والكَاهم فَراغ منين ما أحط شّوگ
الأحبهم مو نهار گلوبهم ظلمة.

الله أنطَاك عمر وعشت وياي
شتضن وي غيري هم الله ينطيك؟
جنطة سفر دمعي وماخذة وياي
خلص بأول محطة گبال طاريك..

يجي دخان شوَوگك يَترس العين
وأدمع ذكريات وشوگي عطاب.

فـراكك بـاب خـيبر وانـه مـو كرار
انـا بـيبان بيـتي اتـعاجز افـتحهن.

أرسمَك مِلتفِتلي وتطلَع اوّهام
مَلامِح وَجهي مافِهمَت مَعانيِك
بثِگل جَرحَك گَبل خِطواتَك وَياي
شِني شو ع الزَعَل خَفيت رِجليِك.

طفة وجهي بغيابك لو بعد موجود؟

أنا ملبّس دَمعتي ثياب مَلگاك
و أنتَ دمُوع عَينك تنبض وداع.

المواضع والكبور ثنينهن بل كاع
وانتَ ثنينهن ما قصرت بيهن.

اگدر بالضوة بس ما رهم وياك
على گد الشمس ملگاك فصلتة.

من يكبر فراغك صدري جان يضيگ.

اشمك شمة المهضوم على المكتول.

وانه خيالي الحنين يثگل بچدمهَ
والكَاهم فَُراغ مِنين ما أحط شّوگ
الأحَبهم مو نهار گلوبهم ظلمة ..
اليضم عَندي هوى ما أسولفهَ لِمخنوك
اليجي بِوكتهَ دمع بِعيوني ما أضمهَ
واهس ليل جَرحي شّكد سوالف بيهَ
علِيه كُل ذكره مرتْ تنحسب لچمه َ
هَوت روحي وهوت بس ما هوتها الناس
حچي عيوني سهل بس جيب اليفهمهَ.

الما يندّل خيَالي بروحَي ما أخليَ
وما يرهمّ عليه لو نِفس جيته
التعداني بحِلم يلگاني عابُر ليل
الفجر گبل الشمسّ بعيوني وشلته
الما يشتاگلي ينترس حضنه فراگ
على الملگه من أسَولف ما تذكرته .

الشَهيد عليَ رِشمّ .

يمر اسمك وأحس حرورتك بالراس
وأذب روحي بنهر يومين ما أبرد

إِذا انتَ صِرت چَتالي
چا يَاهو الياخِذ بِثارِي.

الى صاحب الزمان المشتكى 💔