علي علي يالغالي علي علي يالغالي
ماغيرك اليحلالي علي علي يالغالي
أنته ولينه/علي/غالي علينه/علي
★★★★★★★★★★★★
ياعلي بيوم الغدير/أصبحت أنته الوزير
غصبن أعله الكل أمير/ياعلي ياعلي
ياأمير المؤمنين/أنته حبل الله المتين
ياشفيع المذنبين/ياعلي ياعلي
ياأسد فحل الفحول/لبّسك تاج الرسول
بأسمك نصيح ونگول/ياعلي ياعلي

علي علي  أنادي علي علي أنادي
ياأبن عم الهادي علي علي أنادي
رافع يمينه/علي/غالي علينه/علي
★★★★
الحيدر أحنه انبايعه/بدمنه والله أنوقعه
الصوت بأسمه نرفعه/ياعلي ياعلي
أفرح أفرح يالمحب/والعلي الليلة أنتخب
الليلة مايبقى ذنب/ياعلي ياعلي
گلبي من صدري هتف/أمشي گلي لاتگف
خلي نگصد للنجف/ياعلي ياعلي

علي علي  ياروحي  علي علي ياروحي
أنته الدوه لجروحي علي علي ياروحي
راعي السفينة/علي/غالي علينه/علي
★★★★
ياعلي أنته أول بطل/مارجف گلبه وختل
لا خضع راسه ونزل /ياعلي ياعلي
حين رديت الشمس/بيها چم حكمه ودرس
وبصلاتي گمت أحس/ياعلي ياعلي
حتى ماأقضي الفرض/وحتى أفهم وأتعض
وأعله ديني گمت أكض/ياعلي ياعلي

علي   علي  دلاني   علي   علي  دلاني
وجه الحقيقة أنطاني/علي علي دلاني
وشمحله دينه/علي/غالي علينه/علي
★★★★
أئيدك رب السمه/ياعلي حامي الحمه
وزوجك من فاطمه/ياعلي ياعلي
حبك بگلبي سكن/ياأبوحسين وحسن
أندبك يوم المحن/ياعلي ياعلي
أنته حبي الأولي/همي بسمك ينجلي
بس أصيحن ياعلي/ياعلي ياعلي

علي علي  ناديته  علي علي  ناديته
وسط النظر خليته علي علي ناديته
يسطع جبينه/علي/غالي علينه
★★★★
أنته للمؤمن حصين/بالحشر متميزين
والعلامه بالجبين /ياعلي ياعلي
راح أسمعه الما دره/أحنه مانلزم سره
عدنه صك من حيدره/ياعلي ياعلي
لمنه لمنه بخيمتك/رايت الله رايتك
ياعلي أحنه شيعتك/ياعلي ياعلي

علي علي نتباها  علي  علي  نتباها
يالنظرتك محلاها علي علي نتباها
أنته ونبينه/علي/غالي علينه/علي
★★★★★★★★★★
الشاعر ( أسعد قاسم الكريعاوي )

أمبارك بعيد الغدير/علي ياعلي
هذا عيد الله الچبير/علي ياعلي
★★★★★★★★★★★
هذا   عيد   الله   وأكبر   هل  علينه
واجب    أعلينه     نعيدك    ياولينه
هل  أتى  نزلت   على    طه    نبينه
وچف يسار المصطفى حطها بيمينه

للسمه  رافع  چفوفه /علي ياعلي
عميه عين الماتشوفه/علي ياعلي
★★★★
بخم غدير المصطفى لمن نظر ليه
وللسماء   السابعه   رافعها   أيديه
صاح   اللهم    وآلي   إلي   يواليه
وعادي ياربي السمه كلمن يعاديه

هذا أمر  رب  البريه/علي ياعلي
حيدرة يصبح وليه/ علي ياعلي
★★★★
الله  جلت  قدرته  هوه  إلي أيدك
غصبن أعليهم أجوك وباسوا أيدك
هذا  أمر  الله   نزل  هوه  اليريدك
واليضدوك  أصبحوا  كلهم عبيدك

منهو مثلك  بالفتوه / علي ياعلي
شالته أچتاف النبوه /علي ياعلي
★★★★
رادوا    يخلون   أبو   الحسنين   رابع
أول    أنظرنا   بس    درنه     الأصابع
حگنه   لمن  عن   علي   كلنه    ندافع
يكفي سيفه من السمه ماصنعه صانع

سيفه من يگدر  يبرده/علي ياعلي
بجنحه  جبرائيل حده/علي ياعلي
★★★★
جيت  أجدد  بيعتي  وأنطيك  عهدي
بيعتك     ياأبالحسن    بيها    تحدي
أمبايعك من مهدي ولحد يوم لحدي
وأله / أسلم البيعه  هايه الولد ولدي

نصرخ آنه وكل بنيني/علي ياعلي
ياعلي   أنته   يقيني /علي ياعلي
★★★★
ليش بعض الناس تنكر هالقضية
طاري  تنصيب الولاية الحيدرية
شو   تعال  وخلي أيديك  أبأدية
ونمحي أنه وياك  إسم  الطائفية

ياعلي أنته البداية /علي ياعلي
وأنته حبنه للنهاية /علي ياعلي
★★★★
ياعلي  براسك  حله  تاج   الإمامه
والله   تستاهل  يحيدر   هالكرامه
كل محب هذا المسه يبعث سلامه
للنجف    يهديك   بجناح  الحمامه

روحي  مشتاگه   تزورك / علي ياعلي
وأملي صدري من عطورك/علي ياعلي
★★★★★★★★★★★
الشاعر(أسعد قاسم الكريعاوي)

بايعناك ياحيدر بايعناك/ ياحيدر
★★★★★★★★★★★
هذا  البيان  أنذيعه /بايعناك ياحيدر
بيوم الغدير الشيعه/بايعناك ياحيدر
بالدم توقع  البيعه / بايعناك ياحيدر
هذا الفخر منضيعه/بايعناك ياحيدر

بايعنه أبو الحمله/لا والله منمله
بيعته ماتتكرر/بايعناك ياحيدر
★★★★
والمايوالي   حيدره/بايعناك ياحيدر
خسران دنيا وآخره/بايعناك ياحيدر
لله نحمده ونشكره /بايعناك ياحيدر
لا مو أصيل الينكره/بايعناك ياحيدر

والي نكر أسمه/خل يرجع الأمه
الحمد لله والشكر/بايعناك ياحيدر
★★★★
أي والله حگنه نفتخر/بايعناك ياحيدر
بالدنيا وبيوم الحشر /بايعناك ياحيدر
لا مانخاف أمن الگبر /بايعناك ياحيدر
ولايتنه  بيها  ننتصر / بايعناك ياحيدر

نادوا يشيعتنه/حيدر هويتنه
لا مانخاف أمن الخطر/بايعناك ياحيدر
★★★★
الليلة تنادي  شيعتك/بايعناك ياحيدر
ياعلي  بيضه  رايتك/بايعناك ياحيدر
حلوه يحيدر سيرتك/بايعناك ياحيدر
بالحشر رايد نضرتك/بايعناك ياحيدر

لا ماتخلينه/بحيره يوالينه
أجمعنه ويه قمبر/بايعناك ياحيدر
★★★★
يم حضرتك نتعنه /بايعناك ياحيدر
بسمك  نظل  نتغنه/بايعناك ياحيدر
بس حبك اليجمعنه/بايعناك ياحيدر
أمبارك  علي رددنه /بايعناك ياحيدر

ياعلي خطارك/مجتمعه يم دارك
هالليله يمك نسهر/بايعناك ياحيدر
★★★★
نحمل ورد  هالليلة /بايعناك ياحيدر
والحضرته  نمشيلة/بايعناك ياحيدر
للمهدي خل ندعيلة/بايعناك ياحيدر
قرب يرب  تعجيلة/بايعناك ياحيدر

ياربي للمهدي / هذا الحفل نهدي
طول مغيبه المنتظر /بايعناك ياحيدر
★★★★★★★★★★★
الشاعر (أسعد قاسم الكريعاوي)

اغله ناسي وهلي/ياعلي ياعلي
أمبارك بعيد الغدير/هذا عيد الله الچبير
     ياعلي ياعلي        ياعلي ياعلي
★★★★★★★★★★★★
هذا عيد الله ورسوله هل علينه هالمسه
أنبارك الهادي نبينه  وفاطمه خير النسه
وشيعة الكرار حيدر  هالمسه  متنومسه
أتجدد البيعه الوليها كلها جت متحمسه

نثبت أعله العهد/مانعوفك أبد
حيدر تنصب وزير/هذا عيد الله الچبير
  ياعلي ياعلي           ياعلي ياعلي
★★★★
بخم غدير الهادي ناده علي تاج المفخره
هذا  أبن  عمي  أو وصيي  أتبعوا للآخره
كلمن أيوالي الصميدة ربي  أيده وأنصره
نعمتي  هاليوم  تمت  والولاية  الحيدره

هذا تاج الوفه/لبّسه المصطفى
بغير راسه مايصير/هذا عيد الله الچبير
    ياعلي ياعلي         ياعلي ياعلي
★★★★
أنته  تبقى   أول  يحيدر  رابع   أبداً  ماتصير
ولو يخلوك أنته رابع نحسب أحنه من الأخير
منّزل   من  الله  ورسوله  لشيعتك  أنته أمير
والله  ملعون  الينكرك   وينكر   أعياد  الغدير

والنكر حيدره/يهوى بالآخره
وماأله والي ونصير/هذا عيد الله الچبير
    ياعلي ياعلي      ياعلي ياعلي
★★★★
أنته   مثل  الشمس   واضح  ياعلينه   وبالبيان
بدون  أسمك  ياولينه   والله   مايحلى   الآذان
واليسمي أبنه أعله أسمك والله يضمنها الجنان
يلي   ذكرك   ياعلينه    وحّده   أيطهر   اللسان

يلي أسمك دوه/يلي وجهك ضوه
اليوم فرحان الفقير/هذا عيد الله الچبير
   ياعلي ياعلي          ياعلي ياعلي
★★★★
نحمد الله إلي خلقنه شيعه أحنه ورافضه
ونحمد العرفنه  بأسمك  ياعلي  المرتضى
والرفض نهجك يحيدر طبعاً أحنه نرفضه
واليعادينه  وحگك   نسحگه   ونرضرضه

بأسمك آنه أفتخر/وبلواك أنتصر
ماألي غيرك أمير/هذا عيد الله الچبير
  ياعلي ياعلي        ياعلي ياعلي
★★★★
رافعين  الأيد  كلنه  وندعي  بأسمك  ياأسد
أنته باب الله الوسيعه  اليگصدك حاشه يرد
هالمسه  كل أحنه  ندعي  مدد ياحيدر  مدد
كل   دعانه  بيوم   عيدك   ياعلينه   للحشد

والأجل هل بلد/ضحوا أغلى الولد
ندعي ألهم بالأخير/هذا عيد الله الچبير
     ياعلي ياعلي       ياعلي ياعلي
★★★★★★★★★★★★
الشاعر  (أسعد قاسم الكريعاوي)

أبوذيات إلى سيدي ومولاي
أمير المؤمنين علي أبن أبي
طالب.سلام الله عليه
★★★★★★★★
أأدي ألكم تحية حب/وسلم
وصلي  عالنبي  وآله/وسلم
فاز الواله أبو الحملة/وسلم
وأخذ صك الولايه الحيدريه...
★★★★
لساني من الزغر  يلهج / بسمه
بغديره زرع فوگ الشفه/بسمه
أفرح يالموالي  وصيح / بسمه
وصلي عالنبي سيد البريه...
★★★★
علي بشباچه شدينه /علگنه
ومناشير الفرح لجله /علگنه
شموع الفرح هالليلة /علگنه
ونقدملك ورد حيدر هديه...
★★★★
يعاذل   ليش   متحير / ومالك
العشگ  كله  لبو الحملة/ومالك
أخذت الدرس من ميثم/ومالك
أرخص روحي الحامي الجميه...
★★★★
حبك من صدر أمي/علي در
تغذيته وأحس بيه/علي دار
كل الناس  تشهدله /علي در
يويله الينكره يوم المنيه...
★★★★
وحگ  إلي  جعل  للأمه /خاتم
وحگ إلي  بصلاته  زكه/خاتم
تهوى من الصراط بدون/خاتم
إله من علي توقع الهويه...
★★★★
يم گبرك علي الشيعه /حضرتك
يجنة  عدن من ندخل/حضرتك
عدنه   أمنيه   نشاهد /حضرتك
يحيدر يوم تحضرنه المنيه...
★★★★★★★★★
الشاعر(أسعد قاسم الكريعاوي)

شمحلاها صلاتي ياعلي بذكرك
مو  طاهر  حليبه  كلمن  ينكرك
★★★★★★★★★
شمحلاته الآذان  أبأسمك  يكبُر
يمن ذكرك عبادة وريحتك عنبر
وصراط المستقيم بيا ختم أعبر
أقبلني    أخدمنك   مثل    قمبر

أظل خادم إلك وأتوسد بكترك
مو طاهر  حليبه  كلمن  ينكرك
★★★★
ياأشرف نهج  نهجك  يبو الحسنين
ياركن   الهداية    ويا عمود   الدين
رسول الله يگول إعليك يابوحسين
ضرتبك    ياعلي    أتعادل   الثقلين

بس الله ورسوله يعلم بسرك
مو طاهر حليبه كلمن  ينكرك
★★★★
أسألك عن أبو سفيان  وعن گبره
عن خدامه وين  وملكه  أوقصره
وأگصد للنجف يم حيدرة ونظره
يهنياله اليحصل  يم  علي  متره

وألف هنيال كلمن نايم بكترك
مو طاهر حليبه  كلمن  ينكرك
★★★★
يل   تسأل   عليه   يانهج    تتبع
وشتگول بصلاتك أنته  من تركع
ومنهو يگول حب المرتضى ينفع
ياعمي   صلاتي   بدونه   ماتنفع

وبيوم الحشر منهو الذي يحضرك
مو  طاهر   حليبه   كلمن   ينكرك
★★★★
نحمدربنه ونشكره أعله هالنعمه
الشرفنه  بولاية  حيدرة  وأسمه
على حب الوصي أشمحله هالمه
والينكر  علي  خل  يرجع   الأمه

خلي يعود لصله  كلمن يغدرك
مو طاهر حليبه  كلمن  ينكرك
★★★★★★★★★★
الشاعر  (أسعد قاسم الكريعاوي)

عاهدناك/علي علي
بايعناك/ علي  علي
★★★★★★★★★★★
شيعه ونحبك/وبدربك/نمشي ياعلي
أي وحگ  ربك/ننتخبك/يانعم  الولي
نبصم بدمنه/وميهمنه/حچي العاذلي
فايزين  أحنه/ والضدنه/باچر  يبتلي

أحنه وياك/علي علي
بايعناك /  علي  علي
★★★★
احنه والينه/وأنطينيه/الحيدرنه عهد
وما  يكفينه / شنطينه /ونهديله  بعد
للنجف نگصد / ونعّيد /  ونقدم  ورد
يمك أنردد/  بالمرقد /  ياحيدر   مدد

وإندبناك/علي علي
بايعناك /علي  علي
★★★★
تحلى هالبيعه/ياشيعه/بس الحيدره
أمرك أنطيعه/منضيعه/هاي  المفخره
البايعك  حيدر/ مايخسر/دنيا وآخره
وبعلي  نفخر /بالمحشر /مانلزم سره

نصيح بحماك/علي علي
بايعناك   /   علي   علي
★★★★
والرفع   چفك / إيعرفك  /گدها   يابطل
شاهده بطرفك/ظل خلفك/ذاكه الماقبل
أنته  مو  رابع  /  يا قالع / خيبر   يافحل
وأنته  يالسامع/شتبايع /گول أبلا  خجل

ناديناك/علي علي
بايعناك/علي علي
★★★★
كل  غديريه/ ثوريه /عند  الرافضه
ثوره شيعيه/قدسيه/بسم للمرتضه
أحنه نحييها/نخليها/بعين اليبغضه
واليشك  بيها/وينفيها /هذا نرفضه

تخسه أعداك/علي علي
بايعناك   /  علي    علي
★★★★
ياعلي أحبابك/وأصحابك/أحنه للحشر
فدوه   لترابك / وأبابك  / ننطي  للعمر
ياعلي  عبدك/ وينشدك / عنده  هالأمر
أندفن  عندك / وبسدك / يصبح لي گبر

آنه أنخاك/علي علي
بايعناك / علي  علي
★★★★★★★★★★★★
الشاعر(أسعد قاسم الكريعاوي)

افلحه من صل على محمد وال محمد

وينه  عباس  يزينب  وينه  عباس
★★★★★★★★★★
أنظرچ وحدچ~~~وماشيه أبديرة
وينه  عباسچ ~~~صاحب  الغيرة
يدري  مايدري~~~طالعه  إيسيرة
أنتي والنسوان~~~طايحه بحيرة

ماكو حراس يزينب ماكو حراس
وينه عباس  يزينب  وينه عباس
★★★★
محد  أتعناچ ~~~وگلچ شلونچ
لا أجه واحد ~~~ضمّد أمتونچ
ليش يازينب~~~حمره عيونچ
حيل يالحره~~~مختلف لونچ

أم الأحساس يزينب أم الأحساس
وينه  عباس  يزينب  وينه عباس
★★★★
الخيم  محروگه ~~~ ونار   بثيابچ
حيره محتاره~~~وحافيه أجدامچ
تجمعين أعيال ~~~والنذل  شافچ
تشمت   وگلچ  ~~~  وينه   كفالچ

بين الأرجاس يزينب بين الأرجاس
وينه   عباس  يزينب  وينه  عباس
★★★★
وسفه  أبن  جوشن ~~~ينده  أبأسمچ
أنتي  بت   حيدر  ~~~  وفاطمه  أمچ
لو  جبل   ماچان  ~~~ يحمله   الهمچ
بچتل أخوچ حسين~~~الشمر هضمچ

تسئل الناس يزينب تسئل الناس
وينه عباس  يزينب  وينه عباس
★★★★
هذا راس حسين~~~حاملي الأرجاس
عالرمح  مرفوع ~~~وتنظره  هالناس
جسمه  ياويلي ~~~  بالخيول  أنداس
عاري ظل حسين ~~~ جثه وبلا راس

صدرة ينداس يزينب صدرة ينداس
وينه  عباس   يزينب   وينه   عباس
★★★★
مبينه  تعبانه~~~والمصيبه  إعليچ
والله  موهينه ~~~والحبل  بيديچ
منحني  ظهرچ~~~من فگد  واليچ
ياوسف ياحيف~~~الشمر يحديچ

شايل الراس يزينب شايل الراس
وينه عباس  يزينب  وينه عباس
★★★★★★★★★★
الشاعر (أسعد قاسم الكريعاوي)

للموت للموت ياأباعبد الله
★★★★★★★★★★
هذي صرخة ودوم تبقى ترتفع
وتبقى دمعتنه  ولطمنه عالظلع
كل ظالم/بالعالم/وأتباعه اليزيد
مانخضع/مانركع/أحنه بل  نزيد

والله والله والعدوا رجفناه
للموت للموت ياأباعبد الله
★★★★
ليش بعض الناس  ترفض هالأمر
البچي أعلى حسين ولطم الصدر
والهامه  /  بالقامه  / أطبرها   وأصيح
كل صوتي/لحدموتي/يحسين ياذبيح

والراس والراس لونزل منه أدماه
للموت     للموت     ياأباعبد   الله
★★★★
والله نتفاخر أبهل خدمه العظيمه
خدمتك يحسين سوت ألي قيمه
هيبتنه/وعزتنه/بيها  نلتزم
بمحرم/نتحزم/ونشد العزم

ونصيح ونصيح مانعيش أبلياه
للموت   للموت   يا أباعبد   الله
★★★★
هالشعائر  خالدة   عدنه   لأن
بيها تحضر فاطمه أم الحسن
والزهره /تهل  عبره/ وتلطم  عالجبين
كل مجلس/بي تجلس/وتنادي حُسين

خدام خدام أحنه هم للزهرا
للموت  للموت  ياأباعبد الله
★★★★
آنه عشره أويه المجالس من زمان
هالمجالس    هيه   للجنه    ضمان
والمنبر/بي نفخر/وأحنه أنقدسة
فهمنه  /  وعلمنه  /وهذا مدرسة

منعيش منعيش أحنه لو فارگنا
للموت   للموت   يا أباعبد   الله
★★★★
أحنه مانگدر نعيش  أبلا حُسين
ومانفارگ كل خميس المرقدين
بدنيتنه/جنتنه/صارت كربلاء
مانگدر/مانصبر/أبدون العزاء

لحسين لحسين والنبي عاهدنا
للموت   للموت   يا أباعبد  الله
★★★★★★★★★★★
الشاعر (أسعد قاسم الكريعاوي)

ماعندك خبر عنهم يدفان
آنه الفاگده  ياعمه خوان
عنهم مشينه/غصبن علينه
★★★★★★★★★
ها يعمه شلونهم  أهل  المحنه
چان سلمتنه ياعمه أعله أهلنه
غصبن إعلينه تره عنهم بعدنه
الله لاينطي الذي شتت شملنه

هاي الدنيا والله تفرق الأحباب
تخلي الزين  نايم جوه الأتراب
وزيدوا بچينه/غصبن علينه
★★★★
أگعد أحچيلي  يعمه  من  شفتهم
شلون بيك الحيل ياعمه أدفنتهم
بلايه روس شلون  گلي وسدتهم
شلون  وبلا  ماي   گلي  غسلتهم

من أدماهم أتغسلوا أخوتي
وياهم  أنه  أتمنيت   موتي
سبي أنسبينه/غصبن علينه
★★★★
هنا علي يجاوب لچن خنگته العبره
يگلها أبويه حسين ماينوصف  أمره
ولا عظم سالم بقى من عنده أنظره
بالحصيرة    لملميته    وذره   وذره

وضعت أيدي تحت ظهره ورفعته
وسهم    الگلب     بالگوه    شلعته
ومگطعينه/غصبن علينه
★★★★
بطول أبويه نمت  ياعمه  وشبگته
وأسمعت هالصوت طالع من رگبته
گلي   عبد  الله  أريد   أهنا   دفنته
فوگ صدري هالطفل  يابويه ردته

خوفي لا يفز  نص  الليالي
حتى مايظل أمچانه خالي
گطعوا وتينه/غصبن علينه
★★★★
بعد أبويه ومن بعد  ذيچ الفجيعه
توجهت ياعمتي الصوب الشريعه
شفت عمي  ويمه  چفينه  گطيعه
ونايم بعينه سهم ذيچي الوسيعه

مخه أعله الأرض عمي تطشر
وصله  وصله  عالگاع  وتوذر
مصيوبه عينه/غصبن علينه
★★★★
من    بعد    ماوسدتهم    بالمقابر
بس  جسوم  بلايه  ياعمه  مناحر
الأكبر وجاسم يكسرون  الخواطر
الصحابه وشيخهم ذاكه أبن ظاهر

حين البل لحد من وسدتهم
أسامهيم  بديه  آنه أكتبتهم
وتوادعينه/غصبن علينه
★★★★★★★★★★
الشاعر(أسعد قاسم الكريعاوي)

اللهم صل على محمد وال محمد

شوط كربلائي لأستشهاد الإمام علي السجاد عليه السلام...
زين  العابدين اليوم  ~~  بالسم أنمرد چبده
سيد الساجدين وراح~~هالليلة غفه أبلحده
★★★★★★★★★★★★★
نعه ناعي المصيبه وصاح/مابين المدينة بهم
گضه زين العباد اليوم/ ياشيعه  أنغدر بالسم
خل  نتعنه  وأنشيعه /  وخل  الدفنه  نتحزم
چن أسمع تگول الناس
العليل  أبآخر   الأنفاس
ينادي حسين  ياعباس
حتى أبآخر اللحظات/مات ودمعته بخده
★★★★
بهيده للبدر شيلوا/وبراحه الجسم غسلوا
تراهُ أتألمه أعضامه/زرگه  متونه لتلچموا
أثار السلسله لسه/برگبته   ياخلگ  تدروا
محزوزه چفوف أيديه
ومتنه ورگبته ورجليه
سلم   يالموالي  إعليه
يم جده النبي المختار/خل أنشيعه ونوسده
★★★★
عمره سبعه وي  خمسين/گضاه بس ونين أونوح
صور   من  كربله   بعينه / أبدة  ماتنسي  وتروح
ينسه شلون أبوه حسين/شافه أعله الثرة مذبوح
لا ماينسه   ذاك  اليوم
مشهد   كربله  مرسوم
بحلمه ويقضته والنوم
راس حسين من الشام/هوه وعمته رده
★★★★
مصيبة  كربله  صعبة / بكل أمصيبة  ماتنقاس
چانت مونيته وحلمه/يموت أبهل الشهر ياناس
حتى  بموتته  يواسي /  أبوه   وعمه   العباس
أسود كل حياته  الثوب
حزنه چن حزن  يعگوب
صبرك  چن  صبر  أيوب
بچوا أجدادة لمصابه/وشيعته أو ولد ولده
★★★★
الله   يساعد   السجاد /  ماشاف  الفرح  مره
ياشعية  آما  تدرون /عينه من  البچي  حمره
ضعف جسمه وذبل عوده/چنه فاطمه الزهره
والماي الذي يشربه
ينعصر   عليه  گلبه
عينه  الكربله  تربه
آه يحسين ومصابه/رتلها وگرب وعده
★★★★
سؤال المالگيت جواب/عليه وفكري هذا احتار
كل هاي العداوه  ليش/ لآل المصطفى  الاطهار
بالسم لو طعن بالسيف/گضوا آل النبي المختار
ماواحد   سلم   منهم
بس واحد بقه عدهم
باچر   يجي   قائمهم
ويآخذ ثار أبوه حسين/وأمه أو والده وجده
★★★★★★★★★★★★★
الشاعر(أسعد قاسم الكريعاوي)

أسئلوني قبل أن تفقدوني
          أنني السجاد أحكي عن شجوني
ياشيعتي~~~~~ياشيعتي
★★★★★★★★★★★★
گالها   حيدر   علي   قبل   المنيه
آني  أملك   علم   أسرار   وخفيه
ومن علي السجاد نسمع هالمسيه
گال اسئلوني  أشجره  بالغاضريه

سوف أروي قصتاً إن تسمعوني
               أنني السجاد أحكي عن شجوني
ياشيعتي~~~~~ياشيعتي
★★★★
شيعتي  لو ردتوا  تبچون  أعله حالي
أبچوا  لحسين  وأتركوا  أشما  جرالي
صح   تگطع   چبدي   بالسم   ماأبالي
بس مصاب حسين عندي هواي غالي

أبكوا دمعاً للحُسينِ وأتركوني
             أنني السجاد أحكي عن شجوني
ياشيعتي~~~~~ياشيعتي
★★★★
بكربله    تمنيت   تلفيني    وفاتي
ولا  أشاهد  هالعده  تنظر  خواتي
بيه   مابيه  صعنت  خميه  بعباتي
حتى أحميهن وأگوم أني الصلاتي

بالحديد والسلاسل قيدوني
            أنني السجاد أحكي عن شجوني
ياشيعتي~~~~~ياشيعتي
★★★★
والله ماأنسى مشت عمتي أسيره
وينها  أوين  السبي  هاي  الاميره
مارعوا  حال   الچبيره   والزغيره
لا  أهل  عدنه   ولا  ظلت  عشيره

أزرقاً متنها كان ومتوني
           أنني السجاد أحكي عن شجوني
ياشيعتي~~~~~ياشيعتي
★★★★
كل هلي وكل إخوتي بيدي دفنتهم
كلمن    بلحده     وبديه    وسدتهم
مگطعه  أوصالهم   وأني   جمعتهم
عالگبر   أسمائهم    بيدي   أكتبتهم

بقربهم ناديتُ هيا أدفنوني
          أنني السجاد أحكي عن شجوني
ياشيعتي~~~~~ياشيعتي
★★★★
أحمد الله  وأشكره  إلي  عليه أنعم
الخله ساعة موتتي  تصير  بمحرم
أني كل عمري گضيته أبچي من دم
مانسيت  أمصاب  أبويه  الله  يعلم

عالحسين من دماً تبكي عيوني
          أنني السجاد أحكي عن شجوني
ياشيعتي~~~~~ياشيعتي
★★★★★★★★★★★★
الشاعر( أسعد قاسم الكريعاوي)

گرب هذا المسه وعده/حليف الركعه والسجده
أمامي وآماما~~~~أمامي وآماما
★★★★★★★★★★★
گضه نحبه  حليف الركعة والسجده
وگضه حزنه ونحيبه وأقترب وعده
أنغدر بالسم يويلي أو وذروا  چبده
ماراعوا   مقامه   ونسله  يم   جده

حفروا هالمسه لحده/حليف الركعة والسجده
أمامي وآماما~~~~أمامي وآماما
              ★★★★
الإمام    الزاهد   العابد   يسمونه
بنبي يعگوب چانوا من يوصفونه
حزين بكل وكت ودموعه بعيونه
بعض  الناس  صاروا  مايعرفونه

مات ودمعته بخده/حليف الركعة والسجده
أمامي وآماما~~~~أمامي وآماما
              ★★★★
علي السجاد گضه كل سنينه ينوح
مصيبة كربله بوسط الگلب متروح
شاب وصار عمره بگد نبي الله نوح
بكثر ما چان ينعى الوالده المذبوح

ماراد العمر بعده/حليف الركعة والسجده
أمامي وآماما~~~~أمامي وآماما
              ★★★★
من يشيل بيده  الماي  ويشربه
يذكر والدة حسين  وضمه گلبه
ومن إيصلي چان ويسجد الربه
من   كثر   الدمع   تتبلل  التربه

ذبلت هالمسه الورده/حليف الركعة والسجده
أمامي وآماما~~~~أمامي وآماما
              ★★★★
سكن ونه ونياحه  وسكنة العبره
مو  بيضه  دمعتة   بالنظر  حمره
دم يبچي على إلي هشموا صدره
گبال  عيونه  أبوه  وحزوا بنحره

ياهو للطفل وسده/حليف الركعة والسجده
أمامي وآماما~~~~أمامي وآماما
              ★★★★
بهيدة   بهيدة   للسجاد   غسلونه
تره لسه  السياط  أمورمه أمتونه
غسلوا    جثته   وبراحه   چفنونه
الدفن أهله وإخوته اليوم أدفنونه

أزرگ لسه ظل زنده/حليف الركعة والسجده
أمامي وآماما~~~~أمامي وآماما
★★★★★★★★★★★
الشاعر (أسعد قاسم الكريعاوي)

عالسجاد_عالسجاد
نصبنه المجلس_عالسجاد
★★★★★★★★
مجلسنه    هاليوم   أنصب
ومدمعنه  عالوجنه  يصب
ياشيعي  دگ  أعله  الگلب
مصابه صعب كلش صعب

مر الزاد_مر الزاد
بغيابه أنحس_مر الزاد
★★★★
ياشيعة  زين   العابدين
واليكم مات أمن الونين
گضه  العمر  كله  حزين
مات  وينادي   ياحسين

حزنه أنعاد_حزنه أنعاد
وضاگ النفس_حزنه أنعاد
★★★★
من يوم الشاف الفاجعه
مابطل    ويلي   مدمعه
شاهد   أبوه   ومصرعه
وعمه وچفوفه  مگطعه

لأبن زياد_لأبن زياد
أخذه الحرس_لأبن زياد
★★★★
بيدة   حفر   گبر  الأهل
وبچفه دافن  چم  بطل
والده وعمه  ابو الفضل
وبصدر أبوه خله الطفل

لا ماهاد_لا ماهاد
جرح الأمس_لا ماهاد
★★★★
مرسومه  بعيونه صور
ماتنسي  بطول   الدهر
عمه  الگمر  فوگ  النهر
أو والده مگطوع النحر

هالاجساد_هالاجساد
أبحّر الشمس_هالاجساد
★★★★
زينب     ردتها   عمته
تحضر   تشارك  دفنته
مات ومانشفت دمعته
لحسين ابوه ومصيبته

من انگاد_من انگاد
بحبل الرجس_من أنگاد
★★★★★★★★★★
الشاعر (أسعد قاسم الكريعاوي)

عمه زينب
وينه أبويه حسين شو ماجاني
عمه زينب
لشوكت  ياعمه  أبقى  آتاني
يدري لو مايدري بيه/عالهزل أمشي سبيه
★★★★★★★★★★★★
وينه أبويه حسين شو طّول عليه
مادرة   بيه   صرت   بعده   سبيه
آنه   لسه   زغيره   ماأحمل   أذيه
عمه  ليش   مگيده  أيدچ   وأديه

وينه وينه
ذاك أبويه وذاك صدره الدافي
وينه وينه
مايرد  من   الهجر   مو  كافي
خل يجي ويسئل عليه/عالهزل أمشي سبيه
★★★★
عمه  ليش   أعله   الهزيله   ركبونه
وين     ياعمه    السفر    ماخبرونه
چفوف أدينه زغار  ليش  أيگيدونه
ليش من نبچي أعله بونه يضربونه

صعبه صعبه
الروس فوگ أرماح ومكشفيها
صعبه صعبه
والحرم   وأطفال  تنظر   ليها
راس الحسين وأخيه/عالهزل أمشي سبيه
★★★★
أشعر براس  الأبو  يكلمني  والله
خله  يتقرب  إلي   ذاك   اليحمله
نصي صوتچ  عمه لا سيفه يسله
ويذبحچ هذا اللعين وأنتي طفله

ويلي ويلي
خوفي ياعمه الأعادي يذبحوچ
ويلي ويلي
لو يسمعونچ فلا  ظن يرحموچ
ونتچ خلها خفيه/عالهزل أمشي سبيه
★★★★
حتى عبد الله أخوچ أنگطع نحره
راسه   خلوه  أبرمح  وبهذا  عمره
عدهم  أحنه  يارقيه  هسه  أسره
يعينچ  الله لو نطب  ليزيد قصره

محنه محنه
من نطب للشام ومگيدينه
محنه محنه
الناس تتفرج يعمه أعلينه
وأشگف الصوط أبديه/عالهزل أمشي سبيه
★★★★
راح أبويه وراحت أويا الأبتسامه
بيا  ذنب  تتكسر  جناح  الحمامه
راس أبويه  عالرمح  وبلا  عمامه
وأحنه صرنه من بعد عينه يتامه

وسفه وسفه
مايرد   بعد   الأبو   للتالي
وسفه وسفه
الموته ويه والدي تحلالي
ولا أظل أحمل أذيه/عالهزل أمشي سبيه
★★★★★★★★★★★★
الشاعر  ( أسعد قاسم الكريعاوي )

عمتي ياعمتي / وين أبويه وسلوتي
   يمته أبويه من السفر يرجع إليه
   ماأصدگ  ينسه  أبو  اليمه رقيه
عمه عمه                         عمه عمه
★★★★★★★★★★★
فزت أمن النوم  مرعوبه رقيه
وتنشد العمتها زينب هالمسيه
عمه  وينه  والدي  تأخر  عليه
هسه أيده چانت أتلامس أديه

يقضى هذا لو حلم/لمن أبأيدي لزم
يدري لو مايدري  بلي صار بيه
ماأصدگ ينسه  أبو اليمه رقيه
عمه عمه                       عمه عمه
★★★★
عمه  أجاني  هسه  ويگلي  يبنتي
يارقيه  من البچي هونچ وأسكتي
شلون لو وسط الخرابه أنتي متي
وين أبويه  حسين  دليني  يعمتي

لا تگليلي بسفر/هسه گدامي حضر
عمه أبويه  بي لو  مابي  جيه
ماأصدگ ينسه أبو اليمه رقيه
عمه عمه                        عمه عمه
★★★★
عمه شفت حسين أبويه هسه شفته
وأفتحت   ذرعاني   ياعمه  وشبگته
وأگعدت  يمه  وحچيت أوياه سكته
گتله  صعبه  الأبو  من  يعوف   بنته

عطره بثيابي أحس/صرت أشمه أويه النفس
هاچ شمي ثيابي ياعمتي السبيه
ماأصدگ  ينسه  أبو  اليمه  رقيه
عمه عمه                         عمه عمه
★★★★
ليش  مسجونين  أحنه  بالخرايب
عمه وين  أهل  المحنة  والحبايب
أحنه أهل البيت مو أهل المصايب
وزين العباد أصبح بهالمحنه شايب

وأنتي لونچ مختلف/وليش محنيه الچتف
يعني معقوله أنتي عمتي الهاشمية
ماأصدگ   ينسه   أبو   اليمه  رقيه
عمه عمه                         عمه عمه
★★★★
من  سمعها  يزيد   للطفله  أجوها
گلهم   وشنهو   التريده   أسئلوها
يايزيد  الطفلة  هذه ِ  تريد  أبوها
گلهم أخذوا الراس يمها وسكتوها

مختصر هذا الچي/ماأريد أسمع بچي
خل تشبگه وخلي تلفيها المنيه
ماأصدگ ينسه أبو  اليمه  رقيه
عمه عمه                         عمه عمه
★★★★
حين شافت راس أبوها من أجاها
حظنته بلهفه  وحنان حسين أباها
والله لحظات وسكت ونها وبچاها
راد   يحضنها   علي   ميته   لگاها

للحشر نبقى نعيد/ياالاهي العن يزيد
لعنه حتى ترضه فاطمة الزچيه
ماأصدگ ينسه  أبو  اليمه رقيه
عمه عمه                        عمه عمه
★★★★★★★★★★★
الشاعر  (أسعد قاسم الكريعاوي)