السلام عليكم ورحمة الله وبركاته ❤️❤️
كلنا منعرف أديش مهم لطالب الطب أنو يضل عم يطور نفسه باستمرار .. والكل عنده يقين بأهمية القراءة من المراجع الأجنبية لحتى يضل مواكب لأهم التطورات ولحتى يرمم النقص الي بيصيبه بمادة من المواد.
لكن كتار مننا بتوقف اللغة بطريقهم .. على الأقل بمرحلة ما من حياتهم بينما يتعودوا عالقراءة من المصادر الأجنبية.
وهالمصادر هي مقروءة كانت أو مصورة .. فهية غالباً مدفوعة .. والوصول إلها ما عم يكون بطريقة مباشرة بمعظم الحالات.
من هون إجت فكرة فريقنا .. وهو فريق ARAMED الي حيقدملكم أهم المعلومات الي بتحتاجوها:
1- بلغة عربية بسيطة بعيدة عن التعقيد بالمصطلحات .. ومع التأكيد على أهمية المصطلحات الأجنبية.
2- بشكل مجاني تماماً على اليوتيوب.
3- بأسلوب ممنهج بالانتقال من مرض أو موضوع للتاني بحيث نغطي غالبية المواضيع وأشيعها من المواد الي حنشتغلها.
4- شرح الفيديو حيكون بسيط جداً وواضح جداً.. وكل الفقرات حتكون معنونة (التعريف - الأسباب والآلية الإمراضية - الأعراض والعلامات - التشخيص - التدبير والوقاية).
5- بالاعتماد على أحدث المصادر الأجنبية وأبسطها مع ذكر هالمصادر بالـ description الخاص بكل فيديو.
____________________________
انطلاقتنا معكم حتكون بمادتين:
* الباطنة الغدية: مع محمد العرسان ومحمد لؤي الحافظ.
يمكنكم متابعتها عبر الهاشتاغ #Endocrinology

* الباطنة الهضمية: مع يوشع حمّاد وأحمد النويلاتي.
يمكنكم متابعتها عبر الهاشتاغ #Gastroenterology

وان شاء الله بس نخلص كل مادة مننتقل للي بعدها .. لحتى نخلص معظم وأهم المواد والمواضيع المطلوبة من الطبيب العام.

____________________________
منتمنى منكم تدعموا الصفحة بمراحلها الأولى لحتى نوصل للهدف الي بدنا ياه على مستوى محلي .. بل وعلى مستوى إقليمي أيضاً.
وأكيد ما تنسونا من الفيدباك للفيديوهات .. لحتى نطورها دوماً بالشكل المناسب للجميع.
وبسم الله الرحمن الرحيم منبلش مشوارنا معكم ❤️❤️❤️
انتظرونا *___*
#ARAMED
#منصة_تعليمية_طبية_باللغة_العربية

السلام عليكم ورحمة الله وبركاته ❤️_____❤️
جبنالكم اليوم اول فيديو من شغلنا 😍😍

ومشان تتسلوا :3 .. جبنالكم حالة سريرية متعلقة بموضوع الفيديو
شاركونا بالأجوبة وناقشونا بآرائكم (الجواب بينزل مساءً ان شاء الله)
—————————————-
الحالة السريرية:
رجل ٧٠ سنة، يعاني من صداع مترقي بالشدة من عدة أشهر.
بالسوابق يوجد لدى المريض:
* عنانة ونقص شهوة جنسية منذ خمس سنوات.
* بالفحص السريري لاحظنا وجود ضخامة ثنائية الجانب غير ممضة بالثدي، العقد الإبطية غير مجسوسة.
* المريض غير مصاب بالضغط أو السكري.. وليس مدخن أو كحولي
أي من التالي يتوافق مع القصة السابقة:
A- قصور أقناد بدئي
B- قصور نخامة شامل
C- برولاكتينوما
D- سرطان ثدي

تابعوا الفيديو لتعرفوا أكتر عن الموضوع 👌
1- لا تنسوا تعملوا Subscribe للقناة ليوصلكم منها كل جديد (حنصرعكم بهالجملة عالفيس أحسن ما نقولها بالفيديو 😂😂😂)
2- دوماً شغلوا الترجمة بالفيديو (بحال وجودها) لأن قد نصحح بعض السهوات بالفيديو عبر الترجمة (بمثال ضمن هالفيديو بالدقيقة 7:33)

#ARAMED
#Endocrinology

رابط الفيديو كامل
https://youtu.be/vA5S6CSSE7A

مناقشة الحالة السريرية:

متل ما منلاحظ من القصة المرضية السابقة...
أنو الأعراض بتوجه بشكل مباشر للورم المفرز للبرولاكتين....
هاد الورم ببلش بحجم صغير كتير بالنخامى، والبرولاكتين المفرز من الورم حيسبب تثبيط بمحاور الهرمونات الجنسية لذلك حتنتج أعراض متل:
* العنانة
* ونقص الشهوة الجنسية.
ولكن⁦‼️⁩⁦‼️⁩⁦‼️⁩ المريض حيعزو هي الأعراض للتعب والإرهاق وبالتالي ما حيراجع طبيب ليعرف شو المشكلة...
* مع الوقت الورم حيكبر ويصغط ويمارس تأثير الكتلة الشاغلة لحيز:
فبتنتج عنا الأعراض الانصغاطية (الصداع، والاضطرابات البصرية...)
* وبالتأكيد البرولاكتين حيتسبب تثدي بيفسر الموجودات عند المريض..

منجي هلأ لمناقشة الخيارات:

حسب المعطيات التشخيص الصحيح هو البرولاكتينوما
(الورم المفرز للبرولاكتين)..

❌الخيار الأول خاطئ:
لأنه بقصور الأقناد البدئي حتكون المشاكل جنسية وقد ترافق بتثدي، لكن ما حيصير أعراض متل الصداع..

❌الخيار الثاني خاطئ:
- لأنه مافي أعراض تدل على عوز باقي محاور النخامى (محور درق محور كظر...)
- بالإضافة إلى أنو العوز المعزول بمحور واحد نادر جداً..

💯 الخيار الثالث:
هو الصحيح، فرط البرولاكتين بيعمل تثبيط أقناد، وبسبب تثدي وبما أنو في صداع.. فمنتوقع سبب فرط البرولاكتين هو البرولاكتينوما (الورم المفرز للبرولاكتين)

❌ الخيار الرابع: خاطئ
سرطان الثدي غالباً أحادي الجانب من جهة .. وما حيترافق مع صداع من جهة تانية .. بالإضافة لعدم وجود الضخامات اللمفاوية الإبطية (التي ترافق السرطان بكثير من الحالات)...

بالتوفيق ❤️❤️

السلام عليكم من جديد 💪🏻😎
حنتابع معكن بفيديو تاني بمادة الباطنة الغدية وحيكون عن فرط نشاط الدرق Hyperthyroidism: الأسباب - الأعراض - التشخيص - العلاج بالإضافة لموضوع العاصفة الدرقية
____________________
وهلأ مع سؤال اليوم مشان تراجعو معلوماتكن بعد الفيديو وحناقش الأجوبة بالتعليقات بعد ما تجاوبو:
مريضة بعمر 55 سنة تم تقييم حالتها بعد يوم من خضوعها لعملية استئصال زائدة دودية.
كانت درجة حرارتها 40 درجة مئوية والنبض=145 نبضة/الدقيقة ومعدل الحركات التنفسية= 22/الدقيقة والضغط الشرياني= 120/75 ملم زئبقي.
المريضة تعاني حاليا من حالة هياج وعدم توجه للزمان والمكان ولوحظ بالفحص أن بشرة المريضة دافئة ورطبة.
سوابق المريضة المرضية: حالة فرط نشاط درق ورجفان أذيني سابق.
السؤال: ما هو أفضل دواء بين الأدوية التالية لمعالجة المريضة؟
A- Dantrolene
B- Propranolol
C- Piperacillin-Tazobactam
D- Haloperidol
E- Flecainide

#ARAMED
#Endocrinology

رابط الفيديو كاملا:
https://youtu.be/YsxbkCI9JiE

مناقشة الحالة السريرية:

الجواب الصحيح هو
B- Propranolol
مفتاح الحل: حالة العاصفة تتحرض عند مريض فرط نشاط درق عند خضوعه لحالة خمج أو رض او عمل جراحي(كما في الحالة السابقة) وتتظاهر بتسرع قلبي ( 145 كما في الحالة السابقة) وحرارة(40) وتبدلات بحالة الوعي(عدم توجه للزمان والمكان) .
العلاج:
ويتضمن حاصر بيتا: (بروبرانولول) - مضاد درق(ptu) - ديكساميتازون.
ويعطى اليود بعد ساعة.

السلام عليكم ورحمة الله وبركاته *_____* <3
انتهت رحلتنا في كوكب الغدية لهذا الأسبوع
وبدأت رحلتنا في كوكب الهضمية
وحنكون معكم اليوم بالفيديو الأول من فيديوهات البنكرياس (طويل شوي سامحونا :3) عن التهاب البنكرياس الحاد وكل ما ينبغي معرفته عن هذا المرض .. من القصة الوصفية وصولاً للعلاج (والي موجود بالفيديو هون عالفيسبوك)
وانتظرونا بالفيديو التاني للبنكرياس بالأسبوع القادم وهو التهاب البنكرياس المزمن
وكمان اجيناكم بحالة سريرية اليوم (بس صعبة ها :P وما حيعرف يجاوب الا الي شايف الفيديو كامل :3 )
------------------------
مريضة 44 سنة أتت للإسعاف بألم بطني شرسوفي حاد ينتشر للظهر من 4 ساعات (بالفحص يوجد مضض خفيف دون دفاع بطني)
تشكو المريضة أيضاً من غثيان وإقياء
المريضة غير مدخنة وغير كحولية ولا تتناول أية أدوية ولا يوجد أي سوابق مهمة أخرى.
الجلد سليم (لا يوجد كدمات) ولا يوجد ضخامة كبدية طحالية
النتائج المخبرية:
الأميلاز 2100 (الحد الأعلى للطبيعي 130 وحدة دولية/ل)
الليباز 3200 (الحد الأعلى للطبيعي 160 وحدة دولية/ل)
الـ ALT كان 170 (الحد الأعلى للطبيعي 40 وحدة دولية/ل)
الـ ALP مرتفع
الكريات البيض 14000
كالسيوم وشحوم الدم ضمن الطبيعي
-------------------------
ما هي #الخطوة_التالية الأهم لتحديد #سبب المشكلة المرضية الحادة لدى المريضة؟؟
أ- طبقي محوري مع حقن
ب- صورة بطن بسيطة
ج- ايكو بطن
د- ERCP
-------------------------
بالتوفيق ان شاء الله :P
#ARAMED
#Gastrenterology