يَا أَيُّهَا النَّاسُ إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا ۖ وَلَا يَغُرَّنَّكُم بِاللَّهِ الْغَرُورُ

እናንተ ሰዎች ሆይ! የአላህ ቀጠሮ እውነት ነው፡፡ የቅርቢቱም ሕይወት አታታላችሁ፡፡ አታላዩም (ሰይጣን) በአላህ (መታገስ) አያታላችሁ፡፡

ሱረቱ ፋጢር 5

GOOD NIGHT WITH GOOD DREAMS

🗓 #በሂጅራ የቀን መቁጠሪያ ማስታወሻ
⏰ #አልኽሚስ 06 #ረጀብ 1445 ሂ

አላህ በኛ ህይወት ውስጥ ትልቅ ምክንያት አለው…ምክንያት ባይኖረውማ ሳምንት ከኛው ጋር ጁምዐ ሰግደው የነገን ጁምዐ እርሱ አላህ ዘንድ ከሄዱት ጋር ይወስደን ነበር የዛሬዋን የጁምዐን ለይልም ባለየን ነበር። እመኑኝ ምክንያትማ አለው ባይኖረውማ እስከ ዛሬ እድል አይሰጠንም ነበር ከአላፍያን ጋር ባለፍን ነበር ከዚህ በኋላም ብዙ ደስ እሚሉ ነገሮች ይጠብቁናል ብቻ እንመን ከምናየው በላይ እና ከምናቀው በላይ እንመን… አንተም አንቺም እኔም ያመንን ቀንና ከሃራም እርቀን በኢባዳችን ላይ እስከፀናን እስከታገስን ድረስ አላህ ህይወታችንን በታዐምራት ይሞላዋል…
©
اللهم صل وسلم وزد وبارك على سيدنا وحبيبنا ونبينا محمد صلى الله عليه وعلى آله وصحبه أجمعين
የትዕግስት አርማ በሆኑት ሀቢቡና ሙሀመድ ዐለይሂ ወሰላም ላይ የበዛ ሰለዋት የምናወርድበት ፣ ፈገግታ ፣ ደስታ እና ድል የበዛበት ብሩህ ምርጥየ ጁምዐ

https://t.me/asdajlahh

ዛሬ ለመተኛት አይኖቻችሁን ስትከድኑ በሕይወታችሁ ካሉት መልካም ነገሮችና በረከቶች ቢያንስ ሶስቱን፣ እንዲሁም ደግሞ በሕይወታችሁ ካሉት በጣም ከምትደሰቱባቸውን የቅርብ ወዳጆቻችሁ ቢያንስ ሶስቱን አስቡና ስለእነዚህ ነገሮችና ሰዎች ፈጣሪን አመስግናችሁ ተኙ፡፡

ጣፋጭ እንቅልፍ!

Dreyob

أَصْحَابُ الْجَنَّةِ يَوْمَئِذٍ خَيْرٌ مُّسْتَقَرًّا وَأَحْسَنُ مَقِيلًا
የገነት ሰዎች በዚያ ቀን በመርጊያ የተሻሉ በማረፊያም በጣም ያማሩ ናቸው፡፡

وَيَوْمَ تَشَقَّقُ السَّمَاءُ بِالْغَمَامِ وَنُزِّلَ الْمَلَائِكَةُ تَنزِيلًا
ሰማይም በደመና የምትቀደድበትንና መላእክትም መወረድን የሚወርድበትን ቀን (አስታውስ)፡፡

الْمُلْكُ يَوْمَئِذٍ الْحَقُّ لِلرَّحْمَٰنِ ۚ وَكَانَ يَوْمًا عَلَى الْكَافِرِينَ عَسِيرًا
እውነተኛው ንግሥና በዚያ ቀን ለአልራሕማን ብቻ ነው፡፡ በከሓዲዎችም ላይ አስቸጋሪ ቀን ነው፡፡

ሱረቱል ፉርቃን 24-26

GOOD NIGHT WITH GOOD DREAMS

🗓 #በሂጅራ የቀን መቁጠሪያ ማስታወሻ
⏰ #ጁምዓ 07 #ረጀብ 1445 ሂ

يَا عِبَادِيَ الَّذِينَ آمَنُوا إِنَّ أَرْضِي وَاسِعَةٌ فَإِيَّايَ فَاعْبُدُونِ
እናንተ ያመናችሁ ባሮቼ ሆይ! ምድሬ በእርግጥ ሰፊ ናት፤ (ብትቸገሩ ተሰደዱ)፡፡ እኔንም ብቻ ተገዙኝ፡፡

كُلُّ نَفْسٍ ذَائِقَةُ الْمَوْتِ
ነፍስ ሁሉ ሞትን ቀማሽ ናት፡፡

ሱረቱል ዐንከቡት 55-56
GOOD NIGHT WITH GOOD DREAMS

🗓 #በሂጅራ የቀን መቁጠሪያ ማስታወሻ
⏰ #ሰብት 08 #ረጀብ 1445 ሂ

አንዳንዴ ተስፋ መቁረጥም ልክ ነው

ከአለምባንክ አየርጤና ታክሲ ለመያዝ እየጠበቅኩ ሳለሁ መዝሙር የተከፈተበት ስፒከር ላይ የተገናኘው ስልክ ጠራ ቄሱ መዝሙር ቀየረ እንደ ከማለቴ ስልኩን ከስፒከሩ ያገናኘችው ልጅት አንስታው ሔለው አትልም😓

ተሳቀቅነ

🗓 #በሂጅራ የቀን መቁጠሪያ ማስታወሻ
⏰ #አልአሃድ 09 #ረጀብ 1445 ሂ

وَلَقَدْ جِئْتُمُونَا فُرَادَىٰ كَمَا خَلَقْنَاكُمْ أَوَّلَ مَرَّةٍ وَتَرَكْتُم مَّا خَوَّلْنَاكُمْ وَرَاءَ ظُهُورِكُمْ ۖ وَمَا نَرَىٰ مَعَكُمْ شُفَعَاءَكُمُ الَّذِينَ زَعَمْتُمْ أَنَّهُمْ فِيكُمْ شُرَكَاءُ ۚ لَقَد تَّقَطَّعَ بَيْنَكُمْ وَضَلَّ عَنكُم مَّا كُنتُمْ تَزْعُمُونَ

መጀመሪያም ጊዜ እንደ ፈጠርናችሁ ኾናችሁ የሰጠናችሁን ሁሉ በጀርባዎቻችሁ ኋላ የተዋችሁ ስትኾኑ የሰጠናችሁን ሁሉ በጀርባዎቻችሁ ኋላ የተዋችሁ ስትኾኑ ለየብቻችሁ ኾናችሁ በእርግጥ መጣችሁን እነዚያንም እነሱ በእናንተ ውስጥ (ለአላህ) ተጋሪዎች ናቸው የምትሉዋቸውን አማላጆቻችሁን ከእናንተ ጋር አናይም፡፡ ግንኙነታችሁ በእርግጥ ተቋረጠ፡፡ ከእናንተም ያ (ያማልደናል) የምትሉት ጠፋ (ይባላሉ)፡፡

ሱረቱል አንዐም 94

መልካም ንጋት

ሰውዬው የልጁን ትምህርት ቤት ለመጎብኘት ሄዶ ግቢው ውስጥ ዞር ዞር እያለ ነው

ግቢው ውስጥ ከሚገኙት የተማሪዎች መቀመጫዎች ሁሉ አንደኛው ወንበር ተለይቶ ቀይ ቀለም ተቀብቷል : በአይነትም ይለያል

"ይህኛው ወንበር ለምንድነው ከሌላው የተለየው? ከዚህ ወንበር ውጪ መቀመጥ አይቻልም?" ሲል አባትየው ጠየቀ

"አባዬ ይህ ወንበር 'አጫውቱኝ' ይባላል"

"ምንድነው 'አጫውቱኝ ወንበር'?" አባት ግራ ገባው

"ከተማሪዎች አንዱ ለትምህርት ቤቱ አዲስ ከሆነ: ነባር ሆኖ ራሱ ቢከፋው: ሌሎች ተማሪዎች ቢያገሉት: ሆድ ብሶት ቢያዝን እዚህ ወንበር ላይ መጥቶ ይቀመጣል:: እዚህ ወንበር ላይ ከተቀመጠ 'ብቸኛ ነኝ አጫውቱኝ' ማለት ፈልጎ ነው

አባት ተገረመ

*****
"አንተ እዚህ ተቀምጠህ ታውቃለህ?" አባት ጠየቀ

**

"እዚህ ትምህርት ቤት አዲስ ሆኜ ስመጣ አንድም ተማሪ አላውቅም ነበር: ብቸኝነቱ ከብዶብኝ ነበር:: ከዚያም እዚህ ወንበር ላይ መጥቼ ስቀመጥ አንድ ተማሪ መጥቶ ይዞኝ ሄዶ ከሌሎች ጋር ቀላቀለኝ:: ደስተኛም ሆንኩኝ"

"እኔም ብሆን እዚህ ወንበር ላይ ተማሪ ተቀምጦ ካየሁኝ መጥቼ አጫውተዋለሁኝ"

👇🏾

አስባችሁታል?🤔

ውሏችን ላይ እንዲህ አይነት ቀይ ወንበሮች ቢኖሩ

ሲከፋን:ሆድ ሲብሰን:ስናጣ:ሰው ሲርቀን ቁጭ የምንልበት

❤️🙌🏼

Zemelak endrias

ስለ ባንኮች ይህን መረጃ ታውቁ ኖሯል⁉️
===========================
(ሁሉም ሙስሊም ይህን ዳታ ማወቅ አለበት፤ አሰራጩት!)
||
✍ በሃገራችን ውስጥ ኢስላማዊ ባንኮችን ጨምሮ በአሁኑ ወቅት 31 ገደማ ባንኮች ይገኛሉ።
በሁሉም ባንክ አጠቃላይ የሚገኝ ገንዘብ 2.2+ ትሪሊዮን ብር ነው ተብሎ ይገመታል።

ከዚህ መካከል 2 ትሪሊዮን ብር የሚሆነው በወለድ የተቀመጠ ሲሆን 0.2 ትሪሊዮን (200 ቢሊዮን) ብር የሚሆነው ከወለድ ነፃ በሚባሉት ውስጥ የሚገኝ ነው።
ከዚህ ከ200 ቢሊዮኑ ውስጥ ግማሹ (100 ቢሊዮኑ ብር) በንግድ ባንክ ብቻ ሲሆን፤ ቀሪው መቶ ቢሊዮን በአዋሽ ኢኽላስ፣ በኢሲኒያ አሚን፣ በዳሽን፣… በአጠቃላይ የወለድ ባንኮች ከወለድ ነፃ ብለው በከፈቱት መስኮት እንዲሁም በዘምዘምና ሂጅራ ውስጥ ይገኛል። የዘምዘምና የሂጅራው 10 ቢሊዮን ገደማ ብቻ ቢሆን ነው።

√ ያኔ ከ10+ አመታት በፊት ኢስላማዊ ባንክ ይቋቋም ተብሎ ሙስሊሙ ሲጠይቅ ዘምዘም ባንክ ሊጀመር ሲል መታገዱ ይታወሳል።
በምትኩ ከ"ወለድ ነፃ (Interest Free Bank - IFB" አሉና በወለዱ መስኮት በሽንገላ በፈረንጆቹ 2013 ላይ ተጀመረ።

በአመቱ (2014) ላይ በዚህ ከወለድ ነፃ መስኮት ተቀማጭ የነበረው አጠቃላይ ገንዘብ 600 ሚሊዮን ብር ነበር። የግል ባንኮችም ይህን መስኮት መክፈት ሲጀምሩ 3 ቢሊዮን፣ ከዚያም ወደ 12 ቢሊዮን ብር አደገ።

ከ4 አመታት በፊት (2020 ላይ) አጠቃላይ ከወለድ ነፃ ተብሎ የተጠራቀመው ገንዘብ 57 ቢሊዮን ብር ብቻ ነበር። ከዚያ ውስጥ በብድር መልክ የተሰጠው (ፋይናንስ የተደረገው) 13 ቢሊዮኑ ብቻ ነበር። ግን እስከ 85% ፋይናንስ መደረግ ነበረበት።

2021 ላይ ዘምዘምና ሂጅራህ ሲጀምሩ፤ ሁሉም በማስታወቂያውም በምኑም እየታገለ ወደ 100 ቢሊዮን አደገ።

አሁን 2023 ላይ 200 ቢሊዮን ደርሷል። ከዚያ ውስጥ 78 ቢሊዮኑ ፋይናንስ ተደርጓል። ዘምዘምና ሂጅራ እንደ አማራጭ ባይመጡ ኖሮ እንኳን 78፤ 28ቱም አይደረግም ነበር።

ዘምዘምና ሂጅራ አቅም ኖሯቸው ባያበድሩን እንኳ፤ እነርሱ አማራጭ ስላሏቸው ወደነርሱ እንዳይሸሹብን ተብሎ ተፈርቶ ሌላው እንዲያበድረን ደህና ማስፈራሪያ በመሆን ጠቅመውናል።

ዘንድሮ ሁሉም ባንኮች ከ70 ቢሊዮን ብር በላይ አትርፈዋል። ግን ሼር ሆልደራቸው ሙስሊም ስላልሆነ ሙስሊሙ የሚከፋፈለው ትርፍ የለም።
ከወለድ ነፃ ብለው በከፈቱት መስኮት የነርሱ ማትረፊያና ኪስ ማድለቢያ ሆንን እንጂ!

√ ሁሉም ባንኮች 1.4 ትሪሊዮን ብር አበድረዋል። ግን 1.34 ትሪሊዮኑ በወለድ ነው። ከወለድ ነፃው 78 ቢሊዮን ብቻ ነው። ነገር ግን ማጠራቀሙ ላይ ስናይ ካለው 2 ትሪሊዮን ገንዘብ 1+ ትሪሊዮኑ የሙስሊም ነው ተብሎ ይገመታል።


√ የሃገራችንን ህዝብ ብዛት አስቡት።  አጠቃላይ በሁሉም ባንኮች 129 ሚሊዮን የባንክ አካውንቶች ተከፍተዋል። የዘምዘም፣ የሂጅራ፣ የራሚስና የሸበሌ አካውንት ግን ተደምሮ እንኳ 1 ሚሊዮን አይሞላም። ለምሳሌ፦ የዘምዘም 360,000 ብቻ ነው። ሲራ ሲጀምር ከነበሩት 12,750 ሼር ሆልደሮቹ መካከል ግማሹ (6,118) የሚሆኑት አካውንት አልከፈቱም። አስቡት! ሼር ሆልደር ሆኖ እንኳ አካውንት ያልከፈተ አለ። ቆይ ምናችንን ነው ግን የሚያመን?

ከ129 ሚሊዮኑ አካውንት ውስጥ በኢስላማዊ ባንኮች የተከፈተው አካውንት 1 ሚሊዮን ያልሞላው 129 ሚሊዮኑ ሁሉ የሌላ እምነት ተከታይ ሆኖ እንዳይመስላችሁ። ከ60+ ሚሊዮን ሙስሊም ውስጥ 16% ገደማ ብቻ ነው አካውንት የከፈተው።


√ ከዘምዘምና ሂጅራ መመስረት በኋላ የመጣው አማራ ባንክ ገና ሲጀምር የከፈታቸው 75/80+ ቅርንጫፎች ዘምዘምና ሂጅራ አሁን ድረስ የሏቸውም። አሁን እርሱ 300 ገደማ ቅርንጫፍ ደርሷል። ዘምዘም ሥራ ሲጀምር የተከፈለ ካፒታሉ 871 ሚሊዮን ብር ነበር። የተመዘገበ ካፒታሉ ደግሞ 1.6 ቢሊዮን። አማራ ባንክ ግን የተከፈለ ካፒታሉ ብቻ 8 ቢሊዮን ነበር። የተመዘገበው ደግሞ 10 ቢሊዮን።

አሁን በሁሉም የሃገሪቱ ክልሎች ውስጥ የሚገኘው ሙስሊም ብዛቱ ከአንድ ክልል ህዝብ አንሶ ነው? ወይንስ ምን ነክቶን ነው?

እንደዛ በትግል እንዳልተገኙ፤ አሁን ላይ ለምንድን ነው ሳንጠቀምባቸው የቀረነው?
የኛ ገንዘብ ከወለድ ነፃ ሌሎች ጋር ስለምናስቀምጥ፤ ወይ ለኛው አያበድሩን፣ ወይ ዘካ አያወጡ፤… የኛ ገንዘብ የሚያስገኘውንም ወለድ፣ ዋናውንም አድርገው ለራሳቸው ሰው ያበድሩታል።


የኛ ባንኮች እዚህ 5 ቢሊዮን እንኳ መሙላት ተስኗቸው ያጣጥራሉ።

ኧረ! እስኪ ይቆጨን። መረጃዎችንና ዳታዎችን፣ መፍትሄዎችንና ያሉ ችግሮችን እንወያይባቸው። በደንብ ይፋፋም ይህ ሃሳብ!

በአላህ ፈቃድ የሆነ ነገር ላይ እንድረስ‼


©MuradTadesse

አንዳንዴ መናገር ያለብን ነገር ያጋጥመን እና ብንናገር ሊደርስብን የሚችለውን ሰዋዊ መገፋት በመፍራት ዝም እንላለን ።ይህ ፍርሃት ተፈጥሯዊ ነው።

ግን ደሞ ከዝምታው አልፈን መናገር ካለብን በተቃራኒው መዘባረቅ ከጀመርን ቦቅባቃነት ሲደመር ልወደድ ባይነት ይሆናል።

ወዳጄ እውነታው እንዲወዱህ ፈልገህ ለክህደት የቀረበ ነገር የተናገርክላቸው እነገሌ ይስቁብህ ሙድ ይይዙብህ ይሆናል እንጂ ስላሽቃበጥክላቸው ፈፅሞ አይወዱህም።

መወደድ ከፈለክ በአላህ ተወደድ እርሱ የወደደውን ማንም አይጠላውም እርሱ የጠላውን ማንም አይወደውም።

Dinu

🗓 #በሂጅራ የቀን መቁጠሪያ ማስታወሻ
⏰ #አልስነይን 10 #ረጀብ 1445 ሂ