عارفين شعور انك في مكان وعقلك في مكان ثاني وانك بس مجرد جثه تمشي على قدمين بدون روح؟؟
من الحاجات اللي تصنف من احقر الحاجات اللي يصيرن للبني ادم هي "التراكمات"ويجي عند اتفه سبب وينهار والناس يحسابوه حساس لهدرجة و ان جاء عند السبب التافه ويبي يزعل ولكن تراكمت عليه الزعلات وكتم مشاعره ومعش قدر يدس اكثر وانهار عند اتفه سبب عشان هكي ابكوا انهاروا عند كل موقف يزعلكم ومعش تكتموا زعلكم عشان التراكمات حاجة حقيرة بكل ويطلعن في اوقات غلط ومواقف تافها
الانسان من الاخر هوا كائن مسكين مش عارف شن يبي ومكملها يدور ع الاحسن له معنه هوا عارف شن الاحسن له بس يتمحقن ويحب يحور وغاوي شقاء
امتا تستوعبوا ان السرحان ميفكرش في شي وانما هوا سرحان ويقعد متنح لين تنتهى لحظة سرحانه وتبطلوا براده تلقوا حد سرحان وتقولوله في من تفكّر!
في عرم كلام عندي بس صايرلي عجز في التعبير ومنعرفش نطلعه زي ما نفكر فيه وفي نفس الوقت ميطلعش شيك و روش نفس ما في عقلي ف نسكت احسن