እንኳን ለብርሃን ትንሣዔው በሠላም አደረሳችሁ!
በአገር ቤትም ሆነ በመላው ዓለም የምትገኙ ኢትዮጵያውያን የክርስትና እምነት ተከታዮች እንኳን ለጌታችን ለመድኃኒታችን ለኢየሱስ ክርስቶስ የትንሳዔ በዓል አደረሳችሁ፡፡
ዘመኑ ድኅነት ይዞ የመጣን ክርስቶስ አሳልፎ የመስጠት፣ የመግረፍ፣ የማሰቃየት፣ የእንግልት ነበር፡፡ ይሕም ሳይበቃ መስቀል አሸክሞ እየተዘባበቱ በጅራፍ የመግረፊያ፣ ዕጣ የመጣጣያ፣ ከዚያም በርባንን የመፍቻው፣ ክርስቶስን የመስቀያም ነበር፡፡ በግርፋቱ ውስጥ፣ ድኅነት፣ በስቅላቱ ውስጥ ትንሳዔን እንዳለ በልባቸው ያኖሩ ግን ጥቂቶች ነበሩ፡፡
በዚህ ዘመንም፣ አገር በሠራ፣ አገረ-መንግሥት ባፀና፣ ዕድሜ ዘመኑን ሙሉ አገርን ከጠላት እየተዋጋ ከክብሯ አንዳች ሳያጎድል የኖረው አማራ ስደት፣ መከራ፣ ግድያና የዘር ጭፍጨፋ እየደረሰበት ነው፡፡
አገር አፍራሽ ወንበዴ በርባንን እፍኝ ላይ አስቀምጦ፣ በድህነትና በአገር-ወዳድነት ‹‹አገሬ›› ብሎ በሚኖርበት ኢትዮጵያ እንዳይኖር፣ ዘሩ ለነገ እንዳይተርፍ፣ ስጋ-ደም ገብሮ ባቀናት አገሩ ባይተዋር እንዲሆን ተደርጓል፡፡
ግና አርብ አልፎ ጌቴሴማኒ ኃይል የላትምና ክርስቶስን በመግነዝ አላስቀረችውም፤ ኃይል በእጁ አለና ትንሳዔው ሆኗል፡፡ አማራም ‹‹አማራ›› ከሚለው ስሙ የቀደሙ ጠላቶቹን የጣለበት ኃይል አለውና ትንሳዔው ሩቅ አይደለም፡፡ የገዳዮቹ ኃይል፣ የአሳዳጆቹ ክንድ ከጌቴሴማኒ የአትክልት ሥፍራ የመቃብር ቋጥኝ አይልቅምና ወደቀደመ ክብሩ ዳግም የሚመለስበት ጊዜም ከአርብ እስከ ዕለተ-ሰንበት ካለው ሦስት ሌሊትና ሦስት መዐልት የራቀ ጊዜ አይሆንም፡፡
ክርስቲያኖች እንዲሁም መላው ወገናችን፣ በአገራችን ውስጥ በዘራቸው ምክንያት ብቻ የተፈናቀሉትን፣ በየአጥቢያ ቤተክርስቲያን እና ገደልና ሸለቆ ከገዳዮች ተሸሽገው የሚገኙ ወገኖቻችንን በመርዳት እና ከጎናቸው በመሆን በዓሉን እንድናሳልፍ በማድረግ ወገናዊ ግዴታችንን እንወጣ፡፡
መልካም የትንሣዔ በዓል!
አሥራት - የትውልዱ አንደበት!

138 የወልቃይት ጠገዴ ተወላጆች ከሱዳን ከስደት ተመልሰው ወደ ትውልድ ቀያቸው በሰላም ገብተዋል።
አሥራት ቲቪ
ግንቦት 2/9/2013
በዘረኛው ህወሓት ከሀገራቸው፣ ከእርስታቸው ተፈናቅለው የነበሩ ከ30 አመት የስደት ቆይታ በኃላ ወደ ትውልድ አገራቸው አማራ ምድር ወልቃይት ጠገዴ በሰላም ተመልሰዋል።
ይሄ የመጀመርያ ዙር እንደሆነና ወደፊትም እንደሚቀጥል አስተባባሪው ኮሚቴ ለአስራት ገልፀውልናል።

ለጋሞ ባህል ማዕከል ግንባታ የሚውል ቦታ ተሰጠ።
_________________________________
የአዲስ አበባ ከተማ አስተዳደር ለጋሞ ባህል ማዕከል ግንባታ የሚውል ቦታ ሰጠ። የከተማ አስተዳደሩ ምክትል ከንቲባ ወ/ሮ አዳነች አቤቤ በዛሬው ዕለት የባህል ማዕከሉ ግንባታ የሚካሄድበትን ቦታ በይፋ ለጋሞ ልማት ማህበር አስረክበዋል።
“የጋሞ አባቶች የሠላም ተምሳሌት ለሀገር ግንባታ” በሚል ዘንድሮ ለ2ኛ ጊዜ በአዲስ አበባ ደረጃ የጋሞ ባህል ሲምፖዚየም በከተማው ወዳጅነት አደባባይ ተካሂዷል። በሲምፖዚየሙ ላይ የህዝብ ተወካዮች ም/ቤት አፈ-ጉባኤ ታገሰ ጫፎ፣ ም/ከንቲባ ወ/ሮ አዳነች አቤቤ፣ የደቡብ ብልፅግና ፓርቲ ጽ/ቤት ሀላፊ ጥላሁን ከበደ፣ ዋና አስተዳዳሪ ብርሃኑ ዘውዴ፣ ሚኒስትሮች፣ የአዲስ አበባ እና ደቡብ ክልል የካቢኔ አባላት፣ የጋሞ አባቶች እና እናቶች እንዲሁም 5ሺህ የሚደርሱ በከተማዋ የሚኖሩ የጋሞ ተወላጆች እና ወዳጆች ተገኝተዋል።
ባለፈው ዓመት በቀድሞው ም/ከንቲባ ኢ/ር ታከለ ኡማ ቃል ለተገባው የጋሞ ባህል ማዕከል ግንባታ የሚውል ካርታ ያስረከቡት ም/ከንቲባ አዳነች “ልማት ማህበሩ በተረከበው ቦታ በተቻለው ፍጥነት ግንባታ እንዲጀምር ለዚህም ከተማ አስተዳደሩ አስፈላጊውን ድጋፍ እንደሚያደርግ ተናግረዋል።
ጋሞ አዲስ አበባን በጥበብ ሥራው ሲያለብስ ኖሯል ሲሉ የገለጹት ወ/ሮ አዳነች ከሸማ ሥራ ውጤቶች ገበያ አቅርቦት ጋር ተያይዞ የሚስተዋሉ ችግሮችን ከተማዋ አስተዳደሩ በአፋጣኝ ምላሽ እንደሚሰጥበት ተናግረዋል።
በሲምፖዜሙ ላይ ንግግር ያደረጉት የህዝብ ተወካዮች ም/ቤት ዋና አፈ-ጉባኤ ታገሰ ጫፎ ጋሞ በሀገር ግንባታ ላይ ያለውን ከፍተኛ አስተዋጾ ይበልጥ ጠብቆ እና አጠናክሮ እንዲቀጥል ጥሪ አቅርበዋል።
ሀገራችን ኢትዮጵያ በአሁኑ ሰዓት ከየአቅጣጫው የገጠማትን ፈተና በብቃት ለመመከት መላ ኢትዮጵያዊያን እጅ ለእጅ እንዲያያዙ አፈ-ጉባኤ ታገሰ ጥሪ አቅርበዋል።
በርካታ የጋሞ ተወላጆች በስፋት በሚኖሩባት አዲስ አበባ ለጋሞ ባህል ግንባታ የተሰጠው ይዞታ በመሃል አዲስ አበባ ልዩ ስሙ “ለገሃር” አካባቢ እንደሚገኝ ታውቋል።

ማይካድራ ላይ ጭፍጨፋ በማድረግ ወደ ሱዳን የሄደው የጁንታ ርዝራዥ ሃይል ወደ ሁመራ ሊገባ ሲል ተደመሰሰ::
አሥራት
ግንቦት 06/2013 ዓ.ም
ከጁንታው ሃይል መካከል ማይካድራ ላይ ጭፍጨፋ በማድረግ ወደ ሱዳን የሄደው ሃይል ወደ ሁመራ ሊገባ ሲል መደምሰሱን የመከላከያ ሚኒስትር የሃይል ስምሪት ሃላፊ ብርጋዴል ጀነራል ተስፋዬ አያሌው ገለፁ።
ለወራት አሜሪካና ሱዳን ከሚገኙ የጁንታው አባላት ድጋፍ እየተደረገለት ስልጠና ሲወስድ የነበረው ሃይል በተደጋጋሚ ወደ ሀገር ውስጥ ለመግባት ሙከራ ሲያደርግ መቆየቱንም አስታውሰዋል፡፡
ይሁን እንጅ ይህ ሙከራቸው በተደጋጋሚ በመከላከያ ሰራዊቱ ሲከሽፍ ቆይቷልም ነው ያሉት።
ከተደጋጋሚ ሙከራ በኋላም 320 ከጁንታው ሃይል በሃምዳይት ሁመራ በኩል ትጥቅና የተለያዩ መድሃኒቶችን ይዞ ሊገባ ሲል ገሚሱ በመከላከያ ሰራዊቱ ሲደመሰስ ገሚሱ መማረኩንም ተናግረዋል።
አሁንም ከኋላ የቀረ ሃይል መኖሩን የገለጹት ብርጋዴር ጀኔራል ተስፋዬ መከላከያ ሰራዊቱ አሁንም ይህንን ሃይል ለመደምሰስ በተጠንቀቅ ላይ እንደሚገኝ ገልጸዋል።
በሰጡት መግለጫ ሀገራዊ ሀላፊነት ተሰጥቷቸው በአሜሪካ ይገኙ የነበሩና ሀገርን በመካድ ሱዳን ካርቱም ከሚገኙ የጁንታው አመራሮች ጋር ወደ ሀገር ውስጥ የመገናኛ መሳሪያዎችና መድሀኒቶችን ለማስገባት ሲንቀሳቀሱ የነበሩትም በሰራዊቱ ተደምስሰዋል ብለዋል።
ብዛት ያለው የሬዲዮ መገናኛ ፣ ሳተላይት ስልኮችና የተለያዩ መድሀኒቶች መያዛቸውንም ነው የገለጹት።
ጁንታው በተከፋይ አክቲቪስቶቹ የሚረጨው የውሸት ዜና ብቻ በመሆኑ ህብረተሰቡም ይህን እንዲገነዘብ ጥሪ አቅርበዋል።
ዘገባው የፋና ብሮድካስቲንግ ኮርፖሬት ነው።

<<አንገት መድፋት የአማራ አይደለም>>
የወልቃይት ጠገዴ ነዋሪዎች
<<ዛሬ አዲስ ቀን ነው፤ የወልቃይት ጠገዴን ዘር የማጥፋት ወንጀል እዚህ ላይ አብቅቷል>> ኮ/ል ደመቀ ዘውዱ - የወልቃይት ጠገዴ ሰቲት ሁመራ ሕዝቦች ዞን ም/አስተዳዳር
<<በኃይል ወስደው በኃይል ፋይሉን የዘጉበትን ርስታችንን እና ማንነታችንን በአማራ ሕዝብ መራር ትግል መልሰን ወደክብሩ አኑረናል"
አቶ አሥራደ ደሣለኝ - የርዕሰ መስተዳድሩ ዋና አማካሪ
አሥራት
ግንቦት 14/2013ዓ.ም
አሸባሪው የትሕነግ አምባገነን ቡድን ባለፉት 30 ዓመታት የመንግስት ልጣን በመያዝ በአማራ ሕዝብ ላይ በደል፣ ግፍና ጭፍጨፋ አድርሷል፣ መዋቅራዊ ሽፋን ሰጥታል።
በተለይ በወልቃይት፣ ሁመራ፣ ዳንሻ፣ ጠገዴ፣ ማይካድራ እና በርካታ ሰሜን ምዕራብ አማራ ላይ እጅግ ዘግናኝ የመሬት ወረራ፣ ማንነትን መሠረት ያደረገ እሥር፣ እንግልት፣ አፈና ግድያ እና ማፈናቀል ተፈፅሞበታል፤ ከአገር ተሰዷል፣ ለማንነቱና ክብሩ ተሰውቷል።
ይሕን አስከፊ ዘመን አሸባሪው ትሕነግ ጥቅምት 24/2013 ዓ.ም ቅራቅር ላይ በአማራ ሕዝብ ላይ በከፈተው የተለመደ ትንኮሳ፣ የአማራ ሕዝብ፣ ፋኖ፣ ሚሊሻ እና ልዩ ኃይል የተቀናጀ የመልሶ ማጥቃት ድል ሆኖ ወደመጣበት ተመልሷል፣ በበረሃ ከስሟል፤ በኃይል የያዘውም የአማራ ማንነት እና ርስትም ለመጨረሻ ጊዜ በባለርስቱ ወልቃይቴ እና ጠገዴ ትግል ተመልሷል።
የትግሉን ፍሬ ለመዘከር፣ በትግሉ የተሳተፉትን ለማመስገን እና እውቅና ለመስጠት ዛሬ ግንቦት 14/2013 ዓ.ም በወልቃይት ጠገዴ ሰቲት ሁመራ ዞን በወፍአርግፍ ከተማ ደማቅ መርሐ-ግብር ተከናውኗል።
በዕውቅናው የመላው አማራ ሕዝብ፣ የጎንደር ከተማ፣ የወልቃይትና ጠገዴ ወረዳ፣ የአማራ ሚሊሻና ልዩ ኃይል፣ የሚዲያ አካላት እና ተጋባዥ የማንነት ጥያቄ ያላቸው የአማራ አካባቢዎች ተወካዮችን ጨምሮ ከ30,000 በላይ ታዳሚዎች ተገኝተዋል።
<<ባለፉት ዘመናት እና አሁንም ድረስ ተወረን- ወራሪ፣ ተበድለን - በዳይ፣ ተሰደን -አሳዳጅ፣ ተገድለን - ገዳይ፣ ግፉዓን ሆነን ሳለ - ገፊ ተብለን በተዛባ የታሪክ ቅሪት ጫና እየተደረገብን ነውና ምሑራን ይኸን በመመከት ከዕውነት ጋር ቁሙ>> በማለት አንድነት ላይ እንዲያተኩር የጠየቁት የርዕሰ መስተዳድሩ ዋና አማካሪ፤ <<ጠላቶቻችን የማይተኙ ቢሆንም፣ ከድል ማማችን የሚያወርደን ምድራዊ ኃይል ግን በፍፁም የለም>> በማለት አንድነቱ የደረጀ ሕዝብ እንዲፈጠር እንሠራለን ብለዋል።
የወልቃይት፣ ጠገዴ፣ ሰቲት፣ ሁመራ፣ ዳንሻና ሌሎች አካባቢዎች ላይ የተደረገው የባሕል፣ የኃይማኖት፣ የቋንቋ፣ የስነ-ልቦና ቀውስ በመታገል እውነተኛ ውግንናቸውን ያሳዩ ግለሰቦችንና ተቋማትን ዕውቅና በመስጠት ተጠናቋል።
አሥራትም በቦታው በመገኘት መሰናዶውን የተከታተለ ሲሆን የቪዲዮ ቅንብሮችን አሰናድቶ እንደጨረሰ የሚያቀርብ መሆኑን ያሳውቃል።

ሰበር ዜና!
የአብን ሊቀመንበር አቶ በለጠ ሞላ የተወዳደሩበት ራያ ቆቦን ጨምሮ፣ መርጡለማርያም እና ሉማሜ ምርጫ ክልሎች በአማራ ክልል ድጋሚ ምርጫ ይደረግባቸዋል - ምርጫ ቦርድ
ቦርዱ ሰኔ 14/2013 ዓ.ም የተካሄደውን የ6ተኛውን አገራዊ ምርጫ ውጤትም ይፋ አድርጓል።
በዚህም መሠረት:-
አጠቃላይ የምርጫ ውጤት (ለፓርላማ) ፦
1. አዲስ አበባ ከተማ
- ብልጽግና 22 መቀመጫዎችን አሸንፏል
- አንዷን መቀመጫ አንድ የግል ዕጩ ተወዳዳሪ አሸንፈዋል
2. አፋር ክልል
- 8 የፓርላማ መቀመጫዎች አሉት
- ሰኔ 14 ምርጫ የተካሄደባቸው 6 መቀመጫዎችን በሙሉ ብልጽግና ፓርቲ አሸንፏል
3. አማራ ክልል
- ምርጫ ከተካሄደባቸው 125 የፓርላማ መቀመጫዎች ውስጥ ብልጽግና በ114ቱ አሸንፏል
- አብን 5 መቀመጫዎችን አሸንፏል
4. ቤኒሻንጉል ጉሙዝ
- 9 የፓርላማ መቀመጫዎች አሉት
- በሶስት የፓርላማ መቀመጫዎች ሰኔ 14 ምርጫ ተከናውኗል
- ሶስቱንም መቀመጫዎች ብልጽግና ፓርቲ አሸንፏል
5. ድሬዳዋ
- 2 የፓርላማ መቀመጫዎች አሉት
- ብልጽግና ፓርቲ አንዱን መቀመጫ አሸንፏል
6. ጋምቤላ ክልል
- 3 የፓርላማ መቀመጫዎች አሉት
- ሶስቱንም ምርጫ ክልሎች ብልጽግና ፓርቲ አሸንፏል
7. ኦሮሚያ ክልል
- 178 የፓርላማ መቀመጫዎች አሉት
- ምርጫ ከተካሄደባቸው 170 መቀመጫዎች ውስጥ ብልጽግና 167ቱን መቀመጫ አሸንፏል
- ቀሪ 3 መቀመጫዎችን 3 የግል ዕጩዎች አሸንፈዋል
8. ሲዳማ ክልል
- 19 የፓርላማ መቀመጫዎች አሉት
- 19ኙንም መቀመጫዎች ብልጽግና ፓርቲ አሸንፏል
9. ደቡብ ክልል
- 104 የፓርላማ መቀመጫዎች አሉት
- ምርጫ ከተከናወነባቸው 85 የፓርላማ መቀመጫዎች ውስጥ በ75ቱ ብልጽግና ፓርቲ አሸንፏል
- ኢዜማ 4 መቀመጫዎችን አሸንፏል
- የጌድዮ ህዝቦች ዲሞክራሲያዊ ፓርቲ 2 መቀመጫዎችን አሸንፏል ብሏል።

አሳዛኝ!

በጣና ሃይቅ 13 ያህል ሰዎችን ያሳፈረች ጀልባ ተሰወረች !
በማዕከላዊ ጎንደር ዞን ምስራቅ ደንቢያ ወረዳ 13 የሚደርሱ ሰዎችን አሳፍራ በጣና ኃይቅ ጉዞ የጀመረችው አነስተኛ ጀልባ ሀምሌ 9 ፣ 2013 ዓ.ም ሌሊት ለጉዞ መነሳቷም ተገልጿል ፣ ፖሊስ ባለሙያዎችን በሁለት ቡድን አዋቅሮ ከትናንት ጀምሮ ፍለጋ እያደረገ ቢሆንም እስካሁን ምንም አይነት ፍንጭ አልተገኘም ተብሏል። መንገደኞቹ ጉዟቸውን የጀመሩበት ሰዓት ሌሊት መሆኑም ፍለጋውን አስቸጋሪ አድርጎታል ተብሏል።

ምርጫው ስለተዘረፈ ፤ የምርጫውን ውጤት በፍፁም እንደማይቀበለው ባልደራስ ለእውነተኛ ዴሞክራሲ ፓርቲ ገለፀ

የባልደራስ ለእውነተኛ ዲሞክራሲ ፓርቲ ፤ 6ኛው ሀገራዊ ምርጫን ገምግሞ ውጤቱን ዛሬ ይፋ አድርጓል፡፡

ግምገማው የአዲስ አበባ ምርጫ እና ድህረ ምርጫ ሂደትን የተመለከተ ነው፡፡

በውጤቱም ባልደራስ ፤ገዢው ፓርቲና ምርጫ ቦርድ ምርጫውን ስለዘረፉት የዚህን ምርጫ ውጤት በፍፁም አልቀበልም ብሏል፡፡

ገዥው ፓርቲ በዋና ፈፃሚነት፤ ምርጫ ቦርድ በተባባሪነት ምርጫውን ስለዘረፉት በፍርድ ቤት ከስሻለሁ ሲል የግምገማ ውጤቱን ይፋ ባደረገበት መግለጫ አሳውቋል፡፡

ይህ ጥናት በአዲስ አበባ ከተማ በሚገኙ የምርጫ ጣቢያዎች ላይ በምርጫ ቀን እና በድህረ ምርጫ ባሉት ቀናት የታዩ ተግዳሮቶችን የሚዳስስ ነው፡፡

እንደ ቅድመ ምርጫ ሂደቱ ጥናት ሪፖርት ውጤት 6ኛው ሀገራዊ ምርጫ ላይ በዕጩዎች፣ በፓርቲው በአባላትና በመራጮች ላይ የሰብዓዊ መብት ጥሰቶች (ስድብ፣ ዛቻ እና እስር) እንደተከናወኑበት ከጥናቱ መረጃ ለመረዳት ተችሏል፡፡

በአንድ የምርጫ ጣቢያ ክልል ከአንድ በላይ ምርጫ ጣቢያዎች ተከፍተው እንደነበር የጥናት ቡድኑ በምርመራ ግኝቱ አመልክቷል፡፡ ይህ ደግሞ ምርጫ ቦርድ ካወጣው ህግ ጋር የሚፃረር ነው፡፡

በአዲስ አበባ ከተማ የሚገኙ የምርጫ ጣቢያዎች ከነዋሪው ህዝብ ብዛት ጋር የማይመጣጠኑ እና ቁጥራቸው አነስተኛ እንደነበር ጥናቱ አስገንዝቧል፡፡

የጥናቱ ግኝት እንደሚያሳየው ብዙዎቹ የምርጫ አስፈፃሚዎች የምርጫ እና የድምፅ አሰጣጥ ሂደቱን እንደማያውቁ በጥናቱ አማካኝነት ለመረዳት ተችሏል፡፡

የምርጫ አስፈፃሚዎች የምርጫ እና የድምፅ አሰጣጥ ሂደቱን ጠንቅቀው ላለማወቃቸው ዋናው ምክንያት የምርጫ ቦርድ የምርጫ አስፈፃሚዎች አመላመል ብቃትን ሳይሆን ማንነት መሰረት ባደረገ መልኩ ስለሆነ እንደሆነ የጥናቱ ግኝት ያሳያል፡፡

ስለሆነም የባልደራስ ለእውነተኛ ዲሞክራሲ ፓርቲ ፤ምርጫው ስለተዘረፈ ፤ የምርጫውን ውጤት በፍፁም አልቀበለውም ብሏል፡፡

በሔኖክ አስራት
ሐምሌ 23 ቀን 2013 ዓ.ም

Watch "mathematics teacher" on YouTube
https://youtube.com/channel/UCVTUblnRi0mA_-dQ96lTYZA