#avgust_sarhisobi
▫️Korrupsiyaga qarshi kurashish agentligi avgust oyidagi faoliyati mobaynida:

✔️vazirlik va idoralarga 11 ta taqdimnoma kiritildi;

✔️Davlat moliyaviy nazorat inspeksiyasiga 5 ta so‘rovnoma;

✔️huquqni muhofaza qiluvchi organlarga 9 ta so‘rovnoma yuborildi.

✅Shuningdek:

⏺Agentlikning 2023-yil birinchi yarim yillikdagi faoliyati yuzasidan brifing o‘tkazildi;

⏺Joriy yilning birinchi yarim yilligida xalq deputatlari Kengashlari sessiyalarining jonli efirga uzatilish holati o'rganildi;

⏺ Korrupsiyaga qarshi ichki nazorat tuzilmalari xodimlari uchun ikki kunlik o‘quv-seminar tashkil etildi;

⏺OTMlarga kirish imtihonlarini topshirishda shaffoflikni taʼminlash va korrupsiyaviy xavf-xatarlarni bartaraf etish yuzasidan amalga oshirilgan ishlar tahlil qilindi.

👉Batafsil ma'lumot mazkur infografikada.

Facebook|Telegram |YouTube|Instagram|Twitter|Veb-sayt

▫️Korrupsiyaga qarshi kurashish agentligining haftalik dayjesti
(🗓11-15-sentabr kunlari)

✅O‘rganishlar:

🔎Davlat xaridlari va boshqa sohalarda o‘tkazilgan o‘rganishlar natijasi bo‘yicha vazirlik-idoralarga taqdimnomalar hamda huquqni muhofaza qiluvchi organlarga so‘rovnomalar yuborildi.

✅Komplaens-nazorat:

📌Bandlik va mehnat munosabatlari sohasidagi korrupsiyaviy omillar va xavf-xatarlar tahlil qilindi.

▫️15-sentabr

📌Toshkent moliya instituti huzuridagi moliya-bank xodimlarining malakasini oshirish va ularni qayta tayyorlash tarmoqlararo institutida “Tijorat banklarda korrupsiyaga qarshi ichki nazorat (komplayens) tuzilmalari faoliyatini samarali tashkil etishga doir milliy qonunchilik talablari va xalqaro standartlar” mavzusida seminar tashkil etildi.

✅Korrupsiyaga qarshi kurashish hududiy kengashlari faoliyati bo‘yicha:

▫️14-sentabr

📌Korrupsiyaga qarshi kurashish hududiy kengashlari uchun “Davlat tashkilotlarida manfaatlar to‘qnashuvini hal qilishning tashkiliy-huquqiy asoslarini takomillashtirish, ularga rioya etilishi to‘g‘risida” mavzusida onlayn seminar tashkil etildi.

✅Xalqaro hamkorlik doirasida:

▫️11-sentabr

📌 Agentlik tomonidan "Mintaqaviy muloqot" xalqaro nodavlat tashkiloti hamkorligida AQSHning “Boston Globe” gazetasi muharriri ishtirokida “Davlat organlarining shaffofligini taʼminlash va korrupsiyaga qarshi kurashishda OAV va NNTlarning roli” mavzusida trening o‘tkazildi.

▫️12-sentabr

📌Davlat idora va tashkilotlari matbuot kotiblari uchun “Korrupsiyaga nisbatan murosasizlik kayfiyati va korrupsiyaga oid infomuhitni shakllantirishda davlat organlari matbuot xizmatlarining o‘rni” mavzusida trening tashkil etildi.

▫️11-sentabr

📌Agentlik rahbariyati va “Mintaqaviy muloqot” xalqaro nodavlat tashkilotining O‘zbekistondagi filiali rahbari P.Goryup hamda AQSHning “Boston Globe” gazetasi muharriri R.Koen o‘rtasida o‘zaro hamkorlikni izchil davom ettirish masalalariga bag‘ishlangan uchrashuv bo‘lib o‘tdi.

▫️12-sentabr

📌Agentlik va Birlashgan Arab Amirliklarining G42 (Presight) kompaniyasi vakillari o‘rtasida Agentlik faoliyatiga raqamli texnologiyalarni keng joriy etishda o‘zaro hamkorlik aloqalarini yo‘lga qo‘yish masalalari yuzasidan uchrashuv bo‘lib o‘tdi.

▫️11-14-sentabr

📌Agentlik masʼul xodimlari Malayziyaning Korrupsiyaga qarshi kurashish akademiyasi (MACC) tomonidan tashkil etilgan korrupsiyaga qarshi kurashishga oid onlayn kurslarda ishtirok etdi.

✅Murojaatlar bilan ishlash yo‘nalishida:

📥Agentlikka jismoniy va yuridik shaxslar tomonidan 71 ta (shundan 59 tasi jismoniy shaxslardan, 12 tasi yuridik shaxslardan) murojaat kelib tushdi.

📞Agentlikning “Call-markazi” – 1253ga jismoniy va yuridik shaxslar tomonidan yo‘llangan 53 ta murojaatga huquqiy yo‘nalish va tushuntirishlar berildi.

✅Shuningdek, mazkur haftada:

▫️13-sentabr

📌Agentlik vakillari Bojxona rasmiylashtiruvi markazi faoliyati hamda bojxona organlaridagi raqamlashtirish ishlari bilan tanishdi.

▫️14-sentabr

📌“Korrupsiyaga qarshi kurash sohasida yutuqlari uchun” xalqaro mukofotiga hujjatlar qabuli boshlandi.

▫️15-sentabr

📌Agentlik va "Ijtimoiy fikr" jamoatchilik markazi hamkorligida “Fuqarolar O‘zbekistonda korrupsiya haqida” telefon so‘rovi natijalari e'lon qilindi.

Facebook|Telegram |YouTube|Instagram|Twitter|Veb-sayt

#dunyo_korrupsiyaga_qarshi_kurashda
⚡️⚡️Chernogoriya korrupsiyaga qarshi agentligi rahbari mansabdor shaxslar maʼlumotlarini oshkor qilganlikda ayblanmoqda

Taʼkidlanishicha, mamlakatning Korrupsiyaga qarshi kurash agentligi rahbari Yelena Perovich qonunni buzgan holda Serbiyaning Prozone dasturiy taʼminot kompaniyasiga minglab davlat amaldorlarining shaxsiy maʼlumotlariga kirish huquqini bergan.

⚡️⚡️Xitoyning yirik sug‘urta kompaniyasi rahbari korrupsiyaga qarshi kurashish doirasida umrbod qamoq jazosiga hukm qilindi

Janob Vang Prezident Si Tzinpinning 60 trillion dollarlik (48 trillion funt sterling) iqtisodiyotda korrupsiyaga qarshi kurash bo'yicha ikki yildan ko‘proq davom etgan faoliyatida tuzoqqa tushgan yirik Xitoy moliya institutining so‘nggi rahbaridir.

⚡️⚡️Qozog‘iston Korrupsiyaga qarshi kurash xizmati korrupsioner mansabdor shaxslarning davlat reyestrini joriy etish rejasini e’lon qildi

Reyestrga korrupsiyada aybdor deb topilgan shaxs haqidagi barcha ma’lumotlar kiritiladi. Bu ish beruvchilarga potentsial nomzodni poklik va halollik bo'yicha tekshirish imkonini beradi.

➡️Xabarlarning to'liq tafsiloti ushbu havolada.

Facebook|Telegram |YouTube|Instagram|Twitter|Veb-sayt

▫️Turizm qo‘mitasi va uning huzuridagi “Milliy PR-markazi” davlat unitar korxonasiga taqdimnoma kiritildi

Korrupsiyaga qarshi kurashish agentligi tomonidan O ‘zbekiston Respublikasi Turizm qo‘mitasi huzuridagi “Milliy PR-markazi” davlat unitar korxonasi rahbari D.Samandarovaning tadbirkorlik faoliyati bilan shug‘ullanib kelayotganiga oid xabar yuzasidan o‘rganish o‘tkazildi va natijasi bo‘yicha quyidagilar maʼlum qilinadi:

O‘rganish davomida “Milliy PR-markazi” davlat unitar korxonasi rahbari Samandarova Dilfuza Mansurovna 2023-yil 22-fevralda davlat ro‘yxatidan o‘tkazilgan “Avtoimkon trade” MCHJda 50 foizlik ulush bilan taʼsischi ekanligi aniqlandi.

Shuningdek, D.Samandarova ijtimoiy tarmoq orqali Toshkent shahar markazida joylashgan “LBOS Jewellery” kumush taqinchoqlar do‘koni asoschisi ekanligini bayon qilgan va ushbu do‘konning ijobiy xususiyatlarini reklama qilgan.

Agentlik tomonidan yuqoridagi holatlarni bartaraf etish bo‘yicha 2023-yil 19-sentabr kuni O‘zbekiston Respublikasi Turizm qo‘mitasi va uning huzuridagi “Milliy PR-markazi” davlat unitar korxonasiga taqdimnoma kiritildi.

➡️Batafsil

Facebook|Telegram |YouTube|Instagram|Twitter|Veb-sayt

#jamoatchilik_muhokamasi
⚡️Ochiq eʼlon qilinishi lozim bo‘lgan ijtimoiy ahamiyatga molik maʼlumotlarning ko'lamini kengaytirish ko‘zda tutilmoqda

Korrupsiyaga qarshi kurashish agentligi tomonidan ishlab chiqilgan O‘zbekiston Respublikasi Prezidentining “Davlat organlari va tashkilotlarining faoliyati ochiqligini taʼminlash, shuningdek, jamoatchilik nazoratini samarali amalga oshirishga doir qo‘shimcha chora-tadbirlar to‘g‘risida”gi Farmoniga o‘zgartirish va qo‘shimchalar kiritish to‘g‘risida”gi Farmoni loyihasi jamoatchilik muhokamasiga qo‘yildi.

Loyihada Ochiq maʼlumotlar sifatida joylashtirilishi kerak bo‘lgan ijtimoiy ahamiyatga molik maʼlumotlar ro‘yxatini quyidagilar bilan to'ldirish nazarda tutilmoqda:

✅Bo‘sh ish o‘rinlari, ishga qabul qilish shartlari, nomzodlarga qo‘yiladigan talablar va taqdim qilinishi lozim bo‘lgan hujjatlar to‘g‘risidagi maʼlumotlar;

✅Davlat organlari va tashkilotlari tomonidan nodavlat notijorat tashkilotlariga ajratilgan grant va ijtimoiy buyurtma loyihalari, shu jumladan g‘olib bo‘lgan nodavlat notijorat tashkilotlari va ularning buyurtma doirasida bajargan ishlari yuzasidan hisobotlari;

✅Davlat organlari va tashkilotlari xodimlari tomonidan xorijiy xizmat safarlari, xalqaro va boshqa rasmiy tadbirlar hamda O‘zbekiston Respublikasi hududida o‘tkazilgan xalqaro va boshqa rasmiy tadbirlar munosabati bilan qabul qilib olingan sovg‘alar to‘g‘risidagi maʼlumotlar.

🗓Loyiha muhokamasi joriy yilning 4-oktabr sanasiga qadar davom etadi.

Facebook|Telegram |YouTube|Instagram|Twitter|Veb-sayt

▫️Agentlik taqdimnomasiga asosan Qarshi shahar hokimining o‘zini rag‘batlantirish uchun 75 million so‘m mablag‘ ajratganiga oid qaror bekor qilindi

Ijtimoiy tarmoqlarda Qarshi shahar hokimi o‘zini rag‘batlantirish uchun 75 million so‘m mablag‘ ajratganiga oid eʼlon qilingan xabarlar yuzasidan Korrupsiyaga qarshi kurashish agentligi va Qashqadaryo viloyati hokimligining korrupsiyaga qarshi ichki nazorat tuzilmasi tomonidan o‘rganish o‘tkazildi.

O‘rganishda Qarshi shahar hokimining 2023-yil 25-avgustdagi 251-4-69-Q/23-sonli qarori amaldagi qonunchilik hujjatlari talablariga zid tarzda qabul qilinganligi aniqlandi.

Agentlik tomonidan viloyat hokimligiga korrupsiyani keltirib chiqaruvchi sabab va shart-sharoitlarni bartaraf etish choralarini ko‘rish to‘g‘risida taqdimnoma kiritildi.

Taqdimnomaga asosan, viloyat hokimining 2023-yil 19-sentabr kuni 414-4-0-Q/23-son qarori bilan Qarshi shahar hokimining mazkur qarori bekor qilindi.

➡️Batafsil

Facebook|Telegram |YouTube|Instagram|Twitter|Veb-sayt