حلووو نشالله نبلش نشرح بيهن موضوع ورا الثاني💋👍❤️❤️

نصائح_مهمه_للمتدربين فتره التدريب
●إن التدريب هي الفتره المهمه والمثاليه للإطلاع على نمط العمل داخل صالات العمليات والعنايه المركزه وهذه الفتره تتعلم من خلالها اساسيات مهمه في العمل ( الاجهزه الموجوده والمتوفره في صالات العمليات كافه ؛ الأدويه المستعمله وطرق التخدير) .
●التدريب ليس فتره جهد وامتحان وانما فتره لأثبات وجود الطالب التخديري والتعلم من خلال ربط النظري مع العلمي .
●التعرف على مسؤول قسم التخدير والطاقم التخدير الموجود واحترامهم وعدم التجاوز عليهم مهما كان وتدوين المعلومات التي يقدمونها اليك وتذكر بأنك ضيف في صاله العمليات وكل
ما تراه في صاله العمليات عند انتهاء العمل قم بمراجعته نظريأ.
●عدم تصوير المريض أو اي موظف داخل صاله العمليات عمدا أو بدون قصد والحفاظ على اسرار المهنه والعمل الأنساني وفي حال احببت التقاط صور لك أو للأجهزة فيكون بإذن الشخص المتواجد في الصاله
●الإلتزام بالنظافة الشخصيه ولبس الزي ( السكراب ) في الغرف المخصصة داخل صالات العمليات والعنايه المركزه وعدم الخروج به نهائيا حفاظا على عدم حدوث التلوث.
●الألتزام بوقت حضور الدوام والمغادره حسب ما يتم تحديده في المستشفى او المعهد والكليه

كونوا موجودين ب٩ نكمل دوره التمريض محاضره ثالثه🏃‍♀🏃‍♀👌

بسم الله الرحمن الرحيم
والصلاه والسلام عله خير الأنام ابا القاسم محمد عليه افضل الصلاه والسلام

المحاضره الثالثه ( القسطره البويه foley catheter)

بصورة عامه الفولي كاثتر فائدته تساعد المريض بخروج ادرارهه وخصوصا المريض ماكدر يكوم فهنا لازم يتركبله قسطره مثل مرضى الغيبوبه أو العاجزين وهل شي يشمل كبار وصغار يعني ما محدد فقط للكبار
زين ست شون تتركب تعالوا خل نتعلم
للنساء
الأدوات :
foley حسب عمر المريض تختار القياس المناسب
Urin bag كيس ادرار
مخدر موضوعي
سرنج١٠ سيسي مملوء بنورمال سلاين
قفازات وكمامه


العمل كلاتي
١- لازم تكون المريضه بالوضعيه المناسبه حته نكدر ندخل صونده الادرار
٢- اخلي شوي من المخدر بالصونده بالمنطقه يلي رح تدخل بالمريضه
٣- اربط مابين الصونده بالادرار وكيس الادرار وننبه انو الكيس مسدود لأن يجي مفتوح
٤- افتح المنطقه الداخليه قدر الإمكان وبالفتحه الأولى إلى هي فتحه الإحليل وادخلينهة تشوفين يجيج ادرار بالصونده
٥- هسه تبقه شغله التثبيت نخلي السرنجه يلي بيهة نورمال ونحقن الطفولي بالمكان المخصص حته تثبت


للرجال نفس الشي بالضبط بس طبعا العضو يختلف نفس ماتعرفون بس خطوات نفسهن


ملاحظات
لازم تنتبه انو كلشي معقم وصونده الادرار ماتتلوث بأي سطح كبل تفتحه من الجيس تخلي مخدر ودخل منعا للالتهاب
ال قفازات لازم دبل والكمامه وغسل الايد قبل وبعد العلميه
لازم المريض ماتخلي يتقلص قدر الإمكان كون مسترخي
الوضعيه للمريض جدا مهمه وانشالله بمحاضرت الوضعيات انبهكم عليه
من تريد تؤخر الصونده لازم تسحب الماي بسرنجه ياله توخرهة



الهنا اكون كملت القسطرة
تم بحمد الله

شاهد وتعلم تركيب القسطرة للرجال _ male catheterization procedure
https://youtube.com/watch?v=ua6emqHEjmk&si=SJhy4oKp_lg73Pww

اليوم محاضره مهمه وضروريه

ورقه وقلم وآي سؤال عدكم سالوني وتدللون❤️❤️

💊 - فوروسيميد (Furosemide) هو مدر للبول يعمل على منع إعادة امتصاص الصوديوم والماء في الكلى، مما يزيد من إخراج البول. يُستخدم لعلاج حالات احتباس السوائل المرتبطة بفشل القلب الاحتقاني، أمراض الكلى، وتليف الكبد، وكذلك لعلاج ارتفاع ضغط الدم.


#الدواء_ببساطه 💊
#طوارئ

💡| #معلومة_رقم  {376}

▪️- خوص العين (Enophthalmos)
هو تغير في موضع مقلة العين للداخل، ويحدث نتيجة لتغيرات في العظام مثل التشوهات الخلقية أو الكسور، أو بسبب تغيرات في عضلات العين.

📌•- يمكن أن نشاهد خوص العين في الحالات التالية:
•-متلازمة هورنر (Horner's Syndrome)
•-متلازمة مارفان (Marfan Syndrome)
•-متلازمة داون (Down Syndrome)
•-حالات إنضمار العين (Phthisis Bulbi)
•- متلازمة الجيوب الأنفية الصامتة (Silent Sinus Syndrome).

جرع المرخيات العضلية 💙
Doses of muscle relaxants ✨
للفائده "
Anaesthesia Family
https://www.facebook.com/groups/153591972002259/?ref=share_group_link

استعدوا آليوم نبلش اسعافات أوليه ❤️❤️

ب٨ نبلششش👍

راووني تفاعلكم وشاركولي القناه😘😘😘

ياله نبلش
اول محاضره رح تكون تعريفيه عل اسعاف بصوره عامه 👍🏃‍♀🏃‍♀


اما الصدك باجر ناخذه

++ يحلوين لل١٠ وانزل محاضره التمريض لاتخافون ماناسيه 🏃‍♀😉

بسم الله الرحمن الرحيم
والصلاه والسلام على خير الأنام ابا القاسم محمد


المحاضره الأولى (مقدمة )
اول شي وقبل ابلش لازم تفهمون الغاية الأساسية من الإسعاف الأولي هي حفظ حياة المريض وتقليل المضاعفات بقدر الإمكان ٠


هسة نبلش بالمفاهيم وكالاتي
الإسعاف الأولى : هو خدمة انت تقدمهة للمصاب أيا كان نوع إصابته الحدما ينقلون المصاب للمستشفى .


الإسعاف الأولى نوعين عدنه اما داخل المستشفى أو خارج المستشفى
الداخل أهون من الخارج ليش لأن داخل المستشفى اكو فريق طبي بادويه طوارئ وأجهزة بس بالخارج لا لأن اولا بحدك بدون أجهزة وبدون بادويه تساعدك٠



اما المسعف هو الشخص الي ايقدم خدمة للمصاب ويساعده بالحفاظ على حياته (إلى هو انت )٠


شورط الاساسيه حتى تكون مسعف وتكدر تداخل وية المريض

١- لازم تكون عندك معلومات اساسيه صحيحه عن الإسعاف والتداخل ٠
٢ - لازم تكون مستعد نفسيا وجسديا انو تداخل ويه المصاب ٠


المبادئ الاساسيه للاسعاف الاولي
١- افحص
٢- اتصل
٣- اهتم
بالبدايه لازم تكون انت مايكون خطر على حياتك لأن أهم شي حياتك تكون بأمان وتكدر تداخل وانت محمي
والحمايه موبس انت لا المريض كذلك يعني أهم نقطه تأخذ المريض لمكان أمن

وبعدين نبلش بالآتي
اولا لازم تفحص المريض وتقيم الحاله بس هل شي لازم ماياخذ من وقتك نص دقيقه أو على الأكثر دقيقه
ليش ؟
لأن وقت الإنقاذ يعرف بالوقت الذهبي لازم تستغل كل ثانيه بي فافحص عل سريع وقيم الحاله وبالشرح الجاي رح نعرف شون انقيم ٠

ثانيا وره الفحص الاتصال يعني تتصل الإسعاف تكللهم عله الفحص إلى سويته عل سريع إذا عندك وقت تتصل إذا ماعندك وقت تتصل حدد اي احد يمك وكله فإن اتصل الإسعاف ٠

ثالثا تهتم المصاب حسب الفحص الأولى إلى سويته ٠

زين عدنه نقطه الحمايه والاتصال سهلات المهمات عدنه هو الفحص والاهتمام
الفحص هو تقييم لحاله بشكل سريع واكيد نفحص المصاب اول بدايه النبض والتنفس لأن هنه ذني الأساس
النبض انخلي أيدينا على شريان السباتي أو نكول عليه شريان الرقبه لأن هو أوضح شي وباصبع أسبابه والوسطى أو الكعبري قاعده الإبهام أو الفخذ أو خلف مفصل الركبه أو مابين عظم القدم البارز والكعب أو أضل اقيس مده ماتقول عن ٣٠ ثانيه واضرب الناتج في ٢ ٠
المعدل الطبيعي للنبض
البالغ. 80-60
104 -100 الرضيع
الاطفال. 80- 100
اما التنفس فاقرب وجهي عله أنف المريض واتحسس يتنفس لو لا والسمع كذلك وهم عيني على صدر المريض نشوفه يرتفع لو لا
الطبيعي للبالغ هو 12- 22
الطبيعي للطفل هو 12-32
الطبيعي للرضيع هو 12-22

زين حسب إلى نسمعه من صوت التنفس نكدر نفسر الاتي

اذا ازيز معناها المجرى التنفسي العلوي مسدود
إذا صفير تضيق بالشعيرات الهوائي
إذا قرقره معناها وجود سوائل بالرئه
إذا حبسه بالنفس معناها التهابات بالانف

هذا الفحص الاساسي ومن خلال الفحص تظهر ٣ حالات

١- اكو تنفس اكو نبض والمصاب ماكاعد اهنا اخلي المصاب بوضعيه الافاقه
شنو وضعيه الافاقه ؟
وضعيةالافاقه انخلي المصاب على احد الجانبين وأيده تحت راسه وراسه للأسفل حتى تطلع السوائل


٢- ماكو تنفس اكو نبض أبدى تنفس اصطناعي نفسين واجيك التنفس والنبض اما الطريقه فإذا انت بداخل المستشفى فبالامبوباك اما اذا خارجه تأخذ نافس عميق وتسد أنف المصاب ومن فم للفم


٣- إذا ماكو التنفس ولانبض اهنا نبدي إنعاش قلبي CPR وبالشرح الجاي نعرف شنو الإنعاش وشون نسوي تمام ٠



بالنسبه للفحص الأساسي هذني
بعد عدنه الفحوصات الثانويه إلى إذا نات داخل المستشفى تجيهن مثل الضغط درجه الحراره
وإذا خارج المستشفى لازم من فحصت تنفس ونبض وتصلت بالاسعاف هم تهتم بيهن تشوف عنده كسر عنده نزيف ماتشوف البؤبؤ مال عينه يعني مثلا إذا اكو اهتزاز بالعين من يحركهة معناها عطل في الدماغ أو إذا حجم البؤبؤ كبيران معناها داخل صدمه وإذا صغار معناها تسمم

بعد من ضمن الفحوصات هنه فحوصات الجلد والفم إذا ازرق أو بي التهابات بيضاء وخصوصا إذا ازرق هاي العلامه جدا مهمه لأن تبين عدم وصول الدم للأعضاء أو اختناق
وبعد فحص الجلد إذا بقع حمره زركه اوديمه عند هم ذني يفرقن بعمليه الإسعاف ٠




هسه الهنا خلصنه المبادئ الاساسيه للاسعاف الأنواع تمام
المحاضره الجايه حنبلش بالاهتمام والتداخل


تم بحمد الله ٠
#اسعاف

هاي تعريفيه نفس ماكلنه

باجر نبلش بالصدك
+ كوزات محضرتلكم كومه🏃‍♀👍👍❤️
انتبهوا وركزوا عل كل المعلومات ❤️🫣

D.C Shock
( Direct Current _ Cardioversion Defibrilltion)
جهاز يستخدم في معالجه اضطرابات دقات القلب 💓
( اللانظميات ) الخطيره مثل رجفان البطيني والتسرع البطيني وذلك بإعطاء صدمه كهربائية تنهي الاضطرابات في نقل الشارة الكهربائية في القلب 💓
ان إستعمال DC نوع biphasic يكون بطاقة 120 - 200 جول أقل طاقه من استعمال نوع monophasic تعطى 360 جول ..... أما بالنسبه للأطفال نعطي أقل صدمه 2 جول / كغم وبعد ذلك 4 جول / كغم

#معلومه 🖋
الادويه التي ممكن ان تعطى خلال ETT في حاله الانعاش CPR هي
1️⃣ الاتروبين Atropine
2️⃣ الأدرينالين Adrenaline
3️⃣ ليدوكائين lidocaine

#للفائده

معلومة مهمه جدأ 🔥 ركز 🔴🔴🔴
شنو الفرق بين ال fever(pyrexia)  وال hyperthermia ؟؟؟؟؟
اول شغلة لازم تعرف شنو ال hypothalamus : هو عبارة عن هيكل موجود داخل الدماغ ينظم درجة حرارة الجسم .
fever(pyrexia):
هي حالة تتميز بأرتفاع موقت لدرجة حرارة الجسم فوق المعدل الطبيعي.
hyperthermia :
هي حالة تتميز بأرتفاع غير محكوم (غير مسيطر عليه) لدرجة حرارة الجسم .

يعني مختصر مفيد الحالتين هي ارتفاع بدرجة الحرارة زين لعد ليش كل وحدة سموها شكل 🤔🤔 ؟ 
شوفوا اول وحدة الهيكل الي موجود بالدماغ راح يكدر ينظمها يعني يكدر يرجعها لل normal range
بينما ثاني وحدة هذا الهيكل راح يفشل بعملية تنظيم الحرارة تكون زيادة غير مسيطر عليها بالتوفيق 🌺🌺..

ياله نكمل محاضره ثانيه اسعاف اولي 🏃‍♀👍.

تفاعلوا حته نبلششش ❤️❤️🏃‍♀

تفاعلوا😒😒☹️

بسم الله الرحمن الرحيم
والصلاه والسلام على خير الأنام ابا القاسم محمد

المحاضره الثانيه ( CPR)   "cardio pulmonary resucitation " الإنعاش القلبي الأولي

تعتبر محاضرة اليوم هي ذروة الإسعاف الاولي سواء داخل أو خارج المستشفى تمام
ياله نبلش
الإنعاش القلبي الرئوي هو ببساطه تحفيز للقلب وتوصيل الدم للمخ بدال القلب علما نرجع شغل القلب يعني بين قوسين نشتغل شغل القلب علما نرجعه طبيعي
الغرض الأساسي لإنعاش القلب هو إيصال الدم إلى المخ الرئتين علمود مايتوقفن ٠


زين  المريض عنده  ٣ حالات

اما اكو تنفس واكو نبض رح نخلي بوضعيه الآفاقه
وإذا ماكو تنفس بس اكو نبض هنا رح ننطي تنفس اصطناعي
وإذا ماكو التنفس ولانبض هنا رح نبدي إنعاش
شون ؟
احمي نفسي واحمي المصاب بمكان أمن
افص عل سريع تنفس ونبض ونفس الحالات إلى ذكرناه وماكو ولانبض والتنفس احدد احد يتصل الإسعاف واني ابلش الداخل وية المريض وكالاتي
اخلي المريض تحت سطح صلب حته من اضغط ماينزل الجسم ويه الضغوطات يعني اكو شي سنده من تحت
بموقع مؤخرة عظمه القص بين الحلمتين وفوكاهن شوي يعني بمنتصف الصدر تقريبا وايد فوك اللخ وبعمق ٢-٥ سم ولازم الدفعات أو الضغوطات تكون سريعه وحسب المعدل الطبيعي للنبض بالنسبه للمصاب سواء طفل أو بالغ اورضيع ٠
نستمر ٣٠ ضغطه وننطي نفسين كل ٥ دورات نجيك نبض وتنفس ماكو نكمل

هاي بالنسبه للبالغين اما الرضع فالوضع شوي يختلف
الرضيع رح نلزم الطفل بأيدينا وبالاصبعين الوسطى وأسبابه ونضغط ١٥ ضغطه بنفسين ونراعي هو طفل فما نضغط حيل عليه نراعي بالضغطات العمق


"لازم نراعي أثناء الضغط انو يرجع القلب واقفص الصدري ياله نرجع نضغط لأن ماتكون إله فايدة ضغطاتنه "

"تتوقف عن الإنعاش ب٣ حالات"

إذا رجع المريض لوضعه فهنا نخلي بوضعيه الآفاقه ونراقبه الحدما تجي الإسعاف
إذا تعبت وتعدت فتره ٣٠ -٤٠ دقيقه
إذا أجت الإسعاف

تم بحمد إلله ٠
#اسعاف