Failed ACCA F1 (BT – Business & Technology)
ပထမဆုံးအနေနဲ့— အရမ်းမစိုးရိမ်ပါနဲ့။ F1 လို Foundation level စာမေးပွဲတွေက ACCA ခရီးစဉ်ရဲ့ အစပိုင်းဖြစ်လို့ အခက်အခဲကြုံပြီး ကျရှုံးတတ်တာဟာ သာမန်ပါပဲ။ သတင်းကောင်းကတော့ ဒီစာမေးပွဲတွေက တစ်နှစ်ကို အကြိမ်ကြိမ်ရှိလို့ မြန်မြန်ပြန်ဖြေခွင့်ရှိပါတယ်။

ဒါပေမယ့် "ဘာကြောင့်ကျတာလဲ" ဆိုတဲ့ အကြောင်းရင်းကို သေချာမသုံးသပ်ဘဲ နောက်တစ်ခေါက် ပြန်မဖြေပါနဲ့။ နောက်တစ်ကြိမ် သေချာပေါက်အောင်မြင်ဖို့ ဒီအချက်တွေကို သုံးသပ်ကြည့်ပါ-

🔹 ၁။ F1 ကို အထင်သေးခဲ့မိသလား? (Don’t underestimate F1)
F1 ဟာ အခြေခံဖြစ်လို့ လွယ်မယ်ထင်ရပေမယ့်၊ တကယ်တမ်း မေးခွန်းတွေက သင့်ရဲ့ အလွတ်ကျက်မှတ်နိုင်စွမ်းကို စစ်တာမဟုတ်ဘဲ "သဘောတရားကို တကယ်နားလည်မှု (Understanding)" ကို စစ်ဆေးတာပါ။
* 🧠 *စဉ်းစားသုံးသပ်ရန်:* "ငါက စာတွေကို အလွတ်ကျက်ခဲ့တာလား၊ ဒါမှမဟုတ် Concept တစ်ခုချင်းစီကို တကယ်သဘောပေါက်ခဲ့တာလား?"

🔹 ၂။ အဓိက Topic တွေကို ပြန်သုံးသပ်ပါ (Focus on key topics)
အောက်ပါ အဓိကနယ်ပယ်တွေမှာ သင်တကယ် ကျွမ်းကျင်မှုရှိ/မရှိ ပြန်ဆန်းစစ်ပါ-
* Business organization structure (စီးပွားရေးလုပ်ငန်း ဖွဲ့စည်းပုံများ)
* Stakeholders and external environment (သက်ဆိုင်သူများနှင့် ပြင်ပပတ်ဝန်းကျင်)
* Corporate governance basics (ကော်ပိုရိတ်အုပ်ချုပ်မှု အခြေခံများ)
* Ethics and CSR (ကျင့်ဝတ်နှင့် လူမှုအကျိုးပြုလုပ်ငန်းများ)
* Business functions and processes (လုပ်ငန်းဆောင်တာများနှင့် လုပ်ငန်းစဉ်များ)
* 🧠 *စဉ်းစားသုံးသပ်ရန်:* ဒီအချက်တွေထဲက ဘယ်ခေါင်းစဉ်က ငါ့အတွက် အရှုပ်ထွေးဆုံး ဖြစ်နေခဲ့လဲ?

🔹 ၃။ MCQ လေ့ကျင့်မှုပုံစံကို ပြောင်းလဲပါ (Practice MCQs daily)
F1 က ရွေးချယ်ရမယ့် Objective-based မေးခွန်းတွေဖြစ်ပါတယ်။ ဒါကြောင့် နေ့စဉ် MCQ တွေ လေ့ကျင့်ဖို့လိုပါတယ်။
* မှန်တဲ့အဖြေကိုပဲ ရွေးတတ်ရုံနဲ့ မလုံလောက်ပါ။ "ဘာကြောင့် ဒီအဖြေက မှန်တာလဲ" (Focus on 'Why') ဆိုတာကို နားလည်အောင်လုပ်ပါ။
* မှားနေတဲ့ အဖြေတွေကို ဘာကြောင့်မှားတယ်ဆိုတာ သိပြီး မြန်မြန်ဖယ်ထုတ်နိုင်အောင် (Process of elimination) လေ့ကျင့်ပါ။

🔹 ၄။ စာမေးပွဲဖြေဆိုမှု နည်းဗျူဟာကို ဆန်းစစ်ပါ (Improve exam technique)
စာမေးပွဲခန်းထဲမှာ သင်ဘယ်လို ဖြေဆိုခဲ့လဲ ပြန်စဉ်းစားပါ။
* မေးခွန်းကို အဆုံးထိ သေချာဖတ်ခဲ့ရဲ့လား?
* အဖြေကို အလောတကြီး ရွေးချယ်ခဲ့မိလား?
* အချိန်ကို စနစ်တကျ ခွဲဝေနိုင်ခဲ့ရဲ့လား?
* ခိုင်လုံတဲ့ အကြောင်းပြချက်မရှိဘဲ ရမ်းပြီး (Guessing) ဖြေခဲ့မိလား?

🔹 ၅။ Short Revision Notes များကို အကျိုးရှိရှိသုံးပါ (Use short revision notes)
F1 က Theory များတဲ့ ဘာသာရပ်ဖြစ်ပါတယ်။
* စာအုပ်ကြီးတစ်ခုလုံးကို ပြန်ဖတ်နေမယ့်အစား ရိုးရှင်းတဲ့ အကျဉ်းချုပ် မှတ်စု (Summaries) တွေကို အသုံးပြုပါ။
* တစ်ခါတည်းနဲ့ ပြီးမသွားဘဲ အရေးကြီးတဲ့ Concept တွေကို မကြာခဏ ပြန်နွှေးပေးပါ။

🔹 ကိုယ့်ရဲ့ Result ကို သုံးသပ်ပါ (Learn from your result)
သင်ကျရှုံးခဲ့တဲ့ Result ဟာ သင့်ရဲ့ အားနည်းချက်ကို ပြနေတဲ့ Data ပါပဲ။
* Ethics အပိုင်းမှာ အမှတ်နည်းနေတာလား? Business structure အပိုင်းလား? Management နဲ့ Leadership ကွဲပြားမှုတွေကို ရောထွေးနေတာလား?
* 🧠 *စဉ်းစားသုံးသပ်ရန်:* အမှတ်နည်းတဲ့ အပိုင်းတွေကိုပဲ သီးသန့်ပြန်ရွေးထုတ်ပြီး Focus ထား လေ့ကျင့်ပါ။

📅 **ချက်ချင်း ပြန်ဖြေသင့်လား?
ဖြေသင့်ပါတယ်။ F1 က မကြာခဏ ဖြေဆိုနိုင်တဲ့အတွက် အောက်ပါအချက် (၂) ချက်နဲ့ ကိုက်ညီရင် မြန်မြန်ပြန်ဖြေတာ အကောင်းဆုံးပါပဲ-
✔️ ကိုယ်ဘာတွေ မှားယွင်းခဲ့လဲ (Mistakes) ဆိုတာကို တိတိကျကျ သိပြီဆိုရင်။
✔️ နောက်ထပ် သီတင်းပတ် အနည်းငယ်လောက် စနစ်တကျ ပြန်လည်ပြင်ဆင်နိုင်မယ်ဆိုရင်။

conso မှာ post တွေ pre တွေခွဲနည်း အလွယ်

( andriod phone ဖြစ်သာဝင်ရန်)

FA 2 Provision Lecture part1

FA 2 Provision Finish

FA 2 UK မှာမေးတဲ့ Provisions အစအဆုံးကြည့်ရန်

Lecture - https://t.me/apslearning/5108

Kit-https://t.me/apslearning/5109

IAS 21 ( exchange rate အပြောင်းလဲ , နိုင်ငံခြား building ဝယ်ပြီ currency exchnage နဲ့ revalution model ဘယ်လိုပြန်ရှင်းကမလဲ)

IAS , IFRS ,လေ့လာနေသူတွေအတွက် Free Video Lesson များ


IAS 20 Lecture part1 - https://t.me/apslearning/4674 IAS 20 Lecture part2 finish - https://t.me/apslearning/4682 IFRS 9 Lecture Part1 - https://t.me/apslearning/4688 IFRS 9 Lecture Part2 - https://t.me/apslearning/4731 IFRS 9 Lecture Part 3 Finish - https://t.me/apslearning/4798 IAS 8 Lecture part1 - https://t.me/apslearning/4805 IAS 8 Lecture Part2 - https://t.me/apslearning/4817 IAS 8 Finish - https://t.me/apslearning/4885

IAS 12 lecture part1 - https://t.me/apslearning/4957
IAS 12 Lecture Part2 - https://t.me/apslearning/4987

IAS 12 Lecture Deferred Tax -https://t.me/apslearning/5007

IAS 12 Lecture Deffred Tax Liability - https://t.me/apslearning/5050 IAS 21 - exchange currency part1 - https://t.me/apslearning/5053 IAS 21 - exchange currency part 2 - https://t.me/apslearning/5072 IAS 21 - exchnage currency finsih - https://t.me/apslearning/5113

conso စာမေးထားသော

⁉️ "Related Party Transaction (ဆက်စပ်ပတ်သက်သူများနှင့် အရောင်းအဝယ်လုပ်ခြင်း)" ဆိုတာ ဘာလဲ?

မင်းက ကုမ္ပဏီတစ်ခုကို သွားစစ်ဆေးရတဲ့ စာရင်းစစ် (Auditor) တစ်ယောက်လို့ မြင်ယောင်ကြည့်လိုက်ပါ။ စာရင်းတွေစစ်နေရင်းနဲ့ ကုမ္ပဏီက ကုန်ကြမ်းပစ္စည်းတွေကို ပုံမှန်ပေါက်ဈေးထက် (၂) ဆ ပိုပေးပြီး "Company A" ဆိုတဲ့ ဆိုင်တစ်ဆိုင်ဆီကနေ အမြဲတမ်း ဝယ်နေတာကို သွားတွေ့တယ် ဆိုပါစို့။
သာမန်စာရင်းရေးသွင်းသူ တစ်ယောက်ဆိုရင် "အင်း... ဘောက်ချာမှာ (၂) ဆဖြစ်နေတော့လည်း စာရင်းထဲကို (၂) ဆပဲ သွင်းလိုက်မယ်၊ ဈေးတက်သွားလို့နေမှာပေါ့" ဆိုပြီး ကျော်သွားပါလိမ့်မယ်။ ဒါပေမယ့် IAS 24 ကတော့ ဒီလို မေးခွန်းထုတ်ပါတော့မယ်။
"ဘာလို့ ပိုဈေးကြီးတဲ့ဆီကနေ သွားဝယ်နေရတာလဲ?"
"ဒီ Company A ရဲ့ ပိုင်ရှင်က ဘယ်သူလဲ?"
အဲဒီလိုနဲ့ နောက်ကြောင်းကို သေချာလိုက်စုံစမ်းကြည့်လိုက်တော့မှ Company A ရဲ့ ပိုင်ရှင်က မင်းစစ်ဆေးနေတဲ့ ကုမ္ပဏီရဲ့ CEO (အရာရှိချုပ်) ရဲ့ ညီမအရင်း ဖြစ်နေတယ်ဆိုတာကို သွားတွေ့ရတယ် ဗျာ။
🔴 ဘာလို့ ဒါဟာ ပြဿနာဖြစ်တာလဲ?
စာရင်းကိုင်/စာရင်းစစ် လောကမှာ ဒါကို "Related Party Transaction" (ဆက်စပ်ပတ်သက်သူများနှင့် အရောင်းအဝယ်လုပ်ခြင်း) လို့ ခေါ်ပါတယ်။
◾️ ပုံမှန် အပြင်လူနဲ့ အရောင်းအဝယ် လုပ်ရင်: ကျနော်တို့က ကိုယ့်အတွက် အမြတ်အများဆုံးရအောင်၊ ဈေးအသက်သာဆုံးဖြစ်အောင် အပြိုင်အဆိုင် ဈေးဆစ်ကြမယ်။ မျက်နှာနာစရာ မလိုဘူး။ (ဒါကို Arm's length လို့ ခေါ်ပါတယ်)။
◾️ Related Party နဲ့ လုပ်ရင်: စီးပွားရေးလောကမှာ ဒီလို ဆွေမျိုးတွေ၊ ပတ်သက်နေသူတွေအချင်းချင်း အရောင်းအဝယ်လုပ်ပြီဆိုရင် သာမန်ပြင်ပလူတွေနဲ့ လုပ်သလိုမျိုး တရားမျှတတဲ့ ဈေးနှုန်း (Arm's length transaction) မဖြစ်နိုင်တော့ဘူးလို့ ယူဆကြတယ်။ CEO ရဲ့ ညီမပိုင်တဲ့ ဆိုင်ကနေ ဝယ်တဲ့အခါ အပြင်ပေါက်ဈေးထက် ပိုပေးပြီး ဝယ်တာမျိုး၊ စစ်ဆေးမှု သိပ်မလုပ်ဘဲ လက်ခံလိုက်တာမျိုးတွေ ဖြစ်လာနိုင်ပါတယ်။
🌟 နောက်ကွယ်က အန္တရာယ် (Red Flags) များ -
၁။ အလွဲသုံးစားလုပ်ခြင်း: CEO က သူ့ညီမ စီးပွားရေးကောင်းအောင်လို့ ကုမ္ပဏီရဲ့ ပိုက်ဆံတွေကို အလွဲသုံးစားလုပ်ပြီး ဈေးကြီးကြီးနဲ့ ပိုပေးဝယ်နေတာ ဖြစ်နိုင်တယ်။
၂။ လိမ်လည်လှည့်ဖြားခြင်း: တစ်ခါတလေကျရင် ကုမ္ပဏီက အရှုံးပေါ်နေတာကို ဖုံးကွယ်ချင်လို့ပဲဖြစ်ဖြစ်၊ အမြတ်တွေ အရမ်းများနေရင် အခွန်ရှောင်ချင်လို့ပဲဖြစ်ဖြစ် CEO တွေဟာ သူတို့မိသားစုပိုင်တဲ့ တခြားကုမ္ပဏီတစ်ခုဆီကို ပစ္စည်းတွေ ဈေးပေါပေါနဲ့ ရောင်းချင်ယောင်ဆောင်ပြီး လိမ်လည်ပြသတာမျိုး (Fraud) တွေ လုပ်တတ်ကြတယ်။
ဒါကြောင့် ဒီလို ဈေးကစား (Artificial prices) ထားတဲ့အတွက် Financial Statements ထဲက အမြတ်တွေဟာ အစစ်အမှန် မဟုတ်တော့ဘူး။ ဒါကြောင့် ဥပဒေအရ "ဒါတော့ ဆွေမျိုးတွေ၊ ပတ်သက်သူတွေနဲ့ လုပ်ထားတဲ့ အရောင်းအဝယ်နော်" ဆိုပြီး Notes ထဲမှာ မဖြစ်မနေ ကြေညာ (Disclose) လုပ်ခိုင်းတာ ဖြစ်ပါတယ် ဗျာ။
=================================================================================

==========================

⁉️⁉️ ဘယ်သူတွေက Related Party (RP) ဖြစ်လဲ?
🔴 ၁။ The Corporate Family (ကုမ္ပဏီ မိသားစု)
Alpha ကုမ္ပဏီမှာ သူ ၁၀၀% ပိုင်တဲ့ "Beta (Subsidiary)" ရှိတယ်၊ ၃၀% ပိုင်တဲ့ "Gamma (Associate)" ရှိတယ်။ သူတို့အားလုံးဟာ မိသားစုဝင်တွေ ဖြစ်တဲ့အတွက် RP တွေ ဖြစ်ကြပါတယ်။
◾️ Parent နှင့် Subsidiary: အုပ်ချုပ်နိုင်စွမ်း (Control - 50% အထက်) ရှိလို့ RP ဖြစ်ပါတယ်။
◾️ Parent နှင့် Associate: သြဇာလွှမ်းမိုးနိုင်စွမ်း (Significant Influence - 20% မှ 50% ကြား) ရှိလို့ RP ဖြစ်ပါတယ်။
◾️ Parent နှင့် Joint Venture: ပူးတွဲအုပ်ချုပ်နိုင်စွမ်း (Joint Control) ရှိလို့ RP ဖြစ်ပါတယ်။
(မှတ်ချက် - Parent တစ်ခုတည်းအောက်မှာ ရှိနေတဲ့ Sub, Associate နဲ့ Joint Venture တွေဟာ မိသားစုဝင်တွေလို ဖြစ်သွားလို့ ထိုကုမ္ပဏီတွေ အချင်းချင်းကြားမှာလည်း RP တွေ ဖြစ်ကြပါတယ်။)
🔴 ၂။ လူပုဂ္ဂိုလ်များမှ Related Party ဖြစ်လာခြင်းများ
◾️ Key Management Personnel (KMP): ကုမ္ပဏီရဲ့ လုပ်ငန်းစဉ်တွေကို အဓိက စီစဉ်၊ ညွှန်ကြား၊ ထိန်းချုပ်နိုင်တဲ့ သူတွေပါ။ (ဥပမာ - Board of Directors, CEO)။
◾️ Close Family Members (မိသားစုဝင်ရင်းချာများ): အပေါ်က KMP တွေ ဒါမှမဟုတ် ကုမ္ပဏီကို ထိန်းချုပ်နိုင်တဲ့ ရှယ်ယာရှင်ကြီးတွေရဲ့ မိသားစုဝင် ရင်းချာတွေကလည်း RP တွေ ဖြစ်သွားပါတယ်။ (ဥပမာ - CEO ရဲ့ ဇနီး၊ သားသမီး၊ သို့မဟုတ် သူတို့အပေါ် မှီခိုနေရသူများ)။
=================================================================================

⁉️⁉️⁉️ ဘယ်သူတွေက RP "မဟုတ်" ဘူးလဲ?
🔴 ၁။ ဒါရိုက်တာ တစ်ယောက်တည်းက ကုမ္ပဏီ နှစ်ခုမှာ ထိုင်နေခြင်း (Shared Director)
ဦးကျော် ဟာ "A ကုမ္ပဏီ" မှာရော၊ "B ကုမ္ပဏီ" မှာပါ ဒါရိုက်တာ ဖြစ်နေတယ်။
◾️ RP လား?: မဟုတ်ပါဘူး (Not RP)။ ဦးကျော်က ကုမ္ပဏီ နှစ်ခုလုံးမှာ လစာစား ဒါရိုက်တာ အနေနဲ့ပဲ ရှိနေတာ၊ ကုမ္ပဏီ နှစ်ခုလုံးကို ပိုင်စိုးပိုင်နင်း (Control) လုပ်နိုင်တဲ့ ရှယ်ယာရှင်ကြီး မဟုတ်ဘူး ဆိုရင် A နဲ့ B အချင်းချင်းက RP မဖြစ်ပါဘူး။
🔴 ၂။ စီးပွားရေးအရ အသက်ငင်နေအောင် မှီခိုနေရသူများ (Economic Dependence)
"ရွှေပြည်" ကုမ္ပဏီဟာ စက်ဘီးဘီးတပ်တွေကို "X Tyre Company" တစ်ခုတည်းဆီကနေပဲ ၉၀% လောက် ဝယ်နေရတယ်။ X Tyre သာ ပစ္စည်းမသွင်းပေးရင် ရွှေပြည်ကုမ္ပဏီ ရပ်သွားနိုင်တယ်။
◾️ RP လား?: မဟုတ်ပါဘူး (Not RP)။ X Tyre က ဘယ်လောက်ပဲ အရေးပါပါ၊ ရွှေပြည်ကုမ္ပဏီရဲ့ ဘုတ်အဖွဲ့ (Board of Directors) ထဲ ဝင်ထိုင်ပြီး အုပ်ချုပ်ခွင့် မရှိပါဘူး။ Customer ကြီး၊ Supplier ကြီးတွေ၊ ငွေအများကြီး ချေးထားတဲ့ Bank တွေဟာ အရေးပါပေမယ့် RP မဟုတ်ပါဘူး။
🔴 ၃။ ရှယ်ယာ အတူတူ ဝင်ထားသူများ (Co-investors in Joint Venture)
A နဲ့ B က စီးပွားရေးလုပ်ငန်း တစ်ခုမှာ ၅၀% စီ ပိုက်ဆံ အတူတူ ထည့်ထားရုံနဲ့ A နဲ့ B အချင်းချင်းက RP မဖြစ်ပါဘူး။
=================================================================================
ဘာတွေ Disclosure ရေးကမလဲ ?
🔴 အပိုင်း (၁) - အရောင်းအဝယ် တကယ်ဖြစ်ခဲ့ရင် ချပြရမည့် အချက်များ (Transactions and Balances)
သူတို့နဲ့ အရောင်းအဝယ် လုပ်ခဲ့တယ်ဆိုရင် ဒီ (၄) ချက်ကို မဖြစ်မနေ အသေးစိတ် စာရင်းချပြရပါမယ် -
ဘယ်သူနဲ့ လုပ်တာလဲ? (Nature of Relationship): ပတ်သက်မှု အမျိုးအစားကို ဖော်ပြရပါမယ်။ (ဥပမာ - "ဒါက မိခင်ကုမ္ပဏီပါ" သို့မဟုတ် "ဒါက CEO ရဲ့ ဇနီးပိုင်တဲ့ ကုမ္ပဏီပါ" ဆိုပြီး ရှင်းရှင်းလင်းလင်း ကြေညာရပါမယ်)။
ဘယ်လောက်ဖိုး လုပ်တာလဲ? (Amount of Transactions): ဒီနှစ်အတွင်းမှာ သူတို့ဆီကနေ ပစ္စည်း ဘယ်လောက်ဖိုး ဝယ်ခဲ့လဲ၊ ဒါမှမဟုတ် ဘယ်လောက်ဖိုး ရောင်းခဲ့လဲ၊ ဘယ်လောက် ချေးခဲ့လဲ ဆိုတဲ့ တကယ့် ငွေပမာဏကို ပြရပါမယ်။
ဘယ်လောက် ကျန်သေးလဲ? (Outstanding Balances & Terms): နှစ်ကုန်တဲ့အချိန်မှာ သူတို့ကို ပေးစရာ/ရစရာ အကြွေး ဘယ်လောက် ကျန်နေသေးလဲဆိုတာ ပြရပါမယ်။ ပြီးတော့ အဲ့ဒီအကြွေးအပေါ် အတိုးဘယ်လောက် ယူထားလဲ၊ ဘာအာမခံ (Security/Guarantees) တွေ ပေးထားလဲ ဆိုတဲ့ စည်းကမ်းချက်တွေကိုပါ ချပြရပါမယ်။
ကြွေးဆုံးတွေ ရှိလား? (Bad or Doubtful Debts): ဆွေမျိုးတွေ/ပတ်သက်သူတွေဆီကနေ ရစရာရှိတဲ့ အကြွေးကို "မရနိုင်လောက်တော့ဘူး" လို့ ယူဆပြီး သံသယကြွေး (Allowance for doubtful debts) ဖယ်ထားတာမျိုး၊ ဒါမှမဟုတ် တကယ် ကြွေးဆုံး (Bad debts expense) အဖြစ် စာရင်းသွင်းလိုက်တာမျိုး ရှိရင် ဖုံးကွယ်မထားဘဲ အတိအကျ ဖော်ပြရပါမယ်။

================================================================================
🌟 Interpretation လုပ်တဲ့အခါ ဒါတွေကို ဘယ်လို သုံးသပ်မလဲ?
စာရင်းကိုင်ဆိုတာ မှတ်တမ်းတင်ရုံသက်သက်မဟုတ်ပါဘူး။ မှတ်တမ်းတင်ထားတဲ့ အရောင်းအဝယ်တွေရဲ့ နောက်ကွယ်က "စီးပွားရေးအရ ဆင်ခြင်တုံတရား (Business Rationale)" ကို အမြဲမေးခွန်းထုတ်ဖို့ လိုအပ်ပါတယ်။

◾️ ၁။ Revenue & Profit တွေက အတုတွေလား?
ကုမ္ပဏီရဲ့ Sales တွေ အရမ်းတက်နေတယ်။ ဒါပေမဲ့ သေချာကြည့်လိုက်တော့ အဲ့ဒီ Sales တွေက သူ့ရဲ့ Subsidiary (သို့) CEO ပိုင်တဲ့ တခြားကုမ္ပဏီကို ရောင်းထားတာ ဖြစ်နေတယ်။ ဒါဆိုရင် "ဒီအမြတ်တွေက အပြင်ကို တကယ်ရောင်းရတာ မဟုတ်လို့ ရေရှည်အတွက် မကောင်းဘူး" လို့ သုံးသပ်ရမယ်။
◾️ အတိုးမဲ့ ချေးငွေများ (Preferential Interest Rates): ကုမ္ပဏီရဲ့ အကြွေး (Gearing) မြင့်နေပေမယ့် အတိုးပေးရငွေ အရမ်းနည်းနေတယ်။ ဘာလို့လဲဆိုတော့ ကုမ္ပဏီက အပြင်ဘဏ်က မချေးဘဲ သူ့ရဲ့ Parent Company ဆီကနေ အတိုး 0% နဲ့ ချေးထားလို့ ဖြစ်နေတယ်။ အကယ်၍ Parent ကသာ ငွေပြန်တောင်းလို့ အပြင်ဘဏ်မှာ သွားချေးရရင် ကုမ္ပဏီ ဒုက္ခရောက်ပါပြီ။
◾️ လုပ်ထုံးလုပ်နည်းများ ကွဲလွဲနေခြင်း (Different Terms): Receivable Days တွက်လိုက်တော့ ရက်ပေါင်း ၁၅၀ တောင် ဖြစ်နေတယ်။ သေချာကြည့်တော့ အပြင် Customer တွေကို ရက် ၃၀ ပဲ ပေးပြီး၊ Related Party ဖြစ်တဲ့ Associate ကို ကျတော့ ပိုက်ဆံချေးတဲ့ သဘောမျိုးနဲ့ ရက် ၁၂၀ လောက် အကြွေးဆွဲခွင့် ပေးထားတာ ဖြစ်နေတယ်။ ဒါဟာ ကုမ္ပဏီရဲ့ Cash flow ကို ထိခိုက်စေပါတယ်။
ဂဏန်းတစ်ခု၊ စာရင်းတစ်ခုကို တွေ့တိုင်း... ဒါက ဘယ်ကလာတာလဲ? ဒီအရောင်းအဝယ်က ယုတ္တိရှိရဲ့လား? ဒီလုပ်ရပ်ကြောင့် ဘယ်သူတွေ အကျိုးအမြတ်ရသွားလဲ? ဆိုတာတွေကို စုံထောက်တစ်ယောက်လို တွေးတောပိုင်းခြားနိုင်ရပါမယ် ဗျာ။

Revenue တွေ၊ Expenses တွေ ပြတဲ့အခါ ပုံမှန် ၁၂ လစာ (1 Year) ပဲ ရှိတယ်လို့ ထင်တတ်ကြတယ်။ ဒါပေမယ့် လက်တွေ့မှာ ၁၅ လစာ ပြရတဲ့ Financial Statements တွေလည်း ရှိတတ်ပါတယ်။