📣 Համոզմունք ունեմ, եթե այս ծավալի խախտումներ ու միջամտություններ տեղի չունենային, իմ քաղաքական ուժի առաջնորդը հիմա կլիներ իշխող ուժի առաջնորդ․ «Ուժեղ Հայաստան»-ի պատգամավորի թեկնածու Գոհար Մելոյան

🗣 «Համոզմունք ունեմ, որովհետև սկսած մեր ակտիվի ձերբակալություններից և կալանավորումներից, մեր գործընթացը կաթվախահար անելուց, վախի մթնոլորտ տարածելուց, ընդհուպ անգամ կաշառքների դրվագների մասին ունենք ահազանգեր, բայց քանի որ կոնկրետ փաստը ֆիքսված չունենք, շատ չենք ահազանգում»,- ասուլիսի ժամանակ ասել է Մելոյանը։

🗳 Անդրադառնալով մանդատները վերցնելու հարցին, Մելոյանն ասել է, որ սպասում են քվեների վերահաշվարկին․ «Մենք պետք է հասկանանք որքան քվե ունենք, ժողովուրդը մեզ ինչ է լիազորել, պատվիրակել, քանի որ սա առաջին հերթին պատասխանատվություն է։ Կարծում եմ որևէ մեկիդ մոտ 2–րդ կարծիք չի կարող առաջանալ, որ մեզնից որևէ մեկը այդ մանդատի կռվի համար չէր այս պայքարի մեջ մտել»,- ասել է Մելոյանը։ |civilnet.am|

📣 Ոչ մեկի համար գաղտնիք չէ, որ թե՛ նախընտրական շրջանում, թե՛ քվեարկության օրը տեղի են ունեցել զանգվածային խախտումներ, լրագրողների հետ զրույցում ասել է ՀՀ երրորդ նախագահ Սերժ Սարգսյանը։

🗣 «Եթե մենք, օրինակ, 2017 թվականին այդպիսի ընտրություններ անցկացնեինք, եվրոպացի դիտորդներն անպայման կասեին, որ քվեարկությունն ու ընտրություններն անցել են համատարած խախտումներով։ Չեմ կարծում, որ հիմա նրանք նման բան կասեն, քանի որ իրենց քաղաքական ղեկավարները նախընտրական շրջանում աջակցություն էին հայտնում այս իշխանությանը, և դա իրենց կաշկանդում է»,- նշել է Սարգսյանը։ |news.am|

❗️ Վերջին երկու օրերի վերահաշվարկների արդյունքում «Բարգավաճ Հայաստան» կուսակցության օգտին արդեն ավելացել է 140 ձայն, գրել է ԲՀԿ մամուլի խոսնակ Իվետա Տոնոյանը։

🗣 «Սա նշանակում է, որ առնվազն 140 քաղաքացու ընտրական իրավունքն իրացվում է, և նրանց քվեն արդարացիորեն արտացոլվելու է ընտրությունների վերջնարդյունքում։

🔸 Այս տվյալները վկայում են այն մասին, որ գործնականում և առողջ բանականության շրջանակներում չկա որևէ խոչընդոտ, որ խանգարի ԲՀԿ-ին լինել ԱԺ-ում»,- նշել է Տոնոյանը։

🗳 ԿԸՀ-ից հայտնում են, որ շարունակվում են վերահաշվարկի աշխատանքները։

🕑 «Վերահաշվարկի աշխատանքները, Ընտրական օրենսգրքի կարգավորումների համաձայն, պետք է դադարեցվեն հունիսի 12-ին, ժամը 14։00-ին»,- ասված է հաղորդագրությունում։

⚖️ Եվս 4 անձ ձերբակալվել է ընտրակաշառք տալու, ստանալու նոր դեպքերով:

📌 Տվյալներ են ստացվել, որ «Բարգավաճ Հայաստան» կուսակցության պատգամավորի թեկնածուն, համակիրների և այլ անձանց հետ Վայոց ձորի մարզի մի շարք բնակիչների տվել է ընտրակաշառք, ինչպես նաև հիշյալ կուսակցության համակիրները նույն մարզի մի շարք բնակիչների նյութապես շահագրգռել են, որ վերջիններս մասնակցեն Երևանում հունիսի 4-ին անցկացվող հավաքին:

[Հակակոռուպցիոն կոմիտե]

💬 Եթե Գագիկ Ծառուկյանին գործարք առաջարկեինք, այդ գործարքին ծնկաչոք ընդառաջ կգար:

🗣 Այս մասին ճեպազրույցում ասաց Նիկոլ Փաշինյանը՝ պատասխանելով հարցին, թե ընտրություններից առաջ ԲՀԿ առաջնորդին գործարքի առաջարկ եղե՞լ է:

📌 «Հայաստանում իրեն գործարք առաջարկող չի եղել, դրա համար որբի նման ընկել է աշխարհեաշխարհ, տարբեր տեղերում գործարք է փնտրել, գտել, հետո պարզվել է՝ ընդամենն իրեն հավաքագրել են, ինքը դրանից տեղյակ էլ չի: Ծառուկյանը կխնդրի, Գագիկ Ծառուկյանը ստոյկա կտա, որ իրեն գործարք առաջարկեմ»,- նշեց Փաշինյանը: |azatutyun.am|

🇹🇷🎉 Էրդողանը շնորհավորել է Նիկոլ Փաշինյանին՝ խորհրդարանական ընտրություններում ՔՊ կուսակցության հաղթանակի առթիվ:

🔸 «Իմ ժողովրդի և անձամբ իմ անունից սրտանց շնորհավորում եմ Ձեզ՝ 2026 թ. հունիսի 7-ին Հայաստանի Հանրապետությունում անցկացված խորհրդարանական ընտրություններում Ձեր ղեկավարած «Քաղաքացիական պայմանագիր» կուսակցության արձանագրած հաջողության առթիվ և հաջողություն մաղթում երրորդ անգամ կառավարություն ձևավորելու գործում:

🔸 Ես լիովին հավատացած եմ, որ տարածաշրջանում երկարատև խաղաղության և կայունության հաստատման և այդ ուղղությամբ անհրաժեշտ համագործակցության ապահովման վերաբերյալ Ձեր ռազմավարական տեսլականը հաջողությամբ ավարտին կհասցվի: Օգտվելով առիթից՝ կրկին մաղթում եմ Ձեզ առողջություն և բարեկեցություն, իսկ Հայաստանի ժողովրդին՝ բարգավաճում և երջանկություն»,- ասված է ուղերձում:

💬 ԲՀԿ խոսնակ Իվետա Տոնոյանը մեկնաբանել է Փաշինյանի հայտարարությունը Գագիկ Ծառուկյանի վերաբերյալ:

📌 «Ի՞նչն է պետք հերքել. ստոյկա տալու վերաբերյալ արտահայտությո՞ւնը, իշխանության հետ գործարքի գնալու մասին խոսակցությո՞ւնը, որը ինչ-որ մեկը շրջանառության մեջ էր նախօրեին դրել ու ես արդեն հերքել եմ, բայց ասօր արդեն հասել է վարչապետի բրիֆինգի ժամանակ քննարկմանը։

📌 ԲՀԿ նախագահ Գագիկ Ծառուկյանի արտաքին աշխարհի հետ ունեցած կապե՞րը, որոնց մասին ամբողջ աշխարհն է տեղյակ։ Այո՛, մենք ունենք միջազգային լայն և բաց համագործակցություն, և երբևէ չենք թաքցրել դա։

🤝 ՌԴ «Եդինայա Ռոսիա» կուսակցության հետ մեր գործընկերային հարաբերությունները, պաշտոնական հանդիպումները և փոխադարձ այցերը բազմիցս հրապարակայնորեն ներկայացվել են։ ԲՀԿ-ն հանդիսանում է Եվրոպայի պահպանողականների և ռեֆորմիստների ընտանիքի անդամ՝ իրականացնելով տարբեր ծրագրեր և փոխադարձ այցեր։ Շատ լավ հարաբերություններ ունենք արաբական աշխարհի մի շարք քաղաքական, հասարակական և գործարար շրջանակների հետ, ինչի մասին տեղյակ են բոլորը։ ԱՄՆ տարբեր ազդեցիկ շրջանակների հետ ունենք գործընկերային կապեր և համագործակցության ծրագրեր, որոնց մասին ևս հրապարակային խոսել ենք»,- գրել է նա:

🇵🇰🎉 Պակիստանի վարչապետ Մուհամմադ Շեհբազ Շարիֆը շնորհավորական ուղերձ է հղել Նիկոլ Փաշինյանին:

🔸 «Ձեր վերընտրությունն արտացոլում է ՀՀ ժողովրդի հավատն ու վստահությունը Ձեր առաջնորդության և խաղաղ ու առաջադեմ ազգի տեսլականի նկատմամբ։

🔸 Ակնկալում եմ Ձերդ Գերազանցության հետ համագործակցելուն՝ Պակիստան-Հայաստան հարաբերություններն ամրապնդելու համար, և ցանկանում եմ ընդգծել, որ Պակիստանը մեծ նշանակություն է տալիս խաղաղությանը և կառուցողական համագործակցությանն Ադրբեջանի և Հայաստանի միջև։ Մենք հույս ունենք, որ Ձեր նոր պաշտոնավարումը կնպաստի Հարավային Կովկասում խաղաղության, կայունության, տնտեսական զարգացման առաջխաղացմանը»,- ասված է ուղերձում։

👨‍⚖️ Նախընտրական շրջանում բազմաթիվ անձանց նյութապես շահագրգռելու և առանձնապես խոշոր չափերով փողերի լվացման վերաբերյալ քրեական վարույթի շրջանակներում «Ուժեղ Հայաստան» դաշինքի պատգամավորի թեկնածուներ Հայկ Ավագյանի և Արթուր Աբրահամյանի նկատմամբ որպես խափանման միջոց է ընտրվել կալանքը, նրանց նկատմամբ հայտարարվել է հետախուզում։

🗣 Տեղեկությունը Factor․am-ի հետ զրույցում հաստատել են Քննչական կոմիտեից։

🗳❌ «Ուժեղ Հայաստանը» վաղը դիմելու է ԿԸՀ, որ հանձնաժողովը չեղյալ հայտարարի ընտրությունների արդյունքները և վերանայի ՔՊ-ի ձայները: Եթե արագ պատասխան չլինի, կդիմեն Սահմանադրական դատարան:

🗣 Այս մասին հայտնել է դաշինքի ցուցակի առաջին համար Նարեկ Կարապետյանը:

💬 «Դուք ինքներդ տեսաք՝ տասնյակ և հարյուրավոր ընտրատեղամասերում ՔՊ-ի ստացած ձայների շեշտակի անկում է նկատվել, թե ինչպես են զինվորներին ուղղորդած տանում ընտրությունների, թե ինչպես են պետական կառավարման մարմինների աշխպատակիցների ուղղորդում, որ քվեարկեն ՔՊ-ի օգտին»,- նշել է նա:

📣 «Ռուսաստանի անամոթ ջանքերը՝ հայ ընտրողներին հարկադրելու բացահայտ սպառնալիքների և տնտեսական վնաս պատճառող առևտրային սահմանափակումների միջոցով, ինչպես նաև նրանց մոլորեցնելու մանիպուլյատիվ բովանդակության միջոցով, մեծ մասամբ ձախողվել են»:

📑 Այս մասին ՀՀ-ում կայացած ընտրությունների վերաբերյալ հայտարարության մեջ նշել են Եվրախորհրդարանի մի խումբ պատգամավորներ:

🤝 Եվրախորհրդարանի պատգամավորները խրախուսում են հետագա և ուժեղացված միջոցառումները՝ Հայաստանի դիմակայունությունն ամրապնդելու համար, մասնավորապես, աջակցելու Հայաստանի տնտեսական դիվերսիֆիկացիային և խթանելու ԵՄ-ՀՀ առևտուրը, օրինակ՝ ԵՄ ինքնավար առևտրային միջոցառումների ընդունման միջոցով։ «Մենք նաև ընդունում ենք վիզաների ազատականացման ուղղությամբ արագ առաջընթացի ու ԵՄ նոր գործընկերության առաքելության արագ տեղակայման անհրաժեշտությունը»: |factor.am|

📄 Անվավեր են ճանաչվել 10/51 ընտրատեղամասի քվեարկության արդյունքները, հունիսի 11-ին կայացած արտահերթ նիստում հայտարարել է ԿԸՀ նախագահ Վահագն Հովակիմյանը։

📌 Նա նշել է, որ Երևանի Նուբարաշեն թաղամասի այս ընտրատեղամասում խախտումներ են արձանագրվել։

Նյութերն ուղարկվել են Գլխավոր դատախազություն։

❗️Անվավեր են ճանաչվել նաեւ Սյունիքի 35/65 ընտրատեղամասի քվեարկության արդյունքները, որտեղ դարձյալ տեղամասի փակվելուց հետո արձանագրվել էր զինվորականների քվեարկության դեպք։

Նյութերն ուղարկվել են Գլխավոր դատախազություն։

💬 ԲՀԿ խոսնակը «ԲՀԿ-ին ուղղված հարված» է անվանել ԿԸՀ-ի կողմից երկու ընտրատեղամասերում քվեարկության արդյունքները անվավեր ճանաչելը: Նրա խոսքով՝ նպատակը բոլոր հնարավոր միջոցներով ԲՀԿ-ին ԱԺ մտնել թույլ չտալն է։

🗣 «Ակնհայտ է, որ անվավեր են ճանաչվել հատկապես այն տեղամասերի արդյունքները, որտեղ ԲՀԿ-ն ստացել է մեծ թվով քվեներ։ (...) Մենք բոլոր հնարավոր օրինական և իրավական միջոցներով պայքարելու ենք այս հակաօրինական գործընթացի դեմ։ Բողոքարկելու ենք այս ապօրինի որոշումը և օգտագործելու ենք ամբողջ իրավական գործիքակազմը՝ կանխելու և կասեցնելու այսպիսի կամայականությունները»,- հայտնել է Իվետա Տոնոյանը:

💬 Իսկ «Ուժեղ Հայաստանի» նախընտրական ցուցակը գլխավորող Նարեկ Կարապետյանը հայտարարում է՝ եթե ԿԸՀ-ն ու իշխանությունները կրկնաընտրություն չնշանակեն 2 ընտրատեղամասերում, հատելու են ժողովրդավարության բոլոր կարմիր գծերը:

💬 Հնարավոր վերաքվեարկության վերաբերյալ որոշումները ԿԸՀ-ն կայացնում է ընտրության արդյունքների ամփոփման նիստին, որը տեղի է ունենալու կիրակի՝ հունիսի 14–ին:

🗣 Այս մասին news.am-ին հայտնել են ԿԸՀ-ից՝ անդրադառնալով հարցին, թե արդյոք երկու ընտրատեղամասերում, որտեղ ԿԸՀ–ն անվավեր է ճանաչել քվեարկության արդյունքները, տեղի են ունենալու վերաքվեարկություններ։

‼️ «Ուժեղ Հայաստան» դաշինքը ԱԺ ընտրություններն անվավեր ճանաչելու դիմում ներկայացրեց ԿԸՀ:

💬 Դաշինքից պատգամավորի թեկնածու Արամ Վարդևանյանը լրագրողներին հայտնեց, որ դիմումով ներկայացրել են ընտրություններից առաջ և ընտրության օրն արձանագրված ընտրախախտումների մասին։

🗣 «Դիմումը քննվելու է առաջիկա կիրակի օրը՝ ընտրությունների վերջնարդյունքների ամփոփման օրը»,- ասաց Վարդևանյանը։ |civilnet.am|

ԲՀԿ-ն կոնսուլտացիաներ է սկսում քաղաքական ուժերի հետ՝ միասնական օրակարգի և քայլերի մշակման համար. Գագիկ Ծառուկյան

🔸 «Երբ այլևս որևէ կասկած չկար, որ ԲՀԿ-ն խորհրդարանում է, իշխանությունը որոշեց գնալ բացահայտ ջարդարարության. ուշ երեկոյան գաղտագողի անցկացվեց ԿԸՀ նիստ, որտեղ չեղարկվեցին երկու տեղամասերում անցկացված ընտրությունները՝ առանց վերաքվեարկություն նշանակելու, ինչպես պահանջում է Ընտրական Օրենսգիրքը։

🔸 Ակնհայտ է, որ ընտրությունները չեղարկվել են հենց այն տեղամասերում, որտեղ ԲՀԿ-ն շատ քվե է ստացել։ Միաժամանակ, չեն չեղարկվել այն տեղամասերի արդյունքները, որտեղ ԲՀԿ ձայների զրոյացումը չէր կարող ազդել ընտրությունների ելքի վրա։

🔸 ԲՀԿ-ն սկսում է քայլերի շարք, որը միտված է պաշտպանելու արդարությունը և ընտրողի շահերը, և դիմակայելու իշխանության անօրինականություններին։ Մեր իրավաբանական թիմերն աշխատում են բոլոր հնարավոր բողոքարկումների և դատական պրոցեսների ուղղությամբ»,- հայտարարում է ԲՀԿ առաջնորդը:

⚖️ Բացահայտվել են ընտրակաշառք տալու և ստանալու հերթական դեպքերը․ Հակակոռուպցիոն կոմիտե

📌 ««Բարգավաճ Հայաստանի» Վանաձորի տարածքային շտաբի ներկայացուցիչը և նույն կուսակցության անունից հանդես եկող անձը կուսակցության օգտին քվեարկելու, ինչպես նաև ընտրակաշառքի դիմաց հիշյալ կուսակցությանն ընտրելու պատրաստակամ անձանց հավաքագրելու պայմանով մի շարք ընտրողների տվել է ընտրակաշառք:

🔸 Ձերբակալվել են մի շարք անձինք, կատարվել են խուզարկություններ և վարութային այլ գործողություններ»։

📣 «Եթե գտնենք, որ խորհրդարանով ավելի արագ կհեռացնենք Փաշինյանին, ուրեմն կգնանք ԱԺ». Սամվել Կարապետյան

🗣 Ընտրություններն ամբողջությամբ տապալված են, հայտարարեց «Ուժեղ Հայաստանի» առաջնորդը․ «Հա՛մ կեղծված են, հա՛մ տեռորի տակ ընտրություններ չեն անցկացնում: Բոլոր մեր շրջանային համակարգողները կալանավորված են, 780 մարդ ձերբակալվել է: Փաշինյանը չի հաղթել, մենք էլ չենք հաղթել ընտրությունները», - ասաց նա:

📌 Սամվել Կարապետյանը հայտնեց, որ դիմել են ԿԸՀ, դիմելու են նաև Սահմանադրական դատարան երկու պահանջով՝ չեղարկել ընտրությունները և նշանակել երկրորդ փուլ․ «Եթե ինքը վստահ է իր վրա, որ հաղթել է, ճիշտ կլինի 2-րդ փուլով որոշենք՝ հաղթել են, թե չէ», - ասաց «Ուժեղ Հայաստանի» ղեկավարը: |azatutyun.am|

🪧 ԿԸՀ շենքի դիմաց բողոքի ակցիա են իրականացնում «Բարգավաճ Հայաստան» կուսակցության անդամները։ Նրանք պահանջում են, որ վերաքվեարկություն լինի երկու ընտրատեղամասերում, որոնց արդյունքները անվավեր են ճանաչվել։

📣 ԲՀԿ ցուցակում ընդգրկված Սուրեն Սուրենյանցը լրագրողների հետ զրույցում նշեց. «Նախ, ընտրական վերաբերմունք են դրսևորել, որ ԲՀԿ-ին ֆիլտրեն, չթողնեն անցնի խորհրդարան։ Մենք ասում ենք՝ լավ, անվավեր եք ճանաչել, ինչո՞ւ կրկնակի քվեարկություն չեք նշանակել։ Կամ այս որոշումը ամսի 14-ին պետք է կայացվեր ու միանգամից կրկնակի քվեարկություն նշանակվեր, կամ սենց գիշերային խորհրդավոր որոշում չպետք է կայացվեր։ Իրենք ամեն ինչ անում են ԲՀԿ-ին ֆիլտրելու համար, ցանկացած մեթոդի գնում են։ Ընթացակարգի խախտումը մեզ մոտ լեգիտիմ կասկած է առաջացնում, որ նպատակն ազնիվ չէ»,–ասաց նա։ |news.am|