لما تقرر قرار من بعد 12 في الليل كانسيل دغري لانه مشاعر الليل متنوخذش بجدية وتنوض الصبح وتقول الحمد لله مدرتش هكِ، انا وعيت توا عشان نتأكد من صحة هذا الكلام لقيتني مزلت مُصره علي قراري امتا نتاكد ان شاء الله قالوا قرارات الصبح حقيقية؟
امتا نقرر قراراتي المصيرية ونحس ان فعلا انا مش تحت تأثير اي شي واي موعد من اليوم الانسان ممكن يحس انا قراراته حقيقية؟
Anonymous Poll
24%
القايله بذات الوقت متاع الحمو اللي محد طايق حد
26%
اي وقت المهم قبل الساعة 12 الليل
33%
في صبح بدري واعيه مش فاهمه شي ومُصره علي قرارك
16%
بعد الساعة 12 في الليل، قراراتك حقيقية
كلنا هابا علينا مفش حد مش هابا عليه، كل حد فينا عنده جانب خبيث في شخصيته *التعميم هنا بثقه*
اوكي واحشين بعضنا وكل حاجة بس منبش نحكوا واحشني بكل بكل مختلفناش فيها هذي بس برضو مش طيقاك تصير يعني
حاجة بنموت كان مدرتهاش وبعد انديرها ع البرود و نوت فيلينق ناثنق اللي يصير بعدها وين الحماس والشغف والانهيار وين عدا هذا كله؟؟؟
الغريب في فطرة الانسان ان مُحاط بنعم عقلة متيقن وعارف وفاهم كويس ان في اي لحظة ممكن ان يختفن من حياته بدون سابق ولا انذار ومع ذلك يتعامل معاهن علي انهن شي عادي وانهن دايمات له ومش حامد ربه علي اي شي في حياته ويشوف فيها ناقصه من اتفه شي لي اكبر شي، انت مُحاط بنعم غيرك محروم منها قول "الحمد لله"
ديما نفكر امتا يجي الشخص اللي نقولوله القصة كاملة! ونكبوله شوالاتنا لو جاء الحد هذا وقتها وحكيناله كل حاجة يبقى هوا هذا الشخص المناسب بدون نقاش
من ابشع الصدمات اللي تمر ع الانسان يجيه موقف من حد كان آخر حد يتوقعه منه متاع يسيب الموقف اللي يقهر ويقعد متنح في كيف جت من الحد هذا؟؟
طبعا يصيرله مناعه بعدها ويقعد يتوقع في اي شي من اي حد ومعش يستغرب وتقعد كلها بياعه وكلها مصالح وكلها ممكن ان يديروا الموقف اللي يصدمك توقع اي شي من اي حد في اي وقت بدون سبب