محدش له الاحقيه ولا القرار ولا الدخل ان يقرر بدالي انا اللي نعرف بي شن مريت وبي شن قاعده نحس وفي شن قاعده ندير فـ يجيك حد مش عارف حتى شن صاير فيك من كوارث وحروب داخليه يقولك "اوڤر خلاص" انا وانت مش واحد

لو تجيني قبل خمس سنين من توا مش حتلقاني ماديه ولا ليا صلة بالماديات انما توا انا ماديه وجدًا
تسمعوا بي جملة "اشري راحتك"
انا مترجمتها في عقلي حرفيًا

في جملة انقالت في وحده من حلقات كرتون قامبول" النقود ليست الحل لكل المشاكل، ولكن انها الحل ان كانت كثيرة"

اسعد مكتئبة واكبر اجتماعية منعزله واذكى متغابيه واغرب إنسانه مفهومة

يا إلاهي ويا كرهي للنوعية اللي تعطيك نبذة عن مشاعرها في المستقبل يا اخي الانسان لو تكرمت بطل، كأنه يقولك انا لسه جاي حالا من المستقبل ولقيتي بحبك اوي هناك! انت عندك ضمان لمشاعرك لبكره! حتى يعني مثلًا للي يقولوا انا نعزك وانت غالي/ه عليا ونحبك للابد وحتكون/ي شخص غالي عليا لعند نموت يرا بطلوا ايه الهراء ده يا جماعهه الغريب جدًا انا كل شي ممكن ان يتغير في رمشت عين، مكانات الاشخاص تتغير يمكن بسبب او بدون سبب مفش شي يقعد علي حاله في اي وقت واي لحظة ويمكن بدون ما نفطوا لذلك من الكلام هذا كله والزبده ان لما تعطوا ضمان لي حبك لحد او تبي تثبت مكانة حد في قلبك اعطي شعورك اللحظي لعند يجي ثاني يوم ودير تجديد للعقد وشكرا بس، انما اجتهادك الشخصي انا تقول انا نحبك ديما وانت لعند نموت وحوارات هذينا غلط

كلامي غريب شرحي وسردي للموضوع غريب اي نو
بس هتفهموا عليا ان شاء الله

الفلفل محشي احلى من البراك وممنوع النقاش

آهه والزبيب سمح بكل ويحلي اي اكله يخش فيها بذات الرز وممنوع النقاش برضو حتى في هذ

والرز مبوخ لذيذ لذاذه واللي ميحبش يتمحقن

والحليب وشاهي ثالث اسوء شي في العالم حاجة في منتهى الزفرة

بس خلاص جايا نثير الجدل وماشيه باي

صباح الخير وخلاص

لما تقرر قرار من بعد 12 في الليل كانسيل دغري لانه مشاعر الليل متنوخذش بجدية وتنوض الصبح وتقول الحمد لله مدرتش هكِ، انا وعيت توا عشان نتأكد من صحة هذا الكلام لقيتني مزلت مُصره علي قراري امتا نتاكد ان شاء الله قالوا قرارات الصبح حقيقية؟

الوضع Error جدا

لما كل الإشارات تقولك لأ بس انت مُصمم تكمل

كلنا هابا علينا مفش حد مش هابا عليه، كل حد فينا عنده جانب خبيث في شخصيته *التعميم هنا بثقه*

اوكي واحشين بعضنا وكل حاجة بس منبش نحكوا واحشني بكل بكل مختلفناش فيها هذي بس برضو مش طيقاك تصير يعني

ندير ايس كافي ونشربه ✖️
ندير نسكافيه ساخن ونخليه يتنقع نين يبرد بروحه ونشربه ✔️

حاجة بنموت كان مدرتهاش وبعد انديرها ع البرود و نوت فيلينق ناثنق اللي يصير بعدها وين الحماس والشغف والانهيار وين عدا هذا كله؟؟؟