُ عَلَىٰ ذَاتِ أَلْوَاحٍ وَدُسُرٍ}*
✍️السفينة اللي سيدنا نوح كان بيبني فيها طول الفترة اللي فاتت وقومه يسخروا منه
السفينة البسيطة اللي سيدنا نوح قعد يبنيها ربنا بيوصفها إن هي سفينة مجرد ألواح ودسر !
👈دسر جمع دسار قالوا الدسار ده يعني المسمار
وقيل الدسار هو كل شيء بيربطك بشيء تاني
إزاي سفينة تصمد في ماء بينزل مِن فوق ومِن تحت! يعني إزاي مهما كانت كيف تصمد في هذه العاصفة الرهيبة؟
*{تَجْرِي}* إيه؟ *{بِأَعْيُنِنَا}* بس خلاص!
*{تَجْرِي بِأَعْيُنِنَا}*
✍️ يعني برعايتنا وبكلائتنا وحفظنا
لو ربنا أراد ليك إن جعلك في عنايته والله العظيم لو حواليك موج فتن كالجبال وقدراتك محدودة ألواح ودسر والله هتعدي
ولو أنت ربنا لا يحفظك ولا يريد لك الكلائة ولست في عينه سبحانه وتعالى لو طلعت على جبال الفتن هتوصلك وهتجيبك وهتنزلك
فسأل الله أن يرحمك وسأل الله أن يعتني بك وأن يجعلك في عينه وكلائته.

➖🌸➖🌸➖🌸➖➖🌸
*🔍{وَلَقَد تَّرَكْنَاهَا آيَةً فَهَلْ مِن مُّدَّكِرٍ}*
*{تَّرَكْنَاهَا آيَةً}*
↩️ تحتمل أقوال:
👈القول الأول: يعني تركنا قصة نوح آية.
👈القول التاني: يعني تركنا سفينة نوح آية، وقيل إن سفينة نوح ظلت موجودة إلى زمن نزول الوحي، هي دلوقتي مش معلوم.
👈القول التالت: يعني السفن عمومًا آية تظل كل سفينة بتشوفها آية تذكرك بقصة نوح وتذكرك كيف حمى الله سفينة ضعيفة بصنع بشر إنسان واحد في كل هذه الأمواج العاتية عشان تفتكر دايمًا وتعتبر أن الله على كل شيء قدير وأنه يحفظ مَن يشاء بما شاء سبحانه وتعالى.
*"وأعلم أن الأمة لو اجتمعت على أن ينفعوك لن ينفعوك إلا بشيءٍ قد كتبه الله لك ولو اجتمعوا على أن يضروك لن يضروك إلا بشيءٍ قد كتبه الله عليك رُفعت الأقلام وجفت الصحف"*
➖🌸➖🌸➖🌸➖🌸➖🌸
*🔍{جَزَاءً لِّمَن كَانَ كُفِرَ}*
👈فهذا جزاء مَن كفر بالله سبحانه وتعالى.

*🔍{فَهَلْ مِن مُّدَّكِرٍ (15) فَكَيْفَ كَانَ عَذَابِي وَنُذُرِ}*
👈انظر كيف كان عذابي ولكن بعد إنذار أنا لم أُعذب إلا بعد أن أنذرت.

*🔍{وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ}*
👈كم فيها تشجيع لكل متكاسل عن الانشغال بالقرآن
➖🌸➖🌸➖🌸➖🌸
*🔍{كَذَّبَتْ عَادٌ فَكَيْفَ كَانَ عَذَابِي وَنُذُرِ}*
✍️عاد قوم هود كذبوا، طبعًا ربنا دائمًا بيذكر عاد وثمود بالذات لإن دول مِن العرب بيسموهم العرب البائدة العرب اللي هلكوا
*🔍{إِنَّا أَرْسَلْنَا عَلَيْهِمْ رِيحًا صَرْصَرًا}*
✍️ريح شديدة، شديدة البرودة باردة برود رهيب
ليه ربنا اختار لعاد الريح؟ عاد *{قَالُوا مَنْ أَشَدُّ مِنَّا قُوَّةً}*
↩️ودي مشكلتهم أنت بقى شايف نفسك قوي طب تعالى عارف ههلكك بإيه مش بصيحة لأ مش بزلزال لأ مش بملايكة لأ بالهوا، الهوا اللي أنت بتتنفسه الهوا اللي أنت بتستروح بيه الهوا هتشوف هعمل فيك إيه بأقل حاجة في نظرك
*🟣بس هعمل 3 حاجات:*
1️⃣ هزود سرعته.
2️⃣ هزود برودته.
3️⃣ هطول المدة.
✍️بس ووريني قوتك ، كان الراجل مِن قوم عاد راجل ضخم هائل كان بيُنزع نزع مِن الأرض بالرياح يتشال مِن الأرض يترمى فوق وبعد كده يتقلب وينزل على راسه!

*🔍{رِيحًا صَرْصَرًا فِي يَوْمِ نَحْسٍ مُّسْتَمِرٍّ}*
✍️قيل مستمر يعني العذاب استمر عليهم فترة وقيل مستمر يعني استمر عذابهم بعد الموت
*🔍{نَحْسٍ مُّسْتَمِرٍّ}*
✍️يعني اللي يموت فيهم كان يخش في العذاب اللي بعده عذاب القبر عذاب البرزخ فعذابهم استمر مش مجرد موت وانقطع العذاب لأ ده بيموت يخش في العذاب بتاع البرزخ على طول.
🌸➖🌸➖🌸➖🌸➖🌸
*🔍{كَذَّبَتْ ثَمُودُ بِالنُّذُرِ}*
↩️ بِالنُّذُرِ تحتمل معنيين:
👈 النُذر جمع نذير والنذير هنا بمعنى الرسول يعني كذبوا الرسل
👈المعنى التالي للنُذر جمع نذير وهي الإنذارات اللي جتلهم يعني معجزات الرسول يعني قصص الأولين اللي سمعوها فكذبوا حتى بالنُذر دي.
➖🌸➖🌸➖🌸➖🌸➖
*🔍{فَقَالُوا أَبَشَرًا مِّنَّا وَاحِدًا نَّتَّبِعُهُ إِنَّا إِذًا لَّفِي ضَلَالٍ وَسُعُرٍ}*
✍️طب لو كانوا اتنين كانت هتفرق معاك؟ هو أي كلام عشان تعرف إن منبع الكلام هوى!
طب إيه المشكلة إن هو بشر؟ يعني ليه هو كداب عشان بشر؟
أنت لو ربنا أرسلك ملك مش هيعجبك لإن الملك هيقولك اتبعوني هتقوله نتبعك إزاي؟ أنت لا بتمرض ولا بتنام ولا بتاكل ولا بتشرب ولا بتجوز أنت معصوم أنت مبتغلطش إحنا عايزين واحد شبهنا!
🌸➖🌸➖🌸➖🌸➖🌸
*🔍{فَقَالُوا أَبَشَرًا مِّنَّا وَاحِدًا نَّتَّبِعُهُ إِنَّا إِذًا لَّفِي ضَلَالٍ وَسُعُرٍ}*
✍️وسُعُر قيل يعني وجنون
وقيل السُعُر أي في عناء ومشقة وضيق
وقيل السُعُر يعني لهب النار.
*{أَأُلْقِيَ الذِّكْرُ عَلَيْهِ مِن بَيْنِنَا}*
✍️فين المشكلة؟ إيه المشكلة إن ينزل عليه وحي مِن بينك؟ هو لما ينزل لازم كلكم تحسوا!
🌸➖🌸➖🌸➖🌸➖🌸
*{بَلْ هُوَ كَذَّابٌ أَشِرٌ}*
✍️أشِر يعني متكبر
كذاب امتى؟ وسيدنا صالح كان بيتوصف إن هو الصادق الأمين برضو وأكيد كان أحسن واحد فيكم وأكيد كلكم عارفينه {وَإِلَىٰ ثَمُودَ أَخَاهُمْ صَالِحًا} ده أخوك وأنت عارفه أِجَن امتى! ده أعقل واحد فيكم وطول عمركم مكبرينه وعارفينه
➖🌸➖🌸➖🌸➖🌸
*{سَيَعْلَمُونَ غَدًا مَّنِ الْكَذَّابُ الْأَشِرُ}*
✍️ده أنت اللي كداب وأنت اللي أشِر وبكرة هتعرف مَن الكداب
*{غَدًا}*
👈 يعني يوم القيامة العرب تُسمي أي مستقبل غدًا.

*🔍{إِنَّا مُرْسِلُو النَّاقَةِ فِتْنَةً لَّهُمْ فَارْتَقِبْهُمْ وَاصْطَبِرْ}*
✍️فتنة قدامك ربنا بيجعلها قدامك مِن باب الاختبار عشان يرى سبحانه وتعالى مَن يخافه ويخشاه بالغيب
➖🌸➖🌸➖🌸➖🌸
*🔍{وَنَبِّئْهُمْ أَنَّ الْمَاءَ قِسْمَةٌ بَيْنَهُمْ}*

✍️ هما اللي طلبوا الناقة وقالوا لسيدنا صالح لو طلعتلنا ناقة حامل مِن الصخرة دي هنؤمن بيك طلعت ناقة حامل مأمنوش
ناقة واضحة جلية هنعمل إيه أكتر مِن كده! فظلموا بها وكانت ناقة ضخمة كانت ناقة ضخمة جدًا لدرجة إن هي عايزة يوم لوحدها تشرب في البحيرة مينفعش حد يشرب معاها..
↩️ طيب حصل إيه؟ اتفقوا قالوا خلاص الاتفاق إن هي تشرب يوم وإحنا نشرب يوم طب اليوم اللي إحنا مش هتشرب فيه؟ كانوا بيحلبوها ويشربوا لبنها فيه أحلى مِن كده!
*🔍{كُلُّ شِرْبٍ مُّحْتَضَرٌ}*
👈كل واحد ييجي في يومه لكن سبحان الله...
*🔍{فَنَادَوْا صَاحِبَهُمْ}*
✍️قَدار بن سالف أو قُدار بن سالف أشقى القوم
*🔍{إِذِ انبَعَثَ أَشْقَاهَا}*
*🔍{فَنَادَوْا صَاحِبَهُمْ فَتَعَاطَىٰ فَعَقَرَ}*
✍️واتفقوا معاه وادوله فلوس واتفقوا معاه على هدية وعلى جايزة إن هو يدبح الناقة دي مِن كتر غلهم وغيظهم منها طب ما تؤمنوا بيها!
وصاحب الحق يكفيه دليلٌ واحد وصاحب الهوى لا يكفيه ألف دليل.
*🔍{فَنَادَوْا صَاحِبَهُمْ فَتَعَاطَىٰ فَعَقَرَ}*
✍️ قالوا تعاطى يعني بذل مجهود عشان يدبحها لإن هي مكنتش سهلة كانت ناقة ضخمة
*🔍{فَكَيْفَ كَانَ عَذَابِي وَنُذُرِ}*
✍️رغم إن اللي عقرها واحد لكن كلهم خططوا كلهم دبروا كلهم كانوا راضيين فكانوا شركاء ليه في نفس الإثم.
➖🌸➖🌸➖🌸➖🌸
*🔍{إِنَّا أَرْسَلْنَا عَلَيْهِمْ صَيْحَةً وَاحِدَةً}*
✍️صاح فيهم جبريل صيحة واحدة فكانوا كانوا كالهشيم، الهشيم المحتظر يعني عارفين الهشيم لما الزرع ييبس لدرجة إن هو يبقى هش كده هما الصيحة دي خلتهم فجأة كلهم يابسين كالزرع الهش.

✍️وقيل كهشيم المحتظر إن العرب كانت تاخد الهش ده كان يتحول لشوك في الآخر كانت بتعمل بيه حظيرة بدل ما يحطوا سلك في الحظيرة يحطوا الحاجات المشوكة دي يعملوا بيها حظيرة.

✍️وقيل إن العرب كانت بتستغل المناطق الهشة دي يعملها حظيرة يقولك المنطقة الهشة دي أخليها تبات فيها الإبل تبات فيها الأغنام فهي منطقة هشة

🌸➖🌸➖🌸➖🌸
*سبحانك اللهمَّ ربنا وبحمدك أشهدُ أن لا إله أنت أستغفرك وأتوب إليك.*

💫 *رابط اختبار المحاضرة التاسعة "نساء" :*

*رابط الاختبار (٩) الأساسي: «نساء من ٤٠ إلى ١٧٥»*
‏https://forms.gle/tULdooMV9ZCzvgnP9


🚨 *مُلاحظة:*
___
رقم مجموعتك هو 50

الدرس العاشر من تفسير الذاريات

*🔰ملخص المحاضرة العاشرة🔰*
*🎀سلسلة مدرسة الذرايات 🎀*
*✍️م.علاء حامد*

➖🌸➖🌸➖🌸➖🌸

بسم الله والحمد لله وأشهد أن إله إلا الله وحده لا شريك له وأشهد أن محمداً عبده ورسوله صلَّ الله عليه وسلم أما بعدُ :

*🔍 {كَذَّبَتۡ قَوۡمُ لُوطِۭ بِٱلنُّذُرِ}*
⛔ما المقصود بالنذير؟
✅النُذُر معناها الرسل
↩️معنى جميل فيها إن بالرغم إن قوم لوط كذّبوا رسول واحد إلا إن ده معناه إن أي حد يكذب رسول واحد ده يساوي إنه كذّب كل الرسل لأن كلهم كان دعوتهم واحدة ما من رسول إلا قال لقومه *{اعْبُدُوا اللَّهَ مَا لَكُم مِّنْ إِلَٰهٍ غَيْرُهُ}*
↩️أو المعنى التاني للنُذُر اللي هي جمع نذير يعنى النُذُر السابقة ما جاءكم من أنباء الأمم السابقة ، النُذُر يعنى العبر والآيات اللي ربنا ورهالكم
➖🌸➖🌸➖🌸➖🌸
*🔍{إِنَّآ أَرۡسَلۡنَا عَلَيۡهِمۡ حَاصِبًا}* يعني حجارة
*🔍{إِلَّآ ءَالَ لُوطٖۖ نَّجَّيۡنَٰهُم بِسَحَرٖ}*
✍️المقصود بآل لوط هو لوط وبناته لأن هو تقريباً لم ينجو من هذا الأمر إلا لوط فقط كرجل وبناته حتى إمرأته كانت من الغابرين طلعت معاه في الأول بس التفتت فهلكت
↩️ربنا سبحانه وتعالى جمع على قوم لوط يعني مالم يجمعه على أحد
*{أَتَأْتُونَ الْفَاحِشَةَ مَا سَبَقَكُمْ بِهَا مِنْ أَحَدٍ مِنَ الْعَالَمِينَ}*
🟠ربنا جمع عليهم أنواع عجيبة من العذاب:-
*◀️أولاً*_ سيدنا جبريل نزل عليهم ورفع قرى قوم لوط بطرف جناحه رفعهم حتى سمعت الملائكة نباح كلاب القرية بدأ صوتهم يبقى عند الملائكة بعد كده قلبهم طب ليه قلبهم؟
↩️لأن ده مناسب للي عملوه لأن هم نكسوا الفطرة قلبوا الفطرة ، قلبوا القانون الرباني الذكر ميجامعش ذكر ، الذكر لا يأتي ذكر، لا يركب ذكر، الذكر للأنثى فقط
فهلكوا مهلك غير طبيعي *{إِنَّآ أَرۡسَلۡنَا عَلَيۡهِمۡ حَاصِبًا إِلَّآ ءَالَ لُوطٖۖ}*
يعني من شدّة فُحش اللي عمله قوم لوط إن ربنا مذكرش كفرهم يعني حتى بعض العلماء بيقول هو قوم لوط كانوا كفّار؟!!
إن↩️ت لو تتبعت قصة لوط عليه السلام في القرآن كله مش هتلاقي إن سيدنا لوط كلمهم على التوحيد!!
تركيز الخطاب القرآني على الفاحشة في قوم لوط بالذات بدون الكلام على التوحيد ◀️هل كان عندهم شرك وأصنام والكلام ده كأن شيء مُلفت يدل على خطورة القضية دي وإن القضية دي متركز عليها تركيز مش طبيعي، تركيز رهيب جداً علشان تنقل للأجيال اللي بعد كده القضية دي لو حصلت في زمن من الأزمان إن لازم كله يسيب اللي في إيده ويركز عليها لأن القضية دي لو عدت دمار الدمار، لو عدت أجيال هتدمر، مجتمعات هتُهلك، أسر ستُباد، أطفال ستُشرد، إن إحنا نوصل لمرحلة إن بقى خلاص مقبول إن يبقى فيه ذكر وذكر وأنثى وأنثى وده كلام خطير جداً
◀️أحد الصحابة لما قرأ الآيات دي استنكر جداً قال لولا أن الله ذكر لنا قصة قوم لوط ما ظننت أن رجلاً يأتي رجل، وده في أي مجتمع فعلاً سوي، أي مجتمع نضيف ميصدقش الكلام ده.
🌸➖🌸➖🌸➖🌸

*🔍{إِنَّآ أَرۡسَلۡنَا عَلَيۡهِمۡ حَاصِبًا إِلَّآ ءَالَ لُوطٖۖ}*
✍️ لوط بس هو اللي كان رافض وبناته بس غير كده كل المجتمع قابل حتى النساء في المجتمع كانوا قابلين مش بيعملوا حاجة لأن هو الفاحشة كانت بين الرجال لكن راضيين بيها حتى إمرأة لوط في قوله تعالى :
*{ضَرَبَ اللَّهُ مَثَلًا لِّلَّذِينَ كَفَرُوا امْرَأَتَ نُوحٍ وَامْرَأَتَ لُوطٍ ۖ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتَاهُمَا}*
✍️هنا الخيانة مش مقصود بيها إنها خانته خيانة الفراش، لكن المقصود هنا بالخيانة خانته في العقيدة، خالفته في المعتقد وخانته في إن هي كانت بتؤيد هذا المنكر.
➖🌸➖🌸➖🌸🌸
👈سيدنا لوط كان بيحاول مع قومه :
*🔍{قَالَ يَا قَوْمِ هَٰؤُلَاءِ بَنَاتِي هُنَّ أَطْهَرُ لَكُمْ}*
👈المقصود ببناتي اللي هم النساء نساء الأمة لأن النبي بيعتبر أب للأمة زي ما زوجات النبي عليه الصلاة والسلام أمهات المؤمنين.
فإمرأة لوط كانت بتقر بما حصل وبتساعد عليه يعني هي اللي دلت قوم لوط على الأضياف يعني لما جه جبريل وميكائيل وإسرافيل لسيدنا لوط.
➖🌸➖🌸➖🌸➖🌸
⛔الهوس اللي في العالم ده بيقوده جهتين العلمانية والرأس مالية ليه؟ ⁉️
✅ العلمانية عشان قبول الموضوع ده بيهد أكتر في المعتقدات والأديان والأعراف .
✅ والرأس مالية لأن السُعار الجنسي ده بيجيب فلوس مهوله على مستوي العالم والناس بتبيع منتجات وأفلام وإباحية بتجيب مليارات فلازم السُعار الجنسي ده عشان الناس تفضل في الموال ده .
➖🌸➖🌸➖🌸➖🌸
*🔍{نَجَّيْنَاهُمْ بِسَحَرٍ}*
✍️هو أصلاً القصة كلها حصلت بالليل إن هم جوله بالليل وخبطوا عليه وقالوله عايزين الأضياف اللي عندك وبتاع فهيحصل اللي هنشوفه كمان شويه فتوعدوه الصبح هنيجي وهننتقم منك الصبح فربنا قال *{ألَيْسَ الصُّبْحُ بِقَرِيبٍ}*

↩️فحصل في السَحَر بالليل ربنا أوحى للوط إن هو يخرج مع بناته والكلام ده علشان الصبح هينزل العذاب فقوله *{نَجَّيْنَاهُمْ بِسَحَرٍ}* كلمة جميلة أوي تدلك على شرف الوقت ده
في وقت السحر ينزل ربنا جل في علاه إلى السماء الدنيا يقول (هل من تائب، هل من مستغفر، هل من سائل)
↩️وقت السَحَر هو وقت العطايا، وقت الكرامات، وقت النجاة نجّي نفسك في السَحَر، نجّي قلبك في السَحَر، نجّي دينك في السَحَر، استغفر في السَحَر، قابل ربنا في السَحَر، السَحَر وقت رائع ياجماعة

*🔍{نَجَّيْنَاهُمْ بِسَحَرٍ * نِّعْمَةً مِّنْ عِندِنَا}*
✍️الله... فيقولك ليس السهل إنك يبقى عندك نعمة ولكن جمالها إنها من عند الله!!
↩️بتنقلنا نقلة جميلة فضل الشكر، شرف الشكر أعظم عبادة تنجي الإنسان الشكر *{كَذَٰلِكَ نَجۡزِي مَن شَكَرَ}* ↩️يعني كل اللي بيشكر ربنا بينجيه قاعدة كل اللي بيشكرنا بننجيه، كل اللي بيؤدي حق شكر نعم الله سبحانه وتعالى ربنا بيراضيه وينجيه ويزيده .
⛔النجاة من إيه؟⁉️
✅النجاة بقى من أي مشكلة تحصلك، من أي مصيبة، من أي أزمة، من أي ضائقة طول ما إنت بتشكر ربنا يراضيك
"الشكر سبيل النجاة" *{ كَذَٰلِكَ نَجۡزِي مَن شَكَرَ}*
🔺قاعدة آخرى:
*"السَحَر وقت العطايا والهبات والنجاة والنزول الإلاهي"*

➖🌸➖🌸➖🌸➖🌸
*🔍{وَلَقَدۡ أَنذَرَهُم بَطۡشَتَنَا فَتَمَارَوۡاْ بِٱلنُّذُرِ}*
✍️يعني سيدنا لوط أنـذرهم كتير *{ بطشتنا }* يعني حذرهم من عقاب الله *{فَتَمَارَوۡاْ بِٱلنُّذُرِ}* يعني شككوا وجادلوا ويستهزأوا ويقولوا *{ائْتِنَا بِعَذَابِ اللَّهِ إِنْ كُنْتَ مِنَ الصَّادِقِينَ}*
*{ فَتَمَارَوۡاْ بِٱلنُّذُرِ }*
يعني شككوا في هذه الإنذارات
*{وَلَقَدۡ رَٰوَدُوهُ عَن ضَيۡفِهِ}*
✍️جاء لسيدنا لوط سيدنا جبريل وميكائيل وإسرافيل في صورة رجال طبعاً حلوين جداً بالنسبالهم ده هدف رائع فإمرأة لوط قالت على الموضوع ده، هم جوه وقافلين طبعاً الباب فبيخبطوا افتح ليه؟ عايزين الناس اللي عندك جوة دول !
*{وَلَا تُخْزُونِ فِي ضَيْفِي أَلَيْسَ مِنكُمْ رَجُلٌ رَّشِيدٌ * قَالُوا لَقَدْ عَلِمْتَ مَا لَنَا فِي بَنَاتِكَ مِنْ حَقٍّ وَإِنَّكَ لَتَعْلَمُ مَا نُرِيدُ}*
✍️سيدنا لوط واقف في أزمة سادد الباب .. الناس هيدغدغوا الباب وقاعدين يخبطوا وهيكسروا الباب وهيضربوا سيدنا لوط وهياخدوا الأضياف يعملوا فيهم الفاحشة بكل المقاييس فسيدنا لوط في عز الأزمة دي
*{قَالَ لَوْ أَنَّ لِي بِكُمْ قُوَّةً}*
👈معييش حد يساعدنى أنا لوحدي :
*{ أَوْ آوِي إِلَىٰ رُكْنٍ شَدِيدٍ}*

✍️أو حد يساعدني حد يشد أذري
سبحان الله في عز الأزمة كان أصلاً الفرج بينه وبين لوط متر واحد متر واحد كان بينه وبين الفرج بس أحياناً الإنسان بيبقى مش شايف لكن الإنسان كل اللي عليه يتأكد دائماً إن كل ماتتأزم يبقى الفرج قريب جداً بس إنت مش شايف تأكد إن الدنيا لما بتتأزم إن النصر إقترب وأن النصر مع الصبر والفرج مع الكرب {إِنَّ مَعَ الْعُسْرِ يُسْرًا}
كان الفرج أقرب إليه مما يتخيل وهو لا يشعر إنت متخيل أصلاً إن هو كان قاعد في مكان فيه جبريل وميكائيل وإسرافيل يعني سيدنا لوط بيتوقع إن أنا لوحدي طيب أعمل إيه؟ ⁉️
وميعرفش إن معاه أقوى الملائكة على الإطلاق!!
👈 كم يكون الفرج قريب منك وأنت لا تدري ولكنه إختبار الصبر ولكن الله يختبر صبرك الفرج قريب وبينه وبين إن هو يوصلك إختبار الصبر، إختبار الرضا، إختبار حُسن الظن بالله، إختبار حُسن التوكل على الله تنجح يروح الفرج واصلك على طول!
✍️ فساعتها الملايكة اتكلموا أول ما سيدنا لوط يعني صبر وبذل وفعلاً خلاص جاب الآخر واشتد :
ساعتها راحوا اتكلموا
*🔍{قَالُوا يَا لُوطُ إِنَّا رُسُلُ رَبِّكَ لَن يَصِلُوا إِلَيْكَ}*
↩️يااااه على إحساس سيدنا لوط وهو بيسمع الخبر ده!
كمية الطمأنينة اللي نزلت عليه ، تنهيدة الخلاص فُرجت الحمد لله يعني حاجة جامدة جداً لما واحد في عز الأزمة يلاقي فجأة إنت أصلاً إنت عارف مين قدامك؟ أنا جبريل، هذا ميكائيل، وهذا إسرافيل يا الله على الإحساس والجمال والروعة والطمأنينة والسكينة ونجاح سيدنا لوط اطمن الموضوع خلص لن يصلوا إليك
🌸➖🌸➖🌸➖🌸➖
*🔍{وَلَقَدْ رَاوَدُوهُ عَنْ ضَيْفِهِ}*
⛔ حصل إيه؟
قال *🔍{فَطَمَسْنَا أَعْيُنَهُمْ}*
✍️سيدنا جبريل طلع فتح الباب وبعد كده عمل بإيده بس
⛔يعني إيه طُمست أعينهم؟
✅قيل طُمست أعينهم يعني فقدوا الإبصار وقيل طُمست أعينهم يعني غارت عيونهم في محاجرها كأن مفيش عين أصلاً كلها جلد
ركز في العقوبة مشكلتهم كانت في حاجتين في عمى القلب وفي النظر المحرم فكان جزائهم إن تروح العين خالص وكل اللي واقفين راحت عيونهم والعجيب إن هم رغم اللي حصل ده متعظوش خدوا بعضهم ومشوا قيل في الرواية يتحسسوا الحوائط ويتوعدوا لوط بالعودة غداً بص العمى قال سبحانه وتعالى عنهم :