O‘ZBEKISTON-KOREYA XALQARO UNIVERSITETI PROFESSORLARI ASAKALIK BITIRUVCHILARI BILAN MULOQOTDA BO‘LDI

Maktab bitiruvchilarini oliy ta’lim muassasalariga kirish ko‘rsatkichlarini yanada yaxshilash, o‘quvchilarni xorijiy tillarni o‘zlashtirish salohiyatini oshirish maqsadida Andijon viloyati maktabgacha va maktab ta’limi boshqarmasi ilg‘or xorijiy ta’lim muassasalari bilan hamkorlik ishlarini olib bormoqda.

Xususan, Andijon viloyati maktabgacha va maktab ta’limi boshqarmasi hamda KIUF xalqaro universiteti bilan tuzilgan memorandumga asosan joriy yilning 12-may kuni Asakalik maktab bitiruvchilari bilan ochiq muloqot bo‘lib o‘tdi.

Muloqotda boshqarma boshlig'i o'rinbosari Gulhayoxon Omonova, oliygoh rektori Park Jun Xo va universitet yetuk koreys professorlari tomonidan shahrimizdagi ilg’or maktab o’quvchilariga xorijiy tillarni o’zlashtirishning samarali usullaridan foydalanish hamda yangi avlod kasblari bo‘yicha kerakli tavsiyalarni berib o‘tildi.

Andijon viloyati MMTB matbuot xizmati