🎉 🔬 ⚗️ Ամփոփվել են 2024թ. ապրիլին հայտարարված, գիտական սարքերի և սարքավորումների ձեռքբերմանն ուղղված երկու մրցույթների արդյունքները:

✅ Գիտական կենտրոնները ժամանակակից սարքավորումներով վերազինելու նպատակով գիտական սարքերի/սարքավորումների գնման հայտերի ընտրության մրցույթի արդյունքներով կգնվի 29 սարք/սարքավորում՝ ընդհանուր մոտ 3.5 միլիարդ դրամ արժողությամբ:
🔗 Ցանկը

✅ Գիտական ստորաբաժանումների նյութատեխնիկական բազայի արդիականացման համար ֆինանսական աջակցություն տրամադրելու մրցույթի ադյունքներով ձեռք կբերվի 59 սարք՝ ընդհանուր մոտ 986 միլիոն դրամ արժողությամբ:
🔗 Ցանկը

📣 Գնահատման և թեստավորման կենտրոնը դեկտեմբերի 15-ից սկսում է 2024-2025 ուստարվա շրջանավարտների պետական ավարտական և 2025թ. բուհերի ընդունելության համար սահմանված միասնական քննությունների (I փուլ, հունվար, փետրվար) հայտագրման գործընթացը:

📄 ✅ Միասնական քննությանը մասնակցելու համար շրջանավարտը (դիմորդը) առցանց եղանակով Գնահատման և թեստավորման կենտրոնի dimord.am կայքէջում պետք է լրացնի ընդունելության դիմում-հայտ:

‼️ Շրջանավարտը (դիմորդը) առարկայական դիմում-հայտում լրացնում է առավելագույնը երկու միասնական քննություն։

🏫 Դիմում-հայտը լրացնելու համար շրջանավարտը դիմում է իր ուսումնական հաստատության տնօրենին, իսկ նախորդ տարիների և 2024-2025 ուստարվա նախնական և միջին մասնագիտական ուսումնական հաստատությունների շրջանավարտները, օտարերկրացիները, օտարերկրյա ուսումնական հաստատությունների՝ տվյալ ուսումնական տարվա շրջանավարտ Հայաստանի Հանրապետության քաղաքացիները դիմում են իրենց բնակության վայրի՝ այդ նպատակով առանձնացված ուսումնական հաստատության տնօրենին:

ՄԱՆՐԱՄԱՍՆԵՐ

📣 Ամփոփվել են գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում «Մասնագիտական վերապատրաստում 2024/2» մրցույթի արդյունքները:

✅ Ֆինանսավորման է երաշխավորվել 17 նախագիծ:

🎉 Շնորհավորում ենք բոլոր շահառուներին:

📣 2025-2026 ուսումնական տարվա ընդունելության միասնական քննությունների առաջին փուլի ժամանակացույցը հաստատվել է:

🗓 Գնահատման և թեստավորման կենտրոնի տնօրենի հրամանով միասնական քննությունների համար, ըստ առարկաների, սահմանված են հետևյալ օրերը.

🔹 «Հայոց լեզու և հայ գրականություն» - 25.01.2025
🔹 «Քիմիա», «Ռուսերեն» - 26.01.2025
🔹 «Օտար լեզուներ» - 01.02.2025
🔹 «Ֆիզիկա», «Աշխարհագրություն» - 02.02.2025
🔹 «Մաթեմատիկա» - 08.02.2025
🔹 «Կենսաբանություն», «Հայոց պատմություն» - 09.02.2025

📣 «Երկակի նշանակության գիտական նախագծեր 2025» մրցույթի հայտերի ընդունումը մեկնարկել է:

🎯 Մրցույթն ուղղված է՝
🔹 ռազմարդյունաբերության մեջ օգտագործվելու ներուժ ունեցող երկակի նշանակության գիտահետազոտական աշխատանքները խթանելուն,
🔹 երկակի նշանակության նոր տեխնոլոգիաների ստեղծմանը և դրանց պատրաստիության մակարդակի բարձրացմանն աջակցելուն,
🔹 ռազմական արտադրության մեջ գիտական հետազոտությունների արդյունքների կիրառմանը նպաստելուն,
🔹 գիտական և ռազմարդյունաբերական գործունեություն իրականացնող կազմակերպությունների միջև համագործակցությունը զարգացնելուն:

⏳ Հայտ ներկայացնելու վերջնաժամկետը 2025թ. փետրվարի 28-ն է:

ՄԱՆՐԱՄԱՍՆԵՐ

📣📣 Հայտնի են «Գիտական արդյունավետության խթանման դրամաշնորհային ծրագիր - 2025» մրցույթի արդյունքները:

👨‍🔬✅ 144 գիտական խումբ՝ օտարերկրյա գործընկերոջ պարտադիր ներգրավմամբ, կիրականացնի 36 ամիս տևողությամբ նախագծեր։

🎉 Շնորհավորում ենք բոլոր շահառուներին, մաղթում արդյունավետ աշխատանք:

✅ Փետրվարի 13-ին ՀՀ կառավարության որոշմամբ հաստատվեցին գիտական և գիտատեխնիկական գործունեության բազային, նպատակային-ծրագրային, գիտական դրամաշնորհային ֆինանսավորման ձևերով պետական ֆինանսավորման նոր կարգերը:

🔹 Կառուցվածքային առումով նոր կարգերի ընդունումը թույլ է տվել մեկ իրավական շրջանակի մեջ ներառել բազային, նպատակային-ծրագրային և գիտական դրամաշնորհային (նախկինում՝ պայմանագրային-թեմատիկ) ֆինանսավորման ձևերը՝ սահմանելով հայտադիմումների ընդունման, գնահատման և հաշվետվողականության միասնական սկզբունքներ։
🔹 Բովանդակային առումով նոր կարգերում նախատեսվել են արդյունքահեն ֆինանսավորման համակարգի ներդրմանը, գիտահետազոտական ոլորտում միջգերատեսչական համագործակցության առավել արդյունավետ կազմակերպմանը և փորձաքննության ավելի հստակ մեխանիզմների սահմանմանն ուղղված մի շարք դրույթներ:

‼️ Յուրաքանչյուր կարգում տեղ գտած առանցքային փոփոխություններին առանձին կարող եք ծանոթանալ այստեղ:

📣 Ամփոփվել են «Երիտասարդ գիտաշխատողների հետազոտությունների աջակցության ծրագիր - 2025» մրցույթի արդյունքները:

✅ Մրցույթի արդյունքներով 2-4 երիտասարդ (մինչև 35 տարեկան) գիտաշխատողներից բաղկացած 25 գիտահետազոտական խմբեր կիրականացնեն 24 ամիս տևողությամբ նախագծեր:

🎉 🎉 Շնորհավորում ենք բոլոր շահառուներին, մաղթում արդյունավետ աշխատանք:

Պետություն-մասնավոր համագործակցությամբ կրթաթոշակի հնարավորություն՝ օտարերկրյա հեղինակավոր բուհեր ընդունվողների համար

✅ ՀՀ կառավարությունը հաստատել է ՀՀ ռեզիդենտ հանդիսացող առևտրային կազմակերպությունների աշխատակիցների ուսումը օտարերկրյա հեղինակավոր բարձրագույն ուսումնական հաստատություններում խթանելու նպատակով կրթաթոշակի տրամադրման կարգը:

📍 Ծրագրի գործելու հիմնական պայման է, որ առևտրային կազմակերպությունը, որը վերջին 5 տարվա ընթացքում ունեցել է առնվազն 100 աշխատող, համաֆինանսավորի կրթաթոշակը առնվազն 50% չափով, ինչից հետո ամեն տարվա համար մինչև 10 մլն դրամ կրթաթոշակ կտրամադրի պետությունը:
📍 Մյուս կարևոր պայմանն այն է, որ սովորողը ուսումնառությունն ավարտելուց հետո համապատասխան մասնագիտությամբ առնվազն 3 տարի պետք է աշխատի տվյալ առևտրային կազմակերպությունում:

‼️ Նշված պայմանները չիրականացնելը գործատուի համար կառաջացնի ֆինանսական հետևանքներ:

📣 Տեղեկացնում ենք, որ այսուհետ տեղեկատվություն ստանալու համար գործում է հետևյալ հեռախոսահամարը՝ (010) 30 01 09:

⏳ Հեռախոսահամարը գործելու է յուրաքանչյուր աշխատանքային օր՝ ժամը 09:00-18:00-ն ընկած ժամանակահատվածում:

ՄԱՆՐԱՄԱՍՆԵՐ

📣 📣 Ամփոփվել են «Հայաստանի Հանրապետության գիտական համայնքին արտերկրի գիտնականների ինտեգրում - 2025» մրցույթի արդյունքները:

🌏 👨‍🔬 🇦🇲 Արտերկրի ևս 3 գիտնական հնարավորություն է ստանում հնգամյա նախագիծ իրականացնել ՀՀ գիտական կազմակերպություններում՝ ստեղծելով հեռանկարային, ժամանակակից գիտական ուղղություններով նոր ստորաբաժանումներ:
📍 2022 թվականից անցկացվող այս մրցույթի շրջանակում ֆինանսավորման է երաշխավորվել ընդհանուր 18 գիտական նախագիծ:
🎉 Շնորհավորում ենք բոլոր շահառուներին:

🇬🇧 Three projects were approved for funding under the Call for Proposals “Incoming Research Fellowship Program 2025 (Integration Grant)”.

✅ Հաստատվել է «Հայաստանի Հանրապետության գիտական կազմակերպություններում արտերկրի գիտնականների «PostDoc-Armenia - 2025»» մրցույթի արդյունքներով ֆինանսավորման երաշխավորված գիտական նախագծերի ցանկը:
✈️ 🇦🇲 Արտերկրից 4 գիտնական առաջիկա 2 տարիներին կտեղափոխվի ՀՀ և գիտական գործունություն կծավալի ՀՀ գիտական կազմակերպություններում:
📍 Ընդհանուր առմամբ տարբեր տարիներին հայտարարված այս մրցույթի շրջանակում ֆինանսավորման է երաշխավորվել 25 գիտական նախագիծ:

🎉 Շնորհավորում ենք բոլոր շահառուներին:

🇬🇧 Four projects were approved for funding under the Call for Proposals “Program for Foreign Researchers in Scientific Organizations of the Republic of Armenia (PostDoc-Armenia 2025)”.

✅ Հաստատվել են առկա ուսուցմամբ բակալավրի ու անընդհատ և ինտեգրացված կրթական ծրագրերով ընդունելության տեղերը: Որոշման նախագիծն ընդունվել է այսօր՝ ՀՀ կառավարության նիստի ընթացքում:

👩‍🎓 2025-2026 ուսումնական տարվա՝ ուսման վարձի լրիվ փոխհատուցմամբ առկա ուսուցմամբ, բակալավրի ու անընդհատ և ինտեգրացված կրթական ծրագրով ընդունելությանն ընդհանուր առմամբ հատկացվել է 3118 տեղ, որից 2118-ը՝ ՀՀ պետական և ոչ պետական բարձրագույն ուսումնական հաստատություններին:

📑 Նշված 2108 տեղից 1273-ը (շուրջ 61%-ը) հատկացվել է բնագիտամաթեմատիկական (STEM) ոլորտին:

📍 Նախատեսվում է 2025-2026 ուստարվա համար ըստ մասնագիտությունների առկա ուսուցմամբ բակալավրի ու անընդհատ և ինտեգրացված կրթական ծրագրերով 10 000 տեղ հատկացնել վճարովի ընդունելությանը, ինչը առաջիկայում կհաստատի ՀՀ ԿԳՄՍ նախարարը:

✅ ՀՀ ԿԳՄՍ նախարարի հրամանով հաստատվել են ՀՀ բուհերում 2025-2026 ուսումնական տարվա վճարովի հիմունքներով առկա ուսուցմամբ բակալավրի ու անընդհատ և ինտեգրացված կրթական ծրագրերով ընդունելության տեղերն ըստ բուհերի և մասնագիտությունների:

📑 ՀՀ կառավարության որոշմամբ վճարովի ընդունելությանը այս ուսումնական տարվա համար հատկացվել է 10 000 տեղ, որից
🔹 9322-ը՝ ՀՀ պետական բարձրագույն ուսումնական հաստատություններին,
🔹 24-ը՝ «Արարատյան բակալավրիատ» ծրագիր իրականացնող ուսումնական հաստատությունների շրջանավարտներին,
🔹 129-ը՝ Եվրոպական համալսարանին,
🔹 549-ը՝ ՀՀ ոչ պետական բարձրագույն ուսումնական հաստատություններին:

📣 Տեղեկացնում ենք, որ գործարկվել է Բարձրագույն կրթության և գիտության կոմիտեի նոր պաշտոնական կայքի բետա-տարբերակը:

‼️ Կայքի այս տարբերակում ձեզ հետաքրքրող տեղեկությունը չգտնելու պարագայում կարող եք փնտրել այն հետևյալ հղմամբ` http://old.hesc.am/

📞 Տեխնիկական հարցերի դեպքում կարող եք զանգահարել 010 300109 (840) հեռախոսահամարին:

Պետության համար առաջնային մասնագիտություններով սովորողների կրթաթոշակը կսահմանվի ըստ կիսամյակի առաջադիմության

✅ ՀՀ կառավարությունը մայիսի 22-ի նիստի ընթացքում փոփոխություն է կատարել ՀՀ կառավարության 2023թ. օգոստոսի 24-ի N 1430-Ն որոշման մեջ:

👩‍🎓 Վերոնշյալ որոշմամբ սահմանված են պետության համար առաջնային և կարևորություն ներկայացնող մասնագիտություններով սովորողների կրթաթոշակի չափը և տրամադրման պայմանները:

‼️ Ընդունված փոփոխություններով կրթաթոշակն այսուհետ կտրամադրվի ոչ թե ըստ կուրսի, այլ ըստ կիսամյակների:

✅ ՀՀ կառավարությունը 2025թ. մայիսի 29-ի նիստին հաստատել է ՀՀ բուհերի և գիտական կազմակերպությունների 2025/2026 ուսումնական տարվա ասպիրանտուրա ընդունելության տեղերը, ինչպես նաև դրանց բաշխումը:

👩‍🎓 Հաշվի առնելով վերոնշյալ արդյունքները, ինչպես նաև ներկայացված հայտերը՝ 2025/2026 ուսումնական տարվա ասպիրանտուրայի ընդունելության համար նախատեսվում է պետության կողմից ուսման վարձի լրիվ փոխհատուցմամբ 180 տեղ, որից 144-ը առկա և 36-ը հեռակա:

‼️ Նշված 180 տեղերից 109-ը հատկացվել է բնագիտական, տեխնոլոգիական, ճարտարագիտական, մաթեմատիկական (ԲՏՃՄ) ուղղություններին՝ 96 առկա և 13 հեռակա:

✅ Բարձրագույն կրթության և գիտության կոմիտեն կազմակերպում է «Ասպիրանտների և երիտասարդ հայցորդների հետազոտությունների աջակցության ծրագիր — 2025» մրցույթը:

🎯 Այն ուղղված է հայաստանյան գիտական և գիտատեխնիկական գործունեություն իրականացնող հաստատությունների ասպիրանտների և հայցորդների մասնագիտական որակավորման բարձրացմանը:

⏳ Դիմելու վերջնաժամկետը 2025թ․ օգոստոսի 8-ն է:

📣 Բարձրագույն կրթության և գիտության կոմիտեն կազմակերպում է «Հայաստանի Հանրապետության գիտական համայնքին արտերկրի գիտնականների ինտեգրում 2025/2» մրցույթը:

👩‍🔬 Մրցույթին կարող են մասնակցել 3-5 անդամ ունեցող գիտական խմբերը՝ արտերկրից գիտնականի ղեկավարությամբ ներկայացնելով 60 ամիս տևողությամբ հավակնոտ, մրցունակ, հեռանկարային, խոստումնալից ու իրագործելի նախագիծ։

⏳ Վերջնաժամկետ՝ 2025թ․ հուլիսի 31

🇬🇧
The Higher Education and Science Committee of the Ministry of Science, Education, Culture, and Sports of the Republic of Armenia organizes the Call for Proposals “Incoming Research Fellowship Program 2025/2 (Integration Grant)”. It aims to establish new scientific subdivisions in prospective and cutting-edge research areas in Armenia under the supervision of foreign scientists. The projects approved for funding shall be carried out within 60 months.
⏳ Application deadline: 31 July 2025

📣 📣 Մեկնարկել է «Փորձարարական մշակումների նախագծեր (Experimental Development Projects) 2025» մրցույթի հայտերի ընդունումը:

🎯 Մրցույթն ուղղված է գիտական հետազոտությունների և գործնական փորձի միջոցով նոր տեխնոլոգիաների, արտադրանքի, ծառայությունների, համակարգերի, մեթոդների ստեղծմանը կամ դրանց կատարելագործմանը:
✅ Յուրաքանչյուր նախագծին Կոմիտեի կողմից տրամադրվող դրամաշնորհի առավելագույն ծավալը կարող է լինել 30 միլիոն ՀՀ դրամ 24 ամսվա համար:

⏳ Հայտ ներկայացնելու վերջանժամկետը 2025թ. օգոստոսի 15-ն է:

🔍 Մրցույթի վերաբերյալ այլ մանրամասներ՝ այստեղ: