گالو حچو بگفاك گلتلهم الريح

تحچي بگفه الحيطان بس تحلم اطيح

منقول

غير افتهم شتريد روحي ام الف راي
تعطش وجيب الماي وتكلي مو ماي
منقول

أتنازلت وأطيت من حگي شكبان

چي مختلف وي ناس ماعدهه وجدان

✏/حيدر حميد

حلفته بلعباس شعنيلك انه
هز ايده هيج اوگال غير انه انه

منقول

تك رجل ماهميت لا دنگت هام
اشتغل وانه ازغير ذليت الايام
منقوله

الشاعر/احمد عباس الحسيني. 2018

ابو ذيات. قصيده. رووووووعه

شميته ست شمات  ما  بين  الخدود
طاح وسمعته يصيح رد شمهن اردود

منقول

كون الوجع ينشاف جا شوفتكم
شمسوي بيه اطلوگ گلبي اعله بتكم

منقول

خيطت ببره وخيط عيني بجفه هواي
خافن صبيها يطيح بموادعه وياي

منقول

طاح ...الگلب بجفاك واسمع رجيفه
طيحت عگال الشيخ وبنص مضيفه

منقول

للصاحب امشي بليل هذه انا طبعي
وجي دغش ما بياش ملوني ربعي

منقول

ملهوف ادگ بلباب يعرفني ياهو

ترس اذني اسمعه يصيح گلوله ماهو

منقول

طبگن جروح العام ويه السنه رداف

حد ما عزل سنسول ضهري من الجتاف

صادق البديري

اه ياتعبنه الضاع سمسم بلفطور
لا حصله الفلاح لالمته اطيور

منقول

لا فجت لاغطيت لا واصل الراگ
انه الحرامي اشلون عصاتي تنباگ

منقول

اتعمن والعباس بسجن بالعيون
تبجن وهمه اهنا لو شالو شلون

منقول

هندس وطك ارماي مايخطي الابره
شو هسه باب الحوش ماشوف اعبره

منقول

مـثل الـخدر مـلگـاك خلـّه امـن الاگـيـك
واصعـد شـواي اشواي حتى استلذ بيك

منقول


سالمني من بعيد لا تدني ليه
بعيوني اجيسك خاف خشنات اديه

✏ابراهيم_الكوفي

بسك یگلبي اشبی المن هل اصیاح
لو من صدگ یهواك ماعافك اوراح

منقول

رجل عجوز من ذي قار توفيت زوجته عند وقت العشاء فترك العشاء وذهب لدفنها
فقار

ضل للصبج مطروح حنضل عشانه
شالو اوماگالوش شيلو اويانه

✏خضر الغزي

كلش تـراده الحـال مـن فرگتك هاي
من رحت حد اليوم تتراجف اعضاي

منقول

جيتك ودگ بلباب صحت الله ينطيك
ما جدي منك جاي بس انشد عليك

منقول

گالو حچو بگفاك گلتلهم الريح
تحچي بگفه الحيطان بس تحلم اطيح

منقول

دارت مساجله بين الشاعر اثير التميمي.
                         والشاعره شهد الشمري


ياحوه لتوافين آدم تره ايخون
بيهم تعبنه ايضيع لو ننطي العيون
✏شهد الشمري

لا والله وزعلين احجي الوفه امنين
انوب اجه النتال صار الشغل زين
✏اثير التميمي

لو بيدي والقرأن ماخلي رجال
شحصلنه منهم غير بس شلت الحال
✏شهد الشمري

جم عوذه جم ايمام رحتي اوطلبتي
هسه الرجل موزين لمن نفگتي
✏اثير التميمي

غسل اوطبخ وطفال هم سهله گلنه
بس ويه عمتي اشلون لو ماعزلنه
✏شهد الشمري

ليش انتي بت اجواد حسبيه امج
لوكون اصيله اوحوك قابل تذمج
✏اثير التميمي

لاتزعل انته اشبيك بس نعزل انريد
لوبس وحدنه انصير اطلعلك العيد
✏شهد الشمري

طلعيلي خوب العيد ونتي ابغرفتج
غير المشط شهرين مامر گذلتج
✏اثير التميمي

مالحگ اعللبيت كلساعه خطار
شما فكر اهتم بيك الگه الوكت طار
✏شهد الشمري

جا الله قابل هيج من حلل اثنين
يدري ابعض نسوان ماتسوه فلسين
✏اثير التميمي

طلگني اريد ارتاح والغايب الكم
بس ابني يبقه اوياي مايبقه عدكم
✏شهد الشمري

ما طلگج لوموت لومو رغبتج
آخذ عليج اثنين واخذ غرفتج
✏اثير التميمي

كل عقلك انته اتريد تاخذ وخليك
شويت نفط علراس وبموتي ابليك
✏شهد الشمري

بلعكس راح ارتاح حسبالج اهتم
آخذ عليج اثنين ونتي ابجهنم
✏اثير التميمي

وانتهت المساجله حبايبنه

أركض الربعي سنين ومحزم حزام
من طحت صاحوا حيل ياريته ماكام
منقول