سبحان الله ، إستغفرالله ، لاحول ولاقوة إلا بالله .

‏الإنسان مسؤول عن سعادته إذا كنت تتوقع أن الأشخاص الآخرين بيخلونك سعيد فأنت بتكون دائماً شخص حزين

وصية اليوم وكل يوم :
" استر بجلباب الفرح عورة الجرح
ما كل من فتش جروحك .. حضنها "

‏ جاور من يشوفك دهشة عجابّه من يقولك اذا ضاقت الدنيا عليك " لو ماسرتك الأيام .. أنا لك سرور "

سرعتي بالتخطي تحسسني اني ماعندي مشاعر وما عندي شيء يندرج تحت سقف الإهتمامات أبداً

الحالة الشعورية تتمثل بـ :
" تجرّعت الصبر مجبر و واصلت الحياة إكراه
‏وكملت الطريق اللي لـ وين أجهل يودّيني "

‏على كثر الأماني اللي سكنت صدري إلا إن :
"ودي أضحك ضحكة اللي حقّقت الأيام حلمه وودي اذرف دمعة التايب على العمر المولي "

أظن لكل منا على الأغلب فترة في حياته يتذكرها كل ما سمع صوت " طلال مداح " لأن مستحيل هذا الصوت يكون ماله في رفوف الذاكرة رفّ !

الله يخلي الصاحب اللي نقول له :
" والله انه مالحقني من ورى عرفك حسّافة
خيرة أيام السنين المقبلة والاوليه "

أحب جملة "ياكثرك في قلبي" فكرة أنك تكون في صدر أحد بهذي الكثافة وهذه الكثرة وأنت فرد ! يارباّه

مهما حسيت بصعوبة الحياة وتراكمت عليك الظروف المعيقه .. تذكر بيت الشاعر مساعد الرشيدي رحمة الله عليه اللي قال فيه :
" نقدم على رقي المصاعب مانهيّب
ونموت ماتاطى لنا الدنيا طرف "

‏لاتعد نفسك من خساراتي لأن أي خسارة ماتمس طريقي ماأعتبرها خسارة كيف والموضوع يتمحور حولك وأنت مُجرد إنسان مو حلم ولا هدف !

صبحكم الله بالخير .. بيت هاليوم يقول :
" ‏أفتح شبابيك الأمل للحلم فالفجر الجديد
لو أكثر أحلامك تلوّح للفراق كفوفها "

الدنيا فانيه و الأيام مقفيّه و الناس ماهيب للناس لذلك إفطَن نفسك و عزها عن كل شعورٍ ما يعزها !

بكل وكامل الثقه والنرجسية أقول :
" مثلي بهالدنيا غّناه وغنيمة "

غامروا في الخطوات والافكار والكلام والافعال في كل شيء .. لأن ماورانا إلا القبور اللي ماندري وش وراها ومثل ماقيل " يعيش باللذّات كل مغامر "

ماعندي طاقة استرجع أي ذكرى واتعلق بأي حنين وأبكي على الأطلال ! " كل بابٍ أنهجّر واجب إغلاقه "
والمستقبل جاي وحامل ابواب ودروبٍ جديده