❗ ԱԱԾ-ն այսօր առավոտյան 7-ին մտել է «Մայր Հայաստան» կուսակցության գրասենյակ, հայտնում է «Հայաստան» դաշինքից նախկին պատգամավոր, կուսակցության վարչության անդամ Արեգնազ Մանուկյանը։

🔸 Նա ԱԱԾ-ի ներս մտնելու ժամանակ ուղիղ եթեր է արել՝ պահանջելով ցույց տալ քննչական գործողություններ կատարելու օրինականությունը հավաստող փաստաթուղթը, մինչդեռ իրավապահներից մեկը փորձել է հեռախոսը խլելով դադարեցնել տեսագրությունը, ինչը չի հաջողվել։

📌 Փաստաբանի ժամանելուց հետո սկսվել են քննչական գործողություններ, այդ ժամանակ ուղիղ եթերն ավարտվել է։ Նշենք, որ գրասենյակում է եղել նաեւ Անդրանիկ Թևանյանը։

🔍 Այս պահին Հակակոռուպցիոն կոմիտեի աշխատակիցները խուզարկում են ԲՀԿ ցուցակով պատգամավորի թեկնածու Մարտուն Գրիգորյանի առանձնատունը, մեքենան և մի քանի գրասենյակ:

🗣 24News-ի հետ զրույցում տեղեկությունը հաստատել է Մարտուն Գրիգորյանը:

📌 Ըստ նրա՝ իրավապահները փնտրում են համակարգիչներ, էլեկտրոնային կրիչներ, որոնք, ըստ խուզարկողների, կարող են կապված լինեն նախընտրական բարեգործական արգելքը խախտելու հետ: Գրիգորյանը նաև ասել է, որ տեղյակ չէ, թե արդյոք իր թիմակիցների շրջանում կան ձերբակալվածներ, բայց խուզարկությունները մի քանի տեղ են ընթանում:

🛢 «Բոլորին դեմ եմ» կուսակցությունը Ազատության հրապարակից մեկնարկել է «բոչկա գլորելու» քաղաքական ակցիան. բոչկաների վրա փակցված են ընտրություններին մասնակից ուժերի լոգոները:

📣 Կուսակցությունից նշում են, որ քարոզարշավի ընթացքում մնացած բոլոր ուժերը «զբաղված են իրար վրա բոչկա գլորելով», և իրենք սրանով ցույց են տալիս, որ «Հայաստանում կա երեք միլիոն վարչապետ, և նրանք բոլորը նույնքան լավ են բոչկա գլորում, որքան գործող ու հավակնող վարչապետերը»:

🚧 «Բոչկաները գլորելու են» Մաշտոցի պողոտա - Ամիրյան փողոց - Հանրապետության Հրապարակ երթուղով. նրանց ուղեկցում են ոստիկանները:

💬 ԿԸՀ-ն իրավապահներից պատգամավորի թեկնածու Անդրանիկ Թևանյանի նկատմամբ հետապնդում հարուցելու համար համաձայնություն ստանալու միջնորդություն չի ստացել՝ «Ազատությանը» հայտնել է ԿԸՀ-ի խոսնակը։

📌 Պատգամավորի թեկնածուն նախընտրական շրջանում ունի անձեռնմխելիություն։ Նրա նկատմամբ հետապնդում հարուցելու համաձայնություն տալիս է հանձնաժողովը։ |azatutyun.am|

‼️ Անդրանիկ Թևանյանի նկատմամբ քրեական հետապնդում հարուցելու համաձայնություն ստանալու վերաբերյալ դատախազը միջնորդություն է ներկայացրել:

📣 «2026թ. հունիսին նշանակված ՀՀ Ազգային Ժողովի ընտրությունների «Բարգավաճ Հայաստան» կուսակցության պատգամավորի թեկնածու Անդրանիկ Նորիկի Թևանյանի նկատմամբ քրեական հետապնդում հարուցելու համաձայնություն ստանալու վերաբերյալ 2026թ, մայիսի 22-ին դատախազը միջնորդություն է ներկայացրել ՀՀ կենտրոնական ընտրական հանձնաժողով»,- հայտնել են դատախազությունից։ |arm.sputniknews.ru|

‼️ ԱԱԾ քննչական գործողությունները շարունակվում են Անդրանիկ Թևանյանի բնակարանում։ «Մայր Հայաստան» կուսակցության գրասենյակում դրանք ավարտվել են:

‼️ Իրավապահները Անդրանիկ Թևանյանից շուտ են հասել իր տուն և սկսել խուզարկությունը այն դեպքում, երբ տան անդամներից որևէ մեկը տանը չէր:

🔸 Հակակոռուպցիոն կոմիտեի քննիչներից մեկը գրասենյակի բակում մոտեցավ Թևանյանին և առաջարկեց իրենց հետ գնալ, փաստաբան Զարուհի Փոստանջյանը հորդորեց Թևանյանին չնստել իրավապահների մեքենան, քանի որ ազատությունից զրկված չէ ու որևէ կարգավիճակ չունի։ ԱԱԾ ծառայողն էլ պարբերաբար հորդորում էր նստել մեքենան, սակայն Թևանյանն այդպես էլ չնստեց, ու բանակցություններից հետո ոտքով շարժվեցին դեպի իր բնակարան։

🔸 Երբ տեղ հասան, պարզվեց, որ դիմակավորված իրավապահներն արդեն ներսում են, այն դեպքում, երբ տան անդամներից որևէ մեկը չկար։ Ծանուցագիր նույնպես իրավապահները չեն ներկայացրել Թևանյանի բնակարան մուտք գործելու և խուզարկություն անելու համար։ Բացի իրավապահներից՝ բնակարան կարողացավ ներս մտնել միայն փաստաբան Զարուհի Փոստանջյանը։ |arm.sputniknews.ru|

‼️ Հացադուլ հայտարարած Արթուր Օսիպյանը այս պահին հացադուլավորների համար նախատեսված խցում չէ։

🗣 Այս մասին Factor.am-ի հարցմանն ի պատասխան հայտնել է ՔԿԾ լրատվության և հասարակայնության վարչության պետ Նոնա Նավիկյանը՝ տեղեկացնելով, որ Օսիպյանը ՔԿՀ տեղափոխվելուց հետո, ըստ ընթացակարգի, հացադուլ հայտարարելու մասին դիմում չի գրել:

💬 Պաշտպան Ռոման Երիցյանը հայտնել է, որ ինչպես ՁՊՎ-ում, այնպես էլ դատարանում Օսիպյանը հացադուլ էր հայտարարել և մտադրություն չուներ դադարեցնելու, միևնույն ժամանակ նշել է՝ դեռ տեղեկություն չունի, թե ինչու դիմում չի գրել․ «Գուցե ընթացակարգին ծանոթ չէ»։ |factor.am|

🎞 «Ուժեղ Հայաստան»-ի օգտին քվեարկելու պայմանով կուսակցության համակիրը Շիրակի մարզի Անի համայնքի պատասխանատուի և այլ անձանց հետ մի շարք ընտրողների տվել է 70-200․000 ՀՀ դրամի չափով ընտրակաշառք. Հակակոռուպցիոն կոմիտե

📌 «Խմբի անդամներն իրենց հանցավոր գործունեությանն օրինական տեսք հաղորդելու նպատակով ընտրակաշառք ստացող անձանց փաստաթղթավորել են որպես նախընտրական ակտիվիստներ, կամավորներ և տարածքային պատասխանատուներ՝ նրանց վճարելով ոչ թե փաստացի կատարված աշխատանքի, այլ ընտրություններին նախապես պայմանավորված ձևով քվեարկելու խոստման դիմաց։

📌 Նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ»,- ասվում է Կոմիտեի հաղորդագրությունում:

📣 «Ուժեղ Հայաստան» կուսակցության առաջնորդ Սամվել Կարապետյանն այսօր հայտարարեց՝ իրենց համար խաղաղության բանաձեւը ուժեղ դիվանագիտությունն է, հարաբերությունների վերականգնումը դաշնակից երկրների հետ, մյուս գերտերությունների հետ հարաբերությունների ուժեղացումը։

🗣 «Մենք ուրիշ ձեւ չունենք, նորից եմ ասում՝ փոքր երկիր ենք, պետք է ունենանք վստահելի հարաբերություններ։ Սրանք այս խարդավանքներով ամեն օր թռնում են մի կողմ, մյուս կողմ, մեկ նպատակի համար, որ իշխանությունը պահեն եւ Ալիեւի նարատիվները մտցնեն Հայաստան։ Սա փորձանք է բերելու մեր երկրի գլխին»։

🔸 Նա նշեց, որ առանց երաշխավորների խաղաղություն չի լինի․ «Լինելու են կոնկրետ ճիշտ պայմանագրեր, որտեղ այդ պետությունը երաշխավորելու է Հայաստանի անվտանգությունը։ Մենք հասկանում ենք որ պետությունները լինելու են տարածաշրջանային կարեւոր պետություններ։ Եթե ԱՄՆ-ն կուզենա ինքն էլ բարձրանալ երաշխավորի աստիճան, մենք միայն ուրախ ենք լինելու, եթե Եվրամիությունը կգա, կուզենա ինքն էլ երաշխավոր լինել, մենք շատ ուրախ կլինենք։ Բայց անպայման լինելու են երաշխավորներ, մենք չենք թողնելու երկիրը Փաշինյանի եւ Ալիեւի հույսին», - ասաց Կարապետյանը ԶԼՄ-ների խմբագիրների հետ հանդիպման ժամանակ։ |aravot.am|

🗳 ԵԱՀԿ ԽՎ դիտորդական առաքելությունն առաջիկա ընտրություններին ՀՀ է գործուղելու շուրջ 100 դիտորդ։

📣 ԿԸՀ նախագահ Վահագն Հովակիմյանը ողջունել է պատվիրակության ղեկավար Ջևրոսիմա Պեյովիչին, հյուրերին և ներկայացրել ընտրություններին ընդառաջ հանձնաժողովի նախապատրաստական աշխատանքները։

[ՀՀ ԿԸՀ]

📣 «Հանուն հանրապետության» կուսակցության փոխնախագահ Ռուբեն Մեհրաբյանը հայտարարում է՝ իրենք ընդդիմություն են, հանդես են գալիս ընդդիմափոխության օրակարգով․

🗣 «Ժողովուրդն ինչպես տերն է իշխանության, այնպես էլ տերն է ընդդիմության: Թե՛ ընդդիմությունը, թե՛ իշխանությունը հաշվետու են քաղաքացուն: Մենք տեսնում ենք՝ անցած 5 տարիների ընթացքում ընդդիմությունը միանգամայն այլ օրակարգ է սպասարկում ու կապ չունի քաղաքացիների իրական պահանջմունքների հետ եւ ամեն ինչ անում է հակառակ մեր պետության շահերի: Այսօր պետության վզին թոկի նման ընկած խոչընդոտում է, որ պետությունն իր շահերից բխող քայլերն իրականացնի»։

📌 Մեհրաբյանի խոսքով՝ ընդդիմության վերաբերյալ իրենք մի շարք լուրջ հարցեր ունեն իշխանությանը. «Այդ ոնց է՝ հեղափոխությունից 8 տարի անց այս մարդիկ հարցազրույցներ են տալիս, ոչ թե ցուցմունք: Նրանց թողտվությամբ է, որ մինչեւ հիմա նույնիսկ որպես թեկնածու են հանդես գալիս, առաջնորդ, մի բան էլ ասում են՝ հետ կգանք, հետ կբերենք»։ |aravot.am|

🗳 ԿԸՀ-ն արտահերթ նիստում ուժը կորցրած է ճանաչել «Բոլորին դեմ եմ» կուսակցության պատգամավորի 7 թեկնածուի գրանցումը։ Այս մասին հայտնում են ՀՀ ԿԸՀ-ից։

⚖️ ՀՀ հակակոռուպցիոն կոմիտեից հայտնում են՝ փաստական տվյալներ են ստացվել այն մասին, որ «Բարգավաճ Հայաստան» կուսակցության ներկայացուցիչները ԱԺ ընտրություններին իրենց կուսակցության օգտին քվեարկելու և համակիրներ հավաքագրելու պայմանով Տավուշի մարզի մի շարք ընտրողների տվել են ընտրակաշառք։

📌 Դեպքի առթիվ նախաձեռնվել է քրեական վարույթ, ձերբակալվել են մի շարք անձինք, կատարվել են վարութային գործողություններ։

📣 Նոր Նորքում կայացած քարոզարշավի ընթացքում վարչապետ Նիկոլ Փաշինյանը նշել է, որ հաջորդ հինգ տարվա ընթացքում կառուցելու են հարյուր կոմբինացված խաղադաշտ բասկետբոլի և ֆուտբոլի համար։

🗣 «Մտադիր ենք կառուցել ևս հարյուր սպորտդպրոց, արվեստի, երաժշտական դպրոցներ։ Առաջին 300 դպրոցի ծրագիրը ավարտում ենք ու սկսում ենք հաջորդ 300 դպրոցի ծրագիրը»,- ասել է նա։ |armenpress.am|

🗳 Այսօր ԱԺ հերթական ընտրությունների նախընտրական քարոզարշավի 15-րդ օրն էր։

📌 Կարդացեք՝ Ինչպես են անցկացրել քաղաքական ուժերը քարոզարշավի 15-րդ օրը

❗️ «Մայր Հայաստան» կուսակցության նախագահ, առաջիկա խորհրդարանական ընտրություններում «Բարգավաճ Հայաստան» կուսակցության պատգամավորի թեկնածու Անդրանիկ Թևանյանը ձերբակալվել է։

🔻 Թևանյանի խափանման միջոցը որոշելու հարցը կքննարկվի մայիսի 23-ին, ժամը 12։00-ին, Ավան և Նոր Նորք վարչական շրջանների ընդհանուր իրավասության դատարաններում։ |armenpress.am|

📌 Մայիսի 22-ին երեկոյան Կենտրոնական ընտրական հանձնաժողովը համաձայնություն էր տվել Անդրանիկ Թևանյանին անձեռնմխելիությունից զրկելու և նրա նկատմամբ քրեական հետապնդում սկսելու վերաբերյալ միջնորդությանը։

🗳 Հայաստանում հունիսի 7-ին կայանալիք խորհրդարանական ընտրություններին որևէ քաղաքական ուժ բացարձակ մեծամասնություն չունի։ Այս մասին է վկայում IRI-ը հարցումը։

📌 Հունիսի 7-ին կայանալիք ընտրություններին ում կտայիք ձեր ձայնը հարցին ստացվել են սպոնտան հետևյալ պատասխանները.

🔹 «Քաղաքացիական պայմանագիր» (Նիկոլ Փաշինյան)՝ 32%,
🔸 «Ուժեղ Հայաստան» (Սամվել Կարապետյան)՝ 6%,
🔻 «Հայաստան» դաշինք (Ռոբերտ Քոչարյան)՝ 3%,
◽️«Հայաստանի շնորհապետական կուսակցություն» (Գուրգեն Սիմոնյան)` 2%։

✔️ Գագիկ Ծառուկյանի «Բարգավաճ Հայաստան», «Բոլորին դեմ եմ» և Արման Թաթոյանի «Միասնության թևեր» կուսակցություններն ունեն 1-ական տոկոս։ |civilnet.am|

🔗 Կարդալ ավելին

🔶 Երևանում տեղի է ունեցել Ազգային ժողովի ընտրություններում առաջադրված քաղաքական ուժերի, քաղաքացիական հասարակության կազմակերպությունների և հաշմանդամություն ունեցող անձանց մասնակցությամբ հանդիպում, որի արդյունքում ստորագրվել է ներառական քաղաքականությունների հանձնառության փաստաթուղթ։

📃 Փաստաթղթի նպատակն է խթանել հաշմանդամություն ունեցող անձանց իրավունքների ներառումը քաղաքական օրակարգերում և նախընտրական ծրագրերում։

📌 Նախաձեռնությանը միացել են «Քաղաքացիական պայմանագիր» կուսակցությունը, «Ռեֆորմիստների» կուսակցությունը, « Հայաստանի շնորհապետական» կուսակցությունը, «Միասնության թևեր» կուսակցությունը, «Ազգային ժողովրդավարական բևեռ» կուսակցությունը, «Հայ ազգային կոնգրես» կուսակցությունը, «Դեմոկրատիա, օրենք, կարգապահություն» կուսակցությունը, «Լուսավոր Հայաստան» կուսակցությունը։ |armenpress.am|

⚖️ Ընտրակաշառք տալու, ստանալու, ինչպես նաև բարեգործության արգելքը խախտելու դեպքերի առթիվ ՀՀ հակակոռուպցիոն կոմիտեում քննվող քրեական վարույթների շրջանակներում միայն վերջին երկու օրվա ընթացքում ձերբակալվել է 21 անձ։

📌 Նրանցից 13-ի նկատմամբ որպես խափանման միջոց է կիրառվել կալանքը։ |1lurer.am|

🔸«Ռեֆորմիստներ» կուսակցության նախագահ Վահան Բաբայանը Ֆեյսբուքի էջում գրել է․

🗣 «Ընտրվելուց անմիջապես հետո բերում ենք ԱԺ օրակարգ հետևյալ օրենքի նախագիծը․ Յուրաքանչյուր նոր ծնված երեխայի համար պետության կողմից ծնողները միանվագ ստանում են 2.000.000 ՀՀ դրամ աջակցություն»: