*#مَشْوَار _ إِلْتِزَام《05》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏دخلتَ لي ست المنشور خاص
اسمها "وعد"
رسلتَ ليها :
السلام عليكم.

وعد: وعليكم السلام.

تنزيل: طيب يا جميلة أنا ما بحب أنصح فِي العام؛ عشان كِدا دخلتَ ليكِ فِي الخاص بِتمنى ما أكون أزعجتك
بس حابة أنبهك على صورتك الناشراها
ما يجوز لِلمراة أنو تنشر صورها فِي السوشيال ميديا و فيها سيئات و غير أنو الحاجة دي فيها خطر عليكِ مُمكِنْ عادي واحد ياخد الصورة دي و يستخدمها فِي أمور لا تليق و مُمكِن واحد فِي قلبو مرض يقعد يكبر الصورة و يدقق فِي الملامح
حتى لو مُحجبة أو مُنتقبة صورتك ما ينفع تنشريها
و النصيحة دي لِنفسي قبل ليكِ
و هدانا اللَّه جميعًا و بارك اللَّه فيكِ.

رسلتَ الرسالة و ظهر لي قاعدة تكتب
قُلتَ بِقلبي :
يا حليلك يا تنزيل، الليلة حيردحوا ليكِ ردح!
بعد مسافة و وصلتني رسالتها ..

وعد: جزاك اللَّه خيرًا
و صراحة ما كُنتَ عارفة أنو ما صح أنشر صورتي؛ لانو أنا لابسة الخمار و كِدا فـ قُلتَ عادي.

تنزيل: و جزاكِ يارب
مُمكِن أنبهك على حاجة تانية؟

وعد: طوالي أتفضلي.

تنزيل: الميكب مع الخمار لو قاعدة تطلعي بيهو الشارع كِدا ما يجوز ؛لانو كِدا أبديتِ الزينة فـ أعملي فِي البيت أو مُجتمع كُلو نساء، كويس يا ست البنات؟

وعد: حاضر.

تنزيل: ربي يسعدك.

وعد: أمين و ياكِ يارب.

تنزيل: أمين.

وعد: مُمكِن أسألك سؤال؟

تنزيل: أتفضلي.

وعد: طيب لو الحِساب بِتاعي بنات بس مُمكِن أنشر صوري؟

تنزيل: الأفضل ما تنشري، يمكن واحدة تأخد الصورة و تعملها بروفايل عِندها أو تعمل مِنْ الصورة مُلصق و تداولها بين جهات أتصالها يعني صورتك ما حتكون محصورة فِي ملفك بس.

وعد: صح.

تنزيل: و بعدين يمكن فِي ولد داخل بِي سوسن.

رسلتْ لي إيموشنات ضِحك.

وعد: حرفيًا، وأنا حصل لي موقف شخصيًا
مرة فِي بت أسمها أمنية رسلتْ لي طلب صداقة و أنا طلبات البنات طوالي بقبلها
المُهم بقت تشوف منشوراتي و تعلق لي و بقينا نتونس فِي التعليقات و بعدين دخلتْ لي الماسنجر و بقينا صحبات شديد و رسلتْ لي صورتها و قالت لي أرسل ليها صورتي فـ رسلتها ليها بعد فِترة أمنية دي قلبتْ لي عوض.

تنزيل"و هي بِتضحك": بالغ عوض لـٰكِن!.

وعد: بالغ بوووليغ.

تنزيل: الحاجة دي بِتودي هيبة الراجل و رجولتو و لو مشتْ الهيبة يكون فضل ليهو شنو؟.

وعد: ولا شي!.

تنزيل: ما عارفة أوصف كيف لمِنْ الواحد يدخل بِأسم بت لـٰكِن أقل حاجة مِمكِنْ أقولها أنو حاجة فِي قِمة الأشمئزاز.

وعد: حرفيًا.

تنزيل: خلي ده يبقى ليكِ درس و تاني ما ترسلي لي أيَّ بت صورك خاصة ناس السوشيال ميديا ديل الما شفتيهم فِي الواقع.

وعد: بري تووووبة.

أتفاعلتَ على رسالتها بِوجه ضاحك.

وعد: صراحة أنا حبيتك شديد.

تنزيل: ياقلبي، تحبك الجنة و خالقها
وعباد خالقها يارب.

وعد: جمعًا، و صحي أمشي شوفي الحِساب بِتاعي.

تنزيل: طيب.

مشيتْ شفتو لقيتها حاذفة كُل صورها
فِرحتَ شديد و رجعتَ ليها فِي الماسنجر ..

تنزيل: ماشاء اللَّه تبارك اللَّه
ربنا يثبتك يا حِلوة.

وعد: ولا يمسك ضرًا، أمين.


قفلتَ التلفون و مشيتْ فتحتَ الدولاب؛ عشان أختار عباية، أخترتَ واحدة واسعة كِدا و مُريحة، و طلعتَ طرحة كبيرة عاينتَ ليها كِدا قُلتَ ماف داعي البس الطرحة الكبيرة دي؛ لانو العباية واسعة
شِلتَ طرحة تانية و شلتَ الباندانة
بعد لبستَ طلعتَ على المواصلات.



وِصلتَ الكورس ..

مشيتْ الكلاس لقيتْ ناس وِجدان سلمتَ عليهم و بقينا نتونس و شالوا رقمي؛ عشان يضيفوني فِي القروب على الواتساب
المِستر جا أدانا المُحاضرة بعدين كلمنا أنو بعد بُكرة عِندنا Topic و كلم كُل قروب بِاسم موضوعهم و بعدو طلعنا

وِصلتَ البيت صليتْ العشاء و المغرب و نُمتَ.

..

الصباح بعد صليتْ القيام و صلاة الفجر و عملتَ روتيني طبعًا ما مشيتْ الفطور بِتاع ناس رِحاب؛ لانو هم ضابحين عشان بنيتهم أنو الضبيحة دي بِتودي العين و الحسد و ده ما ذبح لله معناتو ما ينفع الزول ياكل مِنهُ معليش لو كان عاملنوا شكر لله كان مُمكِنْ أمشي

الظهر كِدا كُنا قاعدين أنا و أمي نِتونس
و قاعدة أمشط ليها شعرها الباب ضرب مشيتْ فتحتو لـٰكِن ما عِرفتها دي منو!
فضلتها و مشيتْ المطبخ؛ عشان أجيب ليها موية

بعد جبتها ليها عِرفتَ أنو وصفتْ ليها جارتنا بيتنا؛ عشان هي بِتبيع ملابس لو عايزين نشتري و كِدا.

بقينا نشوف فِي البضاعة و أنا عجبتني طرحة و شبشب فاتح كِدا عِندي فستان ما حصل لبستو مشيتْ جِبتو؛ عشان أشوف جاي مع الشبشب و الطرحة ولا لا
لقيتهُم حِلوين شديد طوالي أشتريتهُم أمي ماف حاجة لفتتْ نظرها فما أشترتْ

مشيتْ الغرفة؛ عشان أوديهم الدولاب وديتهم و رجعتَ البرندة لفيتْ المرة أدتْ أمي كراس و قلم و قالت ليها أكتبي لي أسمك و رقمك


فِي اللحظة دي شُفتَ نظرة الأنكسار فِي عيون أمي قاعدة تعاين لِلقلم و الكراس الـ فِي يدها و ما قدرتْ تقول ليها أنو هي ما مُتعلمة!

الحمد للَّه أنقذتَ الوضع و مشيتْ سريع شِلتَ مِنها الكراس و قُلتَ ليها خلي أنا بكتب كتبتَ رقمي؛ لانو أمي ما عِندها تلفون لـٰكِن كتبتَ أسمها و رجعتَ لِلمرأة الكراس و طلعتْ


مشيتْ الغرفة قعدتَ أفكر ..

ياربي ليه أنِحنا ما فكرنا أنو نعلم أمي الكتابة والقراءة؟
ما حصل خطر فِي بالنا يوم الموضوع ده، صح أمي دي واعية جِدًا و أفضل مِنْ نساوين كُتار مُتعلمات لـٰكِن برضو التعليم لِلمرأة مُهم شديد؛ عشان تقدر تقرأ و تِتعلم عِلم شرعي و تِتفقه فِي الدين، و تقدر تربي عيالها على الدين و تقدر تقريهم

« الحاجة دي يمكن يكون ما فكرتوا فيها؛ عشان كِدا حبيت أذكرها ليكم، الأجيال الزمان ما كانتْ زِي هسه، هسه التكنولوجيا و التعليم مُتوفر و مُمكِنْ فِي محلك لـٰكِن زمان ماف زِي ده و ما كان قاعدين يركزوا مع التعليم كتير و الحاجة دي يمكن تلاحظوها فِي حبوباتنا أو الأمهات و الأباء أنو مِنهم ما قروا و كِدا
التعليم مُهم جِدًا، فـ حاولوا علموا أهلكم
يا ست البنات، أقعدي علمي أمك أبدي ليها مِنْ الحروف و خصصي ليكِ وقت قريها فيهو، جيبي كراس و أبدي ليها مِنْ " أَ فتحة، إِ كسرة، أُ ضمة"
و نزلي تطبيقات و شوفي فِيديوهات مُمكِنْ تساعدك و ما تِتزهجي أو تتنرفزي
أو تبيني ليها أنك مُضايقة لو كررتِ ليها الحاجة كتير و ما عِرفتها طولي بالك معاها؛ لانو مُمكِن ما تستوعب ليكِ سريع
أو ما تحفظ سريع و راجعي معاها الصباح القديم و ما تديها حروف كتيرة
حِصتين فِي الأسبوع مُناسبة و تديها فيهم أربعة حروف و الكلام ده برضو لِلشباب أقعد علم أمك و أبوك برضو أو مُمكِنْ تجيب لي أمك أستاذة، ما حِلوة عديل كونو تكونوا مُتعلمين و أهلكم لا، فـ فكروا فِي الموضوع بِجدية و يا بختكُم بِالأجر ».

مشيتْ لي تالين كلمتها بِالموضوع ده و أتفقنا أنو حنبدأ نعلم أمي و نبدأ معاها مِنْ الصفر و مشينا ليها الأتنين قعدنا جنبها
و بقينا نتونس ..

تنزيل: أمي، أنتِ ما مُفكرة فِي التعليم؟

ليلى: يا بتي بعد الكُبر ده؟

تالين: بري ولا كبيرة ولا شي، اللهُمَّ بارِك تتشافي أختنا عديل.

بقتْ تضحك ..

ليلى: المُخ تاني ما بِشتغل زاتو.

تنزيل: لالا بِأذن الله حيستقبل و تِتعلمي.

بعد تحنيس حتى قِدرنا نقنعها و صراحة هي شكلها بالجد واضح أنو عِندها الرغبة خاصة وقت بقتْ تحكي لينا وقت كانت فًي المدرسة و طلعوها أهلها و كانت بقتْ تبكي؛ لانو كانت بِتحب القراية ..


لمِنْ زمن الكورس جا قُمتَ أتجهزتَ لِبستَ الفُستان و الطرحة و الشبشب اللي أشتريتهُم قبيل، اللبسة كانت رهيبة شديد لـٰكِن ما كُنتَ مُرتاحة؛ لانو الشبشب فاتح و المرأة فرض تغطي رجلها، فما بحب أظهر رجلي ؛ عشان كِدا بحب البس أسبورتات
قُلتَ ياربي ألبس شراب معاهو؟
لـٰكِن المُشكلة منظرو ما حيكون حِلو!

الفُستان كان شوية ضيق و فيهو حِزام و الطرحة صغيرة، عايزة أمشي أغير اللبسة
نفسي قالت لي لا أنتِ عشان أتعودتِ تلبسي عبايات و طرح كبيرة لـٰكِن ديل واسعين برضو و بودوكِ

طلعتَ بعد الحِوار ده و نفسي أقنعتني و طلعتَ كِدا

مشيتْ أول شي المكتبة أشتريت أقلام و دفترين لي أمي، بعدين مشيتْ الكورس

مِنْ وصلتَ مشيتْ الكِلاس طوالي
لقيتْ ناس هبة سلمتَ عليهم و بقينا نتونس ..

هبة: أنتِ أمبارح يا تنزيل ما دخلتِ الواتس و لا شنو؟

تنزيل: أي.

هبة: أيوا؛ عشان ضفناكِ فِي القروب
و كُنا قاعدين نِتناقش بليل.

تنزيل: أن شاء اللَّه بعدين بشوف الرسائل.


المِستر جا أدنا المُحاضرة و بعد خلص قال داير يفتح لينا أغنية أنجليزية كُنتَ عايزة أطلع لـٰكِن فِي حاجة جواي قالت لي عادي ياخ، أنتِ عايزة تِتعلمي ما عشان تِنطربي أقعدي ساي الأنجليزي ده الا تِتعلمي بِالأغاني فِي النهاية قعدتَ و سمعتها لمِنْ خلصتْ وصراحة الأغنية عجبتني شديد.

طلعنا وِصلتَ البيت صليتْ المغرب و العشاء و أتذكرتَ الغنية الفتحوها لينا قبيل فِي الكلاس مشيتْ بحثتَ عنها فِي اليوتيوب و نزلتها كاملة


كِسلتَ أقرأ سورة الملك و أذكار النوم ف نُمتَ طوالي ..
"مسكينة، حُرِمتْ مِنْ أذكارها بِسبب ذنوبها"


#على_الهامِشْ :

‏"وتظُنُّ أنك لا تُعاقَبُ بِذنبكَ
وأنتَ حُرمتَ قيام الليل
ووردَكَ من القرآن
حُرمتَ السُّننَ الرواتب
وانعقدَ لسانُكَ عن ذكرِ الله
طُبعَ على قلبِكَ شيئاً فشيئاً وأنتَ لا تشعر!
وتظنُّ أنكَ لا تُعاقَبُ؛ لأنكَ لست مُبتلى فِي دنياك!

وأي ابتلاءٍ أشدُّ من أن يُحرمَ الإنسانُ الوصلَ مع الله؟"

#أستغفروا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

*#مَشْوَار _ إِلْتِزَام《06》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏الصباح بعد شِربنا الشاي بديتْ أقري أمي أديتها حرف الألف و الباء
مرة بِالفتحة
مرة بِالكسرة
و مرة بِالضمة

سمعتهم ليها و أديتها تسمع فيديو فيهو النطق الصحيح لِلحرفين ديل و شكلهم عامل كيف؟، و قُلتَ ليها كِدا كفاية اليوم.


تلفوني ضرب لقيتْ المُتصلة أرم
أتونسنا شوية و قفلتَ.

إتذكرتَ القروب القالتو لي هبة مشيتْ أشوفو،دخلتَ الواتس فتشتَ قروب اسمو غريب لما لقيتْ واحد أسمو " المجموعة E "
ده رقم مجموعتنا طوالي عِرفتو أنو ده هو، دخلتَ لقيتهم قاعدين يتونسوا
بقيتَ أقرأ فِي الرسائل

فجأة !..

فِي واحد عمل لي تاق!
و قال لي :
شنو لـٰكِن عاملة صامت و تقري فِي الرسائل ساي.

عِرفتو ده كمال الكان ما جا اليوم داك؛ لانو داخل بِاسمو

ما رديتْ على رِسالتو، شوية بدوا يتناقشوا عن الـ Topic، وِجدان أقترحتْ فِكرة و سالتنا مِنْ رأينا كُلهم عجبتهم
وِجدان عملتْ لي تاق
و قالتْ لي :
أها يا تنزيل أنتِ رايك شنو؟
قُلتَ ليها :
حِلوة الفِكرة.

كمال رد فِي رسالتي دي
و قال لي:
و أخيرًا أتكلمتِ، أنا قايلك بكماء.

وليد قال ليهو :
كيف يعني بكماء هي قاعدة تِتكلم و لا تكتب؟

ياسر قال ليهو :
خليهو بِحب الخارجيات خلاص.

ضحكوني ضِحك!
طوالي دخلتَ معاهم فِي الونسة.

نِتناقش شوية و تاني نتونس لَمِن جهزنا موضوعنا، وِصلتني رسالة فِي الخاص
مشيتْ أشوف مِنْ منو؟
لقيتو ده كمال
سالني مِنْ حاجة فِي الـ Topic جاوبتَ ليهو، تاني بقى يسالني مِنْ اسمي و كِدا أتونستَ معاهو شوية و قفلتَ

بقيتْ أسمع فِي الأغنية الأنجليزية
النزلتها أمبارح، بعد خلصتْ مشيتْ نزلتَ تاني قريب العشرة، عجبوني شديد ياخ!
ساعتين قاعدة أسمع فيهم


الظهر أذن صليتو لـٰكِن حسيتْ نفسي ما خاشعة و ما صليتْ سُنة الظهر القبلية " قبل الظهر 4 ركعات، ركعتين ركعتين"، و لا سُنة الظهر البعدية "بعد الظهر ركعتين"
بعد خلصتَ مشيتْ دخلتَ الواتساب؛ عشان أرفع أستوري ..
كتبت :

" مع أو ضد: وراء كُل شخص سيء تربية سيئة "

أستنيتَ شوية بقتْ تصلني ردود ..

سيلين: مع؛ لانو علاقة الانسان الاولى بِتبدأ مِنْ عائلتهُ.

روان: ضِد؛ لانو مُمكِن يكون الأهل مُربينهُ أحسن تربية بس فِي أشخاص غيروهُ و أفسدوهُ سواء أصحاب أو زملاء.

جُمانة: ضِد؛ لانو البيئية الخارجية ليها دور ويمكن يكون مِنْ أصحاب النفوس الضعيفة و أتآثر.

أرم: مع؛ لانو لو أهلو كانوا صالحين أو مركزين معاهو ما كان حصلتْ الشخصية السيئة.

بقيتْ أعمل أسكرين لِلردود و بنزلها أستوري و برد ليهم، وصلتني ردود كتيرة جزء مع و التاني ضِد

أخر حاجة كتبتَ بوست عن الموضوع ده
كتبتَ :

" أنا ضِد المقولة دي؛ لانو بعد مرات الأهل
بِربوا تربية كويسة جِدًا لـٰكِن العيال براهم بِتخربوا مُمكن بِسبب أصحابو و كُلنا عارفين أنو" الصاحب ساحب"
أو زِي مرة في واحدة
قالت :
" أنا أهلي ربوني أحسن تربية بس
قلة الأدب دي أجتهاد شخصي مِني"
يعني أهلها ما عِندهُم ذنب لـٰكِن الناس دائمًا بِتلوم الأهل، و مُمكِن عادي الأهل ما بِكونوا عارفين بِعمائل عيالهم يعني هم قدام أهلهم بِكونوا شكل و بِوراهم شكل تاني، ياما ناس كُتار أهلهم شيوخ و مُحترمين و هُم عكس كِدا خالص!

فِي واحد بِيحكي
قال :
ركبوا معي بنتين فِي الركشة قالوا عايزين أوصلهم مُشوار و لابسين عبايات و مُحتشمات أول ما وصلتهم المشوار بِتاعهم "شكلو بيت صحبتهم؛ لانو طلعوا تلاتة"
البنتين قالوا لي أنتظر بِنطلع بعد شوية بعد مسافة طلعوا و كانو أخر تبرج و لابسين بناطلين و عكس الهيئة الوصلتهم بيها تمامِا!

و فِي النهاية ..
نوح عليه السلام نبي لـٰكِن أبنه كافر!
فـ التربية مِنْ الأهل و الصلاح مِنْ اللَّه
والسلام عليكُم".

كُتار مِنْ الكان قالوا مع المقولة دي غيروا رايهم و قالوا لي أقنعتينا

سمعتَ أمي قاعدة تناديني صراحة أتضايقتَ؛ لانو أنا قبل شوية كُنتَ معاها و هسه بس مِنْ جيت أمسك التلقون و قاعدة أدردش تناديني!
مشيتْ ليها
قالت لي :
سوي لي الجَبنة
صريتْ وشي، و مشيتْ عملتها سريع سريع و جبتها ليها
قالتْ لي :
أجيب ليها المطبقة مِنْ جوا الغُرفة
أتاففتَ و مشيتْ جبتها أديتها ليها و مشيتْ سريع قبل ترسلني تاني، حسيتْ بيها مصدومة فيني؛ لانو ماف حصل عملتَ كِدا!


شلتَ التلفون و فتحتَ الشبكة ..
جاني أشعار فِي الفيس
دخلتَ؛ عشان أشوف محتواهو
و كانت المُفاجأة !

لقيتْ ده طلب صداقة مِنْ يُوسُف!
كان عايزة أرفضو
لـٰكِن تاني قُلتَ :
أحسن أقبلو و أستفيد مِنْ منشوراتو؛ لانو حِلوة شديد و مُفيدة و غير أنو هو زول مُلتزم و نحسبهُ على خير و ما حيكون عِندو حركات بعض الشباب ديك بِتاعت نتعرف و كِدا فماف حاجة تخليني ما أقبل الطلب
فقبلتو

بعد مسافة رسل لي فِي الماسنجر ..
يُوسُف: السلام عليكُم.

رديتْ السلام قُلتَ يمكن يكون عِندو موضوع ضروري
قال لي :
كيفك؟
قُلتَ ليهو :
تمام الحمد للَّه.
سالني ليه ما دخلتَ الليلة؟

أتحيرتَ طبعًا؛ لانو فعلاً أنا الليلة ما دخلتَ
لـٰكِن هو عِرف كيف؟ المُهم رديتْ ليهو

فجأة !..

ظهر لي أنو هو حذف الرسائل
ما أشتغلتَ بِالموضوع ..


مشيتْ أتجهز لِلكورس فتحتَ الدولاب و بقيتْ مُحتارة البس شنو؟
عيني وقعتْ فِي بنطلون، طلعتو عاينتَ ليهو قُلتَ ياربي البسو؟
لـٰكِن أنا ما حصل لبستَ بنطلون و طلعتَ بيهو، رجعتو و تاني طلعتو قُلتَ البنطلون ده واسع أمشي بيهو يا تنزيل و أحسن تشوفي ليهو طونكة طويلة معاهو فتشتَ لمِنْ لقيتْ واحدة طويلة لبستهم و شلتَ شنطتي،قبل أطلع عاينتَ لي نفسي فِي المراية و قُلتَ :
أحسن أرجع أغير اللبسة دي
عايزة الف و أفتح الدولاب
تاني نفسي قالت لي :
الزمن حيتأخر ليكِ أطلعي ساي و بعدين البنطلون ده واسع و الطونكة طويلة ياهو زِي العباية، طوالي طلعتَ كِدا.


وِصلتَ الكورس ..

مشيتْ لي ناس هبة و بقينا نتناقش فِي ال Topic بعدو وليد و ياسر جوا و كان معاهم واحد أول مرة أشوفو!

وِجدان قالتْ لي ده كمال
أول حاجة كمال جا سلم ليهم لما وِصلني قال ليهم :
دي تنزيل؟
قالوا ليهو :
ياها زاتها.

قال لي :
أووو البكماء
و مد لي يدو ما قِدرتَ أحرجو فسلمتَ ليهو، وليد و ياسر عاينوا لي نظام ما قُلتِ ما قاعدة تصافحي؟
ما أشتغلتْ بِالموضوع وبقينا نِتناقش و مرة مرة نتونس لَمِنْ زمن المُحاضرة جا.

مشينا الكِلاس ..
أنِحنا أخر قروب حيقدم، باقي القروبات قدمتْ كُلها ولما جا دورنا قُمنا قدمنا موضوعنا و رجعنا و المِستر أختارنا أنِحنا الفائزين، ياخ فِرحنا فرح!
ناس كمال مدوا لينا يدهم؛ عشان نسلم عليهم نظام مُباركة و كِدا فسلمتَ عليهم

طلعتَ على المواصلات و بعد صعوبة لقيتْ؛ لانو بعد المغرب المواصلات بِتكون شوية صعبة، رِكبتَ و على يميني كان فِي خالة كبيرة قاعدة و الكرسي الـ على الشمال فاضي، أتحركنا شوية فِي راجل أشر؛ عشان يركب سيد العربية وقف ليهو و الراجل ركب جنبي ما عملتَ الشنطة بيناتنا قُلتَ أصلًا ده راجل كبير و قدر جدي فماف داعي.

بعد مشينا حسيتْ أنو الراجل ضربني بِيدو قُلتَ يا تنزيل ما تسيء الظن يمكن يدو جاتْ بالغلط.
بعد مشينا شوية أتعادتْ تاني و لما العربية تلف يترتح معاها و يجي على جهتي نظام ما مُثبت كويس و العربية حركتو طوالي قُلتَ ليهو :
زِح كِدا

الخالة الجنبي حستْ بي مُتضايقة
قالتْ لي :
قاعد يضايقك؟
السواق سمعنا و عاين بِالمرايا
قال ليهو :
فِي شنو يا عم؟
قال ليهو :
و لاشي.

وقف و قال ليهو يحول مقعدو، قام و جابوا بت قعدتْ جنبي

« بِتتعرضي لِلتحرش مِن أقارب أو فِي الشارع أو فِي المواصلات وغيرو؟

ظاهرة إنتشرت فِي مجتمعنا بسبب نقص الوازع الديني وبسبب الأفلام الهابطة و بِسبب حالة إنحدار الأخلاق اللي بِعيشها مجتمعنا،بس إنتِ كبنت إتعرضتِ لِلتحرش
خايفة مِنْ شنو؟ بِتسكتِ ليه؟

حقك تدافعي عن نفسك وعن جسمك بِكُل الطرق، ده حقك شرعًا وقانونًا وكُل حاجة حتى لو كان المُتحرش ده قريبك!
أي بيحصل بعد مرات ناس تنعدم عندها المروءة و تنتكس فطرتها و طبعًا قبل كُل ده بينسى دينهُ و يحاول التحرش بِشخص مِنْ قرايبه بس السؤال هنا ..

إنتِ بتسكتِ ليه ؟! ضعيفة ليه ؟

أيا كان منو المُتحرش وأيًا كان درجة قرابتهُ "أب ، أخ ،عم ،خال ، راجل أخت.. الخ" لازم تتكلمي لازم تدافعي عن نفسك وعن جسمك بِكُل الطرق و يحصل اللي يحصل،ماتفكري في العواقب حتحصل قطيعة فِي القرايب، أختك حتطلق و حتبقى فضيحة ماتفكررررررري!

حقك تدافعي عن نفسك و المُتحرش هو المفروض يخاف مِنْ المصيبة البيعملها ويخاف مِنْ وقفتهُ قِدام ربنا و يشوف حيقول شنو فِي المصيبة دي؟

لـٰكِن إنتِ ماتخافي مِنْ حاجة لو إتعرضتِ لِلتحرش ..

_ خليكِ قوية؛ لأنو معاكِ الحق ودافعي عن نفسك بِكُل طريقة
_ لو كان زول مِنْ الأقارب ماتسكتِ و واجهي أيا كان درجة قرابتهُ ولو أدى الأمر صرخي وافضحيهُ قِدام أهلهُ.
_ ماتسمحي لِزول يأذيكِ نفسيًا أو بدنيًا.
_ و إنتِ طالعة برا البيت حافظي على حِجابك الشرعي وبلاااااش تبرج.

استعيني بالله و دافعي عن نفسك
أنتِ قوية "منقول"
+ و أنتَ كشاب هل بِترضى الحاجة دي فِي أختك؟
أكيد لا صح؟
طيب أتقي ﷲ فِي بنات الناس».

سمعتَ صوت الناس تِتهامس فِي منهم قاعد يقول :
الواحدة ما تلبس كويس و تظهر شعرها و تشتكي وقت يضايقوها.

و القاعدين يقولوا :
راجل كبير و ما مُحترم.

و فِي القاعدين يقولوا :
هي ما تِحترم نفسها و تلبس كويس.

صراحة أتضايقتَ شديد و فعلًا أنا غلطانة و هو زاتو غلطان أنا ربنا أمرني بِالحِجاب الشرعي و هو ربنا أمرو بِغض البصر و الأتنين ما عملنا اللي ربنا أمرنا بيهو، وِصلتَ البيت طوالي دخلتَ غرفتي قعدتَ فِي السرير و بقيتْ أبكي، بعد مسافة قُمتَ عاينتَ لي نفسي فِي المرايا، و قُلتَ :
يا تنزيل أنتً ما كِدا!
مِنْ متين قاعدة تلبسي بناطلين؟
مِنْ متين قاعدة تصافحي؟
مِنْ متين قاعدة تِتونسي مع شباب و تصاحبيهم كمان!
مِنْ متين قاعدة تظهري شعرك؟
مِنْ متين قاعدة تسمعي أغاني؟
لالا أنتِ ما كِدا

و أتفقعتَ بِالبكا!
بعد مسافة قُمتَ غسلتَ وشي و رقدتَ لـٰكِن ما قِدرتَ أنوم، قُلتَ أقرأ أذكار النوم يمكن أقدر أنوم حسيتْ نفسي ما قادرة أحرك لساني و أقرأها، حاسة نفسي زِي المُقيدة!
" يا أسفاه، قيدتها ذنوبها! "


#على_الهامِشْ :

‏إنَّ الذنوب تُقيِّد العبد عن المنازل العالية فيثقل عن بلوغها، كما يثقل عن السَّعي إذا وضعت القيود في يديه ورجليه؛ فالذُّنوب إذا أثقلت القلب قيَّدته، وهي تكون تارةً ناشئةً من شهوةٍ فتدفع بالصبر، وتكون تارةً ناشئةً من شبهةٍ فتُدفع باليقين.

#صلوا على الحبيبﷺ💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

*#مَشْوَار _ إِلْتِزَام《07》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏" الصلاةُ خيرُ مِنْ النوم "

قُمتَ مخلوعة بِصوت الأذان التاني
الليلة ما صحيتْ لِلقيام!
" أجل، حُرِمتْ مِنْ طاعة أُخرى"

صليتْ صلاة الفجر لـٰكِن ما صليتْ الرغيبة الركعتين قبل صلاة الفجر كسلتَ أصليها و مشيتْ مسكتَ التلفون
" أينَ قراءة القرآن؟
يا حسرتاه، لقد أثقلتها الذنوب !"

دخلتَ الفيس أول بوست طلع لي حق يُوسُف، كان كاتب :

" اليوم عايز أتكلم عن موضوع مُهم جِدًا
عن : "الفِتنة بين الرجال والنساء"
فِي السوشيال ميديا خصوصًا؛ لانو أكبر باب لِلفتنة دي السوشيال ميديا

و الكلام ده موجه لِلبنات و الأولاد
و لِلبنات خصوصًا ..
عليكم بِالخطوات التالية لـِ الأعانة على الإستقامة :

_ ما تعملي لوف على منشور أو استوري ولد ، ممكن تشوفيهُ شيء بسيط لكن مُمكِن يسبب فتنة، لو كان لابد فأعملي لايك بس "و حتى اللايك أحسن تخليهو أو تقلليهُ أما لو فِي فِتنة بِسببو خليهو ".
_ ما تدخلي صفحة ولد و تعملي لايكات على منشوراتو تِحت بعض؛ عشان لمن يفتح الإشعارات و يلقى الإشعارات كُلها مِنك حتلفتِ نظرو و الشيطان يوسوس ليهو إنو مُعجبة بيهو و تفتحي عليهو باب فِتنة.
_ حاولي ما تعلقي إلا لِلضرورة و لو علقتِ ما تعلقي تعليق يعمل فِتنة بِالذات البنات البِكتبوا "حبيت ، حِلو ، واي ، عسل، بِعملوا قلوب كتيرة، و الإيموجي ده (🥺)" و الكلام الزِي ده فِتنة كبيرة.
_ لو مُشاركة المنشور بِتحسي أنو بِتسبب فِتنة لِلولد أنسخي كلامو و لصقيهُ لو لازم حقوق بس خُتِ و أكتبي اسمو "بدون تتاقيهو".
_ الخاص لا ، الخاص لا ، الخاص لا
" إلا لِضرورة قصوى جدًا".
_ أيَّ ولد تحسي أنو أفتتنتِ بيهو أعملي ليهو إلغاء متابعة وإنتِ مُغمضة!
_ لو تعليقات الاولاد بِتفتنك الغي صداقتهم و خلي التعليقات لِلأصدقاء بس
فـ بِالتالي حيعلقوا ليكِ البنات أصدقائك بس.
_ لو بعد دا كُلو فِي فتنة أحظريهو !
و خليكِ عارفة أنو
"درء المفاسد أولى مِنْ جلب المصالح"
فإنك تقفلي باب الفتنة أولى مِنْ إنك تخليهو؛ عشان إنتِ مُستفيدة مِنْ حسابو و منشوراتو.
_ لو حسيتِ أنو الولد بقى مُهتم بيكِ و بِعلق ليكِ كتير أو بِرسل ليكِ بِدون سبب إما تحظريهو أو تلغي صداقتو و خلي التعليقات للأصدقاء بس.
_ قللي الكلام فِي الزواج و مواصفات فتى الأحلام والكلام ده؛ لأنو فِتنة كبيرة !
"ما بِتكلم عن الكلام عن حكم شرعي أو أيات و أحاديث ونقل لأقوال أهل العلم فِي الترغيب فِي الزواج بِتكلم عن التريندات القايمة دي؛ لأنو بِتفِهم تلميح
فأيَّ شيء تحسي إنو فِتنة خليهو".

الأولاد نفس الشيء.

عصمنا اللَّه و إياكم مِنْ الفِتنة
و اللَّه أعلم ".



#بِلسان يُوسُف :

فِي يوم طلعتَ مِنْ المسجد بعد صلاة الظهر دخلتَ الفيس و نشرتَ و طلعتَ بقيتَ أقرأ وِردي مِنْ القُرآن، و أثناء ما انا قاعد أقرأ أتصل لي صحبي و قال لي أدخل الفيس عايزك ضروري دخلتَ و رديتْ ليهو و كان عايز أطلع لـٰكِن لفتْ أنتباهي أشعارات كتيرة و كُلها مِنْ نفس الحساب مشيتْ شُفتها لقيتها تعليقات و تفاعلات مِنْ حِساب بت داخلة بِاسم "تنزيل"، حاولتَ ما أشتغل بِالموضوع قفلتَ التلفون و واصلتَ قراية لـٰكِن لاحظتَ كتير أنو البت دي بقتْ تعلق لي دائمًا فِي أيَّ منشور بنشرو، دخلتَ شُفتَ منشوراتها لقيتها دينية و مِنْ تفاعلها الكتير لمِنْ حِفظتَ حسابها و جا يوم نشرتَ لـٰكِن ما علقتْ ولا أتفاعلتْ
فقدتها و الشيطان غشاني و وسوس لي و مشيتْ رسلتَ ليها طلب صداقة بعد قبلت رسلتَ ليها فِي الماسنجر و سالتها ليه ما دخلتْ و مُختفية و كِدا و ردتْ لي لـٰكِن فجأة وعيتْ على نفسي!
و قُلتَ :
ده شنو يا يُوسُف؟

مِنْ متين أنتَ بِتتكلم مع بنت؟!
لمِنْ ترسل ليها طلب صداقة كمان!
و ترسل ليها فِي الخاص و تسالها لي مُختفية!
طوالي حذفتَ الشات بتاع الماسنجر و حظرتها مِنهُ
و كتبتَ بوست عن :
" الفِتنة بين الرجال و النساء "
؛ عشان تفهم و ما تعلق ساي لِلماشي و الجاي، بعد نشرتَ المنشور ده حظرتها مِنْ الحِساب عديل و بقيتْ أستغفر.

" الزول المُلتزم ما معصوم مِنْ الغلط لـٰكِن بِعرف غلطو و بِتوب ".



#بِلسان تنزيل :

لمِنْ أنا قاعدة أعلق و أتفاعل دائمًا فِي المنشورات و كِدا بِعفوية ما قايلة أنو الحاجة دي خطيرة لِلدرجة دي!
أنتبهتَ لِخطرها وقت قريتْ المنشور بِتاع يُوسف، و ياداب زال أستغرابي و فهمتَ ليه هو حظرني مِنْ الماسنجر و حذف الرسائل

ما عارفة ليه حسيتْ بِالمنشور ده قاصدني!
أو قاصد يوصل فِكرة أنو ما أتفاعل و أعلق ليهو مشيتْ أشوف تعليقاتي و بِالجد لقيتها حاجة مُلفتة أنو أعلق فِي أيَّ حاجة و شُفتَ تعليقي وقت كتبتَ ليهو " عسل " كيف كيف!
ده شنو الكتبتو ده؟!
بقيتْ أحذف فيهم كُلهم و الغي التفاعلات

فجأة !..

لقيتْ نفسي محظورة

قُلتَ أحسن

دعيتْ ربنا يغفر لي و أنا زاتي دخلتَ حظرتَ الأولاد المُتابعاهم كُلهم و خليتْ الأكاونت بِتاعي بنات بس؛ لانو برضو لاحظتْ أنو مِنْ بجي داخلة الفيس بفتش منشوراتو و أفضل مِنْ البداية أقفل الباب و بقيتْ أفتش حِسابات بنات بِنشروا منشورات دينية لقيتْ صفحات جميلة شديد مِنهم :
- ترتيل الخزين
- آلاء العوض رحمة
- د. تيسير الصادق.


و قررتَ أوقف الكورس؛ لانو ما خرب قلبي الا الإختلاط سواء فِي الواقع أو المواقع، صح إنو أنحنا بعد مرات بِنكون مجبورين أنو ننزل الشارع سواء لِعمل، وظيفة أو حوجات و غيرها كتير بس الزول لازم يعمل بِأداب الأختلاط، و أجمل ‏ما قيل في أدب الاختلاط :

"لا تُطل النّظر
ولا تَستبح الحديث
وكُفَّ عن المُزاح
والزم الكُلفة
واجتنب حُدوث الأُلفة
وإيّاك والخُلوة
والكلام الذي له معنيان
واترك مسافة كافية
وإلّا فاحفظ نفسَك ونفوس من حولك ولا تختلط"


..

#بعد يومين :

مرة قاعدة أتكلم مع أمي قالت لي أنو جاني عريس، سالتها ده منو؟
قالت واحد يبقى لي ناس رِحاب جيرانا و قالتْ حيجوا بُكرة و حتكون الرؤية الشرعية

المُهم تاني يوم مِنْ الصبح نضفنا و جهزنا الضيافة و كِدا، بعد المغرب جوا

لمِنْ زمن الرؤية الشرعية جا و أنا سابقًا عِندي أسئلة مُجهزة أسالها ليهو مشيتْ مع أبوي و كُنتَ مُدنقرة راسي قام مد لي يدو قُلتَ ليهو :
ما قاعدة أصافح

حسيتْ بيهو أتحرج كِدا و قعد
قعدتَ و لمِنْ أتكلم معي رفعتَ راسي؛ لانو عِرفتَ الصوت ده!
ده خالد يبقى لي ناس رِحاب، مُتزكِرة مرة كان مشيتْ بيتهم و وقت رِحاب عايزة تقدمني لقيناهو قاعد يتكلم مع أمو و هي شكلها كان قاعدة تنصحو يمشي الجامع و يصلي لـٰكِن كان جايط فيها و لمِنْ شافنا سكتْ، قطع سرحتي صوتو و هو بِسالني ..

خالد: بِتقري شنو؟

تنزيل: حاسوب.

خالد: السنة الكم؟

تنزيل: التالتة.

خالد: يعني قربتِ تِتخرجي.

تنزيل: أي الحمد لله.

خالد: و ناوية بعدين تِشتغلي و كِدا؟

تنزيل: لالا.

خالد: ليه؟

تنزيل: ما حابة الفِكرة.

خالد: بس الحياة مُشاركة.

تنزيل: لـٰكِن المرأة ما مُلزمة تِشتغل.
سكتْ

« شايفة راجل يلزمك تشتغلي؛ عشان تساعديهُ فِي مصاريف و يقول ليكِ الحياة مُشاركة و بطيخ ده أرفضي طوالي، ماخدك مِنْ بيت أبوكِ و عايزك تصرفي معاهو، تجي كيف دي!، و نفترض أنو أشتغلتِ بعد فِترة حيكسل هو مِنْ الشغل و عادي يخليهو و يبقى أتكالي شديد و عادي يسألك وين المصاريف اليوم، وين القوامة هسه؟».

بقيتْ أسألو ..

تنزيل: ما معنى القوامة؟

خالد: أنو الراجل هو المُسيطر، وهو المُتحكم يتحكم فِي أهل بيتو زِي ما عايز و يعمل الدايرو.

« ده طبعًا مِنْ الناس الفاهمين القوامة غلط و عادي يتجبروا و يتسلطوا و يقولوا ليك دي قوامة، و ما أكثر فِي زماننا مَنْ تفكيره كتفكير خالد و الله المُستعان! ».

تنزيل: مُحافظ على صلواتك؟

سكتْ مسافة بعدين
قال لي :
لا.
طبعًا ما حيقدر يكذب؛ لانو عارف اليوم داك أنحنا سمعناهم

سكتَ؛ لانو تارك الصلاة لا يُزوج!

خالد: لـٰكِن حـ أتغير أن شاء اللَّه؛ عشان أنا عايز أعرس واحدة مُلتزمة.


تاني سالني شوية أسئلة و خلصنا
طبعًا أكيد ما حـ أوافق بيهو؛ لانو هو عايزة يتغير؛ عشان يعرس واحدة مُلتزمة ما عشان ربنا، و ده إذا أتغير أصلًا!
و ما حـ أعمل فوقي سوبر مانة ولا وومن و أقول عايزة أغيرو ؛ لانو الحاجة دي نسبة فشلها كبير جِدًا!
هو حيشوفني نكدية كُل ما أنصحو و أنا بعد فِترة حـ أشوف أنو ده ما الزول المُناسب لي و حيحصل الطلاق؛ عشان كِدا لو عايزة مُلتزم عرسي مِنْ البداية مُلتزم و مِنْ البداية أختاري واحد مالي عينك ما تدخلي مِنْ باب التضحية أنو يتغير و يبقى مُناسب لو ما مُناسب مِنْ البِداية ما تلعبي دور الأم و تشيلي همو؛ لانو حتخسري كتير.

و لو أنتَ عايز واحدة لابسة الحِجاب عرسها مُحجبة، ما تعرسها ما مُحجبة و تقول بعد العرس بخليها تِتحجب فِي البارت ده ياريت الناس تفهم الكلام كويس و تقراهو كذا مرة
أنا ما قصدي أنو لو عرسها واحدة ما مُحجبة بعد العرس يخليها كِدا!
لو حاول يخليها تلبس الحِجاب بعد عرسها و التزم خير و بركة و يكسب أجر.
لكن أنا قصدي هنا أنو واحد لو مِنْ البداية هو مُلتزم و عايز واحدة مُحجبة و مُلتزمة يعرسها مُحجبة ما يعرسها ما مُحجبة و يقول أنا بخليها تِتحجب و بَغيرها على يدي و تبقى مُلتزمة!، بِسبب الحاجات دي الطلاقات قاعدة تكتر!
و مُتذكرة كان قابلني بوست لي د. تيسير الصادق، كان كاتبة :

"عندما تُقبلين على خطوة الزواج، لا تقبلي بِرَجلٍ
يحتاج إلى من يقوّمه دينيّاً!

وذلك لسببين ..

الأول : القوامة الرعائيَّة في يدّ الزوج؛ فهو المؤدِّب لأهلِه وأبنائه و هو النموذجُ الذي يتبعونه

الثاني: الرجلُ -بطبعِه- لا يتقبَّل النُصح وتلقِّي التوجيهات.

الزواج ليس مؤسسةً علاجيّة ولا هيئةً إصلاحيّة = فلا تتزوجن الفَسدة لِتُصلِحوهم! "

و أكتر سبب خلاني أرفض و ما أفكر أوافق زاتو أنو ما قاعد يصلي.


كلمتَ أمي أنو ما موافقة و بعد يومين كلمتهم.


#على_الهامِشْ :

تنبيه مُهم في موجة الأعراس الحاصلة دي ..

لا يجوز الزواج من تارك الصلاة سواء كان ذكر او انثى و لا يجوز التهاون في الموضوع ده، هو ما بس ما بنعرسه ..
لا يزوج ..
و لا يُأكل معه ..
و يهجر ويستتاب ..

_ ولو ترك الصلاة بعد الزواج ؟
= يُهجر ويستتاب وان لم يتب يُطلق !

فالموضوع كبير كبيييييير يجماعة، و على اولياء الامور توخي الحذر الشديد ..

ولا تغريكم اموالهم ولا انسابهم فالكافر/ة لا يحل لمسلم/ة .
_ تيسير احمد.

#حوقلوا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

فِي البارت ده ياريت الناس تفهم الكلام كويس و تقراهو كذا مرة
أنا ما قصدي أنو لو عرسها واحدة ما مُحجبة بعد العرس يخليها كِدا!
لو حاول يخليها تلبس الحِجاب بعد عرسها و التزم خير و بركة و يكسب أجر.

لكن أنا قصدي هنا أنو واحد لو مِنْ البداية هو مُلتزم و عايز واحدة مُحجبة و مُلتزمة يعرسها مُحجبة ما يعرسها ما مُحجبة و مُصرة على عدم لبس الحِجاب و يقول أنا بخليها تِتحجب و بَغيرها على يدي و تبقى مُلتزمة!

*#مَشْوَار _ إِلْتِزَام《08》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏#بعد مرور شهر :

قفلتَ التلفون و بقيتْ أفكر و أتذكرت كيف أنتكستَ و لي هسه ما قادرة أرجع زِي أول!
أول و أقوى سبب لي إنتكاستي كِثرة الأختلاط، و الطلوع الكتير مِنْ البيت خلاني أتنازل عن حِجابي بِالتدريج بي أنو أصغر الطرحة بعدين البس فستان ضيق و بِحزام و أظهر رجلي حتى البس بنطلون و أظهر شعري!
و دي طبعًا كُلها كانت خطوات الشيطان، الشيطان ما بجي لِلزول طوالي كِدا و بقول ليهو أعمل الذنب دي، لالا بجي خطوة خطوة لمن الزول يقع فِي الذنب و للأسف أنا وقعتَ!

بقيتْ أصافح و أسمع أغاني و أتحجج لي نفسي بِأنو عادي و أتبع هوى نفسي!

تاني بقيتْ أرجع البيت مُتأخرة و أجمع صلاة المغرب و العشاء و أتونس مع أولاد
و بقيتْ أفقد حياءي
"فوالله ما فِي العيش خير
ولا الدنيا إذا ذهبَ الحياء!"

و بقيتْ أصلي بِدون خشوع و أعلي صوتي على أمي التعبتْ فيني!

دي المعاصي اللي أنا عارفاها و مُتذكراها خلاص بِالنسبة لي أمراض القلوب و الذنوب اللي أتكتبتْ فِي ميزان سيئاتي و أنا نسيتها كيف ؟!
إتذكرتَ قول سفيان الثورِي
قال :

" جلستُ يومًا لأحصِي ذنوبي فإذا هي آلاف، فجعلتُ أقول :

يا سُفيان، تقف بين يدِي اللَّه؛ فيسألُك عن آلاف الذنوب، ماذا ستقول؟
واللَّه ليسقُطنَّ لحم وجهكَ؛ خجلًا وأنتَ
تعرض قبائِحكَ على اللَّهِ يا سُفيان!
هذا ما تذكرتهُ، فكيف بما أحصَاه اللَّـهُ
ونسيتهُ أنتَ!
أيَّا نفسٌ يكرمكِ ربكِ وتعصيه! "

بس حسيتْ بِالشعور ده
يا تنزيل، يكرمكِ ربكِ وتعصيهُ!

بقيتْ ما بقرأ الأذكار
هجرتَ القُران
تركتَ القيام
ذهب الخشوع
لساني وقف مِنْ الذِكر
ذهبتْ الطمأنينة و راحة البال
بقيتْ أضيع وقتي فًي السوشيال ميديا.

يا ويلك يا تنزيل لو قابلتْ ربنا و أنتِ بِالمعاصي دي!
الذنوب دي حرمتني مِنْ حاجات كتيرة و خلتني أعيش فِي ضنك و كُل الوقت زهجانة.


بقيتْ أبكي بِحرقة و أدعي ..
تنزيل"و هي رافعة يدها و بِتبكي":
يارب أصلحني يارب نفسي حتهلكني ما تخليني ليها أنا ضعيفة لا حول ولا قوة لي الا بك، يارب أنا تعبتَ و كِرهتَ نفسي دائمًا بِتوديني لِلمعاصي ما عصيتك آستخفافًا بك حاشا و لـٰكِن مِنْ جهلي و ضعفي، أنا لي شهر بعيدة مِنك و البعد عنك موحش جِدًا فـ قربني يا اللَّه إليك و أرضى عني "و أنهارتْ بِالبكا"


يمكن ده أكتر يوم أبكي فيهو كِدا!
و دعيتْ مِنْ جوا قلبي و بِصدق

و فِترة الأنتكاسة دي أول مرة أعرف معنى الذُل و الأنكسار و حلاوة الدعاء و الأفتقار لله، زمان ما كُنتَ قاعدة أدعي كِدا نهائي!


ضبطتَ المُنبه لِلقيام رغم أنو أتحرمتَ مِنهُ و ما قاعد أصحى و بقفل المُنبه لـٰكِن قاعدة أجاهد و نهائي ما أستسلمتَ و بخُت النية مِنْ بليل صح قاعدة أصلي بعد صلاة العشاء ركعتين القيام لكن أنا عايزة أصحى الثلث الأخير مِنْ الليلة برضو؛ لانو بِتنزل الله فِي الوقت داك و هي ساعة أستجابة.


..

" أخي هل أتيتَ بِوقتِ السَحرْ"

صحيتْ بِصوت مُنبه القيام لـٰكِن الحاجة المُختلقة الحصلتْ الدور ده أنو قُمتَ!

مشيتْ أتوضيتْ و أنا قاعدة أبكي و دموعي مُختلطة بِالماء، أنا الليلة صحيتْ القيام؟!

صليتْ و بعد خلصتَ بقيتْ أبكي و أضحك فِي نفس الوقت

أنا قدرتَ الليلة -بحول الله- أصحى القيام و ما قفلتَ المُنبه!
يا ﷲ ﷲ!
بعد غياب شهر!

بقيتْ أحمد ربنا على نِعمة القيام و ياداب أنتبهتَ أنو ما كُنتَ قاعدة أصحى بِشطارتي كان بفضل الله، و مرة أستغفر؛ عشان كان أصابني العُجب و نفسي وسوست لي أنا أنو أنا زولة صالحة و قاعدة أعمل أعمال كويسة كتيرة و قائدة كثرتهم شنو وهي بدون إخلاص أو فيها عُجب و ما أتقبلتْ!
و مرة أدعي أنو يغفر لي و يثبتني و أنا فِي الحالة دي لمِنْ أذان الفجر أذن صليتْ و قريتْ قُرآن و أول مرة أقراهو بِتدبر كِدا!
و أتاملتَ فِي الأيات.


زمن الفطور بعد فطرنا و راجعتَ مع أمي طبعًا بقتْ تعرف الحروف كُلها و بقتْ تعرف تكتب اسمها و اسماءنا، الحمد لله ماشة كويس شديد.

تلفوني ضرب مشيتْ شلتو لقيتْ دي رميساء، رديتْ ..

رميساء: المُختفية.

تنزيل"وهي بِتضحك": أنا المُختفية ولا أنتِ؟

رميساء: أنتِ المُختفية يا بت ليكِ شهر ما دخلتِ السوشيال ميديا لا واتس لا فيس.

تنزيل: أي طولتَ.

رميساء: مالك ما قاعدة تدخلي؟

تنزيل: مُمكِنْ تعتبريها فِترة إعتزال الميديا و مُحاسبة لِلنفس و كِدا.

رميساء: ايوا، فعلًا الزول بِحتاج لِلفترة دي.

تنزيل: صح.

رميساء: و أن شاء اللَّه أستفدتِ منها و راجعتِ نفسك؟.

تنزيل: أي الحمد لله.

رميساء: الحمد لله.

تنزيل: أها أنتِ أخبارك شنو؟.

رميساء: فل الفُل الحمد لله.

تنزيل: ما أشتقتِ لِلجامعة؟

رميساء: أشتقتْ ليكم أنتوا لـٰكِن لِلجامعة و المرمطة و القراية و كِدا لا.

تنزيل: يعني ما زهجتِ مِنْ قعدة البيت؟

رميساء: يا بت، نزلتَ لي مركز تحفيظ ماف أيَّ زهج.

تنزيل:ماشاء اللَّه، متين؟

رميساء: مِنْ وقت أجزنا مِنْ الجامعة.

تنزيل: كويس واللَّه.

رميساء: أها أنتِ قاعدة تعملي شنو؟

تنزيل: كان نزلتَ لي كورس أنجليزي لـٰكِن خليتو.

رميساء: ليه؟

تنزيل: ما نفع معي.

رميساء: أيوا، و هسه قاعدة ساي؟

تنزيل: أي.

رميساء: رايك شنو تنزلي معي؟

بعد فكرتَ شوية قُلتَ لي نفسي أصلًا ما عِندك حاجة أحسن تنزلي
قُلتَ ليها :
طيب أحسن زاتو مِنْ الرقاد الكتير حسيتْ نفسي حـ أبقى ملاية.

بقتْ تضحك فيني أتونسنا شوية و وصفتْ لي المكان و قفلتْ، و قالتْ لي مُمكِنْ أنزل مِنْ بعد بُكرة.

..


الليلة نازلة المركز ..

أتجهزتَ و طلعتَ المسافة ما كانتْ بعيدة شديد مِنْ البيت مُمكِن عادي تِتمشي بالرجلين لـٰكِن أنا ركبتَ مواصلات.

بعد نزلتَ جنب المكان القالتو لي رميساء ضربتَ ليها، كلمتها أنو وصلتَ قالتْ لي أنتظري ثواني و بجيكِ بعد مسافة جاتني و كان معاها بت سلمتْ لي بِالأحضان و البت المعاها برضو سلمتْ لي سلام حِلو كأنها بِتعرفني أسمها "ميعاد".

مشينا مسافة شوية و وِصلنا شُفتَ فِي الباب و قت تكوني عايزة تدخلي المركز، كاتبين دعاء الدخول عجبتني الحركة قريتو و دخلنا ..

عرفتني على أغلب البنات و بقوا يتونسوا معي و صراحة ما حسيتْ أني غريبة وسطهم كانوا ظريفات


بدينا الحلقة ..

كُنا قاعدين فًي شكل قوس كِدا كانوا فِي جزء تبارك بعد نكرر كم اية بِتسمع الشيخة لي ثلاث بنات لمن تخلص من البنات كُلهم، مسافة يسمعوا حسيتْ رجلي وجعتني فمديتْ رجلي رميساء كانت جنبي قالت لي براحة أرجع رِجلي
آستغربتَ!
قُلتَ ليها :
ليه؟
قالت لي :
بعدين بوضح ليكِ هسه صلحيها.

صلحتَ قعدتِ و سكتَ لمِنْ جا دورنا سمعنا و خلصتْ الحلقة، طلعتَ على البيت بعد ودعتهم

وِصلتَ البيت و نُمتَ طوالي مِنْ التعب!


#على_ الهامِشْ :

عُمره إلحاحك علىٰ ربنا في جوف الليّل ما حيروح حدر أبدًا !

بالعَكس كُل دعوة، وكُل عياط، وكُل تذلُل، وكُل ذِكر حتشُوف أثرُه في حياتَك بِشكل يخليك تعجَز عن شُكر ربنَا عليه.

سِهام قيّام الليِّل عُمرها ما خَابت.

دائمًا بتصيب دائمًا بتغير ليك الموازين لجل دعواتَك.

#هللوا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

أَخِي هَلْ أَتَيْتَ بِوَقْتِ السَّحَرِ
| للمُنشِد مُحمد الحميدي.

*#مَشْوَار _ إِلْتِزَام《09》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏تاني يوم بعد أتجهزتٌ طلعتَ مشيتْ مكان المواصلات و ما واجهتَ صعوبة لقيتْ سريع ركبتَ المواصلات و مشينا شوية كان فِي بنتين واقفين مكان إنتظار المواصلات، العربية وقفتْ و كان فِي المقعد حق تلاتة أشخاص داك، فِي ولد قاعد يعني فضل مقعدين فاضيين

واحدة كانتْ لابسة عِباية و طرحة يعني ملابسها ساترة و التانية لابسة بنطلون و مُتبرجة

المُهم اللابسة عِباية قالت لِلتانية :
إنتِ أركبي جنب الولد أنا ما بقدر؛ لانو مُحجبة!

الساعة البت هاجتْ فيها و قالت ليها شايفاني شنو لمِنْ تقولي لي كِدا؟
و ردحتْ ليها لمِنْ البت التانية راسها جاط

صراحة تِتستاهل كيف يعني تقول ليها كِدا؟ هي ما بت زيها؟
يعني إذا لابسة بنطلون تقول ليها كِدا؟
لو ما عايزة تقعد جنبو ماف داعي تقول لِلبت دي كِدا، كان مُمكِنْ تنتظر لمِنْ تلقى مواصلات تانية و تقعد جنب بت، غاظتني ياخ!

فِي النهاية الولد أتحول مع مرأة كانت قاعدة قِدام، المرأة جاتْ قعدتْ مكانو حتى بعدين البنتين رِكبوا، و طول الطريق البت شغالة تحمر لي ست العِباية ساي.

وِصلتَ المركز لقيتْ رميساء قاعدة بقيتْ أتونس معاها و حكيتْ ليها الحصل فِي المواصلات ..

رميساء: بالغتْ البت لـٰكِن!.

تنزيل: شديد.

رميساء: صحي ما سالتيني ليه أمبارح فِي الحلقة قُلتَ ليكِ تصلحي رِجلك.

تنزيل: كُنتَ عايزة أسألك و نسيتْ
أها ليه؟

رميساء: لانو حركة تمدي رِجلك فِي نُص الحلقة و الناس قاعدة دي ما ظريفة.

تنزيل: أيوا صح.

رميساء: شرحوا لينا كِتاب أسمو
" حِلية طالب العِلم"
فيهو أداب الطالب مع نفسهُ
و مع شيخهُ
و مع زملاءهُ
مُهم شديد أنو تقريهُ قبل تبدي تطلبي العِلم زاتو.

تنزيل: القى وين الكتاب ده؟

رميساء: بعدين أنا برسلو ليكِ Pdf.

تنزيل: طيب.


زمن الحلقة جا أخدناها و طلعنا، الدور ده لقيتْ الجو حِلو قُلتَ أحسن أتمشى

مشيتْ مسافة كِدا لقيت عصافير و شكلهم عطشانين، أتذكرتَ أنو خليتْ بقالة ورا رجعتَ أشتريتْ كرستالة موية صحة كبيتها ليهم فِي علبة كِدا لقيتها جنبهم فجأة كُلهم أتلموا فيها يا حليلهم، فعلًا كانوا عطشانين!

واصلتَ طريقي و بقيتْ أتأمل في الموقف سُبحان اللَّه ربنا الليلة خلاني أرجع الليلة بِرجلي؛ عشان أشوف العصافير ديل و أديهم يشربوا موية يعني ربنا عالم بِحالهم أنو هم عطشانين و سخرني عشانهم؛ عشان أجي أسقيهم موية، معقولة ما يكون عالم بِحالك يا تنزيل و انو أنتِ نفسك تِلتزمي و تِتقربي مِنهُ و عايزة رضاهُ؟ حاشا و اللَّه

قاعدة أفكر لمِنْ وِصلتََ

المساء فتحتَ التلفون لقيتْ رميساء رسلتْ لي الكتاب بقيتْ أقرأ فيهو و كان مُفيدة و جميل جِدًا، و عِرفتَ أخطاء كتيرة كُنتَ قاعدة أعملها.


..

#بعد مرور شهر و نص :

طلعتَ على المركز بس أثناء و أنا ماشة جا واحد خطف مِني شنطتي و جرى

« تُعتير السرقة مِنْ كبائر الذنوب
عن عُمَرُ بْنُ الْخَطَّابِ قَالَ: لَمَّا كَانَ يَوْمُ خَيْبَرَ أَقْبَلَ نَفَرٌ مِنْ صَحَابَةِ النَّبِيِّ صلى الله عليه وسلم فَقَالُوا: فُلاَنٌ شَهِيدٌ. فُلاَنٌ شَهِيدٌ. حَتَّى مَرُّوا عَلَى رَجُلٍ فَقَالُوا: فُلاَنٌ شَهِيدٌ. فَقَالَ رَسُولُ اللّهِ صلى الله عليه و سلم: "كَلاَّ. إِنِّي رَأَيْتُهُ فِي النَّارِ. فِي بُرْدَةٍ غَلَّهَا. أَوْ عَبَاءَةٍ"

الحديث مُرعب!
الصحابة قالوا على راجل مات إنو هو شهيد و لو شهيد معناتو خلاص فِي الجنة فالنبيﷺ قال ليهم :
لا هو فِي النار.
و عارفين السبب شنو؟
أنو سرق عباءة!
وقت توزيع الغنائم فِي غزوة خيبر هو شال براحة بدون زول يشوفو العباءة دي، و بعد مات العباءة دي كانت بِتولع فيهو نار فِي قبرو!

_ بِالجد السرقة ما حاجة هينة و حقوق ناس يمكن الزول السرقتو ده دي أخر قروش عِندو و كان ماشي يعالج بيها ولدو!، و أتخيل أنو ما عفى ليك يوم القيامة و ربنا يأخد مِنْ حسناتك و يديهُ
هي أصلًا قدر شنو حسناتنا؟! أيَّ شي ولا حقوق الناس!

¬ مِنْ الأدلة على تحريم السرقة :
- مِنْ القرآن :-
{وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ وَاللَّهُ عَزِيزٌ حَكِيمٌ}
- مِنْ السنة :-
قال رسول اللهﷺ: {لَعَنَ اللَّهُ السَّارِقَ، يَسْرِقُ البَيْضَةَ فَتُقْطَعُ يَدُهُ، وَيَسْرِقُ الحَبْلَ فَتُقْطَعُ يَدُهُ}

السرِقةُ مِنَ المحَرَّماتِ، وقد جعل اللهُ فيها حَدًّا للسَّارِقِ بقَطعِ يَدِه؛ لِيَكوَن نَكالًا له وعِبرةً لِغَيرِه حتى يرتَدِعوا.
وفي هذا الحَديثِ لَعَن رَسولُ اللهِ صلَّى اللهُ عليه وسلَّم السَّارِقَ؛ واللَّعنُ هو الدُّعاءُ عليه بالطَّردِ من رحمةِ اللهِ، أو المرادُ منه الإهانةُ والخِذلانُ، كأنَّه لَمَّا استعمل أعزَّ شَيءٍ عنده في أحقَرِ شيءٍ، خذله اللهُ حتى قُطِع؛ فهو «يَسرِقُ البَيْضَةَ» على حَقَارتِها وقِلَّةِ فائدتِها، فيعتادُ السَّرِقةَ فيَسرِقُ ما هو أكبَرُ منها مما يساوي نِصابَ القَطعِ "فتُقطَعُ يدُه" حَدًّا لأجْلِ هذا، فيكونُ السَّبَبُ الأوَّلُ سَرِقَتَه للبَيضةِ، وقيل: المرادُ بَيضُ الحَديدِ، وهي الخوذةُ مِنَ الحديدِ يَضَعُها المقاتِلُ على رأسِه لِيَحمِيَه من الضَّرَباتِ، "ويَسْرِقُ الحَبْلَ" وكان منها ما يساوي دراهِمَ، "فتُقطَعُ يَدُه" حَدًّا لأجلِ هذا المتاعِ القليلِ، وقد قال النَّبيُّ صلَّى اللهُ عليه وسلَّم ذلك تَنفيرًا عن السَّرِقَة، أو أنَّ هذا كان قبْلَ تَحْديدِ نِصَابِ السَّرِقَة، وهو رُبع دِينارٍ فما فوْقَه، والدِّينارُ حاليًّا يُعادِلُ (4.25 جم) عيار 24؛ فرُبُع الدِّينارِ يُعادِلُ جِرامًا.
وفي الحَديثِ: التحذيرُ مِنَ الوُقوعِ في السَّرِقةِ.
وفيه: مشروعيَّةُ لَعنِ غَيرِ المعَيَّنِ مِن العُصاةِ؛ لأنَّه لَعَن جِنسَ السَّارِقين مُطلَقًا "الدرر السنية".

_ طيب راجل كان بسرق قروش الناس، ولكن تاب إلى الله و ما بيعرف أصحاب القروش السرق منهم و إذا عرفهم قد يتسبب ليهو بعض الإحراجات
يعمل شنو؟ وهل تقبل منهُ التوبة؟
و يعمل شنو بِالقروش السرقها من الناس؟

= عليه التوبة إلى الله، والندم والإقلاع من ذلك والحذر من السرقة مستقبلًا، والاستغفار من ذلك والإكثار من العمل الصالح والعزم الصادق أن لا يعود هذه التوبة، يندم على الماضي ويقلع من ذلك، ويعزم عزمًا صادقًا أن لا يعود، ويكثر من استغفار الله ومن العمل الصالح، كما قال الله سبحانه: وَإِنِّي لَغَفَّارٌ لِمَنْ تَابَ وَآمَنَ وَعَمِلَ صَالِحًا ثُمَّ اهْتَدَى [طه:82]
و قال تعالى: وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ [النور:31]
وعليه رد الأموال إلى أصحابها إذا عرفهم، عليه أن يردها إليهم بالطريقة التي تمكن، ولو من غير أن يعلموا أنها منه يرسلها إليهم بواسطة من يرى حتى يوصلها إليهم من طريق البريد، أو من غير طريق البريد، ولا يجوز له عدم ردها، بل يجب ردها إذا عرفهم، بأي طريقة على وجه لا يعلمون أنها منه يعطيها إنسان يقول: سلمها لهم، قل لهم: إن هذه أعطانيها إنسان يقول: إنها حق لكم عنده وأعطانيها أسلمها لكم، والحمد لله.
أما إن جهلهم، فإنه يتصدق بها يعطيها الفقراء بالنية عن أصحابها يتصدق بالأموال التي سرقها بالنية عن أصحابها، كلها لا يخلي شيء، أما إذا عرفهم ولو بعيدين،ولو كانوا بعيدين يوصلها إليهم بالطريقة التي تصلهم بها من دون حاجة إلى أن يعلموا أنها منه، بواسطة من يرى من الناس الذين يوصلونها من الثقات، ولا يبينون أنها منه، نعم "منقول" »

الشارع كان فاضي و الشنطة فيها تلفوني

قُلتَ لي نفسي :
الحمد لله على كُل حال، لو كان خيرًا لِبقى
و أستودعتو لله

الشيطان بقى يوسوس لي أنو أرجع البيت لـٰكِن قُلتَ و اللَّه ما برجع، و يعني شنو كان تلفونك أتسرق تقومي ترجعي البيت و تخلي مشية المركز؟ حتستفيدي شنو؟

و بعدين أمر المؤمن كُلو لِخير و الحمد لله أنو ما جاتْ فِي روحي و طعني بِسكينة و كِدا، دي براها سلامة و نِعمة


كملتَ طريقي و بقيتْ أفكر ..
ياربي لو كان أتسرقتَ قبل أنزل المركز و أبدا أحفظ القُرآن هل كان حـ أصبر كِدا؟
أكيد لا.

حرفيًا أنا أتغيرتَ شديد و بقيتْ أحسن مِنْ أول و قبل فِترة الأنتكاسة

بقيتْ أقارن بين الفترات التلاتة ..
"قبل الأنتكاسة و فِترة الأنتكاسة و بعدها"

قبل الأنتكاسة ..
كُنتَ بقيم الليل
لـٰكِن ما بصلي صلاة الضحى!
بقرأ قُرآن
لـٰكِن ما قاعدة أتدبرو و أحفظو!
بقرأ الأذكار
لـٰكِن ما قاعدة أستشعرها!
بِتصدق
لـٰكِن ما عِندي خبئية بيني و بين اللَّه
ما بتكلم مع أولاد فِي الواقع
لـٰكِن بِتكلم معاهم فِي المواقع و بعلق ليهم عادي و بقول كلمات ضد الحياء زِي"عسل"!
ما قاعدة أنشر صورتي
لـٰكِن بنشر صور بنات تانيات
رغم أنو كِدا برضو ما يجوز
و حـ أخد سيئات برضو.


و تاني إتذكرتَ فِترة الأنتكاسة
الفترة اللي أتدمرتَ فيها نفسيًا! ..

بقيتْ أتكلم مع أولاد واقع و مواقع
بقيتْ أجمع الصلوات
تركتَ قيام الليل
تركتَ الأذكار
تركتَ السُنن الرواتب
تركتَ قراءة القُرآن
تركتَ بر الوالدين
تركتَ الحِجاب
لبستَ بنطلون
ظهرتَ شعري
بقيتْ أصافح
بقيتْ أسمع أغاني
و أضيع وقتي فِي السوشيال ميديا
لـٰكِن الحاجة الحِلوة الحصلتْ فِي الفترة دي أنو عِرفتَ لِذة الدعاء و معنى الأفتقار لله.


تاني إتذكرتَ بعد الإنتكاسة
و بعد نزلتَ المركز و كيف رجعتَ أقوى ..

رجعتَ لِلحجاب و حسنتَ مِنهُ يعني بقيتْ العباية ما بلبسها مُزركشة و فيها زينة.
رجعتَ لِلقيام و أضفتَ صلاة الضحى
العِرفتها مِنْ بنات المركز و شجعوني عليها و هنا بقول إنو الصُحبة الصالِحة تُصلِح بِالجد!
بقيتْ بقرأ الأذكار و بستشعر معانيها.
بقرأ القران و أتدبرو و قاعدة أحفظو و بحاول أعمل بيهو كمان.
ما قاعدة أتكلم مع شباب لا واقع لا مواقع.
بقيتْ أحاول أصلي بِخشوع.
ضفتَ السُنن الرواتب.
بقيتْ أسمع السيرة.
بحاول أطبق السُّنة فِي حياتي
يعني أشوف النبي ﷺ أكل و شرب كيف؟
و كان بِتعامل مع الناس كيف؟
و أحاول أعمل زيو.
بقيتْ طماعة فِي وقتي و خصصتَ ساعة لِلتلفون فقط فِي اليوم.
عملتَ خبيئة بيني و بين اللَّه و هي أنو كُل يوم قاعدة أسقي العصافير موية وقت راجعة من المركز بدون زول يشوفني، و بحول كل خمسة أيام الف جنيه رصيد و بشوف حوجات فِي النت و بِتبرع بِمتين جنيه كُل يوم.


أبتسمتَ لِلتغير الحصل لي و حمدتَ ربنا و دعيتْ يثبتني و يهديني أكتر و أكتر

وِصلتَ المركز و دخلتَ بعد قُلتَ دعاء الدخول ..


#على_الهامِشْ :

هل لك سِر ؟
هل لك سِرّ بينك وبين الله ؟
هل لك صدقه يوميّة او شهريّة او حتّى سنويّة بينك أنت فقط وبين الله ؟
هل لك ورد يوميّ او ختم اسبوعيّ وشهريّ بينك وبين الله؟
هل لك طاعات خفيّة بينك وبين الله؟ استغفار او حوقلة وتهليل وتكبير والصّلاة على النّبي ؟
هل لك لسان لا يتوقّف عن ذِكر الله بينك وبين الله؟
هل لك حمد وشُكر وتسبيح بينك وبين الله ؟
هل لك اعمال خفيّة بينك وبين خالقِك؟
هل لك قيامُ ليلٍ تقوم بين يديّه ترجوا رحمته ؟
هل لك خلوات مُجبرة في ثُلث اللّيل بينك وبين الله ؟
هل لك أنين في جوف اللّيل تدعوا الرّحمٰن رغباً ورهباً بينك وبين الله ؟
هل لك حسنات تُذهبن السّيّئات بينك وبين الله ؟
هل عندك جِهاد بينك وبين نفسك والشيطان لا يعلمُها الّا الله ؟
هل لك سرٌّ خفيّ بينك وبين الّذي يعلمُ السرّ وأخفى ؟

إنّ كان جوابك نعم فـ هنيئاً لك ، وإن كان لا فأجعل بينك وبين الله مشاريع خفيّة لا يعلمها الّا الله ، طاعات وعِبادات وأفعال مُرضيّة لا يعلمها الّا الله ، رطّب لِسانك بذكر الله فإن بذكرهِ تطمئنّ القُلوب ، اقمّ الصّلاة الى غَسقِ اللّيل واجعل لك خلوة بينك وبين ربّك في جوفِه

اشكي بثَّك وحُزنك الّى الله ، تضرّع وتذلل اليه لأنه لا ملجأ ولا منجى منه إلّا إليه طاعاتٍ وعِباداتٍ وأفعالٍ مُرضيّة لا يعلمها الّا الله ..

إنه اللّطيف الّذي لَطف بيوسف والشّافي الّذي شفى ايّوب ويعقوب والمُنجي الّذي نجّى يونس وموسى وإبراهيم والوّهّاب الّذي وهب لزكريّا بالكِبر يحيى، إنه ربّ المُعجزات الّذي جعل مريم وإبنها آيةً للعالمين، إحعل نصبَ عينيك [ لا يمرّ عليّ يوم من غير ذِكر الله ] او عمل عِبادة وطاعة يُرضيان الله او آداء الفرائض بوقتِها او حِفظ كِتابه وكلامهِ في عُمق قلبك ، إنه الله يا رفاق إنه الله..

والآن هل لك سرٌّ عند الله ؟

رَحيمٌ ومَا يُدريك عَن سرِّ فَضلهِ
كَريمُ العَطايا حِين يُعطي وَيمنعُ.

#حوقلوا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌

*#مَشْوَار _ إِلْتِزَام《10》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*


‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏أخدنا الحلقة و زمن الأستراحة جا بقينا نتونس شوية و الليلة ما حنرجع البيت طوالي؛ لانو بعد ساعة عِندنا سرد لِتلاتة أجزاء مِنْ جُزء عم لِلمُجادلة، أنا ما أخدتَ معاهم جزء عم لـٰكِن البنات كرروا معي لمن حِفظتو بِالتجويد.

حكيتْ ليهم أنو شنطتي أتسرقت و فيها تلفوني
قالوا لي ربنا يعوضك
قُلتَ ليهم أمين

ميعاد قالت لي :
تلفونك أتسرق و ما بكيتِ؟

تنزيل: لالا.

ميعاد: صراحة مُستغربة فيكِ كأنو تلفونك ما أتسرق!

تنزيل: و أعمل شنو؟

ميعاد: غايتو لو أنا كُنتَ مكانك كان جعرتَ زين.


الشيطان بقى يوسوس لي إنو كلام ميعاد صح الحق هسه تكوني قاعدة تبكي تلفونك أتسرق عديل و أنتِ قاعدة عادية كِدا؟!

قطعتَ الأفكار دي و أستعذتَ مِنْ الشيطان
و قلتَ لي نفسي :
قدر اللَّه و ماشاء فعل.

«التعليقات الزِي دي ماف ليها داعي؛ لانو بِتفسد لِلناس رضاهم و برضو مثلًا لو واحدة مشتْ لي صحبتها تقول ليها بيتك ده صغير مُكفيكم كيف؟ و ست البيت حتبدأ تشعر بِعدم الرضا، و غيرها مِنْ التعليقات.. ».

الساعة مرتْ و جا زمن السرد سردنا و طلعنا ..

طلعتَ و فِي الطريق مشيتْ أديتْ العصافير موية زِي كُل يوم
و أتحركتَ ..

أثناء و انا ماشة فِي ولد بقى يضايفني لـٰكِن ما أشتغلتَ بيهو و لا ركزتَ مع كلامو زاتو، كملتَ طريقي.

وقت لقاني ما شغالة بيهو و لا عاينتْ ليهو أصلًا سكتْ و خلاني.

مشيتْ مسافة

سامعة صوت ولد شغال يقول :
يا أخت

قُلتَ ده واحد أكيد برضو ما عِندو موضوع و لا أشتغلتَ بِالموضوع و كملتَ طريقي

فجأة !..

سمعتَ صوت رجل الزول الماشي وراي
ماشي سريع و قاعد يسرع فِي خطواتو.


قربتَ أجري لـٰكِن أتماسكتَ و بقيتْ أسرع خطواتي و المُشكلة هو زااااتو بِسرع خطواتو معي

وقفتَ لمِنْ سمعتو قال لي :
عايز أديكِ شنطتك!

ثواني أنا سمعتَ صح!
عايز يديني شنطتي أنا؟!

أنتظرتَ لمِنْ وِصلني و أداني ليها
و قال لي :
قبيل شُفتَ الزول الشالها مِنك و لحقتو شلتها مِنهُ لـٰكِن وقت جيتْ أرجعها ليكِ لقيتك ماف.

مداها لي شِلتها بعد شكرتو
و مشيتْ ..

سبحان اللَّه ربنا جاب لي الشنطة لِحدي عِندي لمِنْ أستودعتها و سلمتْ أمري ليهو و رضيتْ و ما أتسخطتَ ربنا جبر بِخاطري و جاتني فِي مكاني!


وِصلتَ البيت ..

لقيتْ تالين قاعدة تحضر فِي مُسلسل
مشيتْ غيرتَ و جيتها ..

تنزيل: تالين.

تالين"و هي مُـركزة مع التلفزيون": أي.

تنزيل: ركزي معي هِنا.

تالين"وهي بِتعاين لِتنزيل": أها أحكي.

تنزيل: أنتِ عارفة أنو المُسلسلات دي حرام؟

تالين: كيف يعني؟!

تنزيل: مُش ربنا أمرنا بِغض البصر؟

تالين: أي.

تنزيل: يلا المُسلسلات و الأفلام بكون فيها رجال و لازم نغضي بصرنا عنهم.

تالين: صح.

تنزيل: طيب مُش ربنا أمرنا بِعدم سماع الموسيقى؟

تالين: أي.

تنزيل: يلا المُسلسلات و الأفلام دي ما بِتخلو مِنْ الموسيقى و غير هي ضياع زمن.

تالين: لـٰكِن أعمل شنو؟ أنا أتعودتَ عليها.

تنزيل: حاولي أملي وقتك ما تخلي فراغ فِي يومك؛ لانو الفراغ حيخليكِ تفكري فيها، أبدي أحفظي القرآن و أستغفري كتير و أدعي أنو ربنا يطلع حُبها مِنْ قلبك.

تالين: أن شاء اللَّه.

تنزيل: أمي وينها؟

تالين: قاعدة جوا فِي الغرفة.

تنزيل: كدي ماشة ليها.

مشيتْ ليها لقيتها ماسكة المُصحف و قاعدة تقرا فِي القرآن

ليلى: تعالي سمعي لي يا بتي السورة الأمبارح اللي أديتيني ليها.

سمعتَ ليها و بقتَ تدعي لي و شغالة تقول لي راضية عنك يا بتي علمتيني القراية و هسه بقيتْ أقدر أقرآ القران بعدهُ بقيتْ أمشطها و قاعدين نسمع بِتلفونها ريكورد عن أعمال القلوب و بِالتحديد درس "التوكل"


#بِلسان ليلى :

فِي يوم كُنا قاعدين أنا و تنزيل بتي و جاتنا مرأة أشترينا مِنها، تنزيل مشتْ غرفتها و أنا كُنتَ مع المرأة بعد خلصنا قالت لي أكتب رقمي و أسمي و كانت مادة لي كراس ما قدرتَ أقول ليها أنو ما مُتعلمة شلتَ مِنها الكراس لـٰكِن تنزيل بتي جاتْ و سريع شالتْ مِني الكراس و كتبتْ رقمها و أسمي، و فِي نفس اليوم جاتني هي و تالين طلبوا مِني أرجع أتعلم رغم أني رفضتَ؛ لانو قراية بعد العمر ده؟
لـٰكِن هم أصروا علىَّ خاصة تنزيل و بدتْ تقريني، صح بعد مرات كُنتَ ما بقدر أفهم أو أكرر كتير و بنسى بس هي بِتصبر علىَّ و كُل مرة أنا بستسلم و بقول ليها خلاص ما عايزة أتعلم هي بِتقول لي :
لالا يا أمي حـ تعرفي بِأذن الله أصلًا فِي البدايات كُلنا كُنا كِدا، و تاني برجع لِلحفظ
فِي يوم ناديتها و ظاهر على وشها أنو زهجانة و أتآففت لما رسلتها أول مرة أشوفها كِدا و أحترتَ طبعًا؛ لانو ده ما طبعها!
لـٰكِن عذرتها؛ لانو أول مرة تعمل كِدا و قُلتَ يمكن تكون مضغوطة.

بعد فِترة براها جاتني و أنا نسيتْ الموضوع أصلًا، كانتْ قاعدة تبكي
قالت لي :
يا أمي أعفي لي
بِأستغراب قُلتَ ليها :
على شنو؟
قالت لي :
؛ عشان اليوم داك بينتَ ليكِ أنو مُتضايقة
قُـلتَ ليها :
أصلًا أنا نسيتْ يا بتي
عافية عنك دنيا و أخرة

بقتْ تبكي زيادة و حكتْ لي إنو الفِترة الفاتت دي كانت مُنتكسة و عشان خلتْ قراءة القرآن بقتْ زهجانة طول الوقت و بِتتصرف تصرفات هي زاتها مُستغربة فيها!
فِي اللحظة دي أتمنيت أكون بعرف أقرا؛ عشان أقرأ القُران، و همتِ زادتْ مِنْ الحظة داك.

و بعد شهرين و نص الحمد لله أتعلمتَ الكتابة و القراءة بعد تعب و مُعافرة و جهاد، بعدو طارِق جاب لي تلفون و علمتني تنزيل كيف أستخدمو و نزلتْ لي تسجيلات دينية لـِ داعية بقيتْ أغلب الوقتْ بسمع أو بقرأ قرآن و بدتْ تحفظني فِي جزء عم

تنزيل بتي حببتني فِي الألتزام
بتجي تقول لي :
يا أمي نزلتَ تسجيل جديد و جيتك؛ عشان نسمعوا مع بعض، تشغلوا و تجي نسمعوا و بعد ينتهي بِتقول لي :
أها الليلة حنبدأ نطبق شنو فِي حياتنا؟

بِالطريقة دي أنا عرفتَ حاجات غلط كتيرة كُنتَ قاعدة أعملها و مُعتقدة فيها زِي الكمون و الحِجاب وقت بِتلبس فِي اليد أو الرقبة كِدا بحمي مِنْ الجن!
و التشاؤم مِنْ النعل المقلوب و أنو لو ما قلبتو معناتو ما حـ أدخل الجنة!
و التشاؤم و التفائل بِرفرفة العين لو عيني رفتْ معناتو فِي زول قاعد يقطع فيني!
و برضو لو جَبنة أتكشحت بقول معناتو
جاياني قروش!
و لو المُشط وقع معناتو فِي حاجة سيئة حتحصل!
و لمِنْ قشر البصل أو التوم وقع معناتو حتحصل مُصيبة!
أو لو لقيتْ موية مكشوحة فِي الشارع معناتو فيها ولد الشيطان و كان دخلتَ فيها حـ أجن!
و كان وقت واحدة تعلق و ما تقول ماشاء الله بقول ليها : خمسة و خميسة
برضو عِرفتَ أنو ما صح؛ لانو خمسة و خميسة دي تُعتبر شُرك
و أنا كِدا مُعتقدة أنو حتحميني مِنْ العين!
عِرفتَ أنو الحاجات دي كُلها غلط و شرك باللَّه و مُعتقدات خاطئة و خرافات
فعلًا العِلم نور!

و برضو خليتْ القطيعة و لمن يكون فِي قعدة جَبنة و يبدوا فيها قطيعة بسكتهم و بقول ليهم :
مُش أحسن نستفيد مِنْ وقتنا بدل نقطع فِي الناس؟
و بفتح ليهم التسجيل و نسمع كُلنا و الحاجة دي خلتْ أغلب نسوان الحي يخلوا القطيعة، و لمتنا بقتْ جميلة و فيها ذكر الله.

ربنا يحفظها و يديها لَمِنْ يرضيها و يرزقها الزوج الصالِح و ود الحلال البِستاهلها.



#على_الهامِشْ :

العلم نور يُضيء الدروب
في ظلام الليل ووسط السُحُب

هو مفتاح كُلِ قلبٍ وإنسان
بِغَيره للنجاح لا مُنَـا

بغيره نُغرف من بحور المعارف
وهو مُستندٌ في زمن المغامرات

فلنُشعل شمعته في كل مكان
ونرفع رايةً تحمل الألوان

فالعلم جسرٌ يربط بين الجميع
بَيْنَ الأمل والحلم الدائم السعيد

على درب الحياة نواصل السير
بالعلم سنُحقق كل المسير

#كبروا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌