⚖️ Նարեկ Կարապետյանը Քննչական կոմիտեի վերաբերյալ հայցադիմում է ներկայացրել դատարան։

🗣 Նա հեղինակությանը հասցված վնասի դիմաց փոխհատուցում է պահանջել ՔԿ-ից՝ սիմվոլիկ 1 դրամ ։ Այս մասին հատնել է նրա փաստաբան Վարդան Ալոյանը։

📣 «Քննչական մարմինը միանշանակ նշում է, որ Նարեկ Կարապետյանը հանցանք է գործել` թաքցնելով այլ երկրի քաղաքացիություն ունենալու փաստը։ Մենք հայցադիմում ենք ներկայացրել, որ հրապարակային հերքում տարածեն և ներողություն խնդրեն»,– ասել է փաստաբանը։ |arm.sputniknews.ru|

⚖️ «Ուժեղ Հայաստանի» Ալավերդիի գրասենյակների պատասխանատուն այլ անձանց հետ մի շարք ընտրողների ընտրակաշառք է տվել․ Հակոկոռուպցիոն կոմիտե

📌 Իրենց հանցավոր գործունեությունը քողարկելու նպատակով ընտրակաշառք ստացող քաղաքացիներին վճարված գումարները ներկայացվել են որպես կուսակցության տարբեր գրասենյակներում որևէ հաստիքի ձևակերպված լինելու պայմաններում վճարվող աշխատավարձ։ Այնինչ, հիշյալ քաղաքացիները ոչ միայն գրանցված չեն եղել որպես աշխատակից, այլ նաև իրենց կամ իրենց ընտանիքի անդամների քվեներն ապահովելուց զատ, որևէ աշխատանք չեն կատարել։

📌 Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ։

📣 «Լուսավոր Հայաստան»-ի վարչապետի թեկնածու Էդմոն Մարուքյանը Սահմանադրական դատարանի մոտ ընթացող քարոզարշավի ընթացքում հայտարարեց՝ ՍԴ–ում սահմանազատման կանոնակարգը քննելու ժամանակ հարց չի բարձրացվել, թե ՀՀ կառավարությունն ինչ քարտեզով է ճանաչում Հայաստանը։

🗣 «Սահմանազատման մասին կանոնակարգը հաստատելը վիճակվել էր Սահմանադրական դատարանին։ ՍԴ–ում սա քննելու ժամանակ հարց չի բարձրացվել, թե ՀՀ կառավարությունն ինչ քարտեզով է ճանաչում Հայաստանը։ Կանոնակարգում որևէ քարտեզ չի կցվել, ուղղակի գրվել է Տավուշի մարզի հարակից տարածքում սահմանազատումը կիրականացվի 1976 թվականի ԽՍՀ գլխավոր շտաբի հերթապահության մեջ դրված մի քարտեզով։ Ստացվում է, որ ՍԴ–ն հաստատել է մի կանոնակարգ, որտեղ խոսվում է հայ–ադրբեջանական սահմանի սահմանազատման մասին, բայց չկա քարտեզ, հետևաբար պարզ չէ` ինչ խնդիրների կարող ենք հանգել»,– ասաց Մարուքյանը։

📣 «Հայաստան» դաշինքի առաջնորդ Ռոբերտ Քոչարյանը քարոզարշավի ընթացքում անդրադարձել է Ռուսաստանից հնչող զգուշացումներին։

🗣 «Այս մարդը [ Նիկոլ Փաշինյանը- խմբ.] չի հասականում, որ իշխանությանը լսում են նաև դրսում։ Եվ երբ դու խոսում ես, Ռուսաստանի պես երկիրն անմիջապես արձագանքում է: Երեկվա արձագանքն ուղղակի շատ վատ նշան է: Այդ երկիրը լավ գիտեմ ու տողերի արանքում կարդում եմ՝ ինչ են ասում:

🔸 Ասում են՝ դուք, ժողովուրդ ջան, պրոբլեմ ունեք այս իշխանության հետ: Լավ, մտել ես քարոզարշավի մեջ, չես կարող լեզուդ քեզ պահես, մեծ պետություններին չկպնես»,- Ապարանում ելույթի ընթացքում ասել է Ռոբերտ Քոչարյանը։|azatutyun.am|

📣 Նիկոլ Փաշինյանն իշխանափոխությունից հետո պետք է դատվի պետական դավաճանության հոդվածով։ Ինքը շատ լավ գիտի այդ մասին, և դա է պատճառը, որ հիմա այսպիսի գործողություններ է իրականացնում։ Այս մասին հրատապ ասուլիսում ասաց ԲՀԿ պատգամավորի թեկնածու Անդրանիկ Թևանյանը։

🗣 «Փաշինյանը պետք է նաև հետագայում պատասխանի, թե ինչ է արել այն 8 միլիարդ դոլարի հետ, որը պետական պարտքի ավելացման չափն է, թե ինչպես ստացվեց, որ ինքն ու իր շրջապատը դարձան դոլարային միլիոնատերեր, որոշ դեպքերում՝ միլիարդատերեր, որովհետև նրա շրջապատի բիզնեսմեններից մեկի տարեկան մաքուր շահույթը 1,5 միլիարդ դոլար է։

🔸 Փաշինյանը պետք է պատասխանի, թե ինչու, այսպես կոչված, սահմանազատման և սահմանագծման աշխատանքների շրջանակներում Հայաստանը միակողմանի զիջումների գնաց Տավուշի մարզում»,- նշել է Թևանյանը։ |pastinfo.am|

📣 ԲՀԿ առաջանորդ Գագիկ Ծառուկյանը Ախուրյան համայնքում կայացած քարոզարշավի ժամանակ անդրադարձել է Փաշինյանի՝ Անդրանիկ Թևանյանի մասին հնչեցրած մեղադրանքներին, թե նա «պետական դավաճան է»։

🗣 «Եթե ապացուցեն, իմ գործընկերոջը ես կգնդակահարեմ, եթե ոչ՝ սուտ ասողներից մենք պատիվ ենք պահանջում։ Նման հայտարարություն անողը պետք է պատիժ կրի, չեմ ասում՝ գնդակահարենք, թող գա, իմ առյուծի մոտ մտնի, դուրս գա։

🔸Մեր երկրորդ համարը հայրենասեր, նվիրյալ է, ամբողջ թիմով կանգնած ենք իր կողքին»,- հայտարարել է Ծառուկյանը։

❗️Վարչապետի հետ թեժ բանավեճից հետո կալանավորված Արթուր Օսիպյանը հացադուլ է հայտարարել:

📌 Այս մասին հայտնում է փաստաբան Ռոման Երիցյանը։|azatutyun.am|

❗️[Անդրանիկ Թեւանյանի կողմից ենթադրյալ] պետական դավաճանության և լրտեսության դեպքի առթիվ նախաձեռնվել է քրեական վարույթ։

📌 ՀՀ քննչական կոմիտեում ՀՀ ԱԱԾ-ից ստացված հաղորդման համաձայն՝ ՀՀ քաղաքացի Ա.Թ.-ն [Անդրանիկ Թեւանյանը,- Infocom], 2021-ին ընտրված լինելով ԱԺ պատգամավոր, 2024-ի ընթացքում հավաքագրվելով օտարերկրյա հատուկ ծառայությունների կողմից, «Ռուսսիա Կովկաս» աշխարհաքաղաքական կենտրոնում տնօրեն հանդիսացող՝ օտարերկրյա հատուկ ծառայությունների ներկայացուցչի հանձնարարությամբ նույն ժամանակահատվածում կատարել է լրտեսություն։

❗️[Նա] ապօրինի կերպով հավաքել և առանձնապես խոշոր չափերի՝ 622 հզր դոլար գումարի դիմաց վերջինիս է փոխանցել պետական գաղտնիք պարունակող՝ 2024թ․ ապրիլին ԱԺ փակ, գաղտնի նիստում կայացած լսումների ընթացքի և արդյունքների վերաբերյալ ռուսերեն թարգմանված տեղեկություններ՝ այդ կերպ կատարելով պետական դավաճանություն:

🔸 Պետական դավաճանության և լրտեսության հատկանիշներով նախաձեռնվել է քրեական վարույթ:

[ՀՀ քննչական կոմիտե]

🗣 Նիկոլ Փաշինյանի ապօրինի հրահանգով իմ դեմ գործ են «կարում» և մեղադրանք են ուզում առաջադրել․ Անդրանիկ Թեւանյան

🔸 «Այս «կարված» գործի անհեթեթությունը միանգամից է աչքի ընկնում, որովհետև ես 2021-ին, այո, ընտրվել եմ պատգամավոր ԱԺ ընտրությունների արդյունքում, բայց, ուշադրություն, 2023-ին վայր եմ դրել մանդատը և դրանից հետո մասնակցել եմ Երևանի ավագանու ընտրություններին՝ որպես ոչ պատգամավոր արդեն, իսկ այստեղ գրված է, որ 2024-ի նիստի վերաբերյալ տեղեկություն եմ հաղորդել։ Այսինքն ես ֆիզիկապես մասնակցել չէի կարող 2024-ի լսումներին։ Հետևաբար մնացած թեմաները անհեթեթություն են ինչ-որ գումարային և այլ թեմաների հետ կապված»,- մեկնաբանել է Թեւանյանը՝ Փաշինյանին մեղադրելով պետական դավաճանության մեջ։

🔸 ՔԿ-ն արձագանքել է Թեւանյանի պնդմանը, որ ինքը մանդատը վայր է դրել դեռ 2023-ին եւ չէր կարող ենթադրյալ հանցանքը 2024-ին կատարած լինել։ ՔԿ խոսնակ Կիմա Ավդալյանը գրել է․

🗣 «Անդրանիկ Թևանյանն ասում է, որ 2023 թվականին վայր է դրել մանդատը: Այդքանը մենք էլ գիտենք։ Հաղորդագրությունն ուշադիր կարդալու դեպքում կտեսնեք ԱՊՕՐԻՆԻ բառը: Այսինքն, անձը 2024 թվականի ընթացքում ապօրինի կերպով է հավաքել պետական գաղտնիք պարունակող տեղեկությունները: Այդ հանգամանքը նույնպես քննության առարկա է»,- ասված է գրառման մեջ:

📣 Արարատի մարզում «Քաղաքացիական պայմանագիր» կուսակցության քարոզարշավն ամփոփել է Արտաշատի Շառլ Ազնավուրի անվան հրապարակում։

🔸 Անդրադառնալով 2018 թվականից իրականացված ծրագրերին՝ Փաշինյանը նշել է, որ Կառավարության մասնակցությամբ շուրջ 325 միլիոն դոլարի ներդրում է կատարվել։ 

🗣 «Արարատի մարզում ընդհանուր առմամբ 325 կիլոմետր երկարությամբ ճանապարհներ ու փողոցներ են կառուցվել կամ նորոգվել։ Բացի այդ իրականացվում են 24 դպրոցի, 33 մանկապարտեզի հիմնանորոգման կամ կառուցման աշխատանքներ, որոնց մի մասն արդեն ավարտված է։ Իրականացվել է նաև ավելի քան 210 կիլոմետր գազատարների անցկացում, իսկ մարզի երկու սահմանամերձ բնակավայրերում ընթացքում են 16 միլիոն դրամի չափով պետական աջակցության ծրագրով 185 առանձնատների կառուցման նախագծային աշխատանքները».- նշել է նա։|armenpress.am|

🗳 Այսօր ԱԺ ընտրությունների քարոզարշավի 14-րդ օրն էր։ 

📌 Կարդացեք՝ Ինչպես են անցկացրել քաղաքական ուժերը քարոզարշավի 14-րդ օրը

❗ ԱԱԾ-ն այսօր առավոտյան 7-ին մտել է «Մայր Հայաստան» կուսակցության գրասենյակ, հայտնում է «Հայաստան» դաշինքից նախկին պատգամավոր, կուսակցության վարչության անդամ Արեգնազ Մանուկյանը։

🔸 Նա ԱԱԾ-ի ներս մտնելու ժամանակ ուղիղ եթեր է արել՝ պահանջելով ցույց տալ քննչական գործողություններ կատարելու օրինականությունը հավաստող փաստաթուղթը, մինչդեռ իրավապահներից մեկը փորձել է հեռախոսը խլելով դադարեցնել տեսագրությունը, ինչը չի հաջողվել։

📌 Փաստաբանի ժամանելուց հետո սկսվել են քննչական գործողություններ, այդ ժամանակ ուղիղ եթերն ավարտվել է։ Նշենք, որ գրասենյակում է եղել նաեւ Անդրանիկ Թևանյանը։

🔍 Այս պահին Հակակոռուպցիոն կոմիտեի աշխատակիցները խուզարկում են ԲՀԿ ցուցակով պատգամավորի թեկնածու Մարտուն Գրիգորյանի առանձնատունը, մեքենան և մի քանի գրասենյակ:

🗣 24News-ի հետ զրույցում տեղեկությունը հաստատել է Մարտուն Գրիգորյանը:

📌 Ըստ նրա՝ իրավապահները փնտրում են համակարգիչներ, էլեկտրոնային կրիչներ, որոնք, ըստ խուզարկողների, կարող են կապված լինեն նախընտրական բարեգործական արգելքը խախտելու հետ: Գրիգորյանը նաև ասել է, որ տեղյակ չէ, թե արդյոք իր թիմակիցների շրջանում կան ձերբակալվածներ, բայց խուզարկությունները մի քանի տեղ են ընթանում:

🛢 «Բոլորին դեմ եմ» կուսակցությունը Ազատության հրապարակից մեկնարկել է «բոչկա գլորելու» քաղաքական ակցիան. բոչկաների վրա փակցված են ընտրություններին մասնակից ուժերի լոգոները:

📣 Կուսակցությունից նշում են, որ քարոզարշավի ընթացքում մնացած բոլոր ուժերը «զբաղված են իրար վրա բոչկա գլորելով», և իրենք սրանով ցույց են տալիս, որ «Հայաստանում կա երեք միլիոն վարչապետ, և նրանք բոլորը նույնքան լավ են բոչկա գլորում, որքան գործող ու հավակնող վարչապետերը»:

🚧 «Բոչկաները գլորելու են» Մաշտոցի պողոտա - Ամիրյան փողոց - Հանրապետության Հրապարակ երթուղով. նրանց ուղեկցում են ոստիկանները:

💬 ԿԸՀ-ն իրավապահներից պատգամավորի թեկնածու Անդրանիկ Թևանյանի նկատմամբ հետապնդում հարուցելու համար համաձայնություն ստանալու միջնորդություն չի ստացել՝ «Ազատությանը» հայտնել է ԿԸՀ-ի խոսնակը։

📌 Պատգամավորի թեկնածուն նախընտրական շրջանում ունի անձեռնմխելիություն։ Նրա նկատմամբ հետապնդում հարուցելու համաձայնություն տալիս է հանձնաժողովը։ |azatutyun.am|

‼️ Անդրանիկ Թևանյանի նկատմամբ քրեական հետապնդում հարուցելու համաձայնություն ստանալու վերաբերյալ դատախազը միջնորդություն է ներկայացրել:

📣 «2026թ. հունիսին նշանակված ՀՀ Ազգային Ժողովի ընտրությունների «Բարգավաճ Հայաստան» կուսակցության պատգամավորի թեկնածու Անդրանիկ Նորիկի Թևանյանի նկատմամբ քրեական հետապնդում հարուցելու համաձայնություն ստանալու վերաբերյալ 2026թ, մայիսի 22-ին դատախազը միջնորդություն է ներկայացրել ՀՀ կենտրոնական ընտրական հանձնաժողով»,- հայտնել են դատախազությունից։ |arm.sputniknews.ru|

‼️ ԱԱԾ քննչական գործողությունները շարունակվում են Անդրանիկ Թևանյանի բնակարանում։ «Մայր Հայաստան» կուսակցության գրասենյակում դրանք ավարտվել են:

‼️ Իրավապահները Անդրանիկ Թևանյանից շուտ են հասել իր տուն և սկսել խուզարկությունը այն դեպքում, երբ տան անդամներից որևէ մեկը տանը չէր:

🔸 Հակակոռուպցիոն կոմիտեի քննիչներից մեկը գրասենյակի բակում մոտեցավ Թևանյանին և առաջարկեց իրենց հետ գնալ, փաստաբան Զարուհի Փոստանջյանը հորդորեց Թևանյանին չնստել իրավապահների մեքենան, քանի որ ազատությունից զրկված չէ ու որևէ կարգավիճակ չունի։ ԱԱԾ ծառայողն էլ պարբերաբար հորդորում էր նստել մեքենան, սակայն Թևանյանն այդպես էլ չնստեց, ու բանակցություններից հետո ոտքով շարժվեցին դեպի իր բնակարան։

🔸 Երբ տեղ հասան, պարզվեց, որ դիմակավորված իրավապահներն արդեն ներսում են, այն դեպքում, երբ տան անդամներից որևէ մեկը չկար։ Ծանուցագիր նույնպես իրավապահները չեն ներկայացրել Թևանյանի բնակարան մուտք գործելու և խուզարկություն անելու համար։ Բացի իրավապահներից՝ բնակարան կարողացավ ներս մտնել միայն փաստաբան Զարուհի Փոստանջյանը։ |arm.sputniknews.ru|

‼️ Հացադուլ հայտարարած Արթուր Օսիպյանը այս պահին հացադուլավորների համար նախատեսված խցում չէ։

🗣 Այս մասին Factor.am-ի հարցմանն ի պատասխան հայտնել է ՔԿԾ լրատվության և հասարակայնության վարչության պետ Նոնա Նավիկյանը՝ տեղեկացնելով, որ Օսիպյանը ՔԿՀ տեղափոխվելուց հետո, ըստ ընթացակարգի, հացադուլ հայտարարելու մասին դիմում չի գրել:

💬 Պաշտպան Ռոման Երիցյանը հայտնել է, որ ինչպես ՁՊՎ-ում, այնպես էլ դատարանում Օսիպյանը հացադուլ էր հայտարարել և մտադրություն չուներ դադարեցնելու, միևնույն ժամանակ նշել է՝ դեռ տեղեկություն չունի, թե ինչու դիմում չի գրել․ «Գուցե ընթացակարգին ծանոթ չէ»։ |factor.am|

🎞 «Ուժեղ Հայաստան»-ի օգտին քվեարկելու պայմանով կուսակցության համակիրը Շիրակի մարզի Անի համայնքի պատասխանատուի և այլ անձանց հետ մի շարք ընտրողների տվել է 70-200․000 ՀՀ դրամի չափով ընտրակաշառք. Հակակոռուպցիոն կոմիտե

📌 «Խմբի անդամներն իրենց հանցավոր գործունեությանն օրինական տեսք հաղորդելու նպատակով ընտրակաշառք ստացող անձանց փաստաթղթավորել են որպես նախընտրական ակտիվիստներ, կամավորներ և տարածքային պատասխանատուներ՝ նրանց վճարելով ոչ թե փաստացի կատարված աշխատանքի, այլ ընտրություններին նախապես պայմանավորված ձևով քվեարկելու խոստման դիմաց։

📌 Նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ»,- ասվում է Կոմիտեի հաղորդագրությունում: