تريدون نشرحلكم شنو البرمجة بالذكاء الاصطناعي؟ وهل هي جيدة وتفي بالغرض لو لا؟

يعني مثلا هنا عدنا سيشن (جلسة) طول بيها ما يقارب 35 دقيقة حلو؟ وكمل بيها الشغل الي كتلة عليه كامل لبناء نظام امتحانات


هاي لو انت وحدك وقوي بالبرمجة شكد ممكن تطول بي؟ اقل شي (4-7 ايام) شغل متواصل!

الي تحتاجة متابعة وتجيك الكود وتعرف شنو تسوي وشنو تكلة وشون توجهة وتصحح الاخطاء ، بس اذا متعرف تستخدمة راح يديحك ويدمرك!

اليوم بوكتنا الحالي ماكو احد ميستعمل ذكاء بالعكس مو الي يستعمل ذكاء هو فاشل لو ميعرف شي الي يستعملة وية مهارتة وقوتة هو الشاطر بهاي الايام لان تبني انظمة كاملة قوية باقل وقت وجهد ممكن

سؤال / شون نربح من البرمجة وهيج اشياء؟

- هواي هواي امور ممكن انت تسويها سواء (ولد او بنت) من خلال البرمجة بالذكاء والي هسة تكدر تسوي اي شي يخطر ع بالك!

زين مثال؟

تسوي انظمة مال كاشير بيها فد ميزة تخلي الزبون يشتريها مثلا تضيف المخزون وتضيف شنو اكثر منتج مبيعا وتضيف شكد شعر الي يخلي الزبون ياخذها وهيج اشياء

او شي ثاني تسوي فد منصة بيها شي مميز انت تحصل اشتراكات منة مثلا منصة تقدملك تلحيص محاضرات وبودكاستات وكتب وملازم بالذكاء الاصطناعي!
او منصة تصميم اعلانات بالذكاء

يعني هن اشياء لا تعد ولا تحصى انت بس شغل دماغك وسوي فكرة واضحك كدامك والباقي ايزي


-ربح سهل؟
لا ماكو شي سهل

-شغل سهل؟
مو سهل بس ممتع اذا تحبة

-شون اربح باسرع وقت؟
تعتمد ع افكارك ووقتك وطرحك للموضوع واداء فكرتك وماكو شي يجي بسرعة كلها يحتاجلها وقت


-شنو احتاج؟
اي حاسبة يمك ونت وتتعلم اساسيات ضروري جداً والسلام عليكم



(اخير نقطة كلشي تفكر بي يصير كلشي كلشي كلشي)

اعرف واحد كلاوجي أشتره حاسبة علمود يتعلم ويبدي يبرمج وكذا بس ضل صافن عليها ويكلب ريلزات ويكول ها ما اعرف ومدري شنو تعال علمني وادزلة وهم يغلس ويرجع يعيد نفس الكلام (لوتي باختصار)

لتصيرون مثلة

طبعاً هواي يسألون ع تخصص علمود يتعلمون هل شي

اجيب التخصص واركعة بالنعال لان لا يعلمك شي ولا تستفادون منة ولا هو الي يخيلكم تطبون لهل مجال


هلمجال انت تطبلة بنفسك ما يهم تخصصك او عمرك طالب متخرج

اعرف هواي يبرمجون بس همة غير اختصاص اكو طبيب واكو محامي واكو طالب بعدة يعني لا يهمك هلشي

ليش احلفلكم راح اخلص المرحلة الاولى وما درست شي مكتوب يحجي او يفهم او يوصف اختصاصنا اصلاً حتى ما اعرف شنو اختصاصي لحد هسة

اسئلتكم اطرحوها هسة وراح نجاوبكم صباحاً
@hackanas

شتكولون نفتحلكم دورات تعلم البرمجة تبنون بزبزكم؟

خلوها ورة السادس يلا ولوا اقروا

نصيحة لحد يتعلم برمجة لان من ما يشتغل الشي الي تريدة يحتاجلك هواي حاسبات

- الرساله ؛ ليش هواي حاسبات؟

لان راح تكسرها ع راسهم وراس الخلفوهم

- الرساله ؛ لعد حلمي هندسة حاسوب
اغيرة؟

- الرساله ؛ على طاري البرمجة
شنو رايك بعلوم الحساوب؟ وهل هو افضل من الهندسة؟

علوم تدرس عملي اكثر من النظري يعني تطبق

بس گ شهادة الهندسة احسن

- الرساله ؛ زين شنو رأيك بهندسة ذكاء اصطناعي؟

اني هندسة ذكاء