ACT AS IF YOU ARE THE BEST, NO ONE IS BETTER THAN YOU"မင်းကိုယ်မင်း အတော်ဆုံးလို့ သတ်မှတ်ပါ ဒါဟာ သူများကို မထီမဲ့မြင် လုပ်ဖို့ မဟုတ်ပါဘူး။ ကိုယ့်ကိုယ်ကိုယ် နိမ့်ကျမနေစေဘဲ အမြင့်ဆုံး စံနှုန်းတစ်ခု သတ်မှတ်ပြီး စွမ်းရည်အပြည့် ထွက်လာအောင် မွေးမြူတာပါ။ကိုယ်တိုင် ယုံကြည်မှု အပြည့်မရှိသေးရင်တောင် အတော်ဆုံးလူတစ်ယောက်လို ပြုမူနေထိုင်ပေးလိုက်ရင် စိတ်က စယုံလာပြီး အပြုအမူနဲ့ ရလဒ်တွေပါ လိုက်ပြောင်းလာမှာပါ။ ယုံကြည်မှုဆိုတာ ထိုင်စောင့်နေလို့ မရပါဘူး။ မသက်မသာ ဖြစ်နေပါစေ ပုံမှန်အတိုင်း ယုံကြည်မှုရှိရှိ အကြိမ်ကြိမ် ပြုမူဆောင်ရွက်ရင်းနဲ့မှ မင်းရဲ့ ပင်ကိုယ် စရိုက် (Identity) အဖြစ် ပြောင်းလဲသွားတာပါ။
"ငါ မလုပ်နိုင်ဘူး" ဆိုတဲ့ အတွေးနေရာမှာ "ငါ နည်းလမ်းရှာပြီး ဖြစ်အောင်လုပ်မယ်"၊ "ငါ မဆင်သင့်သေးဘူး" ဆိုတဲ့နေရာမှာ "လက်တွေ့လုပ်ရင်း အသင့်ဖြစ်အောင် လုပ်မယ်" ဆိုပြီး စိတ်ထဲက စကားသံကို ပြောင်းလဲလိုက်ပါ။
မင်းရဲ့ အားနည်းချက်တွေကို မဖုံးကွယ်ဘဲ သေချာ လေ့လာပြင်ဆင်ပါ။ ယုံကြည်မှု လွန်ကုဲရင် ထောင်လွှားမှု ဖြစ်သွားပြီး၊ ကြိုးစားပေမဲ့ ယုံကြည်မှု မရှိရင် တွန့်ဆုတ်နေတတ်လို့ ဒီနှစ်ခုကို ပေါင်းစပ်ဖို့ လိုပါတယ်။ အချစ်ရေး၊ ကျန်းမာရေးနဲ့ ဘဏ္ဍာရေး အစရှိတဲ့ နယ်ပယ်တိုင်းမှာ မင်းသာ အတော်ဆုံး ပြုမူနေထိုင်သူ ဖြစ်နေရင် ဘယ်လို စည်းကမ်းတကျ နေထိုင်မလဲဆိုတာ သတ်မှတ်ပြီး ကျင့်သုံးပါ။အတော်ဆုံးလူတွေဆီမှာလည်း ကြောက်ရွံ့မှုနဲ့ အမှားတွေ ရှိပါတယ်။ ဒါပေမဲ့ ကြောက်နေရင်တောင် ဆက်လက် လှုပ်ရှားကြပြီး အမှားတွေဆီကနေ အမြန်ဆုံး သင်ယူကြတာပါ။သူများတွေနဲ့ လိုက်နှိုင်းယှဉ်ပြီး အားငယ်မနေပါနဲ့။ "မနေ့ကထက် ငါ ပိုကောင်းလာရဲ့လား" ဆိုတဲ့ ကိုယ့်ကိုယ်ကိုယ် ယှဉ်ပြိုင်မှုတစ်ခုတည်းကိုပဲ အဓိကထားပါ။
"ငါ ကြိုးစားကြည့်မယ်" သို့မဟုတ် "ငါ မျှော်လင့်တယ်" ဆိုတဲ့ စကားတွေအစား "ငါ လုပ်မယ်"၊ "ငါ မျှော်လင့်ထားတယ်"၊ "ငါ ဘယ်လို လုပ်ရမလဲ" ဆိုတဲ့ ပြတ်သားတဲ့ စကားလုံးတွေကို သုံးပါ။
စိတ်ပါသည်ဖြစ်စေ၊ မပါသည်ဖြစ်စေ နေ့စဉ်ရက်ဆက် ပုံမှန် လုပ်ဆောင်နေတာကပဲ မင်းရဲ့ အမှတ်အသားနဲ့ အောင်မြင်မှုကို အမှန်တကယ် တည်ဆောက်ပေးတာပါ။

ch 25 MA interest simple vs compounded interest

ဒီနေ့ campus မှာတီချယ်ရှိပါတယ်နော်ရှင့်🥳🩵