الدُنيا چانت حَرب
وصوت المَدافع يرن
والمُوت يگدر تَره
يطشرها لحَلامي
بنص هل مَواقف انا
اطبك عيُوني غَصب
بَلكت تُمر بحِلم
وتصير گدامي

حتى من اريد اقبل عذر
مااشوف ترضى جروحي
و ساعتها راح ادخل حرب
ما بين روحي و روحي ..!

تلاگينه بحلم
واجمل حلم چان
شفت كل العمر بـ شكم دقيقه
اللقاء البالحلم صدگوني مرات
اجمل من لقائات الحقيقه

هَدني بداعت الله
"ارحَمني اترجاك"
أي مَوضوع عن العِشك لاتفتَح
ولك تعبَني ذكرك ، غادِر التفكيَر
شعَندك بالعقل؟
بَس تسرح وتمُرح

وكت خَلاك تِدلل على مدلل
انهَ نغشَيت بيّك ولازِم أتحَمل .

بعَد ماكو صباح الخير
كلمن خيره لثاني
نلم كِل ذكريَات الراح
وآني انساك وانسانيّ .

انتَ العلمتني شلون افك ذرعان للملگه،
الموادع ما تعلمته ..

مرات الورد ما ينزرع ينگال
ذبل بينه الاحساس شوكت تحچيهن؟

لا توجد لغة قادره على وصف الخيبه
كـ وصف اهل الجنوب :
‏"اغُم گلبي الرچـيـچ الما عِرف يهوى
واغُم روحي البچتلك وانتَ ماتسوى"

ارد افتهم ليش إختلَف؟
مو هوه گايلّي وحلف
ميعيش لحظه بدوني
ساعتها حيل تعلقت
والله احلى من عنده شفت
بس گلبي غش عيوني

حالَك تغَير مَدري حالي
صاير تغثني وماتبالي
ننهيها اضن بفراگ تالي
كهوة المَشاعر عيب تبرَد
تَبعدني چا وتدني البعاد ؟

لا هداني اللّٰه ونسيتك
ولا هداك اللّٰه وأجيت

تعوفني وتكدر بدوني
ليش ياثالث عَيوني ؟

اني لو ادري اهتمامي الزايد
يرخصني يمك
ما صرت هيچي تَرف
اني غشتني البدايات الجميله
اعترف ..

تضوّي لغيري واني النار بيه
حَبيبي شبدّل گليبك عليه ؟؟

وَلو يمكن كَلامي تشوف بي قسَوه
دقيقة من الدقايق چنت ماتسوىٰ !

اكو حضنة ملاگه وحضنة وداع
ياهو تريد منهن من الآگيك ؟

شلون تَروح وتَفك الشراكه شَلون
سَهله الشَغله عندك مِن تفاركني؟

وتدري منك
لو تصَح كلمة شلونك
چا گلتلك انتَ لوني
وباهتة سنين العمر
من بعد لونك .

وأعتنيلك وأنه ماعندي مجال
وما تجيني أنتَ ولا حتى بحلم
عندي الك شوگ ومحبة وذكريات
كلشي عندي وأنتَ ماعندك علم .