س1️⃣/ يعني إيه صيام 6 من شوال ؟ وإيه فضله ؟
ج/  شهر شوال هو شهر عيد الفطر يعني الشهر اللي بييجي بعد رمضان على طول
والنبيﷺ وصانا إننا نصوم منه 6 أيام وبكده ناخد أجر كننا صومنا السنة كااااااملة
لحديث: *من صامَ رَمَضانَ ثُمَّ أتْبَعَهُ سِتًّا مِن شَوَّالٍ، كانَ كَصِيامِ الدَّهْرِ.* رواه مسلم
**
س2️⃣/يعني صيام 6 من شوال سُنة ولا فرض ؟
ج/صيام 6 من شوال سُنة ولكن أجره كبير
الصيام الوحييييد الفرض هو صيام رمضان
**
س3️⃣/ أصومهم في أي وقت طول الشهر ولا لازم أبدأ من يوم معين ؟
ج/ صوم في أي وقت طول الشهر
اهم حاجه تخلص ال6 أيام قبل آخر يوم في شوال، وممكن تبدأ الصيام علطول بعد يوم عيد الفطر اللي هو يوم 1شوال
**
س4️⃣/ينفع أصومهم متفرقين ولا لازم أصوم ال6 أيام ورا بعض ؟
ج/ ينفع تصومهم متفرقين عادي مش لازم ورا بعض
**
س5️⃣/ينفع أصوم بنية الأيام اللي عليّ ونية ال6 من شوال في نفس الوقت ؟؟
ج/ لا ماينفعش لازم لكل واحد نية لوحده لأن أيام رمضان فرض وال6 من شوال سُنّة زي بالظبط ماينفعش تصلي 4 ركعات بنية الظهر والسُنة
**
س6️⃣/ طيب ينفع أصوم بنية 6 من شوال وفي نفس الوقت بنية الاثنين والخميس أو الأيام القمرية (أيام 13,14,15 من الشهر الهجري )؟؟
ج/ اه ينفع لأن الاتنين سُنة فينفع عادي تنوي النيتين وتاخد الأجرين بإذن الله
**
س7️⃣/طيب أنا عليا أيام من رمضان ينفع أصوم ال6 شوال الأول وبعد كده أصوم الأيام اللي عليا في رمضان ؟
ج/ فيه خلاف والراجح إنه ينفع
والافضل طبعًا تخلصي الأيام اللي عليكي الأول لو أنت ضامنة إنك هتلحقي تخلصي الأيام دي وال6 أيام من شوال أما لو مش هتلحقي.... يبقى تصومي ال6 أيام الأول وبعدها تصومي اللي عليكي  لأن قضاء أيام رمضان مش واجب على الفور ولكن واجب على التراخي (يعني مش لازم تصوميه أول مايخلص رمضان، أهم حاجة  تخلصيهم قبل رمضان الجاي)

🕊🖤

‏إن أردتَ بركةً في وقتك وعملك ورزقك، وسعادة في يومك. فتوضَأ وأَحْسن الوُضوء، وابحَث عن مكان هَادئ، وصلِّ صَلاة الضُّحى فهيَ صلاة الأوَّابينَ!🖤


🕊🖤

اللهُمَّ إني أشهدك إني بريئة من السكوت💔
وإن لو كان باليد حيلة لما تأخرت، اللهُمَّ
إن الأرض أرضك
والجند جندك
والأمر أمرك
فأنصر أخواننا في فلسطين
اللهُمَّ أنصرهم اللهُمَّ أنصر غزة.

‏عجباً لشأن القرآن !

ما خالطَ قلباً إلا نوّره، ولا حزناً إلا أذهبه،
ولا هماً إلا بدده ، ولا داءً إلا رفعه،
ولا كسراً إلا جبره، ولا صعباً إلا هونه ،
ولا وقتاً إلا باركه .🤍

اللهم فلسطين 🥺