⚡️«Магистратурага ҳужжат топширган талабгорлар ҳар бир вилоятда ташкил қилинадиган махсус ҳудудларда онлайн имтиҳон топшириши мумкин бўлади.

Бунда абитуриентнинг Тошкент шаҳрига келиши шарт бўлмайди».

Олий таълим вазири ўринбосари Узоқбой Бегимқулов

@aoka_uz
#abituriyent2020

❗️«Магистратурага ҳужжат топширган абитуриентлар қайси ОТМни танлаганидан қатъи назар ҳар бир вилоятда ташкил қилинган махсус жойда компьютер орқали онлайн тарзда тест топшириғини бажаради.

📎 Йўналишлар бўйича таянч ОТМ тестни ишлаб чиқади ва тестларнинг махфийлиги таъминланади. Ўша йўналиш бўйича ҳужжат топширган талабгорлар қайси олий таълим муассасасини танлаганидан қатъи назар бир хил тестни ишлайди. Масалан, педагогика йўналиши бўйича турли ОТМ талабалари учун тестлар бир хил бўлади.

🖌 Кўпчилик одамлар магистратура имтиҳонлари онлайн бўлиши ҳақидаги маълумотни нотўғри тушуниб, ҳамма ўзи хоҳлаган жойда тест синовларини бажариши мумкин, деб ўйлади. Лекин бундай қилинса, шаффофликни таъминлашнинг имкони бўлмайди. Шунинг учун имтиҳон учун махсус жой ташкил қилинади».

Баҳриддин Шайвалиев, Олий ва ўрта махсус таълим вазирлиги масъул ходими

@aoka_uz
#abituriyent2020

⚡️«Магистратура имтиҳонлари бакалавириятга тест синовлари ўтказилаётган муддатларда тегишли шароитлар яратилган, барча хавфсизлик чорлари, жумладан ахборот хавфсизлиги таъминланган тизим орқали жойларда онлайн тартибда ўтказилишига ҳозирлик кўрилмоқда».

Узоқбой Бегимқулов, Олий ва ўрта махсус таълим вазири ўринбосари

@aoka_uz
#abituriyent2020

⚡️“Сардоба” сув омборида юзага келган тошқин оқибатлари ва уларни бартараф этиш бўйича амалга оширилаётган ишлар

АОКА ҳузуридаги штабда Қурилиш вазирлиги бошқарма бошлиғи ўринбосари Жалол Арашов иштирокида брифинг бўлиб ўтди.
〰️〰️〰️〰️〰️

⚡️Жами 74 591 нафар аҳоли ўз яшаш манзилларига қайтарилди. 14 859 нафар аҳоли кўчирилган ҳудудларда яшамоқда;

📈1 826 та уйда таъмирлаш ишлари 97 фоизга бажарилди;

💰ягона буюртмачи хизмати инжиниринг компанияларига жами 128 млрд сўм ажратилди;

🏢кўп квартирали уй-жойларни таъмирлаш ва уларнинг туташ ҳудудини тиклаш ҳамда ободонлаштириш учун жами 35,6 млрд сўм маблағ сарфланади. Хусусан, уйларни таъмирлаш учун 29,7 млрд сўм ва ободонлаштириш ишларига 5,9 млрд сўм сарфланади;

🗓2020 йилнинг 20 августига қадар кўп қаватли уй-жойларни таъмирлаш ва 25 августга қадар туташ ҳудудларини ободонлаштириш ишларини тўлиқ якунлаш режалаштирилди;

📈Ижтимоий соҳа объектлари қурилиш-таъмирлаш ишлари жами 45 фоизга, шундан: умумтаълим мактаблари бўйича 44%, мактабгача таълим ташкилотлари бўйича 15%, соғлиқ сақлаш муассасалари бўйича 53% ва 1 та коллеж бўйича 31фоизга бажарилди.

@aoka_uz
#ниқобтақинг
#масофасақланг

❗️2020/2021 ўқув йили қабули бўйича тест синовлари билан бир қаторда касбий (ижодий) имтиҳонлар ўтказиладиган бакалавриат таълим йўналишларига ўқишга кириш учун рўйхатдан ўтган абитуриентлар диққатига:

✔️Пандемия шароитини инобатга олиб, Республика Таълим муассасаларига ўқишга қабул қилиш бўйича Давлат комиссиясининг қарорига мувофиқ тест синовлари билан бир қаторда касбий (ижодий) имтиҳонлар ўтказиладиган бакалавриат таълим йўналишлари бўйича касбий (ижодий) имтиҳонлар аввалги йилларда олинган мос фан бўйича ТЕСТ СИНОВЛАРИ БИЛАН АЛМАШТИРИЛДИ.

✔️Мазкур муносабат билан “Республика олий таълим муассасаларининг бакалавриат таълим йўналишларига мос тест синови топшириладиган фанлар мажмуаси, тест топшириқлари сони ҳамда баҳолаш мезонлари”га тегишли қўшимчалар киритилди ⬆️

@aoka_uz
#abituriyent2020

⚡️Узоқда яшайдиган абитуриентларни стадионларга элтиб қўйиш учун автобуслар ажратилиши мумкин

2020/2021 ўқув йили ва имтиҳонлар ташкил этилиши билан боғлиқ мавзуларда АОКА штабига аҳолидан келиб тушаётган саволларга Давлат тест маркази ахборот хизмати раҳбари Орзиқул Бобоевнинг жавоблари:

〰️〰️〰️〰️
❓Кириш имтиҳонлари барвақт бўлса, камига биз вилоят марказига узоқдан борамиз. Абитуриентларни олиб бориб-олиб келиш учун автобуслар йўлга қўйилса бўлмайдими? Таксилар ҳам қимматлайди ўша куни...

🚌 Тегишли вазирлик ва ташкилотлар томонидан тест синови ўтказиладиган объектлардан узоқда жойлашган туманлардан абитуриентларни олиб келиш ва жойига етказиш бўйича жамоатчилик транспорти қатновларини йўлга қўйиш устида иш олиб борилмоқда.

〰️〰️〰️〰️
❓Карантин ҳудудида сақланаётган абитуриенталар қандай имтиҳон топширади?

🚫 Тест синовлари фақат белгиланган очиқ майдонларда ўтказилади. Агар абитуриент карантинда бўлса, тест синовларида ишитирок эта олмайди.

〰️〰️〰️〰️
❓Бу йил 2020/2021 олий ўқув юртига киришда касб-ҳунар коллеж ва лицей китобларидан тестлар бўладими? Бу йил коллеж дарсликларидан савол тушмайди деган гаплар юрибди?

📖 Тест топшириқлари Давлат тест марказининг расмий веб-сайтида эълон қилинган тавсия этилган дарсликлар рўйхатида мавжуд китоблардан тузилади. Бунда ҳар бир фан бўйича дарсликлар турлича. Тест топшириқлари қайси дарсликлардан тузилишини расмий сайтимиздан кўришингиз мумкин.

🔰 Қайд этиш керакки, ҳукумат кўрсатмасига мувофиқ 2017 йилдан ўрта махсус, касб-ҳунар таълими ва 11 синф дарсликлари негизида умумий ўқув дастури шакллантирилган. Ҳозир унда бошқа китоб, унисида бошқа дарслик, деб бўлмайди. Соддалаштириш мақсадида уларнинг барчаси умумий дастур асосида тузилган

〰️〰️〰️〰️
❓Имтиҳонлар 2 сентябрдан бошланиши ва 14 кун давом этиши айтилди. Касбим ҳамшира ва мен 1 сентябр куни карантинда ишлаш учун шифохонага кираман, 14 кун ўша жойда бўламан. Имтиҳонда қатнаша олмайманку, бунда қанақа чора кўриш мумкин?

✅ Агар абитуриент карантин зонада ишлаётган бўлса, тест синовларида ишитирок эта олмайди. У агар касалланмаган бўлса, ё ишни, ё тест топширишни танлаши керак бўлади.

〰️〰️〰️〰️
ДТМ расмий саҳифаси:
👉 https://t.me/rasmiydtm

@aoka_uz
#abituriyent2020

⚡️Кимё ва биология бўйича аъло баҳога ўқиган талабалар магистратурага имтиҳонсиз қабул қилинади

Бу ҳақда Президент қарорида қайд этилган. Энди:

— олий таълим муассасаларининг кимё ва биология таълим йўналишлари бўйича имтиёзли дипломга эга бўлган битирувчилари мазкур олий таълим муассасаларининг магистратура мутахассислигига қўшимча имтиҳонларсиз тўлов-контракт асосида қабул қилинади;

— олий таълим муассасаларининг кимё ва биология мутахассислигини аъло баҳолар билан тамомлаган магистрларни таянч докторантурага олий таълим муассасаларининг кенгаши қарори асосида имтиҳонларсиз тўғридан-тўғри квота доирасида қабул қилиш тартиби жорий қилинади.

@aoka_uz
#abituriyent2020

🔹Талабалар учун 3 та маслаҳат, 3 та мотивацион сўз

〰️〰️〰️〰️
Тошкент давлат юридик университети ректори Раҳим Ҳакимовдан тавсия

👉 ТДЮУ расмий сайти: https://tsul.uz/uz

@aoka_uz
#abituriyent2020

2020/2021 ўқув йили ва имтиҳонлар ташкил этилиши билан боғлиқ мавзуларда АОКА штабига аҳолидан келиб тушаётган саволларга Давлат тест маркази ахборот хизмати раҳбари Орзиқул Бобоевнинг жавоблари:

〰️〰️〰️〰️
❓Стадионларда тест имтиҳонида қатнашаётган гуруҳ назоратчилари ва маъсуллар жараён вақтида коронавирус юқтириб олса, компенсация тўлаб бериладими?

🔎 Тест синови ўтказишга оид амалдаги меъёрий-ҳуқуқий ҳужжатларда булар кўзда тутилмаган. Бироқ айтиш керакки, бундай ҳолларда бемор албатта диққат-эътиборда бўлади.

〰️〰️〰️〰️
❓Абитуриент олган баллига қараб нечанчи ўринда турганини қандай билиши мумкин? Фақат http://mandat.dtm.uz сайти орқалими?

📲 Шахсий кабинет орқали ҳам билса бўлдаи. Кенгайтирилган маълумотларни Давлат тест марказининг www.dtm.uz расмий сайти ва https://t.me/rasmiydtm телеграм канали орқали олиш мумкин.

〰️〰️〰️〰️
❓Бу йил кириш имтиҳонларига IELTS сертификати ўтадими?

📈 5.5 ва ундан юқори даражадаги IELTS сертификатига эга абитуриентларга инглиз тили фанидан максимал балл берилади.

〰️〰️〰️〰️
❓Сиртқи таълим шаклида имтиҳонлар онлайн бўладими?

🏟 Сиртқи ва кечки таълим шаклларида ҳам имтиҳонлар 2 сентябрдан бошланади ва очиқ майдонларда ўтказилади.

@aoka_uz
#abituriyent2020

2020/2021 ўқув йили ва имтиҳонлар ташкил этилиши билан боғлиқ мавзуларда АОКА штабига аҳолидан келиб тушаётган саволларга Давлат тест маркази ахборот хизмати раҳбари Орзиқул Бобоевнинг жавоблари:

〰️〰️〰️〰️
❓Тестни ечиш учун нега 3 соат эмас, 2 соат вақт бериляпти?

⏳ Вазирлар Маҳкамасининг 2018 йил 3 апрелдаги 261-сон қарорига мувофиқ, тест топшириқларини бажариш учун (жавоблар варақасини тўлдириш билан бирга) 30 та тест топшириғига 1 соат, 60 та тест топшириғига 2 соат, 90 та тест топшириғига 3 соат вақт белгиланади.

🔘 Жорий йилда 2 тест синовлари 2 та мутахассислик фанидан ўтказилади ва абитуриентларга 60 та тест топшириғи учун 2 соат вақт берилади.

〰️〰️〰️〰️
❓Абитурент варақасини қачон оламиз? Имтиҳон қайси куни ва қаерда бўлишини қандай биламиз?

🔖 Тест синовлари 2 сентябрдан бошланади. Абитуриентлар рухсатномани тест синовлари бошланишидан 10 кун олдин олишлари мумкин бўлади.

✅ Тест синовлари қаерда, қачон бўлиши каби барча маълумотлар абитуриент рухсатномасида акс этган бўлади.

〰️〰️〰️〰️
❓Тест пайтида парталар 3 метр радиусда ўрнатилади, бу яхши. Лекин имтиҳондан олдин ва кейин абитуриентлар жуда тартибсиз ва бир-бирига зич ҳолда кириши-чиқиши мумкинку?!

🌀Тест синовларида ижтимоий масофа сақланади. Абитуриентлар ўз-ўзини назорат қила олиши, ўз саломатлигини ҳимоя қилиши керак.

〰️〰️〰️〰️
❓Назоратчиларни худди ИИВ инспекторларидек боди-камералар билан таъминлаш имкони борми?

📸 Ҳар бир назоратчи боди-камералар билан таъминланса, шаффофлик жиҳатидан нур устига аъло нур бўларди. Бироқ таъминлаш бўйича айни пайтда фақат таклиф кирита оламиз, холос. Буни амалга ошириш моддий-техник таъминот қай даражадалиги билан боғлиқ.

@aoka_uz
#abituriyent2020

⚡️Тест синовлари учун 3 соат вақт ажратилади

Таълим муассасаларига ўқишга қабул қилиш бўйича Давлат комиссияси мажлисининг 2-сон баёни тасдиқланди. Унга мувофиқ:

✅ Олий таълим муассасаларининг бакалавриат таълим йўналишларига кириш тест синовлари Қорақалпоғистон Республикаси, вилоятлар ва Тошкент шаҳрида жойлашган марказий стадионларда, қоида тариқасида, кунига икки сменада ўтказилади.

🕐 Бунда, ҳар 30 та тест топшириғини ечиш учун (жавоблар варақасини тўлдириш билан бирга) — 90 дақиқа вақт ажратилади (60 та тест топшириғига жами — 180 дақиқа).

@aoka_uz
#abituriyent2020

⚡️Ижодий имтиҳони бор таълим йўналишларига ҳужжат топширган абитуриентлар 16 августгача яна 4тагача йўналишни танлаши мумкин

📎 Олий ва ўрта махсус таълим вазирлигининг маълум қилишича, Ўзбекистон Республикаси таълим муассасаларига ўқишга қабул қилиш бўйича Давлат комиссияси мажлисининг 2-сон баёни қарорига мувофиқ:

🖌 Пандемия шароитини инобатга олиб, Республика Таълим муассасаларига ўқишга қабул қилиш бўйича Давлат комиссиясининг қарорига мувофиқ тест синовлари билан бир қаторда касбий (ижодий) имтиҳонлар ўтказиладиган бакалавриат таълим йўналишлари бўйича касбий (ижодий) имтиҳонлар аввалги йилларда олинган мос фан бўйича тест синовлари билан алмаштирилганлиги тўғрисида хабар берилган эди.

❗️Бунда, тест синовлари билан бир қаторда касбий (ижодий) имтиҳонлар ўтказиладиган бакалавриат таълим йўналишларига кириш имтиҳонлари тўлиқ тест синовлари орқали амалга оширилишини инобатга олиб, фақат мазкур таълим йўналишларига кириш учун рўйхатдан ўтган абитуриентларга муайян таълим йўналишига кириш учун тест топширадиган фанлари мажмуаси ва кетма-кетлиги бир хил бўлган қўшимча тўрттагача бакалавриат таълим йўналишларини 2020 йил 16 августга (16 август куни ҳам) қадар танлаш ҳуқуқи берилди.

📈 Олий ва ўрта махсус таълим вазирлиги тегишли олий таълим муассасалари ректорлари билан биргаликда тест синовлари билан бир қаторда касбий (ижодий) имтиҳонлар ўтказиладиган бакалавриат таълим йўналишларини танлаган абитуриентларга мос бакалавриат таълим йўналишларини танлаш ва онлайн рўйхатдан ўтиш учун оператив тарзда хабар етказади.

@aoka_uz
#abituriyent2020

⚡️ Иккинчи ва ундан кейинги олий таълимни олиш учун фуқароларни абитуриент сифатида рўйхатдан ўтказиш муддати истисно тариқасида 2020 йил 14 августдан 31 августгача (31 август куни ҳам) этиб белгиланди.

📎 Асос: Ўзбекистон Республикаси таълим муассасаларига ўқишга қабул қилиш бўйича Давлат комиссияси мажлисининг 2-сон баёни қарори

❗️ Иккинчи олий таълим бўйича КИРИШ СИНОВЛАРИ санитария-гигиена талабларига қатъий амал қилган ҳолда белгиланган тартибга мувофиқ олий таълим муассасалари қабул комиссиялари томонидан ўтказилади.

@aoka_uz
#abituriyent2020

❗️ 2020/2021 ўқув йили қабулида республика олий таълим муассасаларининг бакалавриати ва магистратурасига ўқишга киришда хорижий фуқароларни онлайн рўйхатдан ўтказиш ва ўқишга қабул қилишни онлайн суҳбат орқали амалга оширилади.

@aoka_uz
#abituriyent2020

❗️Магистратурага кириш учун тестлар сони ҳамда баҳолаш мезонлари тасдиқланди

Ўзбекистон Республикаси таълим муассасаларига ўқишга қабул қилиш бўйича Давлат комиссияси мажлисининг 2-сон баёни билан Республика ОТМнинг магистратурасига кириш имтиҳонлари бўйича тест топшириқлари сони ҳамда баҳолаш мезонлари тасдиқланди.

✅ Магистратурага ўқишга киришда энг кўп (максимал) тўпланиши мумкин бўлган балл – 250 балл.

🔰 Шундан:

👉 тегишли мутахассислик фанлари бўйича 2,3 баллдан 30 та тест саволи учун жами 69 балл;

👉 талабгорнинг илмий-педагогик лаёқати (ёки илм олиш қобилияти)ни аниқлаш бўйича 3,1 баллдан 10 тест саволи учун жами 31 балл;

👉 чет тили бўйича 2 баллдан 25 та тест саволи учун жами 50 балл;

👉 битирувчининг умумий рейтинги ёки ўзлаштириш кўрсаткичи (диплом бўйича) – 100 балл.

⏰ Талабгорга тест ечиш учун 130 дақиқа ажратилади.

@aoka_uz
#abituriyent2020

❗️Иқтисодиёт тармоқларида камида беш йил иш стажига эга бўлган фуқароларни 2020/2021 ўқув йилида республика олий таълим муассасаларининг сиртқи ва кечки таълим шаклига суҳбат натижаларига кўра табақалаштирилган тўлов-контракт асосида ўқишга тавсия этиш ҳуқуқига эга бўлган вазирлик, идора ва йирик хўжалик бирлашмаларининг РЎЙХАТИ ТАСДИҚЛАНДИ.

Бунда:
👉талабгорлар билан суҳбат ўтказиш ва талабаликка қабул қилиш Ўзбекистон Республикаси таълим муассасаларига ўқишга қабул қилиш бўйича Давлат комиссиясининг 2019 йил 4 июлдаги 1-сон баёни қарорининг 20-иловасига мувофиқ тасдиқланган Иқтисодиёт тармоқларида камида беш йил иш стажига эга бўлган фуқароларни сиртқи ва кечки таълим шаклларига суҳбат натижаларига кўра табақалаштирилган тўлов-контракт асосида ўқишга қабул қилиш тартибига мувофиқ амалга оширилади;

👉рўйхатда қайд этилган вазирлик, идора ва йирик хўжалик бирлашмалари 2020/2021 ўқув йили учун 100 нафаргача талабгорга тавсиянома бериши мумкинлиги қатъиян белгилаб қўйилди;

👉вазирлик, идора ёки йирик ҳўжалик бирлашмаси тизимида асосий иш жойи сифатида беш йилдан кам бўлмаган муддатда фаолият юритаётган ходимларга (техник ходимлар мундан мустасно) ушбу вазирлик, идора ёки йирик хўжалик бирлашмасининг асосий фаолиятидан келиб чиқиб, ТАВСИЯНОМА БЕРИШ шахсан биринчи раҳбар томонидан амалга оширилиши белгилаб қўйилди;

👉суҳбат натижаларига кўра сиртқи ва кечки таълим шаклига ўқишга тавсия этилган талабгорнинг ўқиши (сиртқи таълим шакли учун 5 йил, кечки таълим шакли учун 4 йил) учун тўлов-шартнома маблағлари ишлаб турган муайян ташкилот (вазирлик, идора, йирик хўжалик бирлашмаси) томонидан белгиланган муддатларда тўлаб берилиши лозим.

@aoka_uz
#abituriyent2020

❗️ Онлайн рўйхатдан ўтган, лекин тўловга улгурмаган абитуриентлар 16 август соат 23:59 га қадар тўловни амалга ошириши мумкин.

Аввалги йилларда битирган абитуриентлар тестга кириш учун 111 минг 500 сўм миқдорида тўловни амалга ошириши керак эди. Лекин айрим сабабларга кўра, тўлов қилишга улгурмаган абитуриентлар ҳам бор. Шу сабабли Давлат қабул комиссияси тўлов қилиш муддатини яна узайтирди.

❌ Тўловни амалга оширмаганлар рўйхатдан ўтмаган ҳисобланади ва тест синовларида иштирок эта олмайди.

@aoka_uz
#abituriyent2020