💬 Կարապետյան Նարեկը չունենալ այլ քաղաքացիություն. Նարեկ լինել միայն Հայաստանի քաղաքացի՝ ՔԿ վարույթի հրապարակումից հետո հայտարարում է «Ուժեղ Հայաստան» կուսակցության առաջին համար Նարեկ Կարապետյանը:

🗣 «[Նիկոլ Փաշինյանի] թիմը, որ մեզանից շուտ գիտեր նրա հոգեկան վիճակի մասին, որպեսզի շեղի իրավիճակը, սկսել է ֆեյք լուր տարածել, որ մենք էլ հերքենք, իրենք էլ երկու օր մարդկանց շեղեն»,- գրել է Կարապետյանը:

‼️ Արարատի ցեմենտի գործարանը լինելու է պետական և պատկանելու է Հայաստանի Հանրապետությանը. Նիկոլ Փաշինյան

🔸 «Գուլոյան-Ծառուկյան մաֆիայի մախինացիան բացահայտվել է, և ՀՀ կառավարությունը գրություն է ստացել ՀՀ դատախազությունից, որ գույքը ենթակա է պետականացման: Առաջիկայում շատ արագ ինչպես ՀԷՑ-ում նշանակեցինք կառավարիչ, այնպես էլ Արարատի ցեմենտում ենք նշանակելու կառավարիչ:

🔸 Գործարանի աշխատակիցներին շնորհավորում եմ ազատագրման առիթով: Էս պահից նրանք Ծառուկյանի, Գուլոյանի որևէ հրահանգ կատարելու կարիք չունեն, որովհետև նրանց գործատուն այլևս ՀՀ կառավարությունն է: Արարատ ցեմենտը շուտով դե յուրե վերադարձվելու է ՀՀ-ին»,- Լոռիում քարոզարշավի ժամանակ ասել է Փաշինյանը:

📌 4 անձ կալանավորվել է ընտրակաշառք տալու, ստանալու, բարեգործության արգելքը խախտելու և անձի ընտրական իրավունքի ազատ իրականացմանը խոչընդոտելու դեպքերի առթիվ նախաձեռնված քրեական վարույթի շրջանակում:

🗣 Այս մասին Հակակոռուպցիոն կոմիտեից հայտնել են «Լուրերին»:

📣 Գագիկ Ծառուկյանը արձագանքում է Արարատի ցեմենտի գործարանը պետականացնելու Փաշինյանի հայտարարությանը։

🔸 «Այսօր էլ զավոդից խոսեց, ինձ դիմել էին, ասել էին, որ սենց բան ա ուզում անի, ես ասել եմ՝ կյանքում չեմ կարա իմ հայրենիքը փոխեմ ունեցվածքի հետ։ Օրինական կա, առել ենք, ամեն ինչ էլ իր տեղում։ Էդ խի 25 տարի անցել ա, նոր են հիշել: Հարկերն էլ ենք տալիս, ամեն ինչն էլ տեղը տեղին։

🗣 Սա նշան ա, որ իրենք արդեն զգալով, որ իրենց վերջը եկել ա, էս վիճակով ժողովուրդ չես կարա պահես։ Այսօր մեր երկրի սպառնալիքը մնացել են Նիկոլ Փաշինյանն ու Ալիևը, ուրիշ բան չկա։ Հարկավոր է վերջ տալ, երկրին երաշխավորված խաղաղություն լինի, ժողովրդին ներդրումներ լինի, բարեկեցիկ կյանք»։

📌 Ծառուկյանն անդրադարձել է նաև իր փեսայի՝ Կարապետ Գուլոյանի և դստեր՝ Ռոզա Ծառուկյանի գույքի բռնագանձմանը․ «Վլադը՝ Կարոյի հայրը, իմ ընկերն ա, ինքը գործարար մարդ՝ մեծ գումարներ աշխատող, ստեղծող մարդ, միլիոններ ստեղծած, մի տուն պետք է չունենա, կամ իմ աղջիկը տուն պետք է չունենա, որ տունը պետականացնեն, հազարավոր մարդկանց տներ եմ նվիրել, ինչի մասին ա խոսքը»։

📣 «Բոլորին դեմ եմ»-ը «մուկ տշելու» ակցիա է անում Կառավարության շենքի դիմաց։

🐁 Ակցիայի մասնակիցները ֆուտբոլի փոքր դարպաս էին բերել շենքի մոտ և փափուկ խաղալիք մուկ, որին «տշում էին» դեպի դարպասը։

👮‍♂️ Կառավարության շենքի մոտ հերթապահող ոստիկանները վերցրին դարպասը, հեռացրին ակցիայի մասնակիցների մոտից։

🗣 Կուսակցությունից Իշխան Գևորգյանը հայտարարեց՝ մուկ տշելը նշանակում է իմիտացնել աշխատանք, որն իրականում չկա.

📌 «Իմիտացնում են տարբեր բաներ․ սահմանազատում, խաղաղություն․ ամեն ինչը իմիտացնում են։ «Բոլորին դեմ եմ»-ը միակն է, որ այդ ամենը ծաղրում է, ցույց է տալիս։ Մեր շարքերում շատ լուրջ մարդիկ են հավաքված, որոնք հաստատ պարապ չեն կամ մուկ տշող չեն, բայց մեկը պետք է ասի, որ «թագավորը մերկ ա», որ այս Սահմանադրությունը հագած մարդիկ կեղեքում են մեզ»։

📣 «Քոչարի ազգային վերածնունդ եւ ազգի զարթոնք» կուսակցության նախագահ Արտակ Սարգսյանը մեկնաբանել է դերասան Լեւոն Հարությունյանի եւ մեկ այլ թեկնածուի՝ Լիլիթ Կուջոյանի ինքնաբացարկը:

🗣 «Իրենք սկզբում շատ էին ուզում մեր ցուցակում լինել, ու եթե հիմա բացարկ են ներկայացրել, կապ չունի, մենք էլի հարազատներ ենք։ Լեւոն Հարությունյանն ասաց՝ եկեք ինքնաբացարկ ներկայացնեմ, սա իմ բանը չի: Ինքը տեսավ քաղաքական իրավիճակը եւ ասաց՝ ավելի լավ է կողքից ձեզ սատարեմ, բայց ցուցակից դուրս գամ: Մենք էլ հո մարդկանց զոռով չէինք պահելու: Մենք էլի մտերիմներ ենք, բարեկամներ ենք, ոչինչ չի փոխվում:

📌 Նույնն էլ Լիլիթ Կուջոյանի պարագայում է: Ինքը զբաղվածությամբ պայմանավորված է դուրս եկել, որովհետեւ մենք անընդհատ քարոզարշավի ու քննարկումների մեջ ենք, ասել է, որ Լեւոնի նման ինչով հնարավոր է, կօգնի մեզ»,- պարզաբանեց Արման Սարգսյանը: |aravot.am|

📣 «Ականատեսը» անօրինական է համարում Արթուր Օսիպյանի կալանավորման միջնորդությունը։

🗣 «Օսիպյանի արտահայտությունները, թեև պարունակել են կոշտ և սուր, որոշ մասով անհարիր խոսույթ պարունակող քաղաքական քննադատություններ, այնուամենայնիվ գտնվել են քաղաքական քննադատության շրջանակում, այդ թվում՝ Արցախում տեղ գտած կոռուպցիոն դրսևորումները քննադատող արտահայտությունները և հանդիպմանը նախորդած սոցիալական ցանցում արված գրառման մեջ տեղ գտած խոսույթը։

🔸 Ընդ որում, Փաշինյանի կողմից հնչեցվել են ոչ պակաս կոշտ և անգամ ավելի սուր գնահատականներ ու արձագանքներ, ինչը վկայում է փոխադարձ էմոցիոնալ և քաղաքական բախման մասին։

📌 Փաշինյանի դեպքում խիստ մտահոգիչ և անընդունելի են Արցախից բռնի տեղահանված անձանց ուղղված անպատշաճ արտահայտությունները, որոնք հերթական անգամ սրում են հանրային տրամադրւթյուններն ու խորացնում բևեռացումը»։

📣 Սամվել Կարապետյանը բացի գործարարությունից երբեք ՀՀ–ից դուրս որևէ բանով չի զբաղվել, ես էլ արդեն ասել եմ՝ որևէ օտարերկրյա քաղաքացիություն չեմ ունեցել․ «Ուժեղ Հայաստան» դաշինքի նախընտրական ցուցակը գլխավորող Նարեկ Կարապետյան

🗣 «Բոլոր այն մարդիկ, որոնք իրենց անունից Սամվել Կարապետյանի մասին այդ ֆեյք տվյալը տարածեցին, նրանց դեմ դատական հայցադիմում է ներկայացվելու»։

📌 Հիշեցնենք, որ «The Insider» լրատվամիջոցը մայիսի 19-ին հրապարակում էր արել, ըստ որի՝ Սամվել Կարապետյանի անձնագրային ֆայլում «աշխատանքի վայր» սյունակում նշված է «ԱԴԾ տեղեկատվական կենտրոն» (ИЦ ФСБ)։

📣 «Միասնության թևեր» կուսակցության ներկայացուցիչները՝ նախընտրական ցուցակի երկրորդ համար Դավիթ Անանյանի գլխավորությամբ, քարոզարշավ են անցկացնում Կոտայքի մարզի Աբովյան քաղաքում։

🗣 Կուսակցության ներկայացուցիչները քաղաքացիներին ներկայացնում են իրենց նախընտրական ծրագիրը, շփվում նրանց հետ, հորդորում հունիսի 7-ին անպայման գնալ ընտրությունների և ընտրել այն ուժին, որին ցանկանում են։

⚖️ Գլխավոր դատախազությունը «Արարատցեմենտ» ընկերության մասնավորեցման գործընթացում հայտնաբերել է մի շարք խախտումներ։

🔸 Ուսումնասիրությամբ ձեռք բերված առերևույթ հանցագործության հատկանիշներ պարունակող փաստերի կապակցությամբ դատախազը 2026 թվականի մայիսի 5-ին հանցանքի մասին հաղորդում է ներկայացրել Հակակոռուպցիոն կոմիտե:

🔸 Մայիսի 5-ին գրություն է հասցեագրվել ՀՀ Կառավարություն՝ առաջարկելով քննարկել ընկերությունում առկա խախտումները և դրանց հետևանքները վերացնելու նպատակով պատշաճ վարչարարություն իրականացնելու, այդ թվում, օրինակ, ընկերությունում ժամանակավոր կառավարիչ նշանակելու նպատակահարմարությունը:

🔗 Կարդալ ավելին

📣 «Նոր ուժ» կուսակցության առաջին համար Հայկ Մարությանը ֆեսյբուքյան էջում տեղադրված տեսանյութով ներկայացրել է իրենց նախընտրական ծրագրի 5-րդ կետը՝ «վերադարձ ազգային արժեքներին»։

🗣 «Մենք բոլորս էլ լավ գիտենք, որ մեր ժողովրդի ինքնությունը հազարամյակներով խարսխված է հենց ազգային արժեքների վրա՝ լեզու, կրոն, ազգային մշակույթ։ Հենց սրա շնորհիվ է, որ մենք մնացել ենք հայ։

🔸 Հիմա մարդիկ կլինեն, որ կհարցնեն՝ ինչու է այս կետը կոչվում «վերադարձ» ազգային արժեքներին, ովոհետև այսօր արզ տեսնում ենք, որ այս իշխանությունները գնում են ուրացման ճանապարհով և սկսել են սիմվոլներից՝ Արարատը, եկեղեցին, Ցեղասպանության հիշողությունը։ Օր առաջ այս ամենը պետք է կանգնեցնել», - նշել է Մարությանը։

📣 ԱԺԲ-ն հայտարարում է, որ իրենց քարոզարշավը խոչընդոտվում է։

🔸 «Ազգային-ժողովրդավարական բևեռ»-ի ներկայացուցիչը հայտարարել է, որ իրենք քարոզարշավ են իրականացրել Սյունիքում, այնտեղ ժողովրդին ասել՝ Սյունիքը վտանգված է, Տիգրանաշենը ուզում են հանձնել։

📌 Նրա խոսքով՝ ճանապարհին իրենց մեքենան ոստիկանները կանգնեցրել են՝ ի սկզբանե պատճառաբանելով, որ մեքենայի բարձրախոսներն են պատճառը, հետո ասել՝ ամրացված իրեր կան, դրա պատճառով, այլ պատճառաբանություններ բերել։

🗣 «Ի սկզբանե ուզում էին տուգանել, բայց զանգ ստացան, զանգ կատարեցին, ևս մեկ ավտոմեքենա մոտեցավ և որոշեցին, որ մեզնից պետք է ժամանակ խլեն, մեզ բերեն-հասցնեն Վայքի ոստիկանություն։ Այստեղ բավականին ժամանակ կորցնելուց հետո դեռ չգիտենք՝ ինչ կլինի մեր ավտոմեքենայի ճակատագիրը», - ասել է ԱԺԲ ներկայացուցիչը։

📹 Փաստական տվյալներ են ստացվել նաև նախկին, այդ թվում՝ վիրավորում ստացած զինվորականների կողմից 2026թ. ապրիլին Երևանում տեղի ունեցած հավաքին մասնակցելու նպատակով վերջիններիս նյութապես շահագրգռելու, ինչպես նաև զինվորականի սպանություն կատարելու առերևույթ հանցանքների վերաբերյալ։

📌 Տվյալները ստացվել են ընտրակաշառք տալու, ստանալու, բարեգործության արգելքը խախտելու և անձի ընտրական իրավունքի ազատ իրականացումը խոչընդոտելու դեպքերի առթիվ նախաձեռնված քրեական վարույթի շրջանակում:

[ՀՀ հակակոռուպցիոն կոմիտե]

💬 Նարեկ Կարապետյանը հայտնել է, որ դիմել են ՌԴ-ին, որ թղթեր ներկայացնի. «Կապացուցենք, որ ես միայն ՀՀ քաղաքացի եմ»:

‼️ Փաստաբան Վարդան Ալոյանն էլ ՔԿ-ից պահանջում է հերքում հրապարակել՝ նշելով. «Քննչական կոմիտեն ստացված տեղեկությունների հիման վրա վարույթ հարուցելու պարագայում իրավունք չունի ուսումնասիրման ենթակա տեղեկությունը հանրությանը ներկայացնել որպես հաստատված փաստ՝ մոլորեցնելով հանրությանը և ակնհայտորեն վիրավորելով անձի պատիվը, արժանապատվությունը և գործարար համբավը»:

💬 «Արարատցեմենտի» պետականացման և դրա վերաբերյալ Դատախազության հայտարարությունների իրավական մասով ԲՀԿ-ն հետամուտ է լինելու՝ հայտնել է ԲՀԿ խոսնակ Իվետա Տոնոյանը:

📌 ԲՀԿ ցուցակի թեկնածու Սուրեն Սուրենյանցի բնորոշմամբ՝ «Արարատցեմենտի» շուրջ իրավական ամբողջ գործընթացը հարմարեցվում է Փաշինյանի պատկերացումներին։ Նա ընդգծեց գործարանի կարևոր դերը արդյունաբերության մեջ, որն, ըստ նրա, ապահովում է շինարարական և տնտեսական կայունություն, Հայաստանի տնտեսական սուվերենությունը, ռեգիոնալ նշանակությունը։ |hetq.am|

📣 «Լուսավոր Հայաստանն» այսօր իր նախընտրական քարոզարշավն իրականացնում էր 2008թ. մարտի 1-ի զոհերի hուշարձանի մոտ։

🗣 Էդմոն Մարուքյանը պնդել է՝ հավատալ, որ Նիկոլ Փաշինյանը թալանը ետ է բերելու, «Մարտի 1»-ը նորից է բացահայտելու ու գնալ, նրան ընտրել, կլինի խայտառակություն.

📌 «Նա ասում է՝ գործը բացահայտված է, Ռոբերտ Քոչարյանը պետք է նստի։ Ինչպե՞ս կարելի է 8 տարի շարունակ երկիրը ղեկավարել՝ կառչած մնալով Քոչարյանին կալանավորելու թեմայից։ Դա սուտ է, ոչ ոք էլ չի նստի»,- ասաց Էդմոն Մարուքյանը՝ հավելելով․ «Ուզում են վերընտրվել, գնալ խորհրդարան, միասին Ստրասբուրգներում շրջագայել, ինչը մենք տեսանք վերջին 5 տարիներին: Նույն պատմությունն է նաև Հոկտեմբերի 27-ի գործի հետ․ ոմանք ընդհանրապես արյան վրա կարիերա են անում»: |aravot.am|

🔸 Արմավիրի մարզի Տարոնիկ գյուղում է «Միասնության թևեր» կուսակցության քարոզարշավին Արման Թաթոյանի հետ հանդիպման ժամանակ բնակիչներից մեկը հարց է բարձրացրել, որ տարիներ շարունակ դաշտում աշխատելով՝ այսօր կանգնել է այն խնդրի առաջ, որ այդ աշխատանքը չի հաշվարկվում որպես աշխատանքային ստաժ, ինչն անմիջական ազդեցություն ունի թոշակի և սոցիալական այլ իրավունքների վրա։

💬 «Մենք օրենսդրությունը փոխելու ենք, որպեսզի գյուղատնտեսական աշխատանքը ևս համարվի ստաժ, և հետագայում թոշակի ու սոցիալական այլ հարցերի հաշվարկման ժամանակ հիմք ընդունվի որպես աշխատանքային ստաժ»,- նշել է Արման Թաթոյանը։ |armenpress.am|

🔸 ԲՀԿ խոսնակ Իվետա Տոնոյանի բնութագրմամբ՝ այս օրերին տարբեր քաղաքական ուժեր լծված են իրենց ծրագրերը, երկրի իրենց տեսլականը, գաղափարախոսությունը հանրությանը ներկայացնելուն, իսկ Փաշինյանն ու իր թիմը որդեգրել են մի քաղաքականություն, որտեղ չկա որևէ ծրագրային խոսք, առողջ քննադատություն, որտեղ կա բացառապես անընդունելի լեքսիկոն ու բառամթերք, անհավասարակշիռ պահվածք, հաշվեհարդարի, այդ թվում՝ ֆիզիկական, սպառնալիքներ:

🔸 «Որքան ԲՀԿ-ն, Գագիկ Ծառուկյանը հանդես են գալիս հավասարակշռված քաղաքական դաշտում, նույնքան անհավասարակշիռ է դառնում Նիկոլ Փաշինյանի պահվածքը»,- նշել է նա հրավիրված ասուլիսի ժամանակ: |aravot.am|

📣 Օսիպյանի հրապարակային գործողությունները, այդ թվում՝ Նիկոլ Փաշինյանի հետ բանավեճը, հանրային կարևորության թեմաների անդրադառնալն ու բարձրաձայնելը և սոցիալական հարթակում արված գրառումը, ամբողջությամբ տեղավորվում են խոսքի ազատության իրավունքի պաշտպանության ներքո՝ որպես քննադատական խոսք։

✅ Պահանջում ենք Գլխավոր դատախազությունից և Քննչական կոմիտեից.

🔻 Անհապաղ արգելանքից ազատ արձակել Արթուր Օսիպյանին և դադարեցնել նրա նկատմամբ քրեական հետապնդումը,
🔻 Գործունեության շրջանակներում պահպանել անկախության և անաչառության բարձր չափանիշներ, հիմնվել բացառապես ՀՀ Սահմանադրության և ՀՀ մարդու իրավունքների միջազգային պարտավորությունների վրա,
🔻 Բացառել անօրինական կամ ընտրովի քրեական հետապնդումերը:

[Մի շարք ՀԿ-ների հայտարարությունը]

📣 «Հայաստան» դաշինքի վարչապետի թեկնածու Ռոբերտ Քոչարյանը Կոտայքի մարզում կայացած քարոզարշավի ընթացքում անդրադարձել է մարտի 1-ի գործին։

🗣 «Մարտի 1-ի գործն ամբողջությամբ փուչ է։ Այս գործում կա մեկ հիմնական մեղավոր և պատասխանատու` նա, ով հրահրել է մարդկանց։

🔸 Պրակտիկ գործն արել է Նիկոլ Փաշինյանը, և նրա սիրտն էր փառավորվում ոստիկանության հետ բախումներից»,- ասել է Քոչարյանը:

📣 Գիտեք, որ ԲՀԿ ցուցակի երկրորդ համար կա՝ Անդրանիկ Թևանյան անունով։ Վաղը ՀՀ ԱԱԾ-ն սահմանված կարգով հանցագործության մասին հաղորդում կուղարկի քննչական կոմիտե՝ ակնկալելով, որ Թևանյանի դեմ քրեական գործ հարուցվի «Հայրենիքի դավաճանության» հոդվածով։

📌 Այս մասին քարոզարշավի ընթացքում ասել է Նիկոլ Փաշինյանը։