📣 «Անկախ դիտորդ» դաշինքը կոչ է անում Երևանի Նուբարաշեն վարչական շրջանի 10/51, Արտաշատ համայնքի Աբովյան գյուղի 12/13 և Մեղրի համայնքի Ագարակ քաղաքի 35/65 ընտրատեղամասերի ընտրողներին պաշտպանել իրենց ընտրական իրավունքը։

🗣 «Անկախ դիտորդ դաշինքը, ելնելով ՀՀ Սահմանադրության, Ընտրական օրենսգրքի, Մարդու իրավունքների Եվրոպական կոնվենցիայի, ՄԻԵԴ-ի նախադեպային որոշումների ուսումնասիրությունից, գտնում է, որ 10/51, 12/13 և 35/65 տեղամասերում հունիսի 7-ին Ընտրական օրենսգրքի կարգավորումներին համապատասխան քվեարկություն իրականացրած ընտրողների իրավունքները խախտված են։

🔸 Այս տեղամասերում վերաքվեարկություն չնշանակելով Կենտրոնական ընտրական հանձնաժողովը բացառել է իշխանություն ձևավորելուն մասնակցելու նրանց իրավունքը»,- նշված է «Անկախ դիտորդ»-ի հաղորդագրությունում։

‼️ ԿԸՀ-ն բավարարել է դատախազի միջնորդությունը Ռուսլան Բարսեղյանի նկատմամբ քրեական հետապնդում հարուցելու և ազատությունից զրկելու համաձայնություն ստանալու վերաբերյալ:

📌 Այս մասին 1lurer.am-ին հայտնել են Գլխավոր դատախազությունից։

❗️ ԿԸՀ-ն բավարարել է Ասատուր Քոչարյանի և Աշոտ Եղիազարյանի վերաբերյալ դատախազության միջնորդությունները, 1lurer.am-ին հայտնել են Գլխավոր դատախազությունից։

‼️ Հայտարարում եմ ընդդիմադիր ուժերի համախմբման պրոցեսի մասին, լրագրողների հետ զրույցում հայտարարել է «Ուժեղ Հայաստան» կուսակցության առաջնորդ Սամվել Կարապետյանը։

🗣 «Քանի որ մենք այդ սխալը թույլ տվեցինք ընտրություններից առաջ, շատ ընդդիմադիր ուժեր, որոնք գուցե ազնիվ պայքարում էին, բայց գերագնահատեցին իրենց ուժերը, նրանց հետ մենք չկարողացանք պայմանավորվել։

🔸 Հիմա կարևոր է այս համախմբումը։ Ինձ թվում է այն ընդդիմադիր ուժերը, ում համար թանկ է մեր երկիրը, կարձագանքեն, և մենք կստեղծենք հետընտրական ընդդիմադիր կոալիցիա»,-նշել է նա։ |tert.am|

👨‍⚖️ «Ուժեղ Հայաստան» դաշինքի պատգամավորի թեկնածու Դավիթ Ղազինյանը կալանավորվեց 2 ամսով։ Քիչ առաջ ՀՀ հակակոռուպցիոն դատարանը բավարարեց Հակոռուպցիոն կոմիտեի ներկայացրած միջնորդությունը։

🗣 Տեղեկությունը «Սպուտնիկ Արմենիա»-ին հայտնել է պաշտպան Արամ Վարդևանյանը։

📌 Երեկ հայտնի էր դարձել, որ Ղազինյանը ձերբակալվել է ընտրակաշառք տալու նախապատրաստության մեղադրանքով։ Ավելի վաղ ԿԸՀ-ն բավարարել էր Դատախազության ներկայացրած միջնորդությունները՝ Դավիթ Ղազինյանին անձեռնմխելիությունից զրկելու և նրա նկատմամբ քրեական հետապնդում հարուցելու վերաբերյալ:

💬 Մաքուր իրավական լուծում է տրված հարցին, որևէ քաղաքական շահարկման տեղ ընդհանրապես չկա:

🗣 Այս մասին հայտարարել է ՀՀ վարչապետ Նիկոլ Փաշինյանը՝ անդրադառնալով այն հարցին, որ 3 տեղամասում քվեարկության արդյունքները անվավեր են ճանաչվել՝ առանց վերաքվեարկության նշանակման:

🔸 Փաշինյանը պնդեց, որ այդ տեղամասերում ՔՊ-ն 1800 ձայն է ստացել, և ՔՊ-ն ձևավորել է մեծամասնություն. «Այդ տեղամասերում քվեարկել են այն պրապորցիաներով, ինչ ընդհանուր պատկերն է, և քաղաքացիների ձայնը այդքանով արտահայտվել է»:

📣 Շուտով բոլոր ընդդիմադիր ուժերի հետ հանրահավաք կհրավիրենք․ Սամվել Կարապետյան

📌 «Ուժեղ Հայաստանի» վարչապետի թեկնածու Սամվել Կարապետյանը այս մասին հայտարարել է լրատվամիջոցների հետ հանդիպման ժամանակ։ Նա նշել է, որ ցանկանում է՝ այդ հանրահավաքը կոչեն «Ուժեղ և վստահելի հանրահավաք»։

🗣 «Միայն այդ դեպքում մենք կարող ենք մեր ժողովրդի իրական աջակցությունը ստանալ»,- նշել է նա։

🗳 Սամվել Կարապետյանը, անդրադառնալով մանդատները վերցնել-չվերցնելու հարցին, նշել է, որ այդ նարատիվը, թե ընդդիմությունը չպետք է վերցնի մանդատները, զարգացնում են իշխանությունն ու նրան աջակցող ուժերը։

📌 Միևնույն ժամանակ նա նշել է, որ հարցը պետք է քննարկվի ընդդիմադիր բոլոր ուժերի հետ և ճիշտ որոշում կայացվի։|arm.sputniknews.ru|

👨‍⚖️ Աշոտ Եղիազարյանի նկատմամբ խափանման միջոց կիրառվել է կալանքը՝ հայտնում է ՀՀ քննչական կոմիտեն:

ℹ️ ««Ուժեղ Հայաստանի» պատգամավորի թեկնածու Ա.Ե.-ն մի խումբ անձանց հետ նախնական համաձայնությամբ, 2026թ. հունիսի 7-ին կայանալիք ՀՀ ԱԺ հերթական ընտրություններին «Ուժեղ Հայաստան» դաշինքի օգտին քվեարկելու պայմանով՝ Արտաշատ համայնքի 100-ից ավելի ընտրողի 100.000-500.000 ՀՀ դրամի չափով ընտրակաշառք է տվել, իսկ նշված ընտրողները, որոշ դեպքերում գործելով այլ ընտրողների հետ խմբի կազմում, նախնական համաձայնությամբ ստացել են տարբեր դրամական միջոցների չափով ընտրակաշառքներ»,- հայտնում են ՔԿ-ից:

🗳⚖️ Սահմանադրական դատարան է մուտքագրվել ԱԺ հունիսի 7-ի ընտրության արդյունքներն անվավեր ճանաչելու վերաբերյալ «Ուժեղ Հայաստան»-ի դիմումը:

💬 «Դաշինքը, հիմք ընդունելով իշխանությունների կողմից կազմակերպված զանգվածային ու կազմակերպված ընտրախախտումները, պահանջում է անվավեր ճանաչել ՀՀ ԿԸՀ 2026թ. հունիսի 14-ի՝ «Հայաստանի Հանրապետության Ազգային ժողովի 2026 թվականի հունիսի 7-ի ընտրությունների արդյունքների վերաբերյալ» թիվ 258-Ա որոշումը և անվավեր ճանաչել ընտրությունների արդյունքները»,- հայտնել է դաշինքի խոսնակ Մարիաննա Ղահրամանյանը:

⚖️🗳 «Միասնության թևերը» դիմում ներկայացրեց ՍԴ՝ ընտրությունների արդյունքներն անվավեր ճանաչելու պահանջով։

🗣 Կուսակցության ներկայացուցիչ Լիպարիտ Դրմեյանը նշեց, որ դիմումում մի շարք փաստարկներ են նշվել, այդ թվում՝ իշխանության կողմից վարչական ռեսուրսի կիրառումը, ճնշումները ոչ միայն քաղաքական ուժերի, այլև հենց ընտրողների նկատմամբ և այլն, այսինքն՝ այնպիսի միջոցների ձեռնարկում, որ քաղաքացիները զերծ մնան կոնկրետ դեպքում «Միասնության թևերի» հավաքներին ներկայանալուց։

📣 «2-րդ բլոկը վերաբերվում է նախընտրական հիմնադրամի ֆինանսավորմանը «Քաղաքացիական պայմանագիր» կուսակցության հիմնադրամի շեմը, մեր համոզմամբ, հատած լինելուն։ Սա կարևոր խնդիր է, ընտրական պրոցեսներում երբևէ չի բարձրաձայնվել։ Գործող օրենսդրությունը շեմ է սահմանում, որից ավելի կուսակցությունները չեն կարող օգտագործել նախընտրական պրոցեսի ժամանակ։ ՔՊ-ն կարելի է ասել՝ ամբողջ ծավալով օգտագործել է այն․ շուրջ 800 մլն-ի հայտարարագիր է ներկայացրել, բայց, մեր համոզմամբ, չեն ներառվել մի շարք ծախսեր կամ ներկայացվել են ծախսեր, որոնք ամբողջ ծավալով չեն», - նշել է Դրմեյանը։

⚖️ Այսօր ԴՕԿ կուսակցությունը ևս դիմում է ներկայացրել ՍԴ, որով վիճարկվում է հունիսի 7-ի ընտրությունների արդյունքներով ընդունված որոշումը:

📌 ՍԴ-ն դիմումը մուտքագրվելուց հետո երկօրյա ժամկետում աշխատակարգային նիստում կորոշի դիմումների ընդունելիության հարցը:

[Սահմանադրական դատարան]

🗳⚖️ «Նոր ուժ» կուսակցության ներկայացուցիչները դիմում են ներկայացրել Սահմանադրական դատարան, որով վիճարկվում է հունիսի 7-ի ընտրությունների արդյունքներով ընդունված որոշումը, հայտնում են ՍԴ-ից։

📣 Մենք մինչև ընտրական գործընթացը համարում էինք, որ ընդդիմությունը շատ ակտիվ կարող է համագործակցել, մյուս ուժերն էին փորձում մեզանից որոշ չափով հեռավորություն պահպանել, ասել է ՀՀ 2-րդ նախագահ Ռոբերտ Քոչարյանը՝ խոսելով Սամվել Կարապետյանի առաջարկի մասին։

🗣 «Հիմա համագործակցությունը համարում եմ` պետք է, սա մեր ընդհանուր մոտեցման շրջանակներում է գտնվում անկասկած»,- հայտարարել է նա։

🔸 Քոչարյանը նշել է, որ հնարավոր է համարում իշխանափոխությունը։

🗣 «Արդյունավետության հետ կապված օրինակ բերեմ 2017-ի Խորհրդարանական ընտրությունները․ ՀՀԿ-ն համոզիչ հաղթանակ տարավ, մոտ 9 ամիս անց՝ հեղափոխություն, իշխանափոխություն, հնարավո՞ր է դա․ հնարավոր է»,-ասել է նա։ |tert.am|

🗳 Ընտրական օրենսգրքի կարգավորումը հուշում է, որ ՀՀ ԱԺ ընտրությունների ժամանակ ընտրողների ցուցակների հրապարակված մասի ստորագրությունները և ընտրությունների ընդհանուր մասնակիցների թվերը կարող են տարբերվել։

🔸 Կրկին հիշեցնում ենք, որ զորամասերում հաշվառված և քվեարկությանը մասնակցած ընտրողների թվերը որևէ ձևաչափով հրապարակման ենթակա չէ։

🔹 Այնուհանդերձ, հարկ ենք համարում պարզաբանել, որ քվեարկված քվեաթերթիկների քանակի և ընտրողների ցուցակներում առկա ստորագրությունների թվի իբրև թե 30 հազար տարբերության մասին տարածվող տեղեկությունները թյուր են և չեն համապատասխանում իրականությանը։

[ԿԸՀ]

🎞 «Հայաստան» դաշինքի պատգամավորի թեկնածունները նույն դաշինքի համակիրների և այլ անձանց հետ ԱԺ ընտրություններին հիշյալ դաշինքի օգտին քվեարկելու, ինչպես նաև ընտրակաշառքի դիմաց նշված դաշինքի օգտին քվեարկելու պատրաստակամ անձինք հավաքագրելու պայմանով Շիրակի մարզի մի շարք բնակիչների տվել են տարբեր չափերի ընտրակաշառք։

⚖️ Դեպքի առթիվ նախաձեռնված քրեական վարույթով ձերբակալվել են մի շարք անձինք, կատարվել են խուզարկություններ և վարութային այլ գործողություններ։

[Հակակոռուպցիոն կոմիտե]

🎞 «Ուժեղ Հայաստան» կուսակցության պատգամավորի թեկնածուն նույն կուսակցության համակիրների հետ խմբի կազմում, ընտրություններին հիշյալ կուսակցության օգտին քվեարկելու պայմանով Վայոց ձորի և Շիրակի մարզերի մի շարք բնակիչների տվել են տարբեր չափերի ընտրակաշառք:

[Հակակոռուպցիոն կոմիտե]

✅ Սահմանադրական դատարանը մասնակի բավարարել է հունիսի 7-ին կայացած ընտգրություններին մասնակցած 7 կուսակցությունների դիմումը՝ տեղեկություններ և նյութեր պահանջելու վերաբերյալ։

📌 Քննվող վարույթով ՍԴ-ն ԿԸՀ-ից պահանջել է ներկայացնել ԱԺ ընտրություններին մասնակցած մի խումբ անձանց վերաբերյալ ամբողջական տվյալները, իսկ ԱԱԾ-ից՝ ՀՀ սահմանը հատած անձանց վերաբերյալ տվյալներ: |pastinfo.am|

🔗 Կարդալ ավելին

🔈 ՀՀ հակակոռուպցիոն կոմիտեն կրկին ձայնագրություն է հրապարակել։

📌 Նշվում է, որ փաստական տվյալներ են ստացվել «Բարգավաճ Հայաստան»-ի ներկայացուցչի կողմից ընտրակաշառք տալու և որպես ընտրակաշառք այլ ծառայություններ մատուցելու տարբեր դեպքերի մասին։

⚖️ Ձերբակալվել են մի շարք անձինք, կատարվել են խուզարկություններ և վարութային այլ գործողություններ։

‼️ «Բոլորին դեմ եմ» կուսակցությունն ինքնալուծարվում է «Փաստինֆո»-ին հայտնել է կուսակցության անդամ Միքայել Նահապետյանը։

🗣 «Ի սկզբանե ասել էինք, որ մեր կուսակցությունն ինքնալուծարվող է։ Հայտարարել էինք, որ մենք տարբեր մարդիկ ենք՝ տարբեր գաղափարներով, և միավորվել ենք մեկ օրակարգի շուրջ՝ փոխելու ընտրական խաղի կանոնները։ Անկախ ընտրությունների արդյունքից՝ մենք չենք պատրաստվում «բոլորին դեմ» մարդկանց ձայներն ու այդ բրենդն օգտագործել մեր քաղաքական ամբիցիաների համար»,- ասել է նա։