Case A 5182+5187 အတွက် အသိပေးထုတ်ပြန်ချက်။

နစ်နာသူမိန်းကလေးပေါင်းမြောက်များစွာရဲ့ အဓိကကျူးလွန်သူ ဇော်လွင်လွင်ထူးဘက်က သူ့ Official Facebook Account မှာ တောင်းပန်ကြောင်းနဲ့ ကျူးလွန်ခဲ့သမျှ ကိစ္စအဝဝအတွက် တာဝန်ယူဖြေရှင်းမည်ဖြစ်ကြောင်းရယ် နောက်ထပ် ထပ်မံမနှောက်ယှက်​​တော့ကြောင်း ကတိကဝတ်အတွက် Public Post တင်ထားခဲ့ပါပြီ။

ဇော်လွင်လွင်ထူးဘက်က အဲ့သည် Postကို တစ်လတိတိ Public နဲ့ Pin Post ထားပေးရမည်ဖြစ်ပါတယ်။

ယခုအခြေအနေထိ ရောက်လာစေဖို့ Team က ဖိုက်တာရဲဘော်တွေနဲ့ ဝန်းရံသူတစ်ယောက်ချင်းစီတိုင်းကို နစ်နာသူတွေကိုယ်စား ကျေးဇူးတင်ပါတယ်။ အထူးတလည် ချီးကျူးချင်တာကတော့ နစ်နာသူညီမငယ်တွေပါ။ သူတို့အချင်းချင်း အပြန်အလှန် အားပေးကြရင်း ဒီအခြေအနေကို သူတို့ကိုယ်တိုင် တွန်းလှန်နိုင်တဲ့အထိ သန်မာခဲ့ကြသော ညီမငယ်တွေပါပဲ။

ဒီအခြေအနေကနေမှ ယခင်က နစ်နာခဲ့ဖူးသော အမျိုးသမီးတွေလည်း စိတ်ကျေနပ်မှုရကြပြီလို့ယူဆပြီး နောက်ထပ်သော နစ်နာသူအသစ်တွေထပ်ပေါ်မလာဖို့ ဇော်လွင်လွင်ထူးကိုယ်တိုင် သူ့ကိုယ်သူထိန်းချုပ်ရာလည်း ဖြစ်စေပါတယ်။

https://www.facebook.com/share/p/1GuYzx3ZcH/

#ASVTeam
#CaseManagementTeam

Virus တစ်ခုလို ကူးစက်ပြန့်ပွားလာသော Local Leak အန္တရာယ်


Virus တစ်ခုရဲ့ အန္တရာယ်က ဘာလဲဆိုရင် လူတစ်ယောက်ကနေ နောက်တစ်ယောက်ဆီ အလွယ်တကူ ကူးစက်နိုင်တာပါပဲ။ ဒီနေ့ခေတ် Social Media ပေါ်မှာ ဖြစ်ပေါ်နေတဲ့ Local Leak ပြဿနာကလည်း အဲ့ဒီ Virus တစ်ခုလိုပဲ လျင်မြန်စွာ ကူးစက်ပြန့်ပွားလာနေပါတယ်။

တစ်ယောက်ယောက်ရဲ့ ကိုယ်ရေးကိုယ်တာဓာတ်ပုံတွေ၊ ဗီဒီယိုတွေ၊ Chat Record တွေကို ခွင့်ပြုချက်မရှိဘဲ ဖြန့်ဝေလိုက်တဲ့အချိန်မှာ အဲ့ဒီအရာတွေက Account တစ်ခုကနေ Account တစ်ခု၊ Group တစ်ခုကနေ Group တစ်ခုဆီ ဆက်တိုက်ရောက်ရှိသွားကြပါတယ်။ မူရင်းတင်သူက တစ်ယောက်ပဲ ဖြစ်နိုင်ပေမယ့် ပြန်လည် Share လုပ်သူ၊ Save လုပ်သူ၊ Forward လုပ်သူတွေ များလာတာနဲ့အမျှ ထိခိုက်မှုက ပိုပြီး ကြီးမားလာပါတယ်။

တကယ်တော့ Leak ဖြစ်သွားတဲ့ Content တစ်ခုရဲ့ နောက်ကွယ်မှာ လူတစ်ယောက်ရဲ့ ဘဝတစ်ခု ရှိနေပါတယ်။ ယုံကြည်မှုနဲ့ ပေးအပ်ထားတဲ့ ပုံတွေ၊ Video တွေ၊ ကိုယ်ရေးကိုယ်တာ အချက်အလက်တွေဟာ လူအများကြား ဖျော်ဖြေရေးအတွက် အသုံးပြုဖို့ ဖန်တီးထားတာ မဟုတ်ပါဘူး။ ဒါပေမယ့် လူတချို့ကတော့ "ကြည့်ရုံပဲ"၊ "Share ရုံပဲ"၊ "သူများလည်း ကြည့်နေကြတာပဲ" ဆိုတဲ့ စိတ်နဲ့ ပါဝင်လာကြတယ်။

အမှန်တကယ်တော့ အဲ့ဒီလုပ်ရပ်တိုင်းဟာ Leak Culture ကို ဆက်လက်အသက်ရှင်စေတဲ့ လုပ်ရပ်တွေ ဖြစ်နေပါတယ်။

နစ်နာသူတစ်ယောက်အတွက်တော့ Leak ဖြစ်သွားတဲ့ Content ဟာ File တစ်ခု ပျံ့သွားတာထက် ပိုပါတယ်။ သူတို့ရဲ့ ဂုဏ်သိက္ခာ၊ စိတ်ကျန်းမာရေး၊ လူမှုဆက်ဆံရေးနဲ့ အနာဂတ်အထိ ထိခိုက်သွားနိုင်ပါတယ်။ အချို့သောသူတွေဟာ လူမှုကွန်ရက်တွေကနေ ထွက်ပြေးသွားရတာမျိုး၊ စိတ်ပိုင်းဆိုင်ရာ ဖိအားတွေ ခံစားရတာမျိုး၊ မိမိကိုယ်ကို ယုံကြည်မှု ပျောက်ဆုံးသွားတာမျိုးအထိ ဖြစ်ပေါ်နိုင်ပါတယ်။

ပိုပြီး စိုးရိမ်စရာကောင်းတာက နစ်နာသူကို အပြစ်တင်တဲ့ Victim Blaming Culture ဖြစ်ပါတယ်။ "ဘာလို့ ရိုက်ထားတာလဲ"၊ "ဘာလို့ ပို့ပေးခဲ့တာလဲ" ဆိုတဲ့ မေးခွန်းတွေဟာ ကျူးလွန်သူရဲ့ အပြစ်ကို လျော့ပါးသွားစေပြီး နစ်နာသူကိုပဲ ထပ်မံနာကျင်စေပါတယ်။

ပြဿနာရဲ့ အရင်းအမြစ်က ယုံကြည်မှုကို အလွဲသုံးစားလုပ်ပြီး ဖြန့်ဝေခဲ့တဲ့သူတွေ ဖြစ်ကြောင်း မမေ့သင့်ပါဘူး။
Virus တစ်ခုကို ရပ်တန့်ဖို့ ကူးစက်မှုလမ်းကြောင်းကို ဖြတ်တောက်ရသလိုပဲ Local Leak တွေကို ရပ်တန့်ဖို့လည်း ကြည့်ရှုခြင်း၊ Save လုပ်ခြင်း၊ Share လုပ်ခြင်း၊ Forward လုပ်ခြင်းတွေကို ရပ်တန့်ရမှာ ဖြစ်ပါတယ်။

Leak Content တွေကို Report လုပ်ခြင်း၊ ဖြန့်ဝေမှုတွေကို ဆန့်ကျင်ခြင်း၊ နစ်နာသူတွေကို အားပေးကူညီခြင်းတွေကသာ ဒီပြဿနာကို လျော့နည်းစေမယ့် နည်းလမ်းတွေ ဖြစ်ပါတယ်။

Local Leak ဆိုတာ အင်တာနက်ပေါ်က ဟာသတစ်ခု၊ ဖျော်ဖြေရေးတစ်ခု မဟုတ်ပါဘူး။ လူတစ်ယောက်ရဲ့ ဂုဏ်သိက္ခာ၊ ယုံကြည်မှု၊ ဘဝနဲ့ အနာဂတ်ကို ထိခိုက်ပျက်စီးစေနိုင်တဲ့ လူမှုရေးအန္တရာယ်တစ်ခု ဖြစ်ပါတယ်။

ကျွန်တော်တို့ တစ်ယောက်ချင်းစီက "မကြည့်ဘူး၊ မမျှဝေဘူး၊ မဖြန့်ဝေဘူး" ဆိုတဲ့ ရပ်တည်ချက်ကို ကိုင်စွဲနိုင်မှသာ Virus တစ်ခုလို ကူးစက်ပြန့်ပွားနေတဲ့ Local Leak Culture ကို အတူတကွ ရပ်တန့်နိုင်မှာ ဖြစ်ပါတယ်။

#ASVTeam
#XAZEL

Happy birthday ပါ အမေစု..
သက်ရှည်ကျန်းမာပြီး မတရားအချုပ်အနှောင်မှ အမြန်လွတ်မြောက်ပါစေ။

အမေ့သားသမီး
ဒီပြည်သူတွေလည်း ပန်းတိုင်မယိုင်မလွဲ ကြိုးစားနေကြပါတယ်ခင်ဗျာ။

ASV Team