Ashruka | አሽሩካ
2.05K members
14 photos
1 file
218 links
አሽሩካ የምርጦች ምርጫ! መልክት ወይም ጥያቄ @Ashruka_Mediabot ይጻፉልኝ::
Download Telegram
to view and join the conversation
መልካም ተስፋ 👉🏾 የኢቦላ መድሐኒት የሆነው ሬምዴዚቪር ኮቮድ-19ን ለማከም ተፈቀደ
.....*****.....
👉🏾ከመጀመርያም ትልቅ ተስፋ ከተጣሉባቸው መድሃኒቶች ቀዳሚው ነበር ሬምዴዚቪር (Remdesivir).

👉🏾በቅርቡም ውጤታማ እየሆነ እንደመጣ ጥናቶች እንዳሳዩ ነገሬያችሁ ነበር::

👉🏾እናም የአሜሪካ የምግብና የመድሐኒት ተቆጣጣሪ ( Food and Drug Administration-FDA) በጽኑ ህመም ጊዜ (Emergency Use Authorization-EUA) ጠቀሜታ ላይ እንዲውል ፈቅዷል::

👉🏾የመድሃኒቱ አምራች የአሜሪካው ጊሌድ (GiLead) የተሰኘው ድርጅት ነው:: መድሐኒቱ ኢቦላን ለማከም የተሰራ ነበር::

👉🏾ይህ መድሀኒት በFDA በሽታውን ለማከም እውቅና የተሰጠው የመጀመርያ መድሐኒት ነው ተብሏል::

👉🏾ይበልጥ ውጤታማነቱን ለማየት ከ2000 በላይ ሰዎች ላይ የሙከራ ጥናት እየተደረገ መሆኑ የሚታወስ ነው::
.....*****.....
ምንጭ: BBC, FDA
#አሽሩካ_ሚድያ
@ashruka @ashruka
ካነበብኩት 🙏🏽👇🏽
.....*****.....
👉🏾ባብዛኛው ከሌላው ለመሻል እንጥራለን:: በዚህ ነገር ጥሩ በዝያ ነገር ምርጥ ከሌላው ይልቅ አሪፍ ለመሆን እንጥራለን:: ሌሌች ካቀረቡት ምርት ጋር እንወዳደራለን:: ራሳችንን ከሌሎች ጋር እናወዳድራለን:: ግን ብዙዎች አይሰሙንም አይረዱንም::

👉🏾ከዝያ ይልቅ በየእለቱ ትናንት ከሰራነው ነገር በተሻለ ዛሬ ለመስራት:: ትናንት ከነበረው ማንነታችን ዛሬ ተሽሎ ለመገኘት ብንጥርስ?::

👉🏾እስቲ ባለፈው ሳምንት ከነበረው ራሳችን ጋር ራሳችንን እናወዳድር:: እስቲ ለምን ባለፈው ወር የነበረንን የራሳችንን ስህተት አርመን ባለፈው ወር ከነበረው እኛነታችን ተሽለን ለመገኘት አንሞክርም?!::

👉🏾ትልቁ ምክንያታችን መለወጥ የተሻለ ሰው ሆኖ መገኘት ከሆነ ለምን ከራሳችን ጋር አንወዳዳርም?!::
.....*****......
ምርጦችዬ መልካም ሳምንት 🙏🏽😍
ምንጭ: ሲሞን ሲኔክ (Simon Sinek )
ትርጉም: አሽሩካ
#አሽሩካ_ሚድያ
አንፍራ እንተግብረው
.....*****.....
👉🏾ይለውጠናል ብለን ያሰብነውን ነገር ወደ ተግባር እንድንቀይረው ስንት ሰዎች ጥሩ ነው ጀምረው/ ጀምሪው እስኪሉን እንጠብቃለን?!::

👉🏾ሐገሬ ገብቼ ራሴን የሚለውጥ ነገር እከፍታለው ብለሽ አስበሽ ይሆናል ግን ስንቱ ነው አሪፍ ነው ብሎ ያበረታታሽ?🤔:: አንተም በቀጣዩ ስራህ ማነው ጎበዝ ግፋበት ያለህ?🤔::

👉🏾እውነቱን ለመናገር ማንኛውም ነገር ሲጀምር የሚያዳንቁት ጥቂት ሰዎች ናቸው:: ብዙዎች በራሳቸው የመተግበር የመለወጥ ፍርሀት ውሳኔ ውስጥ ስለተዘፈቁ እኛንም በፍርሃታችቸው ጠምቀውን እንዳንተገብረው ሊያደርጉን ይችላሉ::

👉🏾እናማ ትልቁ ነገር ጉዳዩን ከልብ ለራሳችን ማመናችን ልንለወጥበት እንደምንችል ማወቃችን ነው ባይ ነኝ::

👉🏾አዲስ ሐሳብንና መንገድን ብዙዎች አይደፍሩትም:: አዲስ መንገዶችም ከችግር ይመነጫሉ:: በርካታ ችግሮች የለውጥ መንገድ ከፋች በሮች ናቸው:: አንድ ችግር አቃለላችሁ ማለት ወደ ለውጣችሁ በር እየተጠጋችሁ ነው እንደማለት ነው:: ትልቁ ነገርም እሱ ነው ከራስ አልፎ ለሌሎች መሆን::

👉🏾በተመሳሳይ ጨለምተኛ ሀሳብም መልካም ሕይወት ማግኘትም የማይታሰብ ነው:: ለዚህ ነው ባፈለቃችሁት ሀሳብ በፈለጋችሁት መንገድ ብቻችሁን እንኳን ብትሆኑ መፍራት የሌለባችሁ:: የውሳኔ ሰው💪🏽

"You can’t have a positive life and a negative mind.” Joyce Meyer

👉🏾የሆነው ሆነና የተግባር ሰው እንሁን እላለው ያለምነውን ያሰብነውን ሰዎች ባያምኑበትም እንተግብረው::

መልካም ሳምንት
ቸር ያሰማን
.....*****.....
#አሽሩካ የምርጦች ምርጫ!
ሌላኛውን መንገድ እንመልከት
.....*****.....
👉🏾ሕይወት አልለወጥ ብላሻለች? ብላሃለች ? እንግዲያውስ መቀየር (change) ያለበት ነገር ያለ ይመስለኛል::

👉🏾ዛሬ ባለንበት ተመሳሳይ መንገድ ነገ ልንደርስ ወዳሰብነው ቦታ መድረስ አንችልም ብዬ አስባለው:: ብንችል እንኳን መንገዱ መርዘሙ ጉልበትም መፍጀቱ አይቀርም:: ስለዚህም የመንገድ ለውጥ (Route adjustment) ያስፈልጋል::

👉🏾ነገ ወዳሰብንበት የሚያደርሰውን መንገድ መያዝ ግድ ይላል:: ወደ ዝያ የሚያደርሰውም ትግስት, እውቀት እና የታቀደ ብልሃት ነው:: ደግሞም ከሌሌች የሚገኝ ልምድ እጅጉን ይጠቅማል:: እናም ሳይንቁ ከሌላው ጠይቆ መማር መንገድን ያበራል:: ይሄም ሌላውን ማክበርንና መውደድን ያሳያል ይሄም ያስፈልጋልና::

👉🏾ብዙዎች ነገሮችን ለማከናወን ገንዘብ ብቻ የሚያስፈልጋቸው ይመስላቸዋል:: ይሄም ገንዘብን ከመፍጠር ገንዘብን ወደ መጠበቅ ያሻግራቸዋል:: በተለይም ይሄ የትውልዴ የለውጥ ቅርቃር ሐሳብ ነው ባይ ነኝ:: ገንዘብ ያልበሰለ ምግብ ሌሎቹ (ልምድ, እቅድ, እውቀት) ደግሞ ምግቡን አብሳይ እሳት ናቸው ባይ ነኝ::

👉🏾እናም ሌላኛውን መንገድ እንመልከት አንፍራ እንቀይር እንማር እንወቅ እንጠይቅ እናቅድ እንታገስ ከሌሎች ጋር በፍቅር እንተባበር በጥበብ እንልፋ::

👉🏾ቆም ብላችሁ ሌላኛውን መንገድ ተመልከቱ:: አይዞኝ ያሰባችሁት መሳካቱ አይቀርም::

መልካም ሳምንት 🙏🏽
.....*****.....
#አሽሩካ የምርጦች ምርጫ!
#mondaymotivation #ashrukatalk #ashruka #Ethiopia
ያለን አማራጭ ማሸነፍ ብቻ ነው!
2013 የማሸነፍ አመት ይሁንላችሁ
(የሰኞ ክትባት / Monday Motivation)
.....*****.....
👉🏾በሕይወታችን ብዙ ሰልፍ ነበረ መሸነፍ ፣ መልፈስፈስ ፣ መታለል ፣ መቆዘም ፣ ማልቀስ ፣ ደግሞም ማሸነፍ ፣ መበርታት ፣ መሳቅ ፣ መደሰት የሆነው ሆነና ጊዜ እንደ መጣ እንደየትግላችን ላይመለስ ነጎደ አዲሱ ወደ አሮጌነት ተንደረደረ::

👉🏾ግን ያለፈውን ሽንፈታችንን ፣ ቁጭታችንን መመለስ እንችላለን?! አንችልም❗️❗️❗️

👉🏾ያለፈው አልፎአልኮ ያለፈው ጤዛ ነው ረግፏል:: የሚመጣው ግን ደመና ነው የዝናብ ተስፋ አለው:: እና እየተበሰለሰልሽ ራስሽን የምትጎጅው ቆይ እስከመቼ ነው? ያሰብኩት አልተሳካም ፣ ፍቅረኛዬ ሄደ ፣ በቢዝነሴ ከሰርኩ ...እያልሽ መነፋረቅ አላበዛሽውም ወይ?! ዋ በቃ አቁሚ❗️

👉🏾እና ምን ሆነሽ ነው ያለፈው የሽንፈትሽን ቀን እያሰብሽ የምትጃጃይው አይበቃም እንዴ?❗️ለቅሶሽ ሐዘንሽ መከፋትሽ አይበቃም ወይ?እንደቆዘምሽ ሌላ አዲስ አመት መጣኮ 🤔

👉🏾ባንድ በኩል ታሳዛኛለሽ 😢 በሌላ በኩል ስታበዢው ታናድዲኛለሽ 😡

👉🏾በቃ ያለሽ አማራጭ ያለን አማራጭ ከፊት ያለውን ማሸነፍ ብቻ ነው:: እጅ አለመስጠት ያለፈውን የመሸነፍ መንገድ ላለመድገም ቆርጦ መነሳት :: ቡቱቶውን መጣል አዲሱን መደረብ::

👉🏾አይዞሽ ተነሽ ቀና በይ ጠንከር በይና አሸናፊ ሁኚና ሰይጣን ይፈር::

👉🏾ሽንፈትም ማሸነፍም ከአዕምሮ ይጀምራል:: አሸነፊ በመሆን ሳናምን ለሌሎች እንድናሸንፍ ሊያግዙን አይችሉም:: አሸናፊነት ቀስ በቀስ የሚሆን የሚለመድም ነው:: ተዘጋጂ ማሸነፍ ይገባሻል!

👉🏾አዲስ ነገር ጀምሪ ፣ ያለሽን አጥብቀሽ ያዢ ፣ ያለፈውን ትተሽ ለቀጣዩ ድል ተዘጋጂ:: ደግሞም ፈጣሪ የሰጠሽን የማሸነፍ ሐይል አስተውይ ተጠቀሚበትም:: ምክንያቱም

ያለን አማራጭ ማሸነፍ ብቻ ነው❗️❗️❗️

መልካም ሳምንት 💪🏽🙏🏽
መልካም አዲስ አመት 💪🏽🙏🏽
.....*****.....
#አሽሩካ የምርጦች ምርጫ!
ንዴትን😡 መቆጣጠር
.....*****.....
👉🏾ንዴት ማንኛውም ሰው ሊሰማው የሚችል ስሜት ነው:: በማህበራዊ ሚድያም ሆነ በአካል የሚያናድደን ነገር ሊያጋጥመን ይችላል::

👉🏾ከልክ ያለፈ ንዴት ግን ጤናን ይጎዳል:: የእርስ በርስ ግኑኝነትን ፣ የፍቅር ፣ የቤተሰብ ብሎም የማህበረሰብን ግኑኝነት ይመርዛል::
.....*****.....
👉🏾በጊዜ ሂደት ንዴታችንን መቆጣጠር እንችላለን::

👉🏾ንዴታችንን ለመቆጣጠር

1. ከንግግር በፊት ማሰብ (Think before you speak)

በንዴት ወቅት የምንናገረው ነገር ሰውን የማስቀየም እድሉ ከፍ ያለ ነው:: ስለሆነም ራሳችንን ገደብ አድርገን በሰብ መናገርን እንለማመድ::

2. በንዴት ወቅት አለመወሰን (Avoid decision)

በተለይም በንዴት ወቅት ውሳኔ ከመወሰን እንቆጠብ:: ሳይታሰብበት በቅጽበት የተወሰነ ውሳኔ ዋጋ ያስከፍላል:: ግኑኝነትን ያበላሻል::

3. ከንዴት በዋላ ጉዳዩን መወያየት (Once you're calm, express your anger)

በንዴት ታምቆ ያለውን ጉልበት (Energy) ለማስወጣት መነጋገር በእጅጉ ይመከራል:: ይህም ከአጉል ቂምና በተመሳሳይ ጉዳይ ዳግም ከመናደድ ይታደጋል::

4. የአካል እንቅስቃሴ (ስፖርት) (Get some exercise)

ስፖርት ከጭንቀት እና ከንዴት ያላቅቃል:: ወክ ማድረግ የሚያናድደንን ጉዳይ ተወት አድርጎ መንቀሳቀስ ከንዴት ይጠብቃል::

5. ንዴትን ወደ ቀልድ ቀየር አድርጎ ማለፍ (Use humor to release tension)

ከበድ ቢልም ንዴት ውስጥ የከተተንን ጉዳይ ለወጥ አድርገን ወደ ቀልድ በመቀየር ንዴትን መቆጣጠ እንችላለን:: የነበረው ውጥረትም ይረግባል ዘና ብለንም ጉዳዩን እንዘለን::
.....*****.....
ሌሎች መፍትሄዎች

6. ንቆ ማለፍ 👉🏾ትልቁ መፍትሄ ነው
7. ይቅርታ ማድረግን ማዳበር
8. ንዴታችን ከቁጥጥር ውጪ ከሆነ እርዳታ መጠየቅ ከሰው ጋር መመካከር
9. መንፋሳዊ ትምህርቶችን መማር ንዴትን ለመቆጣጠር ይረዳል::

እናንተስ ምን ትላላችሁ?! ንዴታም ናችሁ?!

ምንጭ : ማዮ ክሊኒክ (Mayo Clinic)
.....*****.....
#ashruka #አሽሩካ #ፍትፈታ #ethiopia
Channel photo removed
Channel photo updated
Channel name was changed to «Ashruka | አሽሩካ»
Ashruka | አሽሩካ pinned «https://youtu.be/X66YAB7v_98»
የሳምንቱ መልክት 🙌🏽👇🏽
👉🏾እጅ አጣጥፎ ከማማረር ሞክሮ ማጣት ይሻላል ባይ ነኝ::

👉🏾ከስራ ሀሳብ ይቀድሞል ሀሳብ ብቻውን በተግባር ካልተደገፈ ግን የትም አያደርስም:: ዛሬ ምንም ሀሳብ የሌለውም ነገ ለውጥን የሚያየው በህልሙ ብቻ ይሆናል😂:: አስቢ አስብ እሱ የስኬት መጀመርያ ነውና::

👉🏾አንድ ነገር ጥንቅቅ አድርጌ እጀምራለው የሚል ሀሳብ ላይ ከሆናችሁም እየተሸወዳቹ ይመስለኛል::

👉🏾ባንድ ጊዜ መለወጥ ባይቻልም ጥቂት በጥቂት ግን መለወጥ ይቻላልና ሀሳብን ከተግባር ተግባርን ደሞ በትግስት እንያዝ::

መልካም ሳምንት 🙌🏽
.....*****.....
#አሽሩካ #ashrukatalk #Ethiopia #mondaymotivation
አንድ ነገር ለመስራት ማንኛውም ሰው የሚያስፈልገው 3 ነገሮች (the 3 C’s) :


1. መነሳሳት (Courage) : ብዙ ሰው በውስጡ ሀሳብ አለው:: ያ ሀሳብ መሬት ወርዶ ፍሬ እስካላፈራ ድረስም ሀሳብ በሀሳዊነት ይቀራል:: እንዲያውም በኔ አመለካከት ሀሳብ ካለው መነሳሳት ያለው ይሻላል ባይ ነኝ:: ሀሳብ ባይኖር መነሳሳት ያለው ሰው ሀሳብ ካለው ጋር አንድ ቀን መላተሙ አይቀርም:: እናማ ለመለወጥ ካሰብን መነሳሳት ይኑረን::

2. ግልጽነት (Clarity) : የምንሰራውን ነገር ለራሳችን ግልጽ አድርገን ማወቅ አለብን:: ስራችን ለራሳችን ካልገባን ለሌላው የምናስረዳው እንዴት አድርገን ነው🤔?:: እንዴት እንደሚሰራ ፣ ማን እንደሚሰራው ፣ ምን ለውጥ ማምጣት እንደተፈለገ የትርፉና የኪሳራው መጠን እነዚህ ነገሮች ሁሉ መታወቅ ግልጽ መሆን አለባቸው:: ከመጅመሩ በፊት ግልጽነት ያለው ነገር ለማደግም ይፈጥናል::

3. ወጥነት (Consistency) : አሁን ላይ ከችሎታ ይልቅ ወጥነት ያለው ያሸንፋል የሚባል አባባል አለ (Consistency beats talent):: ይሄም ወጥ መሆን ያንኑ ነገር ሳይለዋውጡ ጠብቆ መደጋገም ትልቅ ጉልበትና ብልሃት የሚጠቅ ለመሆኑ ማሳያ ሊሆን ይችላል:: ችሎታ ያላቸው በአንድ ጀምንበር ስኬታማ መሆንን ይመኛሉ:: ያ ችሎታቸው ግን በመደጋገም በወጥ ልምምድ ያገኙት መሆኑን ይዘነጋሉ:: እናም ምንም አይነት ችሎታ ይኑር እውቀት በትጋትና ተስፋ ባለመቁረጥ ወጥ በመሆን መስራት ፍሬውን ያበላል::

በሕይወትሽ መለወጥ ከፈለግሽ በየትኛውም የስራ መስክ ብትሰማሪ ተነሳሽነት ግልጽነትና ወጥነት ይጠቅሙሻልና አጥብቀሽ ያዣቸው አተኩሪባቸው:: የራሳችንን አዲስ ነገር ለመጀመርም አንፍራ💪🏽::

መልካም ሳምንት እመኛለው 🙌🏽

#አሽሩካ የምርጦች ምርጫ!
.....*****.....
#ashruka
ተስፋ .....3ቱ ቃላት👌🏽.....@ashruka
.....******......
👉🏾አንዳንዴ ይሄ ሁሉ ለምን በኔ ብቻ ሆነ እስክንል ድረስ ብሎም ሰማይ ትደፋብን መሬት ተከፍታ ትዋጠን ብለን እስክናስብ እንደርሳለን::

👉🏾ችግር ይፈትናል ሕይወት የዋዛ አይደለችም:: አይዞኝ እንዲህ አይነት ጊዜ ያጋጥማል::

👉🏾ክምር የሆነውን ችግር ተቋቁመሽ አልፈሽ ነበር:: ግን ዛሬም በህይወት ትብታብ ተይዘሽ ይሆናል::
.....*****.....
👉🏾እናም በምንም አይነት ሁኔታ ውስጥ ተስፋ አትቁረጪ:: ሁሉ ነገር የተበጠሰ ቢመስልም አይዞኝ ዳግም ይቀጠላል::

👉🏾ፈጣሪኮ ከጅማት በቀጠነች ደም ስራችን ውስጥ ደምን አዘዋውሮ የሚያኖረን ግሩም ሰሪ ነው:: እናም እባክሽ ልለምንሽ ምንም ይሁን ምን ተስፋ አትቁረጪ::

👉🏾ይመጣል የተበላሸው ሁሉ አንድ ቀን ይስተካከላል:: ሰው ሁሉ ነገር ኖሮት ተስፋ ከሌለው ለራሱስ መኖር ይችላል?::
.....*****.....
👉🏾ብሎም በህይወትሽ ስኬት ላይ ለመድረስ እነዚህ የ3ቱ ቃላት ጌጦችን መያዝሽን አትርሺ 🙌🏽🙏🏽

1. ጸሎት : መንፈስን የሚያድስ ስጋንም የሚያበረታ ከእግዚአብሔር ጋር የሚያገናኝ ድልድይ ነውና

2. ፍቅር : የህግ ሁሉ ፍጻሜ ከሰውም ከተፈጥሮም መግባብያ ቋንቋ ነውና

3. ትጋት 💪🏽: ጠንክሮ መስራት በሰበብ አስባቡ አለመስነፍ ያስከብራልና

4. ሐብት 💸: ሕይወትን ለመምራት ቀዳዳንም ለመሸፈን በደስታ ለመኖር ያግዛልና

5. ጥበብ🤔 : ችግርን በብልሀት የማለፍ ቁልፍ ነውና ለሌችም ያስተርፋልና

6. መማር (ንባብ) 📚: ከእንቅልፍ የሚያነቃ የጨለማን መስኮትም የሚዘጋ ነው:: ራዕይንና እቅድን ማተምያ ማሽንም ነውና::

እነዚህ 7ቱ የ3 ቃላት ጌጦች ተስፋ ፣ ጸሎት ፣ ፍቅር ፣ ትጋት ፣ ሐብት ፣ ጥበብ እና መማር ለስኬት የሚያበቁ ቁልፎች ናቸው::

ምን ቀረ ? 💯
.....*****.....
መልካም ሳምንት ይሁንልን
ቸር ቸር ያሰማን

#አሽሩካ የምርጦች ምርጫ!
@ashruka
.....****.....
#ashruka #ashrukatalk
Ashruka | አሽሩካ pinned «ተስፋ .....3ቱ ቃላት👌🏽.....@ashruka .....******...... 👉🏾አንዳንዴ ይሄ ሁሉ ለምን በኔ ብቻ ሆነ እስክንል ድረስ ብሎም ሰማይ ትደፋብን መሬት ተከፍታ ትዋጠን ብለን እስክናስብ እንደርሳለን:: 👉🏾ችግር ይፈትናል ሕይወት የዋዛ አይደለችም:: አይዞኝ እንዲህ አይነት ጊዜ ያጋጥማል:: 👉🏾ክምር የሆነውን ችግር ተቋቁመሽ አልፈሽ ነበር:: ግን ዛሬም በህይወት ትብታብ ተይዘሽ ይሆናል::…»