Case A 5232 Done ☑️

Target ဖြစ်သူ ကောင်းမြတ်ဇော် ဘက်က ကတိကဝတ်တွေနဲ့အတူ V ကို တောင်းပန်ပြီး မှတ်တမ်းတွေဖျက်တဲ့ တာဝန်ခံမှု လုပ်တာဖြစ်တဲ့အတွက်
ဖိအားပေးမှုတွေ ရပ်တန့်ပြီး
ASV ပါဝင်မှု ရပ်ပါပြီခင်ဗျာ။

V ရဲ့ မှတ်တမ်းတွေ ပြန့်နေတဲ့အခြေအနေမဟုတ်တဲ့အတွက် ဒီလောက်နဲ့ရပ်ထားလို့ရပါပြီ။
ဒီကောင်လေးအနေနဲ့ ကတိကဝတ်ချိုးဖောက်ခဲ့ရင်တော့ ဒီအတွက် အစအဆုံး တာဝန်ခံပေးဆပ်စေရမှာဖြစ်ပါတယ်
။

ဝန်းရံပေးကြသော မောင်မယ်များ အားလုံး နစ်နာသူ အမျိုးသမီးများကိုယ်စား ASV မှ ကျေးဇူးအထူးတင်ပါတယ်ခင်ဗျာ ။
ဆက်ဖိုက်ကြမယ်နော် ။

ASV Team

ASV Team ထံသို့
( ကလေးမြို့
တာဟန်းရပ်ကွက် သဇင်လမ်း ) ရှိ
ကိုယ်ပိုင်ကျောင်းတစ်ကျောင်းနှင့် ပတ်သက်သည့် စိတ်မကောင်းဖွယ် တိုင်ကြားချက်များ ရောက်ရှိလာခဲ့ပါသည်။

တိုင်ကြားချက်များအရ ထို Academic ကျောင်းပိုင်ရှင် ခရာစ်ယာန်ဆရာတစ်ဦးသည်
"ခေါင်းကိုက်လျှင် နှိပ်ပေးရမည်"၊ "ရင်သားကင်ဆာကို ကာကွယ်ရန် နှိပ်ပေးသင့်သည်" စသည့် ကျန်းမာရေးဆိုင်ရာ အကြောင်းပြချက်အမျိုးမျိုးကို အသုံးပြု၍ ကျောင်းသူများ၏ ခန္ဓာကိုယ်အား မသင့်လျော်သော နည်းလမ်းဖြင့် ထိတွေ့ကိုင်တွယ်ကာ လိင်ပိုင်းဆိုင်ရာ ထိပါးနှောင့်ယှက်မှုများ ပြုလုပ်ခဲ့ကြောင်း ပြုလုပ်နေကြောင်း တိုင်ကြားလာခဲ့ပါသည်။

ASV Team ထံ ဆက်သွယ်လာသူများအနက် တိုင်ကြားသူများကိုယ်တိုင်လည်း အဆိုပါအပြုအမူကို ကြုံတွေ့ခဲ့ရသူဖြစ်ပြီး၊ အခြားကျောင်းသူများထံမှလည်း အလားတူဖြစ်စဉ်များကို ကြုံတွေ့ခဲ့ရကြောင်း ဖော်ပြချက်များ ဆက်လက်ရရှိလျက်ရှိပါသည်။

“ အာသာဖြေရင် အရည်ဘယ်လိုထွက်တာ ၊ ထန်ရင် အရည်က ဘယ်လိုဖြစ်တာ “ စသည့် လိင်ပညာပေးနှင့် မသင့်လျှော်မအပ်စပ်သော စိတ်နှိုးကြွမှုများ အပါအဝင်
နင်အပျိုရည်ပျက်ပြီလား စတဲ့မေးခွန်းများလဲ မေးလေ့ရှိကြောင်း ကာယကံရှင်များထံမှ သိရှိရပါသည်၊

ထိုကျောင်းပိုင်သည် ၄င်းကိုယ်ပိုင်ရုံးခန်းထဲသို့လည်း ကျောင်းသူတစ်ဦးချင်းစီအလိုက် ခေါ်တွေ့လေ့ရှိကြောင်းလည်းသိရပါသည်။

ထို့အပြင် တိုင်ကြားချက်များအရ အဆိုပါဆရာသည် ကျောင်းသူ၊ ကျောင်းသားများအပေါ် စိတ်ပိုင်းဆိုင်ရာ ဖိအားပေးခြင်းနှင့် ထိန်းချုပ်ခြင်း၊ လူအများရှေ့တွင် အရှက်ခွဲပြောဆိုခြင်း၊ မျက်နှာသာပေးမှုများကို အသုံးပြု၍ သြဇာလွှမ်းမိုးလေ့ရှိကြောင်းလည်း သိရှိရပါသည်။ ထိုသို့သော အခြေအနေများကြောင့် နစ်နာသူများအနေဖြင့် ကြောက်ရွံ့မှုများကြားတွင် မိမိတို့ ကြုံတွေ့ခဲ့ရသည့် ဖြစ်စဉ်များကို နှစ်ပေါင်းများစွာ ထုတ်ဖော်မပြောဆိုနိုင်ခဲ့ကြကြောင်း ပြောကြားထားပါသည်။

လက်ရှိတွင် အဆိုပါဖြစ်စဉ်အား ထုတ်ဖော်ပြောဆိုသူများကို လိုက်လံရှာဖွေနေသည်ဟု ဆိုသော အချက်အလက်များလည်း ASV Team ထံ ရောက်ရှိထားပြီး၊ ယင်းအခြေအနေကြောင့် နစ်နာသူများမှာ စိတ်ပိုင်းဆိုင်ရာထိခိုက်နစ်နာမှုများဖြင့် နေထိုင်နေရကြောင်း သိရှိရပါသည်။

ASV Team အနေဖြင့် ကလေးသူငယ်များနှင့် အမျိုးသမီးများအပေါ် အခွင့်ကောင်းယူ၍ လိင်ပိုင်းဆိုင်ရာ ထိပါးနှောင့်ယှက်ခြင်း၊ စိတ်ပိုင်းဆိုင်ရာ ဖိအားပေးခြင်းနှင့် ခြိမ်းခြောက်ခြင်းများကို လုံးဝ လက်မခံဘဲ နစ်နာသူများဘက်မှ အပြည့်အဝ ရပ်တည်သွားမည် ဖြစ်ပါသည်။

ASV Team အနေဖြင့် အဆိုပါဖြစ်စဉ်နှင့် ပတ်သက်သည့် အချက်အလက်များကို ဆက်လက်စုဆောင်းလျက်ရှိပါသည်။ အလားတူ ​ကြုံတွေ့ခဲ့ရသူများ၊ သက်သေအထောက်အထားများ သို့မဟုတ် ဆက်စပ်အချက်အလက်များရှိပါက ASV Team သို့ လုံခြုံစွာ ဆက်သွယ်ပေးနိုင်ပါသည်။ ပေးပို့လာသော အချက်အလက်များနှင့် ပုဂ္ဂိုလ်ရေးဆိုင်ရာ လျှို့ဝှက်ချက်များကို အပြည့်အဝ ထိန်းသိမ်းစောင့်ရှောက်ပေးမည်ဖြစ်ပြီး နစ်နာသူများဘက်မှ လိုအပ်သော ဥပဒေရေးရာနှင့် အခြားလိုအပ်သော အကူအညီများကို အတတ်နိုင်ဆုံး ရပ်တည်ဆောင်ရွက်ပေးသွားမည် ဖြစ်ပါသည်။

ASV ရဲ့ Official Facebook Page မှာလည်း တင်ထားပါတယ်။

https://www.facebook.com/share/p/1LpHeycLwo/

ကလေးမြို့၊ ပညာရေးအသိုင်းအဝိုင်းနှင့်ဆက်ဆိုင်သော Community များအတွင်း ဆက်လက်ဖြန့်ဝေပေးနိုင်ပါရန်။

#ASVTeam
#AungZabuKyawHein

Case A 5230 အတွက် လူမှုရေးပြစ်ဒဏ်အရ အရေးယူရန် အသိပေးထုတ်ပြန်ကြေငြာချက်။

နစ်နာသူ၏ တိုင်ကြားချက်အရကျူးလွန်သူသည် နစ်နာသူနှင့် ရည်းစားအဖြစ် တွဲနေစဉ် အခြားအမျိုးသမီးတစ်ဦးနှင့် လက်ထပ်ခဲ့ပြီးနောက် နစ်နာသူဘက်မှ အဆိုပါအချစ်ရေးကို အဆုံးသတ်ခဲ့သည့်အချိန်မှစ၍ နစ်နာသူနှင့် ၎င်း၏ မိသားစုဝင်များအား လူမှုကွန်ရက်များနှင့် အခြားဆက်သွယ်ရေးနည်းလမ်းများမှတစ်ဆင့် အဆက်မပြတ် နှောင့်ယှက်ခြင်း၊ အရှက်ခွဲခြင်း၊ ဂုဏ်သိက္ခာထိခိုက်စေသော အပြုအမူများ ပြုလုပ်ခြင်းနှင့် စိတ်ပိုင်းဆိုင်ရာ ဖိအားပေးခြင်းများကို ၂၀၂၂ ခုနှစ်မှစ၍ ယနေ့အချိန်အထိ ဆက်လက်ပြုလုပ်နေကြောင်း သိရှိရပါသည်။


ထို့ပြင် နစ်နာသူ၏ ပြောကြားချက်အရ Block ပြုလုပ်ထားသည့်ကြားမှပင် အကောင့်အတုများ ဖန်တီးအသုံးပြု၍ ဆက်သွယ်နှောင့်ယှက်ခြင်း၊ ငွေလွှဲဝန်ဆောင်မှုများမှတစ်ဆင့် စာများပေးပို့ရန် ကြိုးပမ်းခြင်း၊ နစ်နာသူများ၏ ဓာတ်ပုံများကို ခွင့်ပြုချက်မရှိဘဲ အသုံးပြု၍ အခြားသူများထံ ဖြန့်ဝေခြင်းနှင့် နစ်နာသူ၏ အမည်ကို အလွဲသုံးစားပြုကာ အခြားသူများထံ ဆက်သွယ်ပြောဆိုခြင်းများ ပြုလုပ်ခဲ့ကြောင်းလည်း တိုင်ကြားထားပါသည်။

အဆိုပါ လုပ်ရက်များကြောင့် နစ်နာသူ၏ မိသားစုဝင်များသည် နှစ်ရှည်လများ စိတ်ပိုင်းဆိုင်ရာ ဖိအားများရှိခဲ့ခြင်းတို့ကြောင့် နေ့စဉ်ဘဝအပေါ် ထိခိုက်မှုများကို ကြုံတွေ့​နေရပါသည်။

ထို့အပြင် ဥပဒေလုပ်ငန်းစဉ်များနှင့် မရင်းနှီးခြင်း၊ ကြောက်ရွံ့စိုးရိမ်မှုများ ရှိခဲ့ခြင်းတို့ကြောင့် အချိန်ကြာမြင့်စွာ တိုင်ကြားရန် တွန့်ဆုတ်နေခဲ့သော်လည်း၊ နှောင့်ယှက်မှုများ ဆက်လက်ဖြစ်ပွားနေသဖြင့် ASV Team ထံသို့ အကူအညီတောင်းခံလာခြင်းဖြစ်ကြောင်း သိရပါသည်။

သို့ပါ၍ ASV Team မှ အဖွဲ့ဝင်များ စာပို့ဆက်သွယ်သော်လည်း မည်သည့်တုံ့ပြန်မှုမှ မပြုလုပ်ပဲ Block ၍ တာဝန်ယူမှုအားဖြေရှင်းရန် ပျက်ကွက်ခဲ့သည်။ ထို့ကြောင့် ကျုးလွန်သူအား ယခုအခြေအနေမှ ရပ်တန့်ရန်အတွက် Social Punishment ထုတ်ပြန်ကြေငြာပါသည်။ ယင်းအခြေအနေအား လူထုရပ်ဝန်း၏ အကူအညီဖြင့် ဆက်သွယ်ဖိအားပေးကြပါရန်နှင့် ASV Team ထံ ပြန်လည်ဆက်သွယ်၍ ကတိကဝတ်များဖြင့်ဖြေရှင်းပေးရန် နစ်နာသူကိုယ်စား လေးနက်စွာ မေတ္တာရပ်ခံပါသည်။

ကျူးလွန်သူ၏ ကိုယ်ရေးအချက်အလက်များနှင့် သက်သေများအားအောက်တွင်ဆက်လက်ဖော်ပြပါမည်။

#ASVTeam
#CaseManagementTeam