في ناس هك سبحان الله ربي حاط فيهم عدم القبول تشوفهم من وجهم مستحيل ينزرطو اعوذ بالله منهم
اول ما نحس انك تسبّل علي حاجة مش كويسه ليا وتبي الديرها انا اول الداعمين لك وحنساعدك اهم شي الديرها وتفكني من وجك بكل
انا في صبح ونا ماسكه مق النسكافيه يصيرلي فايض في المشاعر نقعد بنكتب وخلاص حسيتوا هكِ صح، مهم صباح الخير عليكم كلكم حتى اللي ميحبنش انت بذات صباح الخير
لما يكون عندي وجهة نظر في موضوع مُعين واقتنعت بيه فتره ويجن ايام نغير وجهة نظري فيه مش حنجي لكل حد نقوله راني غير وجهة نظري شور الموضوع الفلاني عشان حضرتك تشوف اني حد مش منافق واني كنت ندير في شي معين وفجأة غيرت رايي فيه لمجرد حسيت ان مش صح او مناسبنش في الوقت الحالي، انا اللي نقرر وانا اللي نغيره وانت ملكش اي راي ولا حق في الموضوع غير انك تشوف وانت ساكت دام ان الموضوع انت مش فيه اوكي؟
لما كل شي يقعد واضح وضوح الشمس لكن ترضخ لرغباتك المؤقتة لين تندعس على وجهك وتستوعب المعمعه اللي دخلت نفسك فيها وبإرادتك ورغبتك
نحب نتعمق في موضوع حتى لو مفروغ منه منحبش نطلع من اي حوار الا وانا دايره اللي عليا وزياده متاع حتى وانا طالعه منه منقولش كان درت هكي احسن ولا قلت هكي خير نجرب جميع الطرق والشي هذا وقتها مش هيكون عشان حد غير نفسي نحب نطمن روحي و نزهد في الشي بروحي ونرقع فيه لين خلاص ونحط اي شي عندي ونمشي لانه وقتها هيكون عشان انا بنتريح مش عشان سواد عيون حد
لما تمر بي موقف مُعين وتفطن انك وقتها بلا مشاعر وانك صبيت مشاعرك كلهن في مواقف فاتن وانتهن، وان انت توا فاضي حرفيا؟؟؟
حوار انك تقعد الدير في اي شي وانت تقرا وقاعد في آخر اسبوع قبل الفاينل ومكنتش دير فيه انت وفاضي ومكسد، غريب جدًا كل شي يقعد فيه جو ومُلفت وتبي الديره بس عشان تلهي روحك ع القرايا كله عقل الانسان هذا غريب غرابه
امتا نبطل اهبالي هذا ونقعد نقصف ونجرح في الناس الحقيرة ونعطي في الجبها ومعش نراعي مشاعر حد عشان لو كملت بالهبال هذا حتجي علي خشمي جديات زي مصارلي توا
تقعد في موقف مُعين ويصير نقاش باهي وتقعد تقدر ترد كلام ع الحد هذا يرقده في النفسية 12 سنة وهوا يعالج من كلامك بس توخر وتقول حرام ويجي هوا بدم بارد يحطها لك ويستفلك كلام احقر من بعضه تقول صاب عليك اميه ساخنه توجعك انها جت منه قبل ما تجي منك اكثر من الكلام اللي قاله احييييه كيف تقهر