🔹Ներկայացվել են Պուշկինի թունելի հիմնանորոգման և արդիականացման, ինչպես նաև Դիլիջանի նոր թունելի կառուցման նախագծերը, որոնք մշակվել են Ասիական զարգացման բանկի (ԱԶԲ) աջակցությամբ։
🔹Դիլիջանի թունելի կառուցման նախագծով նախատեսվում է գործող թունելին զուգահեռ կառուցել ԵՄ ստանդարտներին և 2-րդ տեխնիկական կարգի ավտոճանապարհին համապատասխանող 2.36կմ նոր թունել։ Գործող թունելը կվերափոխվի տարհանման թունելի, որը յուրաքանչյուր 500 մետրում կապ կունենա նոր թունելի հետ։ Նոր թունելը նախատեսված է կահավորել անհրաժեշտ բոլոր ժամանակակից ինժեներական, անվտանգային և ավտոմատ կառավարման համակարգերով։
🔹Պուշկինի թունելի հիմնանորոգման և արդիականացման նախագծի շրջանակում նախատեսվում է հիմնանորոգել թունելի երեսարկը, ջրահեռացման համակարգը, մայթերն ու երթևեկելի հատվածը, ստեղծել վթարային կանգառների համար նախատեսված գրպանիկներ, շարունակել և ավարտին հասցնել անավարտ տարհանման թունելի կառուցումը։ Վերջինս ԵՄ ստանդարտներին համապատասխան կտրամադրի արտակարգ իրավիճակներում տարհանման հնարավորություն յուրաքանչյուր 500 մետրում։

«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանը, փոխտնօրեններ Արման Խաչատրյանը, Սերժիկ Պետրոսյանն այսօր ՀՀ տարբեր ուղղություններով հետևել են միջպետական և հանրապետական ճանապարհների ձմեռային սպասարկման աշխատանքներին։ Բոլոր տարածաշրջաններում ճանապարհների սպասարկում իրականացնող ընկերությունները կատարել են ձնամաքրման, աղ-ավազով մշակման, երթևեկելի մասի լայնացման և այլ աշխատանքներ։

ՀՀ միջպետական և հանրապետական նշանակության բոլոր ճանապարհները բաց են։

Մ-2, Լծեն-Տաթև, Սիսիանի տարածաշրջան։ Ձմեռային սպասարկման աշխատանքները ճանապարհներին շարունակվում են։

Հյուսիս-հարավ ճանապարհի Նոր Եդեսիայի հատվածն է (Մ-1): Ձյան առատ տեղումներից հետո ճանապարհն ամբողջությամբ մաքրվել է։ Երթևեկելի մասը սև է։