Case A 5156

Well done ပါ။

Mission Complete ✅✅✅

ကျုးလွန်သူဖြိုးဝေယံဘက်က နောက်နောင် ထပ်ပြီးမနှောက်ယှက်တော့ကြောင်း Video File နှင့်တကွ တောင်းပန်ခဲ့ပြီဖြစ်၍ နစ်နာသူအတွက်လည်း နောင်ကာလတွေမှာ စိတ်လုံခြုံမှုအပြည့်ပြန်ရစေခဲ့ပါပြီ။

အခု Case အတွက်လည်း ပါဝင်သူအားလုံးတာဝန်ကျေပါတယ်။ နောက်ထပ်သော နစ်နာသူတစ်ယောက်ကို ထပ်မံ လွတ်မြောက်စေခဲ့ပါပြီ။

နောက်နောင်မှာ ထပ်ပြီး နှောက်ယှက်နိုင်တဲ့အခြေအနေတစ်ခုလည်း ရှိမလာနိုင်တော့တဲ့အတွက် စိတ်ချလို့ရပါပြီခင်မျာ။

လုံလောက်တဲ့ကတိကဝတ်တွေနဲ့ ကျင့်ဝတ်အရပါ အမျိုးသမီးနှင့်တကွနစ်နာခဲ့ရသော မိသားစုဝင်များအပေါ်ပါ တောင်းပန်ကြောင်း ရခဲ့ပြီဖြစ်တဲ့အတွက် Case A 5156 အား ASV ရဲ့ ပါဝင်ပက်သက်မှုတွေလည်း ရပ်လိုက်ပါပြီခင်မျာ။

ပါဝင်သူတစ်ယောက်ချင်းစီတိုင်းအား နစ်နာသူကိုယ်စား ကျေးဇူးတင်ပါတယ်။ ကျုးလွန်သူနဲ့ပက်သက်ပြီး ထုတ်ပြန်ထားတဲ့ Public Sector မှတစ်ဆင့် ဖိအားပေးနေတာတွေကိုလည်း ရပ်လိုက်လို့ရပါပြီခင်မျာ။

#ASVTeam
#CaseManagementTeam

ချစ်ခြင်းမေတ္တာနဲ့ လေးစားမှုဆိုတာ
တောင်းယူလို့ရတဲ့ အရာတွေမဟုတ်ဘူး။
ပိုက်ဆံနဲ့ ဝယ်ယူလို့လည်း မရဘူး။ အချိန်ကပေးတဲ့ သက်သေတွေနဲ့ လူတစ်ယောက်ရဲ့ အပြုအမူတွေကသာ ဖန်တီးပေးနိုင်တာ ဖြစ်တယ်။
စကားလှအောင်ပြောရရင် ပြုစုပျိုးထောင်ယူရတာမျိုးပေါ့။

လူတစ်ယောက်ဟာ နောက်ထပ်လူတစ်ယောက်ကို ချစ်မိသွားနိုင်တယ်။ အသစ်တစ်ယောက်ကို တွေ့ရှိသွားနိုင်တယ်။ လက်ရှိဆက်ဆံရေးအပေါ် စိတ်ကုန်သွားနိုင်တယ်။ ဒီလိုဖြစ်စဉ်တိုင်းရဲ့ နောက်ကွယ်မှာ သူ့အကြောင်းနဲ့သူ ရှိတတ်ကြတယ်။

တချို့က သည်းခံပြီး ဆက်လက်လက်တွဲကြတယ်။ တချို့ကတော့ ရုန်းထွက်ဖို့ ရွေးချယ်ကြတယ်။ အဲဒီရွေးချယ်မှုတွေကို အလွယ်တကူ အပြစ်တင်ဖို့ ခက်တယ်။ ဘာကြောင့်လဲဆိုတော့ လူသားတွေဟာ ကိုယ့်အမှန်တရားနဲ့ကိုယ် အသက်ရှင်နေကြသူတွေ ဖြစ်လို့ပဲ။

ချစ်သူဖြစ်လာကြတယ်ဆိုတာ ပိုင်ဆိုင်လိုက်ကြပြီလို့ မဆိုလိုဘူး။ လူတစ်ယောက်ကို ချစ်ခြင်းဟာ သူ့ဘဝကို သိမ်းပိုက်လိုက်ခြင်း မဟုတ်ဘဲ သူ့ဘဝနဲ့ ဆက်စပ်ခွင့် ရလာခြင်းသာ ဖြစ်တယ်။

သစ္စာရှိခွင့်ရှိသလို လက်တွဲဖြုတ်ခွင့်လည်း ရှိတယ်။ အဲဒီအခွင့်အရေး နှစ်ခုစလုံးကို နားမလည်တဲ့ အချစ်ဟာ တစ်ဖက်သားကို ချုပ်နှောင်ဖို့ပဲ ကြိုးစားလေ့ရှိတယ်။

တချို့သော ဆက်ဆံရေးတွေမှာ “သစ္စာ” ဆိုတဲ့ စကားလုံးဟာ ချည်ကြိုးပဲ။
နားလည်မျှတမှုရှိတဲ့ ဆက်ဆံရေးတွေမှာ “သစ္စာ “ ဟာ “ဆေး “ ဖြစ်ပေမယ့်
အဆင်မပြေတဲ့ ဆက်ဆံရေးတွေမှာကျ သစ္စာနဲ့ ကိုင်ပေါက်ခြင်းတွေဟာ မိမိကိုယ်ကို
အတော်ဆုတ်ယုတ်စေပါတယ်။
အဆင်မပြေတဲ့အရာအပေါ်မှာ “သစ္စာ “မပျက်ဖို့ ယူဆချက်နဲ့ ကိုယ့်ကိုယ်ကို ဖျက်ဆီးပြီး ဆက်နေရမယ့် အကြောင်းပြချက် မဟုတ်ဘူး။

စိတ်ဒဏ်ရာတွေ၊ မလေးစားမှုတွေ၊ နှိပ်စက်မှုတွေ ပြည့်နေတဲ့ ဆက်ဆံရေးတစ်ခုကို “သစ္စာရှိရမယ်” ဆိုတဲ့ အယူအဆနဲ့ ဆက်လက်သယ်ဆောင်နေတာဟာ မြင့်မြတ်မှု မဟုတ်ဘူး။ ကိုယ့်ကိုယ်ကို မေ့လျော့ခြင်းသာ ဖြစ်တယ်။

လူတစ်ယောက်အနေနဲ့ အရင်ဆုံး သစ္စာရှိရမှာ ကိုယ့်ရဲ့ စိတ်ချမ်းသာမှုအပေါ်ပဲ။ ကိုယ့်တန်ဖိုးထားမှုအပေါ်ပဲ။

မိန်းမဖြစ်စေ၊ ယောကျ်ားဖြစ်စေ ကိုယ့်ဘဝကို ကိုယ်တိုင်တည်ဆောက်ရတယ်။ ဘယ်သူ့အရိပ်အောက်မှာမှ တစ်ဘဝလုံး ခိုလှုံနေလို့ မရဘူး။

အထူးသဖြင့် အမျိုးသမီးတွေဟာ မိမိရဲ့ ခန္ဓာကိုယ်၊ စိတ်ဆန္ဒနဲ့ ဘဝကို မိမိကိုယ်တိုင် ပိုင်ဆိုင်ကြောင်း သေချာနားလည်ဖို့ လိုတယ်။ မေတ္တာကြောင့်ပဲဖြစ်ဖြစ်၊ အားနာမှုကြောင့်ပဲဖြစ်ဖြစ်၊ လူမှုဖိအားကြောင့်ပဲဖြစ်ဖြစ် ကိုယ်မလိုချင်တဲ့အရာကို လက်ခံပေးနေရတဲ့ အခြေအနေဟာ လွတ်လပ်မှု မဟုတ်ဘူး။

လူကြီးတစ်ယောက်အဖြစ် ကိုယ့်ခန္ဓာကိုယ်ကို ကိုယ်ပိုင်တယ်။ ကိုယ့်ဆုံးဖြတ်ချက်ကို ကိုယ်ပိုင်တယ်။ ဒါပေမယ့် ဆုံးဖြတ်ချက်တိုင်းရဲ့ နောက်ကွယ်မှာ တာဝန်ယူမှုဆိုတာလည်း အမြဲတွဲလျက် ရှိနေတယ်။

မင်းဘယ်လို မိန်းကလေးမျိုးကို သဘောကျသလဲလို့ မေးရင်

ကိုယ့်စံနှုန်းနဲ့ကိုယ် လွတ်လပ်စွာ ရှင်သန်ရဲတဲ့ အမျိုးသမီးမျိုးကို သဘောကျတယ်။

ဘယ်သူ့ကိုမှ မမှီခိုဘဲ ရပ်တည်နိုင်တယ်။
ဘယ်သူ့ကြောင့်မှ မပြိုလဲဘူး။
ဘယ်သူမရှိလည်း ကိုယ့်ဘဝကိုယ် ရယ်မောနိုင်တယ်။

ဒါပေမယ့် သူ့လွတ်လပ်မှုဟာ တစ်ပါးသူကို မထိခိုက်စေဘူး။ သူ့ရွေးချယ်မှုတွေအတွက် သူ့တာဝန်သူ ယူရဲတယ်။

ကျွန်တော်ထင်တယ်…
အဲဒီလို လွတ်လပ်မှု၊ တာဝန်ယူမှုနဲ့ သိက္ခာရှိမှုတို့ ပေါင်းစပ်ထားတဲ့ အရည်အသွေးဟာ မိန်းမဆန်
ခြင်းထက် ပိုပြီး လူသားဆန်ခြင်းလို့ ခေါ်သင့်
တယ်။

ASV Team
#aungzabukyawhein

Case A 5187 အတွက် လူမှုရေးပြစ်ဒဏ်ခတ်အရေးယူရန်ထုတ်ပြန်ကြေငြာခြင်း။

ကျူးလွန်သူသည် ASV ထံ အတိုင်ခံရတာ ဒါပါနဲ့ဆို 3 ကြိမ်မြောက်ပါ။

ရှေ့နှစ်နှစ်ဝန်းကျင်လောက်က မိန်းကလေးတစ်ယောက်ကို ခြိမ်းခြောက်ပြီး လိင်အမြတ်ထုတ်ခဲ့တဲ့ကိစ္စနဲ့ပက်သက်ပြီး ASV မှာ သူ့အကြောင်း လာတိုင်ဖူးသေးတယ် တစ်ခါ။

အခုတစ်ကြိမ်သည် 5 နှစ်ကျော်ကြာ Official တွဲခဲ့ဖူးတဲ့ ရည်းစားဟောင်းအပေါ် ကျူးလွန်ခြင်းဖြစ်သည်။

ရည်းစားဟောင်းနဲ့အတူနေခဲ့ဖူးတဲ့ တစ်ဖက်မိန်းကလေးရဲ့ မျက်နှာအရှင်းသားပါတဲ့ Sex Video တွေကို Sub များတဲ့ Channel မှာ ရောင်းစားထားခဲ့ပြီး ပထမအဆင့် ကျွန်တော် နဲ့ Private မှာ စကားပြောနေစဥ် "သူမလုပ်ခဲ့ဘူး။ သူလုပ်ခဲ့တဲ့သက်သေမရှိပဲ သူ့ကိုလာမစွပ်စွဲနဲ့" ဆိုတဲ့စကားလုံးတွေနဲ့ တွင်တွင်ငြင်းဆိုခဲ့ပြီး ပြန်တောင်ဆဲခဲ့တဲ့ ကလိမ်ကကျစ်ကောင်ပါ။

သူဖြန့်ခဲ့ရောင်းချခဲ့ကြောင်းသက်သေရပြီးတဲ့နောက်မှာတော့ သူဝန်ခံခဲ့ရပြီး တစ်ဖက်မိန်းကလေးအပေါ်တောင်းပန်ခဲ့တယ်။ သို့ပေမယ့် ပြန်ပြောတဲ့စကားလုံးတစ်ချို့မှာ တစ်ဖက်မိန်းကလေးကို "နင်ဘာနစ်နာခဲ့လို့လဲ" ဆိုတဲ့ တာဝန်မဲ့စကားနဲ့  တစ်ဖက်မိန်းကလေး အတွက် စိတ်လုံခြုံမှုပြန်ရဖို့ တာဝန်ခံမှုတွေမှာတော့ ကျူးလွန်သူဟာ ပျက်ကွက်ခဲ့ပါတယ်။

ASV ကိုလာတိုင်တဲ့ မိန်းကလေး 3 ယောက်အပြင် တစ်ခြားသော မိန်းကလေးတွေအပေါ်မှာရော ဒါမျိုး ကျူးလွန်မှုတွေ ရှိနေနိုင်မလားဆိုတာ မခန့်မှန်းနိုင်တဲ့ အခြေအနေတွေလည်းဖြစ်တယ်။

ထို့ကြောင့် Case A 5187 အတွက် Social Punishment နည်းဖြင့် လူမှုရေးအရ ပြင်းပြင်းထန်ထန် အရေးယူပေးရန် နစ်နာသူတွေကိုယ်စား လေးလေးနက်နက်တောင်းဆိုပါတယ်ခင်မျာ။

#ASVTeam
#CaseManagementTeam