Happy Birthday to you.....

Happy birthday to you....

Happy birthday Dear Billy 🎂🎂🎂

Happy Birthday ပါ ကိုဘီလီရေ။ ကိုဘီလီရဲ့ 33 နှစ်ပြည့်မွေးနေ့မှစလို့ စိတ်ချမ်းသာကိုယ်ကျန်းမာပြီး လိုရာဆန္ဒများ အမြဲပြည့်စုံပါစေ။

မိမိကိုယ်ရေးကိုယ်တာအလုပ်အကိုင်တွေရော ASV ရဲ့ အလုပ်အကိုင်တွေမှာပါ အကောင်းဆုံးရလဒ်တွေအမြဲရခဲ့သမျှ ရှေ့လျှောက်လည်း ဒီရလဒ်တွေနဲ့အများအကျိုးဆက်ပြီးအလုပ်လုပ်နိုင်ပါစေ။

အသက်တွေ 40 တန်းရောက်လာခဲ့ပြီဖြစ်တော့ ကျန်းမာရေးလည်းဂရုစိုက်ပါ အကိုကြီးဘီလီရေ။

ASV အတွက် အခုချိန်ထိ အကောင်းဆုံးအလုပ်လုပ်ပေးခဲ့သမျှ အတွက်လည်း အဖွဲ့ဝင်များနှင့် နစ်နာသူမိန်းကလေးများကိုယ်စား ကျေးဇူးတင်ပါတယ်ခင်မျာ။

#ASVTeam
#AdminTeam

Case A 5205

Well done ✅✅✅

Private မှာပဲ ပြီးပြတ်ခဲ့တဲ့ Case ဖြစ်တယ်။ အခု Case အတွက် အချိန်နဲ့တပြေးညီ အားစိုက်ကူပေးခဲ့ကြသော Team က ဖိုက်တာမောင်မယ်တွေကိုလည်း ကျေးဇူးတင်ပါတယ်။

Public ထုတ်မှဖြစ်မယ့် Case တွေလာရင်လည်း ပါဝင်မြဲအတိုင်း အားစိုက်ပါဝင်ပေးကြဖို့ မောင်မယ်တို့အားလုံးကို မေတ္တာရပ်ခံပါရစေ။

#ASVTeam
#CaseManagementTeam

Case A 5203 ✅✅✅

Well done မောင်မယ်တို့။

ပါဝင်ပေးခဲ့ကြသော တစ်ယောက်ချင်းစီတိုင်းအားကျေးဇူးတင်ပါတယ်။

နစ်နာသူအတွက် ပြေလည်မှုရခဲ့ပြီဖြစ်လို့ ASV ရဲ့ ပါဝင်မှုလည်းရပ်လိုက်ပါပြီ။

လူထုအားနဲ့ပါဝင်ပေးနေကြတဲ့ မောင်မယ်တို့လည်း ဖိအားပေးနေတာတွေရပ်လိုက်လို့ရပါပြီခင်မျာ။

#ASVTeam
#CaseManagementTeam

Case A 5207

Well done ✅✅✅

ကျော်ဖြတ်နိုင်ခဲ့ပါပြီ။ နောက်နောင်ထပ်ပြီး နှောက်ယှက်ပက်သက်ခဲ့ရင် အခုထက်ပိုတဲ့ အရေးယူမှုတွေနဲ့ တုံ့ပြန်မှာဖြစ်ကြောင်း သေချာသတိပေးစကားများပြောခဲ့ပြီးနောက် အခု Case ကို လည်း ထပ်မံကျော်ဖြတ်နိုင်ခဲ့ပြန်ပါပြီ။ ပါဝင်ပေးခဲ့ကြသူ မောင်မယ်များ တစ်ဦးချင်းစီတိုင်းကို နစ်နာသူကိုယ်စား အထူးပင်ကျေးဇူးတင်ပါတယ်ခင်မျာ။

တစ်ဖက်အမျိုးသမီးအတွက်လည်း လုံလောက်တဲ့ စိတ်ကျေနပ်မှု ရပြီဖြစ်လို့ ASV ရဲ့ ပါဝင်ပက်သက်မှုလည်း ရပ်လိုက်ပါပြီ။ Social Media Platform အစုံမှ ဖိအားပေးနေတာတွေကိုလည်း ပြန်လည်ရုတ်သိမ်းပေးလို့ရပါပြီခင်မျာ။

#ASVTeam
#CaseManagementTeam

မင်္ဂလာပါခင်ဗျာ။
ASV မှ စည်းကမ်းပိုင်းဆိုင်ရာနှင့် ကျင့်ဝတ်ဆိုင်ရာ အချက်အလက်အချို့ကို အသိပေးပြောကြားလိုပါတယ်။

ဤအကြောင်းအရာသည် ကျွန်တော်တာဝန်ခံအပါအဝင် ASV မှ Team မောင်မယ်များအားလုံးနှင့် သက်ဆိုင်ပါသည်။

ဤပို့စ်သည် ASV ၏ မူဝါဒ၊ စည်းမျဉ်းစည်းကမ်းများကို တင်ပြသော ပို့စ်မဟုတ်
ပါခင်ဗျာ ။ မူဝါဒဆိုင်ရာ အချက်အလက်များကိုတော့ သီးခြား ထုတ်ပြန်ချက်အားဖြင့် ဖော်ပြပေးပါမယ် ။

ASV အဖွဲ့အစည်းသည် လိင်ပိုင်းဆိုင်ရာအရ ခြိမ်းခြောက်ခံရခြင်း၊ အနိုင်ကျင့်ခံရခြင်း၊ ဖိနှိပ်ခံရခြင်း၊ အရှက်ခွဲခံရခြင်းစသည့် နစ်နာမှုမှန်သမျှအတွက် ကာကွယ်ရပ်တည်ပေးသော အဖွဲ့အစည်းဖြစ်ပါသည်။

မည်သည့်အကျိုးအမြတ်ကိုမျှ ရယူခြင်း၊ တောင်းခံခြင်းမရှိဘဲ ရောက်ရှိလာသမျှ အကူအညီတောင်းဆိုမှုများအနက် နစ်နာမှုမှန်ကန်ကြောင်း စိစစ်အတည်ပြုနိုင်ပါက ပါဝင်ကူညီပေးလျက်ရှိပါသည်။

ယခု ပြောကြားလိုသည်မှာ “မည်သည့်အကျိုးအမြတ်ကိုမျှ မရယူခြင်း” ဆိုသည့် အချက်နှင့် သက်ဆိုင်ပါသည်။

ASV တွင် နောက်ကွယ်မှ တာဝန်ထမ်းဆောင်နေသော Volunteer မောင်မယ်များ ရှိသကဲ့သို့၊
ရှေ့ထွက်၍ မိမိတို့၏ သက်ဆိုင်ရာ အမည်နာမဖြင့် တာဝန်ထမ်းဆောင်နေသော Volunteer မောင်မယ်များလည်း ရှိပါသည်။

ASV Members များဟု သိရှိကြသောအခါ လေးစားအသိအမှတ်ပြုမှုဖြင့် ဆက်ဆံပြောဆိုခြင်း၊ အလေးထားဆက်ဆံခြင်းတို့ကို များစွာလက်ခံရရှိကြပါသည်။

ထိုကဲ့သို့သော ယုံကြည်လေးစားမှုပေးခြင်းကပဲ ကျွန်တော်တို့အတွက် လုံလောက်ပြည့်စုံနေပြီဖြစ်ပါသည်။

ASV Team Members များအတွက်

အထူးသဖြင့် အမျိုးသား Team Members များသည် အောက်ပါကျင့်ဝတ်ကို တင်းကြပ်စွာ လိုက်နာရပါမည်။

အကူအညီရယူနေသော Victims ညီမငယ်များနှင့် Case ကိစ္စရပ်များမှလွဲ၍ ပုဂ္ဂိုလ်ရေးဆိုင်ရာ စကားပြောဆိုခြင်း၊ ပုဂ္ဂိုလ်ရေးအရ ရင်းနှီးပတ်သက်မှု တည်ဆောက်ခြင်း၊ ဆက်ဆံရေးအသွင် ဆောင်ရွက်ခြင်းတို့ကို လုံးဝ လုံးဝ ရှောင်ကြဉ်ရပါမည်။

ဤစည်းကမ်းချက်ကို စေတနာ့ဝန်ထမ်းဖြစ်သည်ဖြစ်စေ မဖြစ်သည်ဖြစ်စေ တင်းကြပ်စွာ လိုက်နာရမည်ဖြစ်ပြီး၊ စည်းကမ်းချိုးဖောက်ပါက ပြင်းထန်သော အရေးယူမှုများ ပြုလုပ်သွားမည်ဖြစ်ပါသည်။
ယခုတိုင် လိုက်နာကြခြင်းများအတွက်လည်း ပြန်လည် အသိအမှတ်ပြုပါတယ်ခင်ဗျာ။

နောက်တစ်ချက်အနေဖြင့် ASV အဖွဲ့အစည်းကို ဝန်းရံပံ့ပိုးပေးနေကြသော ပြည်သူများ၊ အထူးသဖြင့် အမျိုးသမီးများထံသို့ ASV အမည်ကို အသုံးပြု၍ အဖွဲ့ဝင်အမျိုးသားများက မိတ်ဆက်လာခြင်း၊ ပုဂ္ဂိုလ်ရေးရင်းနှီးမှု သို့မဟုတ် ဆက်ဆံရေးတစ်ရပ် တည်ဆောက်လိုသည့် ရည်ရွယ်ချက်ဖြင့် ချဉ်းကပ်ပြောဆိုခြင်းများကို ကျင့်ဝတ်အရ မပြုလုပ်ရန် အတွင်းစည်းကမ်းဖြင့် တားမြစ်ထားပြီး ဖြစ်ပါသည်။

ထိုကဲ့သို့သော အခြေအနေမျိုးနှင့် ကြုံတွေ့လာပါက မည်သူ့ကိုမျှ အားနာစရာမလိုဘဲ လက်သင့်ခံ၍ စကားပြောဆိုရန် မလိုအပ်ပါ။ မိမိဆန္ဒအလျောက် ငြင်းဆိုခြင်း၊ တုံ့ပြန်ခြင်းများကို လွတ်လပ်စွာ ပြုလုပ်နိုင်ပါသည်။

စကားလာပြောသူသည် ကျွန်တော်ကိုယ်တိုင် ဖြစ်နေသည်ဖြစ်စေပါ
“ASV ကပဲ တာဝန်ခံပဲ “ ဆိုသော အကြောင်းပြချက်ဖြင့် အခွင့်အရေးပေးရန်၊ ပစားပေးရန် မလိုအပ်ကြောင်းကိုလည်း
ဉပမာထား အသိပေးအပ်ပါသည်။

ထို့အပြင် ASV Team Members များထံမှ စည်းကမ်းပိုင်းဆိုင်ရာ သို့မဟုတ် ကျင့်ဝတ်ပိုင်းဆိုင်ရာ ချိုးဖောက်မှုတစ်စုံတစ်ရာကို တွေ့ရှိခဲ့ပါကလည်း အားနာစရာမလိုဘဲ ကျွန်တော့်ထံသို့ တိုက်ရိုက် ဆက်သွယ်အကြောင်းကြားပေးပါရန် မေတ္တာရပ်ခံအပ်ပါသည်။

အားလုံးကို ကျေးဇူးတင်ပါတယ်။
ဆက်ဖိုက်ကြပါမယ်။ ✊

ASV Team

#AungZaBuKyawHein

နည်းပညာနောက်ကွယ်က ခြိမ်းခြောက်မှု ( Spy Camera အန္တရာယ်နှင့် သတိပြုစရာ)

​လက်ရှိအချိန်မှာ နည်းပညာတွေ တိုးတက်လာတာနဲ့အမျှ စိုးရိမ်စရာကောင်းတဲ့ ကိစ္စတစ်ခုကတော့ မသမာသူတွေက Spy Camera (လျှို့ဝှက်စွာတိတ်တဆိတ် ရိုက်ကူးနိုင်တဲ့ ကင်မရာသေးသေးလေးတွေ) ကို အလွယ်တကူ ဝယ်ယူပြီး အလွဲသုံးစားလုပ်လာကြတာပဲ ဖြစ်ပါတယ်။

အထူးသဖြင့် သမီးရည်းစား ဆက်ဆံရေးတွေ၊ ခရီးသွားလာမှုတွေနဲ့ အများသုံးနေရာတွေမှာ မိန်းကလေးတွေရဲ့ ကိုယ်ရေးကိုယ်တာလုံခြုံမှု (Privacy) ကို ချိုးဖောက်ပြီး အမြတ်ထုတ်ဖို့၊ အကျပ်ကိုင်ငွေညှစ်ဖို့နဲ့ အရှက်ခွဲဖို့အထိ ရည်ရွယ်ချက်ဆိုးတွေနဲ့ အသုံးချလာကြတာကို တွေ့ရပါတယ်

​ဒါကြောင့် အမျိုးသမီးများအနေနဲ့ မိမိတို့သွားလာတည်းခိုတဲ့နေရာတွေဖြစ်တဲ့ ဟိုတယ်၊ တည်းခိုခန်း၊ အဝတ်လဲခန်းနဲ့ အများသုံးသန့်စင်ခန်းတွေမှာ မသင်္ကာစရာ အပေါက်ငယ်လေးတွေ၊ နာရီ၊ ပလပ်ပေါက်၊ ပန်ကာနဲ့ မီးသီးတွေမှာ ကင်မရာအိမ်လေးတွေ ရှိ၊ မရှိ သေချာစစ်ဆေးဖို့ လိုအပ်ပါတယ်

ဖုန်း Application တွေကတစ်ဆင့် Hidden Camera Detector စနစ်တွေကို အသုံးပြုပြီးတော့လည်း ကြိုတင်ကာကွယ်နိုင်ပါတယ်။ ဘယ်လောက်ပဲ ယုံကြည်ရတဲ့ ဆက်ဆံရေးမျိုးဖြစ်ပါစေ မိမိရဲ့ Privacy နဲ့ ပတ်သက်ရင် မျက်စိမှိတ်မယုံဘဲ အမြဲမျက်စိဖွင့် နားစွင့်ထားဖို့ တိုက်တွန်းချင်ပါတယ်

​တစ်ဖက်မှာလည်း ဒီလို Spy Camera တွေကို ဝယ်ယူပြီး အမျိုးသမီးတွေအပေါ် မသမာတဲ့စိတ်နဲ့ အသုံးချဖို့ ကြံစည်နေသူတွေကို ပြင်းထန်စွာ သတိပေးလိုပါတယ်။ သူတစ်ပါးရဲ့ ကိုယ်ရေးကိုယ်တာကို ခိုးယူရိုက်ကူးတာ၊ အဲဒီရုပ်သံတွေနဲ့ ခြိမ်းခြောက်ငွေညှစ်တာတွေဟာ သာမန်အမှားမျိုးမဟုတ်ဘဲ ကြီးလေးတဲ့ ဒစ်ဂျစ်တယ်ရာဇဝတ်မှု (Cybercrime) ဖြစ်ပါတယ်
တည်ဆဲဥပဒေတွေအရ ကြီးလေးတဲ့ ထောင်ဒဏ်တွေအပြင် မိမိတို့ရဲ့ လူမှုဘဝပါ တစ်ပါတည်း ပျက်စီးသွားနိုင်တဲ့အထိ ပြစ်ဒဏ်တွေ ခံရမှာဖြစ်ပါတယ်။

​နည်းပညာဆိုတာ လူမှုဘဝကို ပိုမိုကောင်းမွန်စေဖို့၊ အကျိုးရှိရှိ အသုံးချဖို့အတွက် ဖန်တီးထားတာဖြစ်ပါတယ်။ ခဏတာသာယာမှု၊ ကိုယ်ကျိုးစီးပွား ဒါမှမဟုတ် အခြားသူကို ထိခိုက်နစ်နာစေမယ့် ရည်ရွယ်ချက်တွေအတွက် အသုံးချပြီး အမျိုးသမီးတွေရဲ့ လုံခြုံမှုနဲ့ ဂုဏ်သိက္ခာကို ခြိမ်းခြောက်တာမျိုး မပြုလုပ်သင့်ပါဘူး။

နည်းပညာကို တာဝန်ယူမှုရှိရှိ အသုံးပြုကြပြီး လမ်းမှားမရောက်ကြစေဖို့၊ တစ်ဦးနဲ့တစ်ဦး အပြန်အလှန် လေးစားတန်ဖိုးထားတဲ့ လူမှုပတ်ဝန်းကျင်တစ်ခု တည်ဆောက်နိုင်ဖို့ ASV Team မှ အလေးအနက်ထား အသိပေး သတိပေး တိုက်တွန်းနှိုးဆော်အပ်ပါတယ်။

#ASVTeam
#XAZEL

Case A 5058 အတွက် အမည်ပျက်စာရင်းကြေငြာခြင်း။

ပရဟိတမျက်နှာဖုံးနောက်ကွယ်က အောက်တန်းကျသော ကာမလိမ်လည်လှည့်ဖြားမှုနှင့် တာဝန်မဲ့မှု

"အရှေ့ဒဂုံ ၁၃ရပ်ကွက် သွေးလူငယ်အသင်းက ဒုဥက္ကဌဟောင်း"  ကိုရဲထွန်း၏ ကာမလိမ်လည်မှု ၎င်းနှင့်ရသော ကိုယ်ဝန်အားတာဝန်မဲ့မှုတို့နှင့်စပ်လျဥ်း၍ အမှုမှန် တင်ပြခြင်း။

ပရဟိတသမားဆိုတဲ့ ဂုဏ်ပုဒ်ကို အသုံးချပြီး အသက် (၁၀) နှစ်ခန့်ငယ်တဲ့ အမျိုးသမီးငယ်တစ်ဦးရဲ့ ဘဝကို ဖျက်ဆီးရုံတင်မကဘဲ၊ မိမိရင်သွေးကိုပါ ငြင်းပယ်ပြီး နည်းမျိုးစုံနဲ့ လိမ်ညာရှောင်ပြေးနေတဲ့ ကိုရဲထွန်း (သွေးလူငယ်အသင်း၊ဒုဥက္ကဌဟောင်း) ရဲ့ လုပ်ရပ်မှန်သမျှကို အများသိစေဖို့ အချက်အလက်စုံလင်စွာဖြင့် ဖော်ထုတ်လိုက်ပါတယ်။

၁။ ကိုယ်ဝန်ရှိမှန်းသိပါလျက်နှင့် အချိန်ဆွဲ လှည့်ဖြားခဲ့ခြင်း။

နစ်နာသူအမျိုးသမီးတွင် ကိုယ်ဝန်ရှိနေကြောင်းကို ကိုရဲထွန်းကိုယ်တိုင် စစ်ဆေးပေးခဲ့တာဖြစ်ပြီး နှစ်ဦးလုံး အစကတည်းက သိရှိခဲ့ကြတာပါ။ အစပိုင်းမှာ သူက "ဖျက်ချမလား၊ သူ့အသိဆရာဝန်မေးပြီးပြီ ဘာမှမထိခိုက်ဘူး" လို့ တာဝန်မဲ့စွာ ပြောဆိုခဲ့သလို၊ ယူမယ်ဆိုရင်လည်း "အခုအခြေအနေနဲ့ဆို ခက်ခဲတယ်" ဆိုပြီး ဝေဝေဝါးဝါးနဲ့ အချိန်ဆွဲခဲ့ပါတယ်။ "တစ်နှစ်စောင့်ပါ၊ ဒီနှစ်ကုန်ရင် ယူပါ့မယ်" ဆိုတဲ့ ကတိအမှားတွေနဲ့ အခြေအနေမှန်ကို ဖုံးကွယ်ပြီး ကိုယ်ဝန်ရင့်လာအောင် ရည်ရွယ်ချက်ရှိရှိ လှည့်ဖြားခဲ့ခြင်း ဖြစ်ပါတယ်။

၂။ ဆေးရုံတက်နေရသည်ဟု ဇာတ်လမ်းဆင်၍ အကြီးအကျယ်လိမ်ညာခြင်း
နိုဝင်ဘာလ (၅) ရက်နေ့ မနက် (၉:၅၆) နာရီမှာ ကိုရဲထွန်းက ၎င်းရဲ့ Viber (09798319690) ကနေ "ရှောင်နေတာမဟုတ်ဘူး၊ PDF နယ်မြေထဲမှာမို့ ဖုန်းပြောမရတာ၊ အစ်မဖြစ်သူက ခေါင်းရိုက်ခွဲလို့ ၈ ချက်ချုပ်ထားရတယ်၊ အနာရင်းပြီး ဆေးရုံမှာ ၂ ရက်ရှိပြီ တက်နေရတယ်" ဆိုပြီး အထောက်အထားခိုင်လုံစွာ လိမ်ညာခဲ့ပါတယ်။ ဒါပေမဲ့ လက်တွေ့မှာတော့ အဲဒီနေ့ညမှာပဲ အသင်းကိစ္စနဲ့ ပွဲတစ်ခုမှာ ပျော်ပျော်ပါးပါး ရောက်ရှိနေတာကို တွေ့ရှိခဲ့ရပြီး ၎င်းပြောသလို ခေါင်းမှာ ဘာဒဏ်ရာ၊ ဘာပတ်တီးမှ ရှိမနေခဲ့ပါဘူး။

၃။ ငွေကြေးကိစ္စများကို ပြောင်းပြန်လှန်၍ သိက္ခာချခြင်း။

တွဲခဲ့သမျှ ကာလပတ်လုံး စားသောက်စရိတ်ကအစ နစ်နာသူအမျိုးသမီး ဘက်ကပဲ အကုန်အကျခံခဲ့ရတာပါ။ ၎င်းဖုန်းမှန်ကွဲလို့၊ အသင်းကားဘီးပြင်ဖို့၊ အိမ်ကမကူညီလို့ တစ်ဖက်က အတင်းတောင်းနေပြီဆိုတဲ့ ငွေကြေးတွေကိုလည်း နစ်နာသူဘက်ကပဲ ကူညီပေးခဲ့တာ သက်သေအပြည့်အစုံ ရှိပါတယ်။ ဒါကို ကိုရဲထွန်းက "တစ်ဖက်မိန်းကလေးက ပိုက်ဆံချေးပြီး ပြန်မဆပ်လို့ သူက စိုက်ဆပ်ပေးနေရတယ်" ဆိုပြီး ပတ်ဝန်းကျင်ကို အောက်တန်းကျကျ လိမ်ညာနေပါတယ်။ ယနေ့အထိ ၎င်းဘက်က နစ်နာသူအတွက် စိုက်ထုတ်ခဲ့ရတဲ့ ငွေကြေးဟာ (၅) သောင်းတောင် မပြည့်ခဲ့ပါဘူး။

၄။ ကိုယ်ချင်းစာတရား ကင်းမဲ့စွာဖြင့် ရင်သွေးကို ငြင်းဆိုခြင်း။

မိမိရင်သွေးကို "မဟုတ်ပါဘူး၊ မလုပ်ပါဘူး" လို့ မိသားစုရှေ့မှာ ငြင်းဆိုနေခြင်းဟာ လူ့ကျင့်ဝတ်ကို လုံးဝဖောက်ဖျက်တာပါ။ ပရဟိတ အသင်းအဖွဲ့တစ်ခုရဲ့ ဦးဆောင်သူတစ်ယောက်ဟာ ပြင်းပြတဲ့ အတ္တဟိတစိတ် နဲ့ ရှောင်ပြေးလိုက်ခြင်းပါပဲ။
"Facebook ပေါ်တင်လို့ မယူတာ" ဆိုတဲ့ ဆင်ခြေဟာလည်း မဟုတ်မမှန်ပါဘူး။ ဘာမှမတင်ခင်ကတည်းက ၎င်းဟာ အဆက်အသွယ်ဖြတ် ရှောင်နေခဲ့တာဖြစ်ပြီး နစ်နာသူဘက်က ရအောင်ဆက်သွယ်မှသာ စာပြန်ပို့ခဲ့ခြင်း ဖြစ်ပါတယ်။ ၎င်းထက် အသက် (၁၀) နှစ်တိတိ ငယ်ရွယ်တဲ့ နစ်နာသူဟာ ၎င်းအတွက် ညီမအရွယ်လေးသာ ရှိသော်လည်း ကိုယ်ချင်းစာစိတ် လုံးဝမရှိခဲ့ပါဘူး။

၅။ အသင်းနှင့် မိသားစုအကြောင်းပြ၍ ရှောင်တိမ်းခြင်း။

"အသင်းကလည်း လက်မခံတော့ဘူး၊ အိမ်ကလည်း နှင်ထုတ်ထားတယ်" ဆိုတဲ့ စကားတွေမျိုးစုံပြောပြီး နစ်နာသူတစ်ယောက်တည်းကိုပဲ ရှောင်နေခဲ့တာပါ။ အမှန်တော့ ၎င်းကိုယ်တိုင်ကသာ အသင်းကနေ ထုတ်ခိုင်းနေခဲ့တာ ဖြစ်ပါတယ်။


ယခုဆိုလျှင် ကိုယ်ဝန်မှာ ၅ လနီးပါး ရှိနေပြီဖြစ်သော်လည်း ကိုရဲထွန်းသည် ယနေ့အထိ မဆိုင်သော ကိစ္စများဆွဲထည့်၍ တာဝန်ယူမှုကို ရှောင်လွှဲနေဆဲ ဖြစ်ပါတယ်။ ဒီလို တာဝန်မဲ့ပြီး လိမ်ညာတတ်တဲ့သူမျိုး ပရဟိတလောကမှာ ဆက်လက် အခြေမလှစေဖို့နဲ့ နစ်နာသူအမျိုးသမီးအတွက် ထိုက်တန်တဲ့ တာဝန်ယူမှု ရရှိစေဖို့ အမှန်တရားကို အများသိအောင် တင်ပြ၍ အမှတ် 13 ရပ်ကွက် အရှေ့ဒဂုံမြို့နယ် သွေးလူငယ်ပရဟိတအသင်း ရဲ့ ဒုဥက္ကဌဟောင်း ဖြစ်သူ ကိုရဲထွန်းအား အမည်ပျက်ကြေငြာ၍ လူထုအနေဖြင့် Social Punsihment နည်းနှင့် လူမှုရေးပြစ်ဒဏ်ခတ်၍ ဆက်လက်အရေးယူပေးပါရန် နစ်နာသူညီမငယ်ကိုယ်စား လေးနက်စွာ မေတ္တာရပ်ခံပါတယ်ခင်မျာ။

သက်သေ Ss နှင့် ကိုရဲထွန်း၏ ဓာတ်ပုံများ၊ ကိုယ်ရေးအချက်အလက်များ အောက်တွင်ဆက်လက်ဖော်ပြပါမည်။

#မှတ်ချက်။ ။ရဲထွန်းသည် သွေးလူငယ်အသင်းနှင့် လုံးဝ(လုံးဝ) မသက်ဆိုင်တော့ပါကြောင်း။

နောက်ဆက်တွဲ Public Sector ဖြင့် ထပ်မံ Social Punishment လုပ်ရန်အတွက် Post အဟောင်းအားပြန်လည် မျှဝေခြင်းဖြစ်သည်။

#ASVTeam
#CaseManagementTeam

Case A 5201 အတွက် လူမှုရေးပြစ်ဒဏ်အရ အရေးယူရန် ထုတ်ပြန်ကြေငြာချက်။


ASV Team အနေဖြင့် ယခုဖော်ပြခြင်းသည် အဆိုပါကျောင်းအား ရည်ရွယ်ချက်ရှိရှိ လူမှုကွန်ရက်ပေါ်တွင် ဖိအားပေးခြင်း၊ အများပြည်သူ၏ အမြင်အရ အပျက်သဘောဖြစ်စေရန် သို့မဟုတ် ကျောင်း၏ဂုဏ်သိက္ခာကို ထိခိုက်စေရန် ရည်ရွယ်ထားခြင်း လုံးဝမဟုတ်ပါ။

ကျွန်တော်တို့ Team မှ လက်ရှိရရှိထားသော အချက်အလက်များအရ အဆိုပါကျောင်းတွင် ပညာသင်ကြားခဲ့ဖူးသူတစ်ဦးနှင့် သက်ဆိုင်ကြောင်းသာ သိရှိရသဖြင့်၊ ဖြစ်စဉ်နှင့်ပတ်သက်သည့် အမှန်တရားပေါ်ပေါက်လာစေရန်နှင့် တာဝန်ရှိသူအား ဖော်ထုတ်နိုင်ရန် ရည်ရွယ်၍သာ ယခုဖော်ပြခြင်းဖြစ်ပါသည်။

လက်ရှိအချိန်တွင် ကျွန်တော်တို့ထံ တိုင်ကြားလာသော နစ်နာသူ (၂) ဦးရှိပြီး၊ ၎င်းတို့အတွက် မျှတမှု ပြန်လည်ရရှိစေရန်၊ ဖြစ်စဉ်၏ အမှန်တရားကို ဖော်ထုတ်နိုင်စေရန်နှင့် တာဝန်ရှိသူအား တာဝန်ခံစေနိုင်ရေးသည် ကျွန်တော်တို့၏ အဓိကရည်ရွယ်ချက်ဖြစ်ပါသည်။

ထို့အပြင် ယခုဖြစ်စဉ်နှင့် ဆက်စပ်၍ ထုတ်ဖော်မပြောရသေးသော သို့မဟုတ် အကြောင်းအမျိုးမျိုးကြောင့် တိုင်ကြားရန် အခက်အခဲရှိနေသည့် အခြားနစ်နာသူများလည်း ရှိနေနိုင်ခြေကို ကျွန်တော်တို့ ထည့်သွင်းစဉ်းစားထားပါသည်။

ထို့ကြောင့် အမှန်တရားကို ဖော်ထုတ်နိုင်ခြင်းသည် လက်ရှိနစ်နာသူများအတွက်သာမက အနာဂတ်တွင် အလားတူဖြစ်ရပ်များ ထပ်မံမဖြစ်ပွားစေရန်၊ ထိုကဲ့သို့သော လုပ်ရပ်များကို ဟန့်တားကာကွယ်နိုင်ရန်နှင့် အခြားဖြစ်နိုင်ခြေရှိသော နစ်နာသူများကိုလည်း အကာအကွယ်ပေးနိုင်ရန် အရေးကြီးသည်ဟု ကျွန်တော်တို့ ယုံကြည်ပါသည်။

ကျောင်းအနေဖြင့် ကိုယ်ရေးကိုယ်တာအချက်အလက်များနှင့် သက်ဆိုင်သည့် စည်းမျဉ်းများကြောင့် မည်သည့်အချက်အလက်ကိုမျှ တိုက်ရိုက်ထုတ်ဖော်ပေးနိုင်မည် မဟုတ်ကြောင်းကိုလည်း ကျွန်တော်တို့ အပြည့်အဝ နားလည်လက်ခံ၍ လေးစားမှုထားရှိပါသည်။

သို့ရာတွင် အဆိုပါကျောင်းတွင် ဘုန်းထက်နှင့်အတူ ပညာသင်ကြားခဲ့ကြသော ကျောင်းနေဘက်သူငယ်ချင်းများ၊ သိကျွမ်းသူများ သို့မဟုတ် ဖြစ်စဉ်နှင့်ပတ်သက်၍ အချက်အလက်တစ်စုံတစ်ရာ သိရှိထားသူများအနေဖြင့် အမှန်တရားပေါ်ပေါက်လာစေရန်၊ လက်ရှိနစ်နာသူများအတွက် မျှတမှုရရှိစေရန်နှင့် အလားတူဖြစ်ရပ်များ ထပ်မံမဖြစ်ပွားစေရန်အတွက် မိမိတို့ထံသို့ ပူးပေါင်းကူညီ၍ သတင်းအချက်အလက်များ ပေးပို့ပေးကြပါရန် လေးစားစွာ ဖိတ်ခေါ်အပ်ပါသည်။

ASV Team မှ အဖွဲ့ဝင်များသည် ပထမတိုင်ကြားသူ မိန်းကလေး၏ ဖြစ်စဥ်ကတည်းက ၎င်းကျူးလွန်သူထံဆက်သွယ်တိုင်ကြားခဲ့သော်လည်း မည်သည့်တုံ့ပြန်မှုမျှမရပဲ Block ၍ တိမ်းရှောင်ခဲ့ပါသည်။

ကျူးလွန်သူအမည်-ဘုန်းထက်

အသက်-21 နှစ်

အလုပ်အကိုင်-Lagency International School - Mingalardon Campus (​ကျောင်းသို့ဆက်သွယ်မေးမြန်းချက်အရ  ကျောင်းပြီးခဲ့ပြီဖြစ်သော ကျောင်းသားဟောင်းဖြစ်သည်ဟု သိရပါသည်။)

ဖုန်းနံပါတ်-09764182234

Telegram acc name (KAN)

Telegram Username @jbbbdh

တိုင်ပင်ဆွေးနွေးလိုသော ညီအကိုမောင်နှမများ အောက်မှာ ချပေးထားတဲ့ အကောင့်တွေကနေ လာပြောလို့ရပါတယ် ခင်မျာ။👇👇👇

အောက်မှာ ဖော်ပြထားတဲ့ လူတွေနဲ့စကားစပြောခဲ့ရင်လည်း ASV Team မှ Admin များဖြစ်ကြောင်းကို အချက်အလက်ပြန်လည်စစ်ဆေးမေးမြန်း၍ အတည်ပြု နိုင်ပါတယ်။

https://www.facebook.com/share/15jHEoiw4k/

@aungzabu2021 (Team Leader)

@mratt1111 (Co Leader)

@Leila_is_Ghost (Case Reporter)

@Kai_To7134 (Case Reporter)

@lilywithwealthy (Case Reporter)

@Gelia_Spirit241 (Case Reporter)

@AuroraASV (Counsellor) (စနေ၊တနင်္တနင်္ဂနွေနှစ်ရက်သာ)

ဖြည့်စွက်အသိပေးချင်တာတစ်ခုက ကျွန်တော်တို့ အဖွဲ့ဝင်တစ်ဦးထပ်ပြီးအားဖြည့်ထားပါတယ်။ Counsellor အဖြစ်ပါဝင်အားဖြည့်ပေးမှာဖြစ်ပြီး လိုအပ်သူများ မိမိတို့ ASV ၏အမှုပါဝင်နိုင်မှု လုပ်ထုံးလုပ်နည်းနဲ့ကိုက်ညီသော စိတ်ပိုင်းဆိုင်ရာအကြံဥာဏ်တောင်းယူလိုမှုများအတွက် Counselling သီးသန့်လိုအပ်ပါက Counsellor နှင့်လည်း တိုက်ရိုက် ဆက်သွယ်တိုင်ပင်နိုင်ပါသည်။

တာဝန်ခံ ကိုအောင်ဇမ္ဗူကျော်ဟိန်းသည် အခြားသော တာဝန်များလည်း ရှိသေးသောကြောင့် အချိန်နဲ့တပြေးညီ အကြောင်းမပြန်နိုင်ခဲ့ရင် နားလည်ပေးပြီး ကျန်တဲ့ Admin တွေကိုလည်း ပို့ထားနိုင်ပါတယ်။

ကျွန်တော်တို့ တစ်ယောက်မဟုတ် တစ်ယောက် စာပြန်ပါမယ်ခင်မျာ။

#ASVTeam
#AdminTeam

အခု Case A 5201 လည်း V တွေထပ်ရှိနေပုံပဲ။ လက်ရှိတင် နှစ်ယောက်က လာတိုင်ထားတာဆိုတော့။

နောက်မှာ ထပ်ကိုင်ရမယ့် Case ကလည်း V တွေအများကြီးအပေါ် ကျူးလွန်ထားတဲ့ ကျူးလွန်သူတစ်ယောက်ပဲ။

အခုနောက်ပိုင်း Target တွေက အပြိုင်အဆိုင်တွေများ ယုတ်မာနေကြတာလားမသိ။

လာလိုက်ရင် V တစ်ယောက်တည်းတွေမဟုတ်တော့ဘူး။ အနည်းဆုံး နှစ်ယောက်။

#ASVTeam

Case A 5201 နှင့် ပတ်သက်၍ နောက်ဆက်တွဲ ထုတ်ပြန်ကြေညာချက်

ကနဦးထုတ်ပြန်ခဲ့သော ပို့စ်တွင် ကျူးလွန်သူ Kan Account ပိုင်ရှင်သည် ခန့်ဇော်ဝင်း ဖြစ်ကြောင်းကို သက်သေများအဖြစ် နှုတ်ဖြင့် စကားပြောဟန်၊ အသံနေအသံထား၊ စာရိုက်ဟန်၊ စာရိုက်နည်းများကို စိစစ်ပြီး နစ်နာသူ (၄) ဦး၏ အတည်ပြုချက်နှင့်အတူ ထုတ်ပြန်ခဲ့ပါသည်။

ယနေ့ည (Korea စံတော်ချိန်) ၁၂:၀၀ AM မှ ၂:၀၀ AM အထိ Zoom မှတစ်ဆင့် ခန့်ဇော်ဝင်းအား ခေါ်ယူတွေ့ဆုံ၍ နစ်နာသူ (၄) ဦးနှင့်အတူ ကျနော် တာဝန်ခံအပါအဝင် Admin (၃) ဦးက စိစစ်ဆောင်ရွက်ခဲ့ပါသည်။

ခန့်ဇော်ဝင်းဘက်မှလည်း မေးမြန်းသမျှ၊ ရှင်းလင်းပြောကြားသမျှကို သေချာစွာ ပူးပေါင်းဆောင်ရွက်ခဲ့ပါသည်။

အကြိမ်ကြိမ် စိစစ်ထားရှိမှုများအရ (အသံနေအသံထား တူညီဟန်ရှိသည့်တိုင်) Admin (၃) ဦး၏ ဆုံးဖြတ်ချက်အရ ခန့်ဇော်ဝင်းသည်လည်း Kan Account ထံမှ ၎င်း၏ ဓာတ်ပုံများနှင့် Video များကို စနစ်တကျ အလွဲသုံးစားပြု အသုံးပြုခံနေရခြင်း ဖြစ်နိုင်ခြေရှိသည် ဆိုသည့် သုံးသပ်ချက်ကို ထည့်သွင်းစဉ်းစားရန် လိုအပ်လာပါသည်။

ထို့ကြောင့် ခန့်ဇော်ဝင်း၏ ဓာတ်ပုံများကို အသုံးပြုထားသော Kan Account အား ဖုန်းနံပါတ်မှတစ်ဆင့်ဖြစ်စေ၊ အခြားလိုက်လံဖော်ထုတ်နိုင်သည့် နည်းလမ်းများဖြင့်ဖြစ်စေ ဆက်လက်စုံစမ်းသွားမည် ဖြစ်ပါသည်။

ခန့်ဇော်ဝင်းသည်လည်း ဤဖြစ်စဉ်တွင် နစ်နာသူဖြစ်နိုင်ခြေ (သို့မဟုတ် ကျူးလွန်သူဖြစ်နိုင်ခြေ) နှစ်မျိုးစလုံး ရှိနေသေးသည့် အခြေအနေဖြစ်ပြီး၊ ၎င်း၏ စိစစ်မှုအပေါ် ပူးပေါင်းဆောင်ရွက်ပေးမှုကို ASV အနေဖြင့် အသိအမှတ်ပြုပါသည်။

သို့သော် ခန့်ဇော်ဝင်းသည် ကျူးလွန်သူ ဟုတ်၊ မဟုတ် ဆိုသည့် အချက်ကို ယခုအချိန်အထိ ပိုမိုခိုင်လုံသော သက်သေများဖြင့် အတည်မပြုနိုင်သေးသဖြင့် ယင်းကိစ္စကို ယာယီဆိုင်းငံ့ထားမည်ဖြစ်ပြီး၊ ခန့်ဇော်ဝင်းနှင့် ပတ်သက်၍ ယခင်တင်ထားသော အချက်အလက်များကိုလည်း ဖြုတ်ချသွားမည် ဖြစ်ပါသည်။

ဤ Case မှ နစ်နာသူ အမျိုးသမီးများကိုတော့ သိက္ခာပိုင်းဆိုင်ရာ ထပ်မံမထိခိုက်စေရန် ASV ၏ လုပ်ငန်းစဉ်များအတိုင်း ဆက်လက်ကူညီပေးသွားမည် ဖြစ်ပါသည်။

ပထမဆုံး ပို့စ်ထုတ်ပြန်စဉ်ကတည်းက ASV မှ ဖော်ပြခဲ့သည့်အတိုင်း ခန့်ဇော်ဝင်းဖြစ်နိုင်ခြေ အပေါ် အခြေခံ၍ ထုတ်ပြန်ခဲ့ခြင်းဖြစ်ပြီး၊ ခန့်ဇော်ဝင်းအနေဖြင့်လည်း မိမိကိုယ်ကို ကာကွယ်ရှင်းလင်းပိုင်ခွင့်၊ ငြင်းဆိုပိုင်ခွင့် အပြည့်အဝရှိကြောင်းကို ထည့်သွင်းဖော်ပြထားခဲ့ပါသည်။

ထို့ကြောင့် Case A 5201 တွင် “ကျူးလွန်သူမှာ ခန့်ဇော်ဝင်းဖြစ်သည်” ဆိုသော အချက်ကို ပယ်ဖျက်လိုက်ပြီး၊ “ကျူးလွန်သူမှာ ခန့်ဇော်ဝင်း၏ ဓာတ်ပုံကို အသုံးပြုထားသော Kan Account ပိုင်ရှင်” ဖြစ်သည်ဟုသာ ဆက်လက်ထုတ်ပြန်ထားပါမည်။

နစ်နာသူများ (Victims) အတွက် လိုအပ်သော ကာကွယ်မှုများကို ဆက်လက်ဆောင်ရွက်သွားမည့်အပြင်၊ ကျူးလွန်သူအစစ်အမှန် (Target) ကို ဖော်ထုတ်၍ အရေးယူနိုင်ရန်လည်း ဆက်လက်လုပ်ဆောင်သွားမည် ဖြစ်ပါသည်။

စိစစ်မေးမြန်လိုအပ်တာမှ လွဲ၍ ခန့်ဇော်ဝင်းအားတိုက်ရိုက်ဖိအားပေးမှု အခြေနေအားလုံး ရပ်ထားပါမယ်ခင်ဗျာ။

#ASVTeam
#CaseManagementTeam
#aungzabukyawhein

လင်းရှောင့်မိန့် ကိစ္စ ဒီမှာတင် ရပ်ထားပါမယ်။

တောင်းပန်စာ Post တွေကို 3 လ တိတိ Public နဲ့ Pin Post တင်ထားပေးမယ်ဆိုတာကိုလည်း ကတိပေးထားပြီး နစ်နာသူလိုချင်တဲ့ ကတိကဝတ်တွေကိုလည်း စောင့်ထိန်းသွားမည်ဖြစ်ကြောင်း အာမခံပေးထားသဖြင့် Case A 5213 ကို ဖိအားပေးနေတာတွေလည်း ရပ်လိုက်လို့ရပါပြီခင်မျာ။

ဝန်းရံပါဝင်ပေးကြသော တစ်ယောက်ချင်းစီတိုင်းအား လေးစားစွာကျေးဇူးတင်ပါသည်။

#ASVTeam
#CaseManagementTeam

Case A 5216

Well done ✅✅✅

ကျူးလွန်သူဘက်မှ နောက်နောင်ထပ်ပြီး နှောက်ယှက်ပက်သက်ခဲ့ရင် အခုထက်ပိုတဲ့ အရေးယူမှုတွေနဲ့ တုံ့ပြန်မှာဖြစ်ကြောင်း သေချာသတိပေးစကားများပြောခဲ့ပြီးဖြစ်တယ်။

ပါဝင်ပေးခဲ့ကြသူ မောင်မယ်များ တစ်ဦးချင်းစီတိုင်းကို နစ်နာသူကိုယ်စား အထူးပင်ကျေးဇူးတင်ပါတယ်ခင်မျာ။

တစ်ဖက်အမျိုးသမီးအတွက်လည်း လုံလောက်တဲ့ စိတ်ကျေနပ်မှု ရပြီဖြစ်လို့ ASV ရဲ့ ပါဝင်ပက်သက်မှုလည်း ရပ်လိုက်ပါပြီ။ Social Media Platform အစုံမှ ဖိအားပေးနေတာတွေကိုလည်း ပြန်လည်ရုတ်သိမ်းပေးလို့ရပါပြီခင်မျာ။

#ASVTeam
#CaseManagementTeam

ယခုစာသည် အမျိုးသမီးများအားရည်ရွယ်ပြီး အထူးသဖြင့် Discusion Group ထဲမှဝန်းရံသူညီမငယ်တွေကို တစ်ခုလောက် အသိပေးချင်ပါတယ်။ Silent Reader များတွင်လည်း ဝန်းရံသူ ရှိနိုင်ပြီး မိမိအကောင့် Profile များအား Official Account ဖြင့်အသုံးပြုနေသော ညီမငယ်များလည်း ပါဝင်ပါတယ်။

မနေ့ကစပြီး Group Member List ကို Hide လုပ်ထားတာကအကြောင်းမဲ့မဟုတ်ပါ။

အခုနောက်ပိုင်းမှာ Group ထဲ စကားတောင် ဝင်မပြောတဲ့ Member တွေအထိ Chat Girl or Date Girl ယောင်ယောင် လိုက်ပြီး စကားပြောတာ၊ နှောင့်ယှက်တာတွေ ရှိလာတာကို တွေ့နေရပါတယ်။ Member List ကို အလွယ်တကူ မြင်နိုင်နေမယ်ဆိုရင် မိန်းကလေးအကောင့်တွေကို စုယူပြီး ဆက်တိုက်ပစ်မှတ်ထား နှောင့်ယှက်လာနိုင်တဲ့အတွက် ဝန်းရံသူတွေရဲ့ လုံခြုံရေးကို ဦးစားပေးပြီး Hide လုပ်ထားတာပါ။

နောက်တစ်ခု မေတ္တာရပ်ခံချင်တာက Target တွေဆီ စာပို့တာပဲဖြစ်ဖြစ်၊ Group ထဲမှာ စာဝင်ရေးတာပဲဖြစ်ဖြစ် သတိထားပြီး မိမိဝန်းရံချင်သော ခံယူချက်လည်းမဆုတ်ယုတ်အောင် မိမိကိုယ်မိမိလည်း ဂရုပြုထိန်းသိမ်းရာဖြစ်စေရန် သတိချပ်စေချင်တာပါ။

Group ထဲမှာ စာဝင်ရေးတာပဲဖြစ်ဖြစ်၊ Comment ပေးတာပဲဖြစ်ဖြစ်၊ Target တွေနဲ့ ဆက်သွယ်တာပဲဖြစ်ဖြစ် မိမိ ဝန်းရံသော မည်သည့် Social Media Pltaform တွင်ဖြစ်စေကာမူ မိမိကိုယ်ပိုင် Account ကို အသုံးပြုမည်ဆိုလျှင် Profile မှာ မျက်နှာပါတဲ့ပုံ ဒါမှမဟုတ် ကိုယ်ရေးအချက်အလက်တွေ အလွယ်တကူသိနိုင်တဲ့ အရာတွေကို မတင်ထားတာက ပိုလုံခြုံပါတယ်။ တင်ထားမယ်ဆိုရင်လည်း ဖြစ်လာနိုင်တဲ့ Risk တွေကို ကြိုတင်စဉ်းစားထားဖို့ လိုပါတယ်။

ASV က Local Leak Channel တွေကို ဆက်တိုက်ကိုင်တွယ်ပြီး ဖြုတ်ချနေတာကြောင့် Local Leak Admin တွေနဲ့ ASV ကို မကျေနပ်နိုင်ခဲ့သော Target တွေက Team နဲ့ Admin ကို တိုက်ရိုက်မထိခိုက်နိုင်သောအခါ ဝန်းရံသူတွေကိုပဲ ပစ်မှတ်ထားဖို့ ကြိုးစားလာနိုင်ပါတယ်။

ရည်ရွယ်ချက်က ဝန်းရံသူတွေ ကြောက်သွားပြီး မဝန်းရံရဲတော့အောင် ဖိအားပေးချင်တာပါ။

ဒါကြောင့် ဒီစာက ဝန်းရံသူတွေကို ကြောက်အောင်ပြောတာမျိုး မဟုတ်ပဲ မိမိလုံခြုံရေးကို အရင်ဦးစားပေးပြီး သတိထားအသုံးပြုစေချင်လို့ အသိပေးတာပါ။

ဒီစာသည် အပြုသဘောဆောင်သော အကြံပြုချက်သာ ဖြစ်ပါတယ်။

ဝန်းရံသူညီမငယ်တိုင်းရဲ့ လုံခြုံရေးက ASV အတွက် အရေးကြီးဆုံးပါ။ အမြဲယုံကြည်ပြီး အားပေးဝန်းရံပေးနေတဲ့ ဝန်းရံသူတစ်ယောက်ချင်းစီကိုလည်း အထူးကျေးဇူးတင်ပါတယ်။

နစ်နာသူတွေကို ကာကွယ်နိုင်ဖို့ ကိုယ်တိုင်က မိမိလုံခြုံရေးကို အရင်ဆုံး ဂရုတစိုက် ဆောင်ရွက်ရင်း
ရှေ့ဆက်ဖိုက်ကြမယ်နော်ခင်ဗျာ…

#ASVမောင်မယ်များ

Case A 5220 အတွက် လူမှုရေးအရ အရေးယူနိုင်ရန် Social Punishment ကြေငြာခြင်း။

ကျုးလွန်သူမြင့်စန်းလွင်သည် နစ်နာသူတစ်ဖက်အမျိုသမီးနှင့် 3 နှစ်တာ ကာလအထိ လက်တွဲခဲ့ပြီး မြင့်စန်းလွင်ဆိုသူသည် ရုတ်တရက် လမ်းခွဲသွားခဲ့သည်။

ထိုသို့ ရုတ်တရက်လမ်းခွဲသွားသည့်အပေါ် နစ်နာသူအမျိုးသမီးသည်  မြင့်စန်းလွင်ထံ ဆက်သွယ်ဖြေရှင်းရာ ၎င်း၏လုပ်ရပ်များအပေါ် မတောင်းပန်နိုင်ကြောင်းနှင့် နောက်တစ်ကြိမ်ထပ်မံမဆက်သွယ်ရန် ၎င်းထံတွင်သိမ်းဆည်းထားသော လိင်ပိုင်းဆိုင်ရာ အချက်အလက်များဖြင့် အကြပ်ကိုင်၍ ခြိမ်းခြောက်ခဲ့သည်။

အမျိုးသမီးတစ်ဦးမှ ကြားခံ၍ ဖြေရှင်းပေးသော်လည်း ထိုအမျိုးသမီးထံပါ ၎င်းတွင်ရှိခဲ့ဖူးသော နစ်နာသူ၏ Sex Tape များ ပေးပို့ခဲ့ကြောင်း သိရှိရသည်။

အဆိုပါ လုပ်ရပ်အပေါ် နစ်နာသူဘက်မှ မြင့်စန်းလွင်၏ ခြိမ်းခြောက်အကြပ်ကိုင်ခဲ့သည့်ထိုလုပ်ရပ်များအတွက် တာဝန်ယူမှု တစ်စုံတစ်ရာ ရရှိစေရန် လိုလားကြောင်း ASV Team မှ ဆက်သွယ်သော်လည်း Block လုပ်၍ ရှောင်ပြေးခဲ့သည်။

သို့ရာတွင် မြင့်စန်းလွင်အနေဖြင့် မိမိတို့ ASV အဖွဲ့မှ နောက်ဆက်တွဲ အရေးယူမှု ထပ်မံမပေါ်ပေါက်လာစေရန်မှာ မိမိ လုပ်ရပ်အပေါ်တွင်သာ အပြည့်အဝ မူတည်ကြောင်း သတိပေးလိုသည်။

သက်သေနှင့် မိသားစုကိုယ်ရေးအချက်အလက်များ အပြည့်အစုံအား မြင့်စန်းလွင်၏ ယခုစာထုတ်ပြန်မှုအပေါ် တုံ့ပြန်ပုံအားသုံးသပ်မည်ဖြစ်သည်။

ကျူးလွန်သူအမည်- မြင့်စန်းလွင် ခေါ် ဖိုးထောင်

အသက်- 39 နှစ်

အလုပ်အကိုင် - ယာဥ်မောင်း

Telegram - 09440455554 (U Phoe Htaung)

မိဘအမည် - ဦးကျော်ရင်+ဒေါ်တင်မေ

နေရပ်လိပ်စာ- မကွေးတိုင်းဒေသကြီး ထီးလင်းမြို့နယ် ကြီးရွာ။