صباح الخير بهالبرد 🌨️
جبنا معنا لليوم فيديو هضمية وفيديو غديّة

🔹الفيديو الأول بعنوان: الكبد 8 - داء ترسب الأصبغة الدموية / داء ويلسون / التهاب الكبد المناعي الذاتي

🔹الفيديو الثاني بعنوان: الغدة الكظرية 4 - قصور الكظر Adrenal Insufficiency

👇🏻تجدون الروابط في التعليقات
💃🏻 وقربنا نخلص أول مادتين.. دعواتكم 😍

السلام عليكم 😍
بنختم سلسلة فيديوهات داء السكري مع فيديوهين لليوم 💃🏻

🔹 داء السكري 5- علاج داء السكري Diabetes Mellitus Treatment

🔹 داء السكري 6- نقص سكر الدم Hypoglycemia

الروابط موجودين بالتعليقات 👇🏻👇🏻 وبنتمنى كل الفائدة

🔔 طبعا غداً إن شاء الله حينزل كمالة سلسلة فيديوهات الكظر فخليكن متابعينا 😎💃🏻

داء السكري ✔️✔️
تم التصوير بالاشتراك مع مركز Golden Age
#GoldenAge
#ARAMED

السلام عليكم ورحمة الله 🙌

نتابع معكم بآخر موضوعين في الغدة الكظرية وهو الأعقد فيها ومن أصعب مواضيع الغدد بشكل عام....

تحت عنوان:
💢 #فرط_التنسج_الكظري_الخلقي_والأعواز_الهرمونية

💢 طبعا بالبداية في فيديو صغير لازم ينشاف عن
#سبيل_اصطناع_هرمونات_قشر_الكظر
السبيل اللي مستحيل ينحفظ XD

المعلومات مبسطة قدر المستطاع إن شاء الله يكون فيها الفائدة

سبيل اصطناع هرمونات قشر الكظر:
https://youtu.be/hUwtrMadZ8k

فرط التنسج الكظري الخلقي (المتلازمة الكظرية التناسلية):
https://youtu.be/q_R-SPUBuOE

بعد أكثر من أربعة أشهر من العمل المتواصل، تم بعون الله نشر آخر فيديو من فيديوهات مادة الغدد الصم Endocrinology .
وبذلك استقر مجموع عدد فيديوهات المادة على 24 فيديو تغطي أساسيات المادة لطلاب الفروع الطبية.

رابط playlist

https://www.youtube.com/playlist?list=PLMx4jFEw_a14w769C1hfF_UhuBD5-mJgg

☝ أكثر من 30,000 مشاهدة و 2000 متابع و 3000 ساعة مشاهدة! على قناتنا على يوتيوب.
☝ أكثر من 5000 لايك لصفحتنا على الفيسبوك.
☝ أكثر من 2000 متابع لقناتنا على التيليغرام.
☝ أكثر من 500 متابع على حسابنا على تويتر.
⬅ كل ذلك في أقل من 5 أشهر بحمد الله وبفضله.. وبدعمكم ومتابعتكم المستمرين ❤
☚ اليوم نشرنا لكم آخر منتجاتنا فيما يتعلق بالباطنة الهضمية .. متمّين بذلك 48 فيديو بالمجمل.. 24 لكل مادة.. 12 لكل شخص 🏆🎊🎉
-------
وبصراحة ..
الفيديوهات أخدت منا جهد ووقت أكتر من المتوقع.. كنا مخططين نخلصهم قبل بكتير... بس الأمر كان مجهد حقاً.
ولكن... بالرغم من كل المعوّقات..
من كل المرات الي عدنا فيها التسجيل لأن ما عجبنا أو لأن انحذف بالغلط :") !
من كل المرات الي قطعت فيها الكهربا أثناء التصوير 😒
من كل المرات الي أخطأنا فيها فقطشنا الفيديو ورجعنا وصلنا.
من كل المرات الي شفنا فيها الفيديوهات لنشوف اذا لسا في أخطاء لنحط تصحيحات بالسابتايتلز.
من كل المرات الي طلعت فيها روحنا ليخلص الفيديو upload (ناهيكم عن وضع الباقات هلأ).
من كل المرات الي فتحنا فيها اليوتيوب لنشوف كم view صار في عكل فيديو.. لنواسي تعبنا وجهدنا.
بالرغم من كلللل هالشغلات .. خلصنا الجزء الأول الي بلشنا فيه الحمدلله :") .. وقدرنا نخطو اول خطوة بطريقنا مع كل هالصعوبات.. وبأدنى الإمكانات المتوفرة!
نحن هون لنحكي أنو مافي شي سهل ... بس بنفس الوقت مافي شي مستحيل 💪💪❤❤
شكراً جزيلاً جداً لكم لمتابعتكم ودعمكم 😍
وشكراً للمصمم محمد زيدان لمساعدته في مونتاج الفيديوهات ❤
وانتظرونا بالمزيد ان شاء الله تعالى ❤
-------
هامش 1: الصورة من أول جلسة تصوير.
هامش 2: الله يرحم أيام الإضاءة الي بالصورة.
هامش 3: فيديو الأخطاء والعثرات قادم 😂😎
هامش 4: منحبكم ❤

السلام عليكم أصدقائنا وين ما كنتو أهم شي تكونو بصحة وخير ❤️🙋🏻‍♂️
نظراً للظروف الحالية يلي عم يمر فيها العالم وفترة الحجر الصحي وتوقف الدوام بكل الجامعات والمؤسسات التعليمية ومن ضمنها كلية الطب، فريق ARAMED أيضاً تأثر بالموضوع وبالفترة الحالية ما حنقدر نصور ولا فيديو جديد للأسف لحتى نهاية فترة الحجر الصحي بسوريا.

🔺 كانت خطتنا قبل بداية الحجر عالشكل التالي:
1️⃣ نصور بالفصل التاني مادتين (مادة للسنة الرابعة ومادة للسنة الخامسة) بمعدل 6 أو 7 فيديوهات لأهم أفكار كل مادة وذلك بسبب ضيق الوقت لأنو نحنا كمان طلاب متلنا متلكن 🤷🏻‍♂️. وحالياً موقفين ليخلص الحجر.
2️⃣ نصور فيديوهات مادة الفزيولوجيا (علم وظائف الأعضاء) بحيث يقدرو طلاب السنة الأولى والثانية يستفيدو من الفيديوهات وهاد الأمر قمنا فيه بالفعل خلال أخر شهرين من تصوير الباطنة الغدية والباطنة الهضمية طبعا بالتعاون مع أعضاء جداد انضمو لمبادرتنا يلي هن زملائنا:
- صبحي التيناوي
- مصطفى بطحيش.

⚠️ طيب شو حننزل خلال الفترة القادمة؟
يلي حينزل هو جزء من فيديوهات الفزيولوجيا يلي تصورت قبل فترة الحجر.
لهيك بدنا نطلب منكن أصدقائنا انو تنشرو هاد البوست عأوسع نطاق حتى يستفيدو منو طلاب السنة التحضيرية والتانية خلال فترة العطلة.

وكتعريف بمنصة ARAMED لزوارنا الجدد من طلاب السنين الأولى هي منصة تعليمية طبية باللغة العربية ومجانية بشكل كامل قدمنا خلال الفصل الأول شرح لمادتي الباطنة الغدية والباطنة الهضمية بمحصلة 48 فيديو وسنتابع إن شاء الله كل فترة بمواد جديدة بدعمكن ❤️🙏🏻

تابعونا على يوتيوب والتلغرام وتويتر ليصلكم كل جديد (الروابط بالتعليقات 👇🏻)

ونكرر لا تنسو تعملو شير للبوست أو منشن لتعم الفائدة. (منشنوا كل طلاب السنة الأولى والتانية باليز 😂😍)
ولا تنسو الاشتراك بالقناة واللايك لكل فيديو 😂😂

#ARAMED
#GoldenAge

السلام عليكم زملاءنا الأعزاء في كل مكان 😍💚

دعماً لـ #التعلم_عن_بعد في ظل أزمة #الكورونا التي يعيشها كوكبنا 🌍

سلسلة جديدة على قناتنا على اليوتيوب بعنوان
#الفيزيولوجيا_الطبية

للسنة التحضيرية بشكل رئيسي كما أنها مفيدة لطلاب السنة الثانية

أول فيديوهين هنن عن
1- كامن راحة غشاء الخلية Resting Membrane Potential ومدته عشر دقايق
https://youtu.be/oBjYfeVw63E


2- كامن العمل Action potential ومدته نص ساعة 😈👻
https://youtu.be/XxJ2nNU9Fkw

بإذن الله كافيين جداً لترسيخ هالمفهومين لدى الطلاب 😌.
بإذن الله لح ينزلوا الفيديوهات يلي تم تصويرهم تباعاً ف دوبكم تشوفوه وتدرسوه 😌


ولا تنسو الاشتراك بالقناة 😎
https://t.me/aramed

شير وفورورد لكل حدا بتعرفوه تحضيري

والدال على الخير كفاعله ❤️

تم التصوير بالاشتراك مع مركز Golden Age

مسالخير جميعاً 😍

لح نكمل معكم فريق ARAMED بمادة الفيزيولوجيا🥳

بعد ما حكينا عن كامن العمل والراحة 😤
وصوديوم فايت وبوتاسيوم طالع 😂😂
صار وقت نضيف الكالسيوم عليهم "شوارد📈📈📈" بكامن عمل العضلة قلبية.

لح ننط لفصل القلبية ❤️ ولح نحكي بسلسلة من 4 فيديوهات عنه.

وأول واحد منن هو كامن العمل في النسيج العقدة "أي العقدة الجيبية الأذينية"

وهو من أهم وأصعب المواضيع في هذا الفصل.

بقية المواضيع الصعبة بتشمل كامن عمل الخلية العضلية القلبية وتخطيط القلب يلي كمان بيلبكوا شوي 😠

الفيديو مدته 20 دقيقة بس +____+
وإن شاء الله كافي ووافي لفهم الموضوع.

رابط الفيديو:

https://youtu.be/zaLwP9IgziE

رابط قنانتا عالتيليغرام:

https://t.me/aramed

هااام 💉💉

الفيديوهات دسمة فحاولوا كل يوم تخلصوا فيديو وتدرسه قسمه وبغضون أسبوعين تقريباً بتكونوا خالصين القلبية والكلية 🥳🥳

تاغوا لبعض 🤩🤩

دعمكم يهمنا ❤️

بالتوفيق جميعاً ❤️❤️

تم التصوير بالاشتراك مع مركز Golden Age
#ARAMED
#Physiology

يعطيكم العافية جميعاً ❤️

بنكمل معكم بالفصل الخامس "الفزيولوجيا القلبية" بموضوع مهم جداً وهو كامن عمل العضلة القلبية "CARDIAC MUSCLE ACTION POTENTIAL"
وهو من المواضيع يلي بدها تركيز

وأخر شي في مقارنة بين كامن عمل النسيج العقدي والنسيج القلبي 🤩

رابط الفيديو بالتعليقات 👇👇👇

https://youtu.be/nubSc1b2_FU

والفيديو القادم بكرا عن تخطيط القلب 🥳

هامش💉:
يلي تعرف علينا من طلاب التحضيري كتييير قلال 😞، ف يلي ملاقي حاله مستفيد وحابب يفيد غيره فشاركوا قناتنا بينكم 🤩🤩

لا تنسونا من صالح دعائكم ❤️

تم التصوير بالاشتراك مع مركز Golden Age
#ARAMED
#Physiology

مسالخير جميعاً ❤️
بنكمل معكم بالفصل الخامس "الفيزيولوجيا القلبية"
وهالمرة أساسيات تخطيط القلب 😍😍
شو هنن موجات P QRS T
كيف بيتشكلوا
وشرح كهربائية القلب 🥳

ان شاء الله يكون الفيديو مفيد الكم ❤️

الرابط بالتعليقات 👇👇
https://www.youtube.com/watch?v=4f-e4-JOyqI
وكالعادة لو لقيتوا فائدة فشاروكنا 🤩

بيصفى معنا فيديو واحد لفصل القلبية وهو "الدورة القلبية وأصوات القلب" بهاليومين بينزل.

لا تنسونا من صالح دعائكم ❤️

تم التصوير بالاشتراك مع مركز Golden Age
#ARAMED
#Physiology

بما أنو حجر وكذا ومافي دراسة والفيزيولوجيا دسمة اتسلى بهدول الفيديوهات 😂🤓

هي أخر فيديو للفصل الخامس "الفيزيولوجيا القلبية"

وبيحكي عن الدورة القلبية بأول نص، وعن أصوات القلب بالنص التاني +____+

الرابط تحت كالعادة 👇👇
https://youtu.be/ROyFkPmyiks
هامش: شوفو الفيديو المقصوص 😹😹

لا تنسونا من صالح دعائكم 🙏

تم التصوير بالاشتراك مع مركز Golden Age
#ARAMED
#Physiology