ဒီလကတော့ Post တင်တဲ့ Admin နှစ်ယောက်လုံးမအားကြတာနဲ့ Telegram Report Team ရဲ့လချုပ်စာရင်းက ဒီဘက်လရဲ့ လဝက်ကိုကျော်ပြီးမှ အခုလို တင်ပြပေးနိုင်ခြင်းဖြစ်ပါတယ်။

Subcriber တစ်ဦးချင်းစီတိုင်းရဲ့ ဝန်းရံမှုတွေကြောင့် အခု ဇန်နဝါရီလ ရဲ့ လုပ်အားနှုန်းတွေက ပို ပိုပြီး အားရစရာကောင်းလွန်းပါတယ်။

ကျွန်တော်တို့ ASV နဲ့အတူ အမြဲတစေ အားဖြည့်ပေးနေကြတဲ့ Supporters တစ်ယောက်ချင်းစီတိုင်း၊ ASV Team မှ မောင်မယ်များနှင့် နောက်ကွယ်ကနေ မနားတမ်း ကြိုးစားပေးနေကြတဲ့ Telegram Report Team မှ ဖိုက်တာများအားလုံးကို ကျေးဇူးတင်ပါတယ်။

​လူမှုပတ်ဝန်းကျင်ကို အဆိပ်အတောက်ဖြစ်စေပြီး လူမှုကျင့်ဝတ်ဖောက်ဖျက်နေတဲ့ Local Le@k Channels တွေကို  ASV Telegram Report Team က ဖိုက်တာတွေရဲ့ ဇန်နဝါရီလတစ်လအတွင်း အောင်မြင်စွာ ဖျက်ချနိုင်ခဲ့သော Local Le@k Channel များရဲ့ တစ်လတာစာရင်းအချုပ်ဖြစ်ပါတယ်ခင်ဗျာ။

​#ASVTeam
#TelegramReportTeam

ညက တင်တဲ့ အမှတ်စဉ် ( Case A 5110 ) ဟာ
Target ဖြစ်သူထံက လုံလောက်တဲ့ ကတိကဝတ်နဲ့
V အတွက် သိက္ခာပိုင်း စိတ်ချ ရနိုင်ပြီမို့
ကျနော်တို့ ASV ပါဝင်မှု ရပ်လို့ရပါပြီ။

ကျနော်တင်ထားတဲ့ ပိုစ့်တွေကိုလဲ ဖျက်ထားပါတယ်။

V အတွက် လုံခြုံရေး နဲ့ သိက္ခာပိုင်း ဦးစားပေးတာမို့
ကျနော်တို့အပေါ် ပုဂ္ဂိုလ်ရေးဆန်ဆန် ဆဲ/ဆိုတာ တွေကတော့ ထားခဲ့လို့ရတယ်။

Case ကို ရပ်ထားတယ်ဆိုတာ နားတာ မဟုတ်ဘဲ အမြဲ အသင့်ရှိနေမှာပါပဲ။
ကတိတည်နိုင်မယ်လို့မျှော်လင့်တယ် ။
နောက်တစ်ကြိမ် ကျင့်ဝတ်ဖောက်ဖျက်တယ်ဆိုရင်တော့ ဒီတိုင်း ထားတော့မှာ မဟုတ်ပါဘူး ။

ဝိုင်းဝန်းကူညီကြတဲ့ မြေပြင်အဖွဲ့အစည်းများနှင့် ညီကိုမောင်နှမများတို့အား ကျနော်တို့ ASV မှ ကျေးဇူးတင်ပါတယ်ခင်ဗျာ ။

ASV Team နှင့်အတူ ဆက်လက်ကူညီ ဖြေရှင်းပေးကြရအောင်နော်ခင်ဗျာ။

#ASV team

တိုင်ပင်ဆွေးနွေးလိုသော ညီအကိုမောင်နှမများ အောက်မှာ ချပေးထားတဲ့ အကောင့်တွေကနေ လာပြောလို့ရပါတယ် ခင်မျာ။👇👇👇

https://www.facebook.com/share/15jHEoiw4k/

@aungzabu2021(တာဝန်ခံ)
@goatzaww1111
@Leila_is_Ghost
@KaiTo_259
@AprilLynn33
@Gemini25825

#ASVTeam
#CaseManagementTeam

Social Mediaကိုတွင်တွင်ကျယ်ကျယ်အသုံးပြုလာတဲ့ ဒီနေ့ခေတ်ကာလမှာ အန္တရာယ်တွေကို သတိပြုမိစေဖို့အတွက် ညီမငယ်တွေအနေနဲ့ ဒီစာ‌လေးကို သုံးမိနစ်လောက်အချိန်ပေးပြီး ဖတ်ရှုကြည့်ဖို့ မေတ္တာရပ်ခံချင်ပါတယ်။

အခုခေတ်မှာ Online ကနေ ချစ်သူရည်းစားထားခြင်းဟာ အဆန်းမဟုတ်တော့ပါဘူး။
ဒါပေမဲ့ “အချစ်” ဆိုတဲ့ စကားလုံးရဲ့ နောက်ကွယ်မှာ ကိုယ့်ဘဝတစ်သက်တာကို ထိခိုက်စေနိုင်တဲ့ အန္တရာယ်တွေ မမြင်‌အောင် လျှို့ဝှက်ပုန်းကွယ်နေတတ်ပါတယ်။

ယုံကြည်လို့၊ ချစ်လို့ဆိုပြီး ကိုယ့်ရဲ့ ကိုယ်ရေးကိုယ်တာပုံရိပ်တွေ၊ လျှို့ဝှက်အပ်တဲ့ပုံတွေ၊ Video တွေကို ပို့ပေးမိတာက အချစ်သက်သက်မဟုတ်ဘဲ ကိုယ့်ဘဝကို အန္တရာယ်ထဲ ထည့်လိုက်သလို ဖြစ်နိုင်ပါတယ်။

နောက်ပိုင်းမှာ ငွေညစ်ခံရတာ၊ ခြိမ်းခြောက်ခံရတာ၊ Telegram 18+ Channel တွေမှာ ရောင်းစားခံရတာတွေဟာ တကယ်တမ်းမှာ ဖြစ်ပေါ်နေတဲ့ ပြဿနာတွေပါ။

အဆိုးဆုံးကတော့ ကိုယ့်ကို ခြိမ်းခြောက်နေတဲ့သူဟာ ဘယ်သူလဲဆိုတာတောင် မသိနိုင်တာပါ။ အမည်ရင်းမသိ၊ နေရပ်မသိ၊ အလုပ်အကိုင်မသိဘဲ စာသားလေးတွေ၊ အသံလေးတွေအပေါ်ပဲ ယုံကြည်ပြီး ကိုယ့်ဘဝကို ပုံအပ်လိုက်တာဟာ ကိုယ့်လည်ပင်းကို ကိုယ်တိုင် ကြိုးကွင်းစွပ်လိုက်သလိုပါပဲ။

ဒါကြောင့် ရည်းစားထားမယ်ဆိုရင်တောင် အနည်းဆုံးတော့ တစ်ဖက်လူရဲ့ အချက်အလက်တွေကို သေချာသိပြီးမှ ရှေ့ဆက်ပါ။ မသေချာတဲ့ လူတစ်ယောက်ဆီကို ကိုယ့်ရဲ့ လျှို့ဝှက်ချက်တွေ၊ ကိုယ်ရေးကိုယ်တာအချက်အလက်တွေကို လုံးဝ မပေးပါနဲ့။

“အချစ်မှာ မျက်စိမရှိဘူး” လို့ ပြောကြပေမဲ့ ဒီ‌နေ့ခေတ်မှာတော့ အသိဉာဏ်ကို မျက်စိဖွင့်ထားဖို့ လိုအပ်ပါတယ်။
ခဏတာရတဲ့ အချစ်တစ်ခုအတွက်နဲ့ တစ်သက်တာဂုဏ်သိက္ခာကို လောင်းကြေးမထပ်ပါနဲ့။

"ကိုယ့်ကိုယ်ကိုယ် တန်ဖိုးထားပါ"

"ကိုယ့်ဘဝကို ကာကွယ်ပါ"

ဘေးကင်းလုံခြုံတဲ့ အချစ်ကိုပဲ ရွေးချယ်နိုင်ကြပါစေလို့ စေတနာရှေ့ထား မေတ္တာဖြင့် အကြံပြုလိုပါတယ်။

#ASVTeam
#XAZEL

Subcribers တွေ ဝန်းရံသူတွေ ဒီတလော သတိထားမိကြလားမသိ။

ASV ရဲ့ အခု Telegram Channel မှာ အရင်က Knowledge Sharing Content လေးတွေ ရေးတင်ပေးနေတာတွေက ခပ်ကျဲကျဲပဲရှိခဲ့တာ။

အဖွဲ့ဝင်တွေ မလုံလောက်ကြတာ မအားလပ်ကြတာနဲ့ Case တွေပဲ အားစိုက်ဖြစ်ကြတာကြောင့် ဒီလို Content တွေ တင်ဖြစ်တာ အတော်ကျဲပါတယ်။

နောက်ပိုင်း အဖွဲ့ဝင်အသစ်တွေရောက်လာတယ်။ လူပိုများသွားတော့ တစ်ယောက်ချင်းစီရဲ့ တာဝန်နဲ့အချိန်ခွဲဝေမှုတွေ ပိုထွက်လာတော့ အဖွဲ့ဝင်အသစ် ညီမလေးတစ်ယောက်က Content လေးတွေ ရေးရေးပေးတယ်။

သူလည်း ASV ကို မရောက်လာခင်က Secondary Victim ဖြစ်ခဲ့တဲ့သူတစ်ယောက်ပဲ။ သူ့သူငယ်ချင်း အရင်းကြီးရဲ့ ညီမက ဆယ်ကျော်သက်အရွယ်မှာတင် Sexual Violence Case နဲ့ ကိုယ်တိုင် Suicide လုပ်သွားခဲ့တယ်။ ဖြစ်စဥ် အစအဆုံးကို သူရှေ့မှာတင် တွေ့ကြုံခဲ့ရတော့ ဒါတွေ မဖြစ်တော့ဘူး မရှိတော့ဘူး လုံးဝ ပပျောက်ပါစေဆိုတဲ့ ရည်မှန်းချက်အထိ မျှော်လင့်ထားတဲ့ ဒီညီမလေးက တတ်နိုင်သမျှ Sexual Violence နဲ့ပက်သက်ပြီး နစ်နာသူများ အဖိတ်အစင် နည်းနိုင်သမျှနည်းဖို့ Content ကောင်းလေးတွေဖန်တီးနေတာပါ။

ASV က Subcribers တွေအနေနဲ့လည်း ကိုယ်တိုင် သိနေရုံနဲ့ မရပ်နေပဲ ကိုယ့်ပတ်ဝန်းကျင် ကိုယ့်အဝန်းအဝိုင်းထိ နိုင်သလောက်ဝန်ကို ထမ်းဆောင်ကြပါ။

ASV Telegram Channel မှာ ရေးတင်သမျှ Content တွေကို မူရင်းရေးသားသူ Hashtag မဖြုတ်ပဲ မိမိတို့ လူမှုကွန်ယက်စာမျက်နှာတွေမှာ လွတ်လပ်စွာ ပြန်လည်မျှဝေ ကူးတင်နိုင်ပါတယ်။

ဒီလိုအဖြစ်ဆိုးမျိုးတွေ တတ်နိုင်သမျှ နည်းနိုင်သမျှ နည်းသွားလေ ကောင်းလေပေါ့ဗျာ။

အားလုံး ဘေးကင်းကျန်းမာ ၍ ကိုယ်စိတ်လုံခြုံမှုဘဝများဖြင့် အေးချမ်းကြပါစေ။

#ASVTeam
#ZWM

Case A 5116 အတွက် အကြောင်းအခြင်းအရာများနှင့်စပ်လျဥ်း၍ ဖြစ်စဥ်အား လူထုအားနဲ့ဆက်လက်အရေးယူပေးနိုင်ပါရန် တင်ပြခြင်း။

ကျူးလွန်သူသည် နစ်နာသူအမျိုးသမီးငယ်နှင့် ပတ်သက်မှုရှိစဉ်ကာလက အယုံအကြည်ရှိမှုကို အခွင့်ကောင်းယူကာ လိင်ပိုင်းဆိုင်ရာ Video များအား ခိုးယူရိုက်ကူးခဲ့ပြီး ယခုအခါ လမ်းခွဲပြတ်စဲမှုကို လက်မခံနိုင်သည့်အတွက် အဆိုပါ Video များအား လူမှုကွန်ရက်ပေါ် ဖြန့်ဝေမည်ဟု လူ့အခွင့်အရေးနှင့် အမျိုးသမီးငယ်တစ်ဦး၏ ဂုဏ်သိက္ခာကို ပြင်းထန်စွာ ထိပါးစော်ကားလျက် ခြိမ်းခြောက်ပြောဆိုနေပါသည်။

ကျူးလွန်သူသည် ၎င်း၏ ခြိမ်းခြောက်မှုများကို ပိုမိုထိရောက်စေရန်အတွက် နစ်နာသူ ၏ ဂုဏ်သိက္ခာကို အလုပ်ခွင်ရှိလူများ သိရှိအောင် လုပ်ဆောင်နေသည့်အပြင် နစ်နာသူ၏ အသိ မိတ်ဆွေများထံသို့ အဆိုပါ Video များ ပေးပို့မည်ဟု ခြိမ်းခြောက်ခြင်း၊ မဟုတ်မမှန် စကားလုံးများဖြင့် တိုက်ခိုက်ခြင်းများကို ပြုလုပ်နေပါသည်။

နစ်နာသူ ဘက်မှ ပြဿနာကို ငြိမ်းချမ်းစွာဖြေရှင်းရန် ကျူးလွန်သူ ၏ မိဘများထံ အကူအညီတောင်းခံကာ ဖျောင်းဖျပေးရန် တောင်းဆိုခဲ့သော်လည်း ကျူးလွန်သူသည် မိဘများ၏ စကားကိုပင် နားမထောင်ဘဲ လူ့ဂုဏ်သိက္ခာကို ပြင်းထန်စွာ စော်ကားသော လုပ်ရပ်များကိုသာ ပိုမိုအတင့်ရဲစွာ ဆက်တိုက် လုပ်ဆောင်နေဆဲ ဖြစ်ပါသည် ။

အမျိုးသမီးငယ်တစ်ဦး၏ ဘဝကို ဖျက်ဆီးရန် ကြိုးပမ်းနေသည့် ကျူးလွန်သူ၏ လုပ်ရပ်များကို ပြင်းထန်စွာ ကန့်ကွက်ရှုံ့ချ၍ နစ်နာသူအပေါ်တာဝန်ယူမှု ရရှိစေရန် ကျွန်တော်တို့အနေဖြင့် Social Punishment ကို ဆက်လက် ဆောင်ရွက်သွားမည် ဖြစ်ပါသည်။

#ASVTeam
#CaseManagementTeam

Case A 5116 Update …
လတ်တလော အခြေနေအရ Target အပါဝင် မိသားစုတွေကပါ နောက်မဖြစ်စေရဘူး V ဆီကို
ကတိပေးထားတာမို့ ASV ပါဝင်ခြင်း ဒီနေရာမှာ ရပ်ထားပါမယ် ။
အချိန်အတိုင်းအတာတစ်ခု ထိ
စောင့်ကြည့်ဆဲ အခြေနေထားပါမယ်။

#ASV team

Attention Please ❗❗❗

ဒီ Video လေး ကြည့်ပြီး သတိချပ်ကြပါ။ ဒီ Admin List ကို Copy ကူးရင်း ကူးရင်း Username ဆင်တူယိုးမှား တုပပြီး နစ်နာသူတွေဆီကနေ အချက်အလက်ရယူပြီး ASV ကို သိက္ခာချဖို့ ကြံရွယ်နေတဲ့လုပ်ရပ်တွေဖြစ်ပါတယ်။

အောက်မှာ ဖော်ပြထားတဲ့ လူတွေနဲ့စကားစပြောခဲ့ရင်လည်း အချက်အလက်ပြန်လည်စစ်ဆေးမေးမြန်း၍ အတည်ပြု နိုင်ပါတယ်။

တိုင်ပင်ဆွေးနွေးလိုသော ညီအကိုမောင်နှမများ အောက်မှာ ချပေးထားတဲ့ အကောင့်တွေကနေ လာပြောလို့ရပါတယ် ခင်မျာ။👇👇👇

https://www.facebook.com/share/15jHEoiw4k/

@aungzabu2021(တာဝန်ခံ)
@goatzaww1111
@Alita1367
@fixerxisme
@Leila_is_Ghost
@KaiTo_259
@AprilLynn33
@Gemini25825

#ASVTeam
#CaseManagementTeam