لا توجد لغة قادره على وصف الخيبه
كـ وصف اهل الجنوب :
‏"اغُم گلبي الرچـيـچ الما عِرف يهوى
واغُم روحي البچتلك وانتَ ماتسوى"

ارد افتهم ليش إختلَف؟
مو هوه گايلّي وحلف
ميعيش لحظه بدوني
ساعتها حيل تعلقت
والله احلى من عنده شفت
بس گلبي غش عيوني

حالَك تغَير مَدري حالي
صاير تغثني وماتبالي
ننهيها اضن بفراگ تالي
كهوة المَشاعر عيب تبرَد
تَبعدني چا وتدني البعاد ؟

لا هداني اللّٰه ونسيتك
ولا هداك اللّٰه وأجيت

تعوفني وتكدر بدوني
ليش ياثالث عَيوني ؟

اني لو ادري اهتمامي الزايد
يرخصني يمك
ما صرت هيچي تَرف
اني غشتني البدايات الجميله
اعترف ..

تضوّي لغيري واني النار بيه
حَبيبي شبدّل گليبك عليه ؟؟

وَلو يمكن كَلامي تشوف بي قسَوه
دقيقة من الدقايق چنت ماتسوىٰ !

اكو حضنة ملاگه وحضنة وداع
ياهو تريد منهن من الآگيك ؟

شلون تَروح وتَفك الشراكه شَلون
سَهله الشَغله عندك مِن تفاركني؟

وتدري منك
لو تصَح كلمة شلونك
چا گلتلك انتَ لوني
وباهتة سنين العمر
من بعد لونك .

وأعتنيلك وأنه ماعندي مجال
وما تجيني أنتَ ولا حتى بحلم
عندي الك شوگ ومحبة وذكريات
كلشي عندي وأنتَ ماعندك علم .

تصدّگ ؟
ما الك وحشه
واصلاً ما تجي ببالي
مضيعك نعم بس عادي
الضايع مني مو غالي .

ما سويتلك مو زين
هاي الضلت بگلبي ..

العَراقي ميعاتب المحبوب بكلمات جارحة
العراقي يگول :
كُل ضني ويَاك انسعد
وبحبك افرح
يا ورد ما جنت أعتقد
حتى انتَ تجرح .

بُستان الوَرد لَولاچ ما ورّد .

بعَيني كُل الناس غُربة
وانتَ مِن ضلّك أعرفك
ياحَبيبي، كُلشي بالدُنيا فراغ بلايه چفك

الوَرد ذابل مِن زَمان
لا تحاول تعتنيلي
لا جَماجم لا مَلاحم
كُلّها مَتعوض سِنيني ..

بساعتها تعرف صدگ
من ايدك شضيعت
بس وين تندله !!
المثلي لا ينسّي
ولا تگدر تبدله

وانتَ الما تحبني شلون بالله وياك؟؟
أمرن بيك مامر باليحبوني
عفت الي شروني ومن ارد شلون
هم اسوه بعد ونوب يشروني!!
واني مِن اشتريتك بعت ناس هواي
يمكن ناس فقره وشورو بيه

- جبار رشيد

رماد بعين گلبي
افعالها السود