‼️ Բացահայտվել և չեզոքացվել է շուրջ 45 ընտրողի ընդհանուր 7,5 մլն ՀՀ դրամի չափով ընտրակաշառք տալու հանցավոր սխեմա. ձերբակալվել է 7 անձ:

[Հակակոռուպցիոն կոմիտե]

🤔 Ցանկանու՞մ ես իմանալ, թե քո համայնքի որ ընտրատեղամասերում է մասնակցությունը միջինից էականորեն բարձր կամ ցածր։ Դա կարող ես անել liveelections.infocom.am -ում։

🔻 Նոյեմբերյան համայնքի օրինակով առանձնացրել ենք այն ընտրատեղամասերը, որտեղ մասնակցության ցուցանիշը էականորեն տարբերվում է համայնքային ընդհանուր միտումներից։

🔸 Մեծավանի ընտրատեղամասերից մեկում 35-ամյա մի քաղաքացի, որը գտնվել է ակնհայտ ոչ սթափ վիճակում, դրսևորել է անհամարժեք վարք։

ℹ️ Հանձնաժողովի նախագահի կողմից ոստիկաններին դիմելուց հետո անձն ընտրատեղամասից դուրս է հրավիրվել։ Ավելի ուշ՝ ժամը 16։45-ի սահմաններում, նույն անձը վերադարձել և փորձել է ներս մտնել։ Ոստիկանները նրան թույլ չեն տվել․ տղամարդը հայհոյանքներ է հնչեցրել քաղաքացիների և ոստիկանների հասցեին, միջամտել է ոստիկանների օրինական ծառայողական գործունեությանը։

⚖️ Խուլիգանության և պաշտոնատար անձի օրինական ծառայողական գործունեությանը միջամտելու հատկանիշներով կազմված փաստաթղթերն ուղարկվել են Քննչական կոմիտե։

[ՆԳՆ]

‼️ Ամեն ինչ անելու ենք, որ մեր երկրում որևէ ցնցում տեղի չունենա, ընդդիմության հաղթանակի դեպքում տեղի ունենա սահուն իշխանափոխություն։

🔸 Եթե իշխանությունը կփորձի գողանալ հաղթանակը, կեղծել ընտրությունների արդյունքները (մենք մի քանի սցենար պատկերացնում ենք, ինքը դժվար է հաշվի նստելու ժողովրդի որոշման հետ), մենք դա թույլ չենք տալու և պաշտպանելու ենք մեր ստացած քվեն և ժողովրդի կամարտահայտությանը տեր ենք կանգնելու։

🗣 Այս մասին ասուլիսի ժամանակ ասաց «Հայաստան» դաշինքից պատգամավորի թեկնածու Իշխան Սաղաթելյանը՝ անդրադառնալով ընդդիմության հաղթանակի դեպքում հետընտրական հնարավոր զարգացումներին։

🔍 «Անկախ դիտորդն» այցելել է 1830 տեղամաս, ինչը կազմում է տեղամասերի ընդհանուր թվի գրեթե 92%-ը։ Խախտումներ արձանագրվել են շուրջ 800 տեղամասում կամ դիտարկված տեղամասերի 44%-ում։

📊 Խախտումների պատկերը․ դիտարկված տեղամասերի 7%-ում՝ ընթացակարգային, 6%-ում՝ գաղտնիության հետ կապված, 6%-ում՝ գաղտնիության խախտման չհասցրած, բայց դրա ռիսկը ստեղծող, բանավեճ կամ լարված մթնոլորտ՝ 3%-ում, և քարոզչության դրսևորումներ՝ 3%-ում։

👤 Խախտումների հեղինակների պատկերը․ մոտ 7․5%-ը՝ տեղամասային ընտրական հանձնաժողովներ, մոտ 1%-ը՝ ոստիկանության ծառայողներ, մոտ 7․8%-ը՝վստահված անձինք, և մոտ 9․5%-ը՝ ընտրողներ։

🔻 Այն դեպքերում, երբ որ հնարավոր է լինում իդենտիֆիկացնել խախտման հեղինակի կուսակցական պատկանելիությունը, [պատկերը] հետևյալն է․ 39%՝ «Ուժեղ Հայաստանը», 29%՝ ՔՊ, 9%՝ «Հայաստան» դաշինք, և մոտ 8%՝ ԲՀԿ։

🔁 ԲՀԿ մամուլի խոսնակ Իվետա Տոնոյանը ահազանգել է ընտրողների՝ ՆԳՆ և ԿԸՀ հրապարակած թվերի միջև առկա տարբերության մասին։

📌 Ըստ նրա՝ հունիսի 6-ին ՆԳՆ-ն հայտնել է՝ ՀՀ-ում ընտրողների ընդհանուր թիվը 2 մլն 485 հազար 851 է, մինչդեռ ԿԸՀ-ի հրապարակած ընտրողների ռեգիստրում ընդգրկված ընտրողների թիվը 2 մլն 503 հազար 996 է։

ℹ️ Ընտրողների թվերի տարբերությունը պայմանավորված է Ընտրական օրենսգրքով սահմանված կարգավորումներով։ ՆԳՆ-ի հրապարակած բաց ընտրողների ռեգիստրում ներառված չեն ընտրողների մի շարք խմբեր, որոնք հաշվառվում են առանձին ընթացակարգերով և հետագայում ավելացվում վերջնական ընտրացուցակներում։ |civilnet.am|

🔻 «Ուժեղ Հայաստան»-ի վստահված անձ Ա.Հ.-ն մի խումբ անձանց ուղղորդել է ընտրել տվյալ համարի ներքո հանդես եկող կուսակցությանը:

🔻 Նա ձերբակալվել է: Նախաձեռնվել է քրեական վարույթ՝ Քրեական օրենսգրքի 210-րդ հոդվածի 1-ին մասով (ընտրական իրավունքի իրականացումը, ընտրությանը մասնակցող անձանց իրավունքների կամ պարտականությունների իրականացումը խոչընդոտելը):

[ՀՀ քննչական կոմիտե]

‼️ 12/13 ընտրատեղամասում տեղի է ունեցել «Անկախ դիտորդ»-ի արձանագրած ամենամեծ խնդիրներից մեկը՝ «Ազգային-ժողովրդավարական բևեռի» քվեաթերթիկների բացակայության հարցը․ Իոաննիսյան

🗣 «Մինչև առնվազն ժամը վեցը՝ համարյա մինչև քվեարկության ավարտը, այդ կուսակցության քվեաթերթիկներ չեն եղել։ Հանձնաժողովի նախագահը պնդում է, որ ինքը ընտրատարածքայինի ղեկավարին հայտնել է այդ խնդրի մասին, դեռ գիշերն է հայտնել, և միջոցներ չեն ձեռնարկվել։

‼️ Սա այս տեղամասում քվեարկության ամբողջ պրոցեսը հարցականի տակ դնող հանգամանք է»- նշեց դաշինքի համակարգող Դանիել Իոաննիսյանը։

🔻 Աջափնյակի 6/27 ընտրատեղամասում հանձնաժողովի նախագահը կոնֆլիկտ հրահրելու տրամադրվածություն է նկատել ոմանց մոտ։

🗣 Հանձնաժողովի նախագահը լսել է, որ դրսում կուտակումներ կան, սակայն, նրա խոսքով, դրանք հեռու են եղել տեղամասից, և ինքն անձամբ չէր կարող դա տեսնել։ Ավելի վաղ «Փաստինֆոն» գրել էր, որ այս տեղամասում, ըստ ահազանգի, թաղային հեղինակությունները փակել են  ընտրատեղամասի մուտքը եւ ահաբեկում են  քաղաքացիներին։

🔻 ժամը 19:00-ի դրությամբ այս տեղամասում ընտրելու իրավունք ունեցող 1766 ընտրողից քվեարկել է 1021-ը։ Հազարերորդ ընտրողին տեղամասում ծափերով ողջունեցին։

📄 Այստեղ, սակայն, քվեախցիկների դիրքն այնքան էլ հարմար չէ․ որոշ աթոռներ ավելի հետ են, քան քվեախցիկները, ինչի արդյունքում քվեախցիկում գտնվող ընտրողի վերցրած թերթիկը կարող է տեսանելի լինել։

🔻 Տեղամասում որոշ մարդիկ շրջում են առանց տեսանելի վկայականի։ «Հայաստան» դաշինքի վստահված անձանցից մեկը նույնիսկ հանձնաժողովի նախագահի ցուցումից հետո շարունակում էր շրջել առանց բեյջի։ Այժմ նա տեղամասում չէ, դուրս է եկել՝ առանց ելքի ժամը գրանցելու։

🕗 Ժամը 20:00 է. ընտրական բոլոր տեղամասերը փակվում են ընտրողների առաջ։

🗳 Նրանք, ովքեր տեղամասում են, բայց չեն հասցրել ընտրել, կունենան քվեարկելու հնարավորություն։

📃 Ընտրական տեղամասում հանձնաժողովը կազմակերպչական աշխատանքներից հետո սկսելու է քվեների հաշվարկը։

💬 Պատմական բարձր մասնակցությունը ցույց է տալիս մեզ, որ Փաշինյանը պարտվում է՝ հայտարարել է «Ուժեղ Հայաստանի» ցուցակի առաջին համար Նարեկ Կարապետյանը քվեարկության ավարտից հետո հրապարակված տեսաուղերձում։

🗣 «Բայց բացարձակ հաղթանակ տանելու համար մեզ անհրաժեշտ է, որ հանձնաժողովի բոլոր անդամները, մեր վստահված անձինք ուշադիր հետևեն հաշվարկներին, բացառեն կեղծարարությունը։ Մեր հաղթանակը շատ մոտ է»,- նույն տեսաուղերձում ասել է դաշինքի վարչապետի թեկնածու Սամվել Կարապետյանը։

💡 Բոլոր ընտրատեղամասերը ապահովված են անխափան էլեկտրամատակարարմամբ՝ վստահեցնում է ՀԷՑ ժամանակավոր կառավարիչ Ռոմանոս Պետրոսյանը։

🗣 «Առաջիկա ժամերին հնարավոր հոսանքազրկումների դեպքում ՀԷՑ-ի՝ հերթապահության մեջ գտնվող շուրջ 2000 աշխատակիցներից բաղկացած խմբերը ամենասեղմ ժամկետներում օպերատիվորեն կվերացնեն անջատման հետևանքները և կվերականգնեն էլեկտրամատակարարումը բոլոր հասցեներում։

📌 Ավելի վաղ ԶԼՄ-ներն էին գրել 7 ընտրատեղամասում հոսանքազրկումների մասին։ Պետրոսյանը վստահեցրել է, որ նշված տեղամասերում էլեկտրամատակարարումը վաղուց վերականգնված է։

‼️ Ավշարի 13/29 տեղամասում վիճաբանություն է եղել:

🔸 «Ուժեղ Հայաստան» կուսակցության շտաբից են ահազանգում` ՔՊ վստահված անձը հարձակվել է «Ուժեղ Հայաստանի» վստահված անձի վրա:

🔸 Թե ինչից է սկսվել վիճաբանությունը, մանրամասներ դեռ չեն հայտնում: ՔՊ-ից այս տեսանյութին դեռ չեն արձագանքել: |azatutyun.am|

📣 «Ուժեղ Հայաստան» դաշինքից ահազանգում են՝ քվեարկության ավարտից 2 րոպե առաջ զինվորականներին բերել են քվեարկելու Նուբարաշենի 10/51 ընտրատեղամասում։

🔸 ԲՀԿ խոսնակ Իվետա Տոնոյանն էլ հայտնել է՝ ժամը 20։25 Սյունիքի 35/65 տեղամասում քվեարկությունը դեռ չի ավարտվել. «Զինվորներին վերջին պահին զանգվածաբար բերել են քվեարկության»։

📸 Էկրանակադրը՝ ԿԸՀ պաշտոնական կայքում 10/51 տեղամասից ուղիղ հեռարձակումից

‼️ ՀԱԿ-ը պահանջում է «անհապաղ դադարեցնել Հանրային հեռուստատեսությամբ և ցանկացած այլ հարթակով քաղաքացիների դեմ ուղղված հոգեբանական տեռորն ու ապօրինի քարոզչությունը»։

🔻 «ՔՊ-ական պաշտոնյաների հակաօրինական, սպառնալից տեսաուղերձները հանցավոր համագործակցությամբ հեռարձակվում են Հանրային հեռուստատեսությամբ։ Ողջ պետական քարոզչամեքենան լծվել է այդ հակապետական գործին։

🔻 Իրավական համակարգի կատարյալ դեգրադացիայի մասին է վկայում այն, որ ՔԿ-ն, փոխանակ քրեաիրավական գնահատականի արժանացնելու օրինախախտ պաշտոնյաներին, նրանց ցուցումով հայտարարում է «ստուգումներն ավելացնելու» մասին։ Փաստորեն, պետական իրավապահ մարմինները վերածվել են քաղաքական պատժիչ մահակի՝ ընտրական գործընթացը տապալելու համար։ Սա ոտնձգություն է ժողովրդի իշխանության դեմ»,- ասվում է հայտարարության մեջ։

🎞 Հակակոռուպցիոն կոմիտեն ձայնագրություններ ներառող նոր տեսանյութ է հրապարակել՝ նշելով, որ փաստական տվյալներ են ստացվել, որ «Ուժեղ Հայաստանի» համակիրները ռուսաստանաբնակ ամուսիններ հանդիսացող ՀՀ 2 քաղաքացու խոստացել են հունիսի 8-ին ընտրվելուց հետո լուծել թմրամիջոց պահելու համար ՌԴ-ում դատապարտվող վերջիններիս որդիներին ազատ արձակելու և ՀՀ տեղափոխելու հարցը՝ դաշինքի օգտին քվեարկելու նպատակով։

📈 ՀՀ ԱԺ ընտրություններին ժամը 20։00-ի դրությամբ մասնակցությունը կազմել է 58.97 %։

📄 Նկարում մասնակցության համեմատությունը 2018 և 2021 թվականների ԱԺ ընտրությունների հետ։

🗳 2018 թվականին նույն ժամի դրությամբ մասնակցությունը եղել է՝ 48.6%, իսկ 2021-ին՝ 49․4%:

🔗 Քվեարկության ընթացքի ուղիղ ռեժիմով թարմացվող տվյալներին հետևեք՝ liveelections.infocom.am -ում։

⚖️ Ժամը 20:00-ի դրությամբ ընտրությունների կապակցությամբ առաջին ատյանի դատարաններ է մուտքագրվել ընդհանուր 80 գործ։

📌 Վարչական դատարան է մուտքագրվել 44 դատական գործ:

[Դատական դեպարտամենտ]

⚖️ Ընտրական գործընթացի մեկնարկից ի վեր ստացվել է ընտրական գործընթացին խոչընդոտող առերևույթ հանցանքների վերաբերյալ 425 հաղորդում, որոնցից 186-ով նախաձեռնվել է քրեական վարույթ:

🔸 300 անձի նկատմամբ հարուցվել է հանրային քրեական հետապնդում: 14 քրեական վարույթ՝ 42 անձի վերաբերյալ, հաստատված մեղադրական եզրակացությամբ, հանձնվել է իրավասու դատարան:

‼️ Պատգամավորի 13 թեկնածուների վերաբերյալ ԿԸՀ է ներկայացվել քրեական հետապնդում հարուցելու և ազատությունից զրկելու համաձայնություն ստանալու վերաբերյալ միջնորդություններ, որոնցից 12-ի վերաբերյալ միջնորդությունները բավարարվել են, 1 անձի վերաբերյալ միջնորդությունը կքննարկվի առաջիկայում:

[ՀՀ գլխավոր դատախազություն]

💡⚖️ ՀԷՑ-ը դատական քայլեր կձեռնարկի ընտրական հաշվարկի ընթացքում որոշ լրատվամիջոցների կողմից հնարավոր կեղծ տեղեկությունների տարածման դեպքում։

🗣 «Հավաքագրված և փաստաթղթավորված տվյալների հիման վրա հայց կներկայացվի առաջին ատյանի ընդհանուր իրավասության դատարան, և դրանք կներկայացվեն նաև ՀԾԿՀ-ին»,- գրել է ՀԷՑ ժամանակավոր կառավարիչ Ռոմանոս Պետրոսյանը։