ՀՀ միջպետական և հանրապետական նշանակության ավտոճանապարհներին աշխատանքները շարունակվում են։ Ճանապարհները սպասարկող ընկերություններին հանձնարարվել է անդադար իրականացնել մաքրման և մշակման աշխատանքներ։

Ամբողջ գիշեր միջպետական և հանրապետական նշանակության ճանապարհներին անդադար իրականացվել են ձնամաքրման աշխատանքներ։

ՀՀ միջպետական եւ հանրապետական նշանակության ավտոճանապարհների մաքրման եւ աղ-ավազով մշակման աշխատանքները շարունակվում են։ Շուրջօրյա հերթապահություն է կատարվում հանրապետության բոլոր տարածաշրջաններում։

«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանը, փոխտնօրեններ Արման Խաչատրյանը, Սերժիկ Պետրոսյանը հետեւում են իրականացվող աշխատանքների ընթացքին։

Նշենք, որ ՀՀ միջպետական եւ հանրապետական նշանակության բոլոր ավտոճանապարհները բաց են։

🔹Ներկայացվել են Պուշկինի թունելի հիմնանորոգման և արդիականացման, ինչպես նաև Դիլիջանի նոր թունելի կառուցման նախագծերը, որոնք մշակվել են Ասիական զարգացման բանկի (ԱԶԲ) աջակցությամբ։
🔹Դիլիջանի թունելի կառուցման նախագծով նախատեսվում է գործող թունելին զուգահեռ կառուցել ԵՄ ստանդարտներին և 2-րդ տեխնիկական կարգի ավտոճանապարհին համապատասխանող 2.36կմ նոր թունել։ Գործող թունելը կվերափոխվի տարհանման թունելի, որը յուրաքանչյուր 500 մետրում կապ կունենա նոր թունելի հետ։ Նոր թունելը նախատեսված է կահավորել անհրաժեշտ բոլոր ժամանակակից ինժեներական, անվտանգային և ավտոմատ կառավարման համակարգերով։
🔹Պուշկինի թունելի հիմնանորոգման և արդիականացման նախագծի շրջանակում նախատեսվում է հիմնանորոգել թունելի երեսարկը, ջրահեռացման համակարգը, մայթերն ու երթևեկելի հատվածը, ստեղծել վթարային կանգառների համար նախատեսված գրպանիկներ, շարունակել և ավարտին հասցնել անավարտ տարհանման թունելի կառուցումը։ Վերջինս ԵՄ ստանդարտներին համապատասխան կտրամադրի արտակարգ իրավիճակներում տարհանման հնարավորություն յուրաքանչյուր 500 մետրում։