#korgazma_tanlov

✔️ "Navqiron O‘zbekiston” yosh ijodkorlar respublika amaliy sanʼat ko‘rgazma-tanlovining hududiy bosqichi bo'lib o'tmoqda

📍 Chirchiq shahrida O‘zbekiston Badiiy ijodkorlar uyushmasi Toshkent viloyati bo‘limi tomonidan ,,Navqiron O‘zbekiston" ijodkor yoshlar respublika amaliy sanʼat ko‘rgazma-tanlovining viloyat bosqichi o‘tkazildi. Tanlovga taqdim etilgan ijodiy ishlarni Hayʼat aʼzolari tomonidan ko‘rib chiqilib, g‘oliblar aniqlandi.

🟢 Hayʼat qaroriga ko‘ra, birinchi o‘rin Qibray tumanidan Yusupov Ibratga (zargarlik ), ikkinchi o‘rin Chirchiq shahridan Aytboyev Donyorga (yog‘och va fanerga ishlov berish), uchinchi o‘rin Yangiyo‘l shahridan Hakimova Dilnozaga (kashtachilik) berildi.

🟢G‘oliblar respublika bosqichida ishtirok etadi.


📝Telegram |📝 Facebook | 💻Instagram |🟥 YouTube | 🌐 Website

#anons
#korgazma

📝Telegram |📝 Facebook | 💻Instagram |🟥 YouTube | 🌐 Website

#marifiy_tadbir
#korgazma

✅ Bugun O‘zbekiston Badiiy akademiyasida Qatag‘on qurbonlari xotirasi davlat muzeyi, "O'zarxiv" agentligi O'zbekiston Kinofotofono hujjatlari milliy arxivi, Toshkent fotosuratlar uyi bilan hamkorlikda siyosiy qatag‘on qurbonlari va jadid ma'rifatparvar yurtdoshlarimiz hayoti va faoliyatini o‘rganish, targ‘ib etish hamda ularning xotirasini abadiylashtirishga bag‘ishlangan “Tilda, fikrda, ishda birlik” mavzusida maʼrifiy tadbir hamda “Tarixiy xotira, ma’naviy va ruhiy tarbiya – Yangi O‘zbekiston poydevori” shiori ostida arxiv hujjatlari, rangtasvir va haykaltaroshlik asarlaridan iborat badiiy ko‘rgazma tashkil qilindi.

✅ Maʼrifiy tadbirda qayd etilganidek, Prezidentimizning saʼy-harakatlari bilan O‘zbekiston Oliy sudi tomonidan 1 ming 30 nafardan ziyod mustabid tuzum qatag‘oniga uchragan vatandoshlarimiz nomi oqlanib, tarixiy adolat qad rostladi va minglab jadidlar avlodlari qalbini yaralagan jarohatlar bitdi.  Bugungi farovon hayot, mustaqil Vatan, osuda kunlar qurbonlarsiz bo‘lmagan. Jadidlarimizning jaholatga qarshi kurashish, millat shaʼnini himoya qilish orqali mustamlaka bo‘lgan Turkistonni dunyoning taraqqiy etgan mamlakatlari safida ko‘rishdek orzulari bugun ro‘yobga chiqdi.

✅ Jadidlar hayoti va faoliyatiga oid ko‘rgazma ham barchada katta qiziqish uyg‘otdi. Ko‘rgazma ekspozitsiyasida I.Bahromov, A.Aliqulov, S.Abdullayev, F.Axmadaliyev, O.Mo‘minov, B.Maxkamov, Sh.Qo‘ziyeva, O.Bakirov, S.Allaberganov, S.Raxmetov, Aziza Mamatova singari taniqli rassomlarning siyosiy qatag‘on qurbonlari va jadid ma'rifatparvar yurtdoshlarimiz fojeali hayoti tasvirlangan 20 ga yaqin rangtasvir asarlari hamda O'zbekiston Kinofotofono hujjatlari milliy arxivi fondida saqlanayotgan 40 ga yaqin arxiv fotolari namoyish etilmoqda.

✅ Shuningdek, ko‘rgazmada J.Annazarov, B.Norboyev, O‘.Yaxshilikov kabi haykaltaroshlar -tomonidan maʼrifatparvar bobolarimizga ishlangan haykallar ham o‘rin oldi.

📝Telegram |📝 Facebook | 💻Instagram |🟥 YouTube | 🌐 Website

#korgazma

💬Toshkent shahar 328-sonli umumiy o‘rta ta’lim maktabida Oʻzbekiston Badiiy ijodkorlar uyushmasi a’zosi, badiiy fotorassom Zafar Roʻziqulovning farzandi va shogirdi, ushbu maktab o‘quvchisi, havaskor fotorassom Laylo O‘skanova bilan birgalikda “Ustoz-shogird Vatan bo‘ylab” nomli fotokoʻrgazmasi ochildi.

💬 1-oktyabr - O‘qituvchi va murabbiylar kuniga bag‘ishlangan koʻrgazmada 100 ta badiiy fotosurat joy olgan boʻlib, ular fotografiya san’atining turli janrlarini aks ettirgan. Fotoko‘rgazmada muallifning farzandi-shogirdi Laylo O‘skanova ham o‘zning 20 ta ijodiy ishi bilan qatnashmoqda.

💬 Ko‘rgazmadagi manzarali tasvirlarda ijodkor tog‘lar viqorini, maysalarga burkangan bepoyon kengliklar chiroyi va fusunkorligini tomoshabin e’tiboriga taqdim etadi. Ularda Turkiston, Nurota va Zarafshon tog‘ tizmalarining haybati, hamda va Qizilqum cho‘lining nafis qum barxanlari yuksak mahorat bilan tasvirlangan. Amudaryo, Sirdaryo, Piskom, Chotqol daryolari va Aydarko‘l ko‘lining maftunkor manzaralari e’tiborga molik. Shuningdek, Orol dengizining fojiali qismati tasvirlari tomoshabinni tabiatga befarq bo'lmaslikka chorlaydi.

✅ Fotoko'rgazma 10-oktyabrgacha davom etadi.


📝Telegram |📝 Facebook | 💻Instagram |🟥 YouTube | 🌐 Website