💫 *رابط اختبار المحاضرة التاسعة "نساء" :*

*رابط الاختبار (٩) الأساسي: «نساء من ٤٠ إلى ١٧٥»*
‏https://forms.gle/tULdooMV9ZCzvgnP9


🚨 *مُلاحظة:*
___
رقم مجموعتك هو 50

الدرس العاشر من تفسير الذاريات

*🔰ملخص المحاضرة العاشرة🔰*
*🎀سلسلة مدرسة الذرايات 🎀*
*✍️م.علاء حامد*

➖🌸➖🌸➖🌸➖🌸

بسم الله والحمد لله وأشهد أن إله إلا الله وحده لا شريك له وأشهد أن محمداً عبده ورسوله صلَّ الله عليه وسلم أما بعدُ :

*🔍 {كَذَّبَتۡ قَوۡمُ لُوطِۭ بِٱلنُّذُرِ}*
⛔ما المقصود بالنذير؟
✅النُذُر معناها الرسل
↩️معنى جميل فيها إن بالرغم إن قوم لوط كذّبوا رسول واحد إلا إن ده معناه إن أي حد يكذب رسول واحد ده يساوي إنه كذّب كل الرسل لأن كلهم كان دعوتهم واحدة ما من رسول إلا قال لقومه *{اعْبُدُوا اللَّهَ مَا لَكُم مِّنْ إِلَٰهٍ غَيْرُهُ}*
↩️أو المعنى التاني للنُذُر اللي هي جمع نذير يعنى النُذُر السابقة ما جاءكم من أنباء الأمم السابقة ، النُذُر يعنى العبر والآيات اللي ربنا ورهالكم
➖🌸➖🌸➖🌸➖🌸
*🔍{إِنَّآ أَرۡسَلۡنَا عَلَيۡهِمۡ حَاصِبًا}* يعني حجارة
*🔍{إِلَّآ ءَالَ لُوطٖۖ نَّجَّيۡنَٰهُم بِسَحَرٖ}*
✍️المقصود بآل لوط هو لوط وبناته لأن هو تقريباً لم ينجو من هذا الأمر إلا لوط فقط كرجل وبناته حتى إمرأته كانت من الغابرين طلعت معاه في الأول بس التفتت فهلكت
↩️ربنا سبحانه وتعالى جمع على قوم لوط يعني مالم يجمعه على أحد
*{أَتَأْتُونَ الْفَاحِشَةَ مَا سَبَقَكُمْ بِهَا مِنْ أَحَدٍ مِنَ الْعَالَمِينَ}*
🟠ربنا جمع عليهم أنواع عجيبة من العذاب:-
*◀️أولاً*_ سيدنا جبريل نزل عليهم ورفع قرى قوم لوط بطرف جناحه رفعهم حتى سمعت الملائكة نباح كلاب القرية بدأ صوتهم يبقى عند الملائكة بعد كده قلبهم طب ليه قلبهم؟
↩️لأن ده مناسب للي عملوه لأن هم نكسوا الفطرة قلبوا الفطرة ، قلبوا القانون الرباني الذكر ميجامعش ذكر ، الذكر لا يأتي ذكر، لا يركب ذكر، الذكر للأنثى فقط
فهلكوا مهلك غير طبيعي *{إِنَّآ أَرۡسَلۡنَا عَلَيۡهِمۡ حَاصِبًا إِلَّآ ءَالَ لُوطٖۖ}*
يعني من شدّة فُحش اللي عمله قوم لوط إن ربنا مذكرش كفرهم يعني حتى بعض العلماء بيقول هو قوم لوط كانوا كفّار؟!!
إن↩️ت لو تتبعت قصة لوط عليه السلام في القرآن كله مش هتلاقي إن سيدنا لوط كلمهم على التوحيد!!
تركيز الخطاب القرآني على الفاحشة في قوم لوط بالذات بدون الكلام على التوحيد ◀️هل كان عندهم شرك وأصنام والكلام ده كأن شيء مُلفت يدل على خطورة القضية دي وإن القضية دي متركز عليها تركيز مش طبيعي، تركيز رهيب جداً علشان تنقل للأجيال اللي بعد كده القضية دي لو حصلت في زمن من الأزمان إن لازم كله يسيب اللي في إيده ويركز عليها لأن القضية دي لو عدت دمار الدمار، لو عدت أجيال هتدمر، مجتمعات هتُهلك، أسر ستُباد، أطفال ستُشرد، إن إحنا نوصل لمرحلة إن بقى خلاص مقبول إن يبقى فيه ذكر وذكر وأنثى وأنثى وده كلام خطير جداً
◀️أحد الصحابة لما قرأ الآيات دي استنكر جداً قال لولا أن الله ذكر لنا قصة قوم لوط ما ظننت أن رجلاً يأتي رجل، وده في أي مجتمع فعلاً سوي، أي مجتمع نضيف ميصدقش الكلام ده.
🌸➖🌸➖🌸➖🌸

*🔍{إِنَّآ أَرۡسَلۡنَا عَلَيۡهِمۡ حَاصِبًا إِلَّآ ءَالَ لُوطٖۖ}*
✍️ لوط بس هو اللي كان رافض وبناته بس غير كده كل المجتمع قابل حتى النساء في المجتمع كانوا قابلين مش بيعملوا حاجة لأن هو الفاحشة كانت بين الرجال لكن راضيين بيها حتى إمرأة لوط في قوله تعالى :
*{ضَرَبَ اللَّهُ مَثَلًا لِّلَّذِينَ كَفَرُوا امْرَأَتَ نُوحٍ وَامْرَأَتَ لُوطٍ ۖ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتَاهُمَا}*
✍️هنا الخيانة مش مقصود بيها إنها خانته خيانة الفراش، لكن المقصود هنا بالخيانة خانته في العقيدة، خالفته في المعتقد وخانته في إن هي كانت بتؤيد هذا المنكر.
➖🌸➖🌸➖🌸🌸
👈سيدنا لوط كان بيحاول مع قومه :
*🔍{قَالَ يَا قَوْمِ هَٰؤُلَاءِ بَنَاتِي هُنَّ أَطْهَرُ لَكُمْ}*
👈المقصود ببناتي اللي هم النساء نساء الأمة لأن النبي بيعتبر أب للأمة زي ما زوجات النبي عليه الصلاة والسلام أمهات المؤمنين.
فإمرأة لوط كانت بتقر بما حصل وبتساعد عليه يعني هي اللي دلت قوم لوط على الأضياف يعني لما جه جبريل وميكائيل وإسرافيل لسيدنا لوط.
➖🌸➖🌸➖🌸➖🌸
⛔الهوس اللي في العالم ده بيقوده جهتين العلمانية والرأس مالية ليه؟ ⁉️
✅ العلمانية عشان قبول الموضوع ده بيهد أكتر في المعتقدات والأديان والأعراف .
✅ والرأس مالية لأن السُعار الجنسي ده بيجيب فلوس مهوله على مستوي العالم والناس بتبيع منتجات وأفلام وإباحية بتجيب مليارات فلازم السُعار الجنسي ده عشان الناس تفضل في الموال ده .
➖🌸➖🌸➖🌸➖🌸
*🔍{نَجَّيْنَاهُمْ بِسَحَرٍ}*
✍️هو أصلاً القصة كلها حصلت بالليل إن هم جوله بالليل وخبطوا عليه وقالوله عايزين الأضياف اللي عندك وبتاع فهيحصل اللي هنشوفه كمان شويه فتوعدوه الصبح هنيجي وهننتقم منك الصبح فربنا قال *{ألَيْسَ الصُّبْحُ بِقَرِيبٍ}*

↩️فحصل في السَحَر بالليل ربنا أوحى للوط إن هو يخرج مع بناته والكلام ده علشان الصبح هينزل العذاب فقوله *{نَجَّيْنَاهُمْ بِسَحَرٍ}* كلمة جميلة أوي تدلك على شرف الوقت ده
في وقت السحر ينزل ربنا جل في علاه إلى السماء الدنيا يقول (هل من تائب، هل من مستغفر، هل من سائل)
↩️وقت السَحَر هو وقت العطايا، وقت الكرامات، وقت النجاة نجّي نفسك في السَحَر، نجّي قلبك في السَحَر، نجّي دينك في السَحَر، استغفر في السَحَر، قابل ربنا في السَحَر، السَحَر وقت رائع ياجماعة

*🔍{نَجَّيْنَاهُمْ بِسَحَرٍ * نِّعْمَةً مِّنْ عِندِنَا}*
✍️الله... فيقولك ليس السهل إنك يبقى عندك نعمة ولكن جمالها إنها من عند الله!!
↩️بتنقلنا نقلة جميلة فضل الشكر، شرف الشكر أعظم عبادة تنجي الإنسان الشكر *{كَذَٰلِكَ نَجۡزِي مَن شَكَرَ}* ↩️يعني كل اللي بيشكر ربنا بينجيه قاعدة كل اللي بيشكرنا بننجيه، كل اللي بيؤدي حق شكر نعم الله سبحانه وتعالى ربنا بيراضيه وينجيه ويزيده .
⛔النجاة من إيه؟⁉️
✅النجاة بقى من أي مشكلة تحصلك، من أي مصيبة، من أي أزمة، من أي ضائقة طول ما إنت بتشكر ربنا يراضيك
"الشكر سبيل النجاة" *{ كَذَٰلِكَ نَجۡزِي مَن شَكَرَ}*
🔺قاعدة آخرى:
*"السَحَر وقت العطايا والهبات والنجاة والنزول الإلاهي"*

➖🌸➖🌸➖🌸➖🌸
*🔍{وَلَقَدۡ أَنذَرَهُم بَطۡشَتَنَا فَتَمَارَوۡاْ بِٱلنُّذُرِ}*
✍️يعني سيدنا لوط أنـذرهم كتير *{ بطشتنا }* يعني حذرهم من عقاب الله *{فَتَمَارَوۡاْ بِٱلنُّذُرِ}* يعني شككوا وجادلوا ويستهزأوا ويقولوا *{ائْتِنَا بِعَذَابِ اللَّهِ إِنْ كُنْتَ مِنَ الصَّادِقِينَ}*
*{ فَتَمَارَوۡاْ بِٱلنُّذُرِ }*
يعني شككوا في هذه الإنذارات
*{وَلَقَدۡ رَٰوَدُوهُ عَن ضَيۡفِهِ}*
✍️جاء لسيدنا لوط سيدنا جبريل وميكائيل وإسرافيل في صورة رجال طبعاً حلوين جداً بالنسبالهم ده هدف رائع فإمرأة لوط قالت على الموضوع ده، هم جوه وقافلين طبعاً الباب فبيخبطوا افتح ليه؟ عايزين الناس اللي عندك جوة دول !
*{وَلَا تُخْزُونِ فِي ضَيْفِي أَلَيْسَ مِنكُمْ رَجُلٌ رَّشِيدٌ * قَالُوا لَقَدْ عَلِمْتَ مَا لَنَا فِي بَنَاتِكَ مِنْ حَقٍّ وَإِنَّكَ لَتَعْلَمُ مَا نُرِيدُ}*
✍️سيدنا لوط واقف في أزمة سادد الباب .. الناس هيدغدغوا الباب وقاعدين يخبطوا وهيكسروا الباب وهيضربوا سيدنا لوط وهياخدوا الأضياف يعملوا فيهم الفاحشة بكل المقاييس فسيدنا لوط في عز الأزمة دي
*{قَالَ لَوْ أَنَّ لِي بِكُمْ قُوَّةً}*
👈معييش حد يساعدنى أنا لوحدي :
*{ أَوْ آوِي إِلَىٰ رُكْنٍ شَدِيدٍ}*

✍️أو حد يساعدني حد يشد أذري
سبحان الله في عز الأزمة كان أصلاً الفرج بينه وبين لوط متر واحد متر واحد كان بينه وبين الفرج بس أحياناً الإنسان بيبقى مش شايف لكن الإنسان كل اللي عليه يتأكد دائماً إن كل ماتتأزم يبقى الفرج قريب جداً بس إنت مش شايف تأكد إن الدنيا لما بتتأزم إن النصر إقترب وأن النصر مع الصبر والفرج مع الكرب {إِنَّ مَعَ الْعُسْرِ يُسْرًا}
كان الفرج أقرب إليه مما يتخيل وهو لا يشعر إنت متخيل أصلاً إن هو كان قاعد في مكان فيه جبريل وميكائيل وإسرافيل يعني سيدنا لوط بيتوقع إن أنا لوحدي طيب أعمل إيه؟ ⁉️
وميعرفش إن معاه أقوى الملائكة على الإطلاق!!
👈 كم يكون الفرج قريب منك وأنت لا تدري ولكنه إختبار الصبر ولكن الله يختبر صبرك الفرج قريب وبينه وبين إن هو يوصلك إختبار الصبر، إختبار الرضا، إختبار حُسن الظن بالله، إختبار حُسن التوكل على الله تنجح يروح الفرج واصلك على طول!
✍️ فساعتها الملايكة اتكلموا أول ما سيدنا لوط يعني صبر وبذل وفعلاً خلاص جاب الآخر واشتد :
ساعتها راحوا اتكلموا
*🔍{قَالُوا يَا لُوطُ إِنَّا رُسُلُ رَبِّكَ لَن يَصِلُوا إِلَيْكَ}*
↩️يااااه على إحساس سيدنا لوط وهو بيسمع الخبر ده!
كمية الطمأنينة اللي نزلت عليه ، تنهيدة الخلاص فُرجت الحمد لله يعني حاجة جامدة جداً لما واحد في عز الأزمة يلاقي فجأة إنت أصلاً إنت عارف مين قدامك؟ أنا جبريل، هذا ميكائيل، وهذا إسرافيل يا الله على الإحساس والجمال والروعة والطمأنينة والسكينة ونجاح سيدنا لوط اطمن الموضوع خلص لن يصلوا إليك
🌸➖🌸➖🌸➖🌸➖
*🔍{وَلَقَدْ رَاوَدُوهُ عَنْ ضَيْفِهِ}*
⛔ حصل إيه؟
قال *🔍{فَطَمَسْنَا أَعْيُنَهُمْ}*
✍️سيدنا جبريل طلع فتح الباب وبعد كده عمل بإيده بس
⛔يعني إيه طُمست أعينهم؟
✅قيل طُمست أعينهم يعني فقدوا الإبصار وقيل طُمست أعينهم يعني غارت عيونهم في محاجرها كأن مفيش عين أصلاً كلها جلد
ركز في العقوبة مشكلتهم كانت في حاجتين في عمى القلب وفي النظر المحرم فكان جزائهم إن تروح العين خالص وكل اللي واقفين راحت عيونهم والعجيب إن هم رغم اللي حصل ده متعظوش خدوا بعضهم ومشوا قيل في الرواية يتحسسوا الحوائط ويتوعدوا لوط بالعودة غداً بص العمى قال سبحانه وتعالى عنهم :

*{لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ}*
👈سُكر الهوى رهيب
*🔍{فَطَمَسْنَا أَعْيُنَهُمْ فَذُوقُوا عَذَابِي وَنُذُرِ *وَلَقَدْ صَبَّحَهُم}*
✍️على الصبح كل حاجة جتلهم خلصت قبل ماييجوا كان العذاب خلص طلع سيدنا لوط :
*{قَالُوا يَا لُوطُ إِنَّا رُسُلُ رَبِّكَ لَن يَصِلُوا إِلَيْكَ فَأَسْرِ بِأَهْلِكَ بِقِطْعٍ مِّنَ اللَّيْلِ وَلَا يَلْتَفِتْ مِنكُمْ أَحَدٌ إِلَّا امْرَأَتَكَ إِنَّهُ مُصِيبُهَا مَا أَصَابَهُمْ إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ * فَلَمَّا جَاءَ أَمْرُنَا جَعَلْنَا عَالِيَهَا سَافِلَهَا}*
اللى هي اتقلبت *{وَأَمْطَرْنَا عَلَيْهَا حِجَارَةً مِّن سِجِّيلٍ مَّنضُودٍ * مُّسَوَّمَةًعِندَ رَبِّكَ وَمَا هِيَ مِنَ الظَّالِمِينَ بِبَعِيدٍ}*
👈ودي الآية المخيفة *{وَمَا هِيَ مِنَ الظَّالِمِينَ بِبَعِيدٍ}*
✍️يعني كل اللي هيعمل نفس السكة دي نفس العقوبة أو عقوبة مشابهة هتجيله ودا اللي بيخلي الإنسان يبص للعالم دلوقتي برعب ربنا يستر على اللي هيحصل من أزمات وبلايا في العالم إذا لم يتوقف هذا النزيف من السُعار الجنسي .
➖🌸➖🌸➖🌸➖🌸
*🔍{وَلَقَدْ صَبَّحَهُم بُكْرَةً}* على طول
*{عَذَابٌ مُّسْتَقِرٌّ * فَذُوقُوا عَذَابِي وَنُذُرِ * وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ * وَلَقَدْ جَاءَ آلَ فِرْعَوْنَ النُّذُرُ}*
✍️طبعاً آل فرعون جالهم نذر بقى كتير وجالهم موسى بتسع آيات بيّنات
*{كَذَّبُوا بِآيَاتِنَا كُلِّهَا}*
إيه اللي حصل؟ ⁉️ *{فَأَخَذْنَاهُمْ}*
👈 والصبح نزل العذاب *{فَأَخَذْنَاهُمْ أَخْذَ عَزِيزٍ مُّقْتَدِرٍ}*
✍️طبعاً فرعون أُخذ أخذة رهيبة، إنطبق عليه البحر وهلك مهلك شديد جداً وإتاخد بغتة لإن فرعون إتاخد أخذ عزيز فعلاً لأنه أتُخذ في قمة عزته دا جمع كل جنود الدولة وجمع كل حاجة وخرج في جمع غير عادي وفي أبهى سلطانه وفي أقوى قوته وفي عز جبروته بكِبر دخل البحر وانشق نصفين توب بقى أعمى برضو زي قوم لوط يعني إنتوا عنيكوا راحت تتوعدوه الصبح؟! ⁉️
⛔يعني إيه عزيز؟⁉️
✅ قيل في معنى العزيز الذي لا يُغلب وده مش أدق معنى
👈 المعنى الأفضل العزيز الذي لا يُغالب
◀️إيه الفرق ؟
👈 لا يُغلب يعني إنت ممكن تواجهه بس مش هتغلبه ..
👈لا يُغالب يعني لا يمكن مواجهته أصلاً لا يفكر أحد في ذلك ..
🌸➖🌸➖🌸➖🌸
👈ثم قال تعالى مخاطباً مشركي قريش *{أَكُفَّارُكُمْ خَيْرٌ مِّنْ أُولَٰئِكُمْ}*
⛔يعني إيه الجديد عندكم؟⁉️
الكفار عندكم حاجة مختلفة ؟!⁉️
السنن مش هتعدي عليكوا!؟⁉️
هل كفركم مميز مختلف فإنتوا مش هتتعاقبوا؟⁉️ واللا نفس السنن هتجري عليكم ؟ ⁉️
*🔍{أَمْ لَكُم بَرَاءَةٌ فِي الزُّبُرِ}*
إتطلعتوا على اللوح المحفوظ؟⁉️
👈الزُبُر اللي هو اللوح المحفوظ
↩️ وده مش حاصل برضو يبقى فاضل الإحتمال التالت :
*{أَمْ يَقُولُونَ نَحْنُ جَمِيعٌ مُّنتَصِرٌ}*
✍️لا إنتوا بقى متأكدين إن إنتوا عارفين إنكوا هتتعاقبوا بس عارفين إن إنتوا يوم القيامة ستنتصرون على الله وتنجون من العقاب .
🌸➖🌸➖🌸➖🌸
*🔍{سَيُهْزَمُ الْجَمْعُ وَيُوَلُّونَ الدُّبُرَ}*
✍️الآية دي آية مهمة جداً
*أولاً* إحنا في سورة مكيّة حلو! وربنا بيقول {سَيُهْزَمُ الْجَمْعُ} سيدنا عمر لما سمع الآية دي فيه حاجة لفتت إنتباهه إن ربنا بيقول {سَيُهْزَمُ} الإيه ؟ {الْجَمْعُ}
↩️الجمع فسيدنا عمر بيقول فكنت أقول في نفسي أي جمع؟ لأن إحنا في مكة، في مكة العمليات كانت كلها فردية
↩️مكنش فيه جيوش الجمع ده إيه؟ جيوش الجمع زي بدر، أُحُد الجمع ده كان في المدينة خلاص لكن في مكة مكنش فيه مجموعة بتواجه مجموعة كانت العمليات كلها فردية
فبيقول لم أفهمها إلا يوم بدر لما كان النبي عليه الصلاة والسلام بيدعي ربنا يوم بدر وبعد ما دعا النبي عليه الصلاة والسلام نزل جبريل فاستبشر النبي عليه الصلاة والسلام وبدأ يصيح ويقول :
*{سَيُهْزَمُ الْجَمْعُ وَيُوَلُّونَ الدُّبُرَ}*
✍️بدأ يصرخ بيها في أرض المعركة سيدنا عمر بيقول أول مرة أفهم الآية دي وكأن الآية دي فيها إخبار بالغيب دي من معجزات النبي عليه الصلاة والسلام لأنها بتُخبر بالغيب بتُخبر إن هيتهزموا في حال جمع
🌸➖🌸➖🌸➖🌸
*🔍{بَلِ السَّاعَةُ مَوْعِدُهُمْ وَالسَّاعَةُ أَدْهَىٰ وَأَمَرُّ}*
✍️أصعب وأشدّ وعذابها أشدّ يعني مافي عذاب في الدنيا يساوي عذاب الآخرة
*{فَيَوْمَئِذٍ لَّا يُعَذِّبُ عَذَابَهُ أَحَدٌ*وَلَا يُوثِقُ وَثَاقَهُ أَحَدٌ}*
✍️والهزيمة والخُزلان والألم اللي هيكون يوم القيامة مفيش مثيل له دا لسه ، لسه مشافوش حاجة :
*{وَلَنُذِيقَنَّهُم مِّنَ الْعَذَابِ الْأَدْنَىٰ دُونَ الْعَذَابِ الْأَكْبَرِ}*

👈ده لسه العذاب الأكبر جاي هيتمنوا العذاب الأدنى ده دا هيبقى بالنسبالهم ولا حاجة قال :
*🔍{بَلِ السَّاعَةُ مَوْعِدُهُمْ وَالسَّاعَةُ أَدْهَىٰ وَأَمَرُّ}*
👈هيحصل إيه بقى؟
*{إِنَّ الْمُجْرِمِينَ فِي ضَلَالٍ وَسُعُرٍ}*
✍️ضلّوا عن المنهج الحق ومشيوا واتبعوا أهوائهم
هنا سُعُر تحتمل معنايين حسب السُعر
⛔هل السُعُر دي حاجة في الدنيا ولا في الآخرة⁉️
✅ فإما السُعُر المقصود بيه الضيق والعناء والمشقة وضيق الصدر وضنك العيش الذي يجيدونه بسبب الضلال وربنا قدّر إن أي ضال لا يجد السعادة في قلبه
↩️فالتوحيد والعمل الصالح يشرح الصدر ويسعد القلب والبدعة والكُفر والضلال يضيّق الصدر ويسبب الضيق والعناء والمشقة والعنت فربنا بيقول إن هم في سُعُر يعني في ضيق دائماً وعنت دائماً وضنك دائماً ومشقة دائماً
↩️ لو قولنا السُعُر ده المقصود بيه إن حاجه هتحصلهم في الآخرة يبقى يُفسر السُعر بأنه لهب النار
فيه إرتباط بين التفسيرين لأن الضيق والضنك والعنت الإنسان بيحسه حقيقة جوة
فدايماً الضلال والفساد والفسق والبدعة والمعصية يسبب للإنسان ضيق وإحتراق وألم وحُرقة داخلية والحُرقة دي بتتحول لنار حقيقية يوم القيامة
🌸➖🌸➖🌸➖🌸
*🔍{يَوْمَ يُسْحَبُونَ فِي النَّارِ}*
نسأل الله السلامة والعافية *{عَلَىٰ وُجُوهِهِمْ ذُوقُوا مَسَّ سَقَرَ}*
↩️كان الصحابي سأل النبي عليه الصلاة والسلام كيف يمشي الكافر على وجهه يوم القيامة ؟⁉️ إزاي هيمشي على وشه؟ ⁉️فالنبي عليه الصلاة والسلام قاله رد جامد جداً والرد ده ينفعك في أى حاجة من أخبار الغيب العجيبة قال: "أليس الذي أمشاه على رجليه في الدنيا قادر أن يمشيه على وجهه في الآخرة"
↩️المرعب في الآية دي ياجماعة إن ربنا مقالش ذوقوا سقر لا مسّ دا المسّ بتاعها أمال سقر عاملة إزاي!؟
*{إِنَّا كُلَّ شَيْءٍ خَلَقْنَاهُ بِقَدَرٍ}*
✍️كل شيء ربنا خلقه بقدر يعني بتقدير سابق وبقدر محدد بقدر دي ليها تفسيرين :
◀️ التفسير الأول يعني بتقدير سابق أي أن الله علم ما الخلق عاملون قبل أن يخلقهم وقدّر ذلك وكتبه في كتاب عنده في اللوح المحفوظ الذي كُتبت فيه مقادير الخلائق.
◀️ المعنى الثاني يعني بمقدار معين لا يزيد ولا ينقص فتأكد أن حياتك تمشي بقدر وبمقدار مفيش حاجة عشوائية، مفيش حاجة حصلت غصب عن حد، مفيش حاجه حصلت بلا ترتيب ولا تدبير .
👈حياتك كلها مرسومة بدقة من عند رب العالمين ليس فيها حدث عشوائي، ليس فيها حدث غير مدبر بعناية وإتقان فثق بالله وبص للأحداث في حياتك بنظرة جديدة كل شيء بقدر مرتبك بقدر، ولادك بقدر، زواجك بقدر، كل شيء قدّر الله وما شاء فعل .
فخُذ بالأسباب وإعمل اللي عليك ثم ارضى بما قسمه الله لك وتأكد أن كل شيء بقدر
🌸➖🌸➖🌸➖🌸➖
*🔍{وَمَا أَمْرُنَا إِلا وَاحِدَةٌ كَلَمْحٍ بِالْبَصَرِ}*
◀️تحتمل إحتمالين معنى عام ومعنى خاص :
🟠المعنى العام إن كل أمر من أوامر الله كلمحٍ بالبصر يعني كن فيكون يعني لا نحتاج إلى أن يكرر الكلام يعني مش بنقول كن فيكون لا إنما هي لمحٍ بالبصر.
🟠أو يكون المقصود {وَمَا أَمْرُنَا} أمرنا هنا أمرنا بقيام الساعة يعني لما تقوم الساعة هتقوم كلمح البصر مش هيبقى فيه مقدمات .
*{وَلَقَدْ أَهْلَكْنَا أَشْيَاعَكُمْ}*
يعني أهلكنا أمثالكم في الكفر {فَهَلْ مِن مُّدَّكِرٍ} هل من معتبر؟⁉️
*{وَكُلُّ شَيْءٍ فَعَلُوهُ فِي الزُّبُرِ}*
👈المقصود بالزبر هنا اللوح المحفوظ هو اللوح أو الكتاب الذي كتب الله فيه كل مقادير الخلائق قبل أن يخلقهم
أو المقصود بالزُبر الكتب التي في أيدي الملائكة مفيش تعارض لأن هي الملائكة برضو بيبقى معاها كتب أعمال العباد *{وَكُلُّ صَغِيرٍ وَكَبِيرٍ مُّسْتَطَرٌ}*
👈ممكن يوم القيامة تفرق معايا على حسنة فتيجي بسمتي، تيجي كلمتي، ييجي الجنيه، تيجي الكلمة الطيبة، تيجي شيلت لواحد شنطة تعدي غير الحاجات الكبيرة الصلاة والصوم والكلام ده.
والعكس مخيفة متستهترش بالصغيرة متستهترش بالنظرة الحرام ، متستهترش بكلمة عابرة غلط ، مستهترش إن أنا ألست على واحد
*{كُلُّ صَغِيرٍ وَكَبِيرٍ مُّسْتَطَرٌ}* 👈يعني مكتوب يعني من السطر اللي هو الكتابة يعني كله مكتوب عشان كده يوم القيامة المجرمين بيتصدموا من الصغيرة قبل الكبيرة :
➖🌸➖🌸➖🌸➖
👈ثم قال تعالى بقى مبشراً الناس اللي هتنجح في الإمتحان :
*{إِنَّ الْمُتَّقِينَ}*
✍️اللي هم اتقوا الله، المتقين اللي سمعوا كلام الله وبيتركوا المحرمات وبيحاولوا على قد مايقدروا يفعلوا المستحبات وبيحاولوا على قد مايقدروا في ترك المكروهات *{إِنَّ الْمُتَّقِينَ فِي جَنَّاتٍ}*
✍️جنات مش جنة واحدة الله أكبر {وَنَهَرٍ} أنهار كتيير نهر من لبن وعسل وخمر يا رب اجعلنا منهم يا رب

*{فِي مَقْعَدِ صِدْقٍ}*
✍️يعني مقعد حق، في مقعد صدق يعني مقعد كرامة، في مقعد صدق يعني مقعد تكريم عند الله سبحانه وتعالى والأهم من كل ده :
*{عِندَ مَلِيكٍ مُّقْتَدِرٍ}*
آ✍️سيا مقالتش ربي ابني لى بيت في الجنة لا ركز في الكلام قالت "ربي ابني لي عندك بيتاً في الجنة"
👈فليس الشاهد أن يكون لك بيتاً في الجنة وإنما الشاهد أن يكون البيت قريب من الله سبحانه وتعالى.
"إذا سألتم الله فاسألوه الفردوس الأعلى" لأن هي اللي سقفها عرش الرحمن
*{عِندَ مَلِيكٍ مُّقْتَدِرٍ}*
✍️ فلما الناس إستقبلت النعمة من عند ربنا صح وشكروها كان جزاءهم إنهم يبقى ليهم بيت عند ربنا كريم .
*نسأل الله عز وجل أن يكرمنا بما عنده سبحانه وتعالى وأن يتقبل منا ومنكم صالح الأعمال وأن ينفعنا بهذه السورة الجميلة جداً الطيبة المباركة*
➖🌸➖🌸➖🌸➖
سبحانك اللهم ربنا وبحمدك نستغفرك ونتوب إليك.

💫 *رابط اختبار المحاضرة العاشرة "نساء" :*

📍 *رابط الاختبار (١٠): «نساء من ٤٠ إلى ١٧٥»*
https://forms.gle/Mqokh6V12HVVB1428

🚨 *مُلاحظة:*
___
رقم مجموعتك هو 0️⃣5️⃣

ملخص الجزء الكامل الذاريات

تفسير جزء الذاريات كامل

*قال كعب الأحبار رحمه اللّٰـه*

عليكم بالقرآن فإنه فهم للعقل، ونور للحكمة، وأحدث الكتب عهدًا بالرحمن، ولعظم ما فيه مِن البركات كانت تلاوته واستماعه من أعظم القربات، والاشتغال بتعلمه وتعليمه مِن أسمى الطاعات، وكان لأهله أعلى الدرجات وأوفى الكرامات.

🌿 *وداعًا أيهــا الكسلُ*😃💚
🌿 *أتـاك العــــزمُ والعمـلُ*
🌿 *أتـاك الفــجر مؤتـلقًا*
🌿 *فأحيا عنــدنا الأملُ*💪🏻🌹🌧️😃
___
⚠️ *انتهت دورة مدارسة الذاريات(المستوى الأول)*...ولكن لم تنتهي فرصة إنتفاعكم بها.

*• تبدأ فترة المراجعة استعدادًا للاختبار النهائي يوم الجمعة القادمة الموافق / 9 فبراير.*

وتستمر لمدة أسبوع..

*على أن يبدأ الاختبار النهائي يوم السبت الموافق 17 فبراير.*

*لا تدعوا الفرصة تفوتكم*
تحصيل علم...تدبر كلام الله عزوجل...اختبار .. مفاجأت +شهادة بتوقيع مهندس علاء حامد.

•مين متحمس لبدء فترة المراجعة يكتبلنا كلمة متحمس في التعليقات ويحفز غيره؟؟🔥🐎
https://www.facebook.com/100083070533939/posts/pfbid02zp3xonSLVuGF6pSxW2gtVPKvCpgtodAfSmXHy21kspqanadnHbLshwG8PChGuF7Ml/?app=fbl