رتب صُحابك علي الورق حسب الوجود وقت الألم.!!

" بقيت متساب لكن شبطان شيطان طيفك ملاك ف شيطان " ⁦
💔🥀⁦🗣️⁩

" تقـاابلينـي ..💙
كـأانـك فيـلمم خمسينـي .. كـأانـك ورده فـِ البـدله بيـرويهـاا مطـر عينـي .. "
💔⁦🥀⁦🗣️⁩

تقابليني عشان محتاج أقابلك موت⁦♥️⁩

في عندي حوالي ولا موضوع احب افتح كلام فيهم💜



موقع لحظات » الادب » قصائد

قصائد عمرو حسن أجمل قصائد الكاتب والشاعر عمرو حسن

كتب وليد بدوي في قصائد آخر تحديث منذ 11 شهر



محتويات

1 قصيدة مابتحبكش عمرو حسن

2 قصيدة جوابي ده الأخير عمرو حسن

3 قصيدة هيبتا عمرو حسن

4 قصيدة اشبعي بيهم عمرو حسن

قصائد عمرو حسن أجمل قصائد الكاتب والشاعر عمرو حسن أشهر أشعار وقصائد عمرو حسن عمرو حسن من أشهر الشعراء الذين انتشروا في الآونة الأخيرة والذي حاذ على إعجاب الكثير من شباب جيله والأجيال المختلفة، كما أنه عرف بشكل كبير على موقع التواصل الإجتماعي فيسبوك والذي يعد من أكبر وأهم المواقع وأكثر انتشاراً وترويجاً للمواضيع الغريبة والغير مألوفة، وايضاً محط أهتمام جميع الشباب والبنات وحتى كبار السن قصيدة اشبعي بيهم  قصيدة هيبتا ننصحك بنشاهدة شعر عتاب نزار قباني

قصائد عمرو حسن أجمل قصائد الكاتب والشاعر عمرو حسن

. الشاعر عمرو حسن مواليد 17/8/87 بحي العصافرة الاسكندرية متخرج من كلية التجارة بجامعة قناة السويس لعام 2010 وبكتب الشعر من 2004 الجوائز التى حصل عليها – جائزة ساقية الصاوي ( أفضل شاعر 2010 ) – جائزة مجلة الثقافة الجديدة ( أفضل شاعر 2010 ) – جائزة المركزية 2008 – ذهبية الجامعات 2009 ( أفضل شاعر ) – درع جامعة حلوان 2009 ( أفضل شاعر ) الكتب المفضلة له علي ناصية الشاعر . – المهنة بارقص . – العزلة نص الونس . – من هنا للشعر . – الفراشات . – مصر الجديدة . – ديوان ناس كافيه

 

قصائد عمرو حسن أجمل قصائد الكاتب والشاعر عمرو حسن

 

 

قصيدة مابتحبكش عمرو حسن

بتتعب ليه وتزرع أرض مش أرضك
وليه سهران
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض !
مابتحبكش والله
وكل اللي اتعمل بينكم حكاية وقت مش اكتر
كلامك كله كان عادي
ووردك مرمي ف الشارع من الشباك
بتضحكلك وتبقى معاك
وتحلفلك تكون وياك

مابتحبكش
بتبني ف ايه ؟
بتنكر ليه كلام واضح كضي الشمس
بقالك قد ايه مشتاق
لواحده كان لقاها فراق
وكنت معاها طفل كبير
حكيت للكل عنها بدون ماتتكلم
وكنت تشوفها فتسلم
وكنت تشم بارفانها فتعرف دارها ومكانها
وتعرف كل الوانها بلمسة ايد
ادي العيل ف وصف العيد
لا نفع الشاي ولا الحكايات
ولا الاحلام ولا البدايات
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك

قصيدة جوابي ده الأخير عمرو حسن

جوابي ده الأخير ليكي
يامعاليكي
ياست الحسن
ياسبب الحزن والعلة
ياشجرة حسبتها ضله وطلعت نار
بداية القول : مساء الفل ع الأزهار على خدودك
مابنجرّحش
ومابنسمحش حد يقول كلام عنك
لذلك ثم أما بعد ،
أنا الطفل اللي كان ف عنيكي متشعبط
يشوفك روحه تتلخبط
وقلبه ابن الحرام يضعف ويستعبط
كإنك زار وانا الدرويش
كإنك غار وانا الحرافيش
كإنك كنتي قرش حشيش
دخل رئتيني وملاني
كإنك دار وانا اللي ماليش
سوا الدار اللي لمّاني
بغض الجرح مين خان مين
ومين قصّر مع التاني
وغض الطرفْ عن اسمك
وطعم خروجه ف لساني
أنا مليّت من القصة ومن لعبة خلاص لسه

قصيدة هيبتا عمرو حسن

نبدأ منين؟
من صدفة في الشارع
أو شارع الصدفة
أو أي شيء مدهش بيتم بين اتنين
من التقاء العين
أو من حاجات تانية
تبدأ من الدنيا
على اعتبارها كمين
بين إحنا والتانيين
ويبدأ التدوين
من أول السيرة

الصدفة تجمعنا
زي اللي خارج من كافيه بالليل
يخبط في كتف مهندسة بترول
أو عاملة في مصنع
تسقط ما بينهم أغنيات صدفة
لا يوطوا يجنوها ولا يسيبوها تكُف
– تكبر هنا شجرة مجهولة المصدر وشكلها مختلف –
تنمو بفعل الوقت
وتصير مخازن للطيور والقش
البذرة صدفة والفروع علاقات
بالتالي يا حضرات
لا تُهملوا الخطوات أو تمشوا مش شايفين
هتدوسوا على علاقات وبواقي بني آدمين
فتوخوا بعض الحذر
أو امعنوا في النظر
جايز تشوفوا اتنين واقع مابينهم شيء
هيكون لبكرة طريق
يشبه طريق بكرة
واتأملوا الحكايات
اتأملوا الحكايات
في الدنيا ياما حاجات أكبر من الرؤية
فبنمشي مانشوفهاش
شجرة هنا بتكبر بين حد جه وماراحش
وحد راح وماجاش،،

قصيدة اشبعي بيهم عمرو حسن

كلمات قصيدة اشبعي بيهم عمرو حسن

اشبعي بيهم
واقعدي يومياً وسطيهم
ادخلي كافيهات واعملي حكايات املوا السينمات وابني في لحظات وافرحي بيهم
الناس اللي انتي في أحضانهم أنا م ليلتين لسه راميهم
واحكي بالنبرة المعتادة واضحكي وانتي بتوصفي شكلي
وأنا ببكي عشان ناس فارقوني
دخّلي في حياتك كل الناس اللي أنا قرّبت وخذلوني
واشبعي بانصاص ع الترابيزه
القاعدة مع التافهين ميزه
لا هتحكي عن الأحلام بكرة
ولا تمشي في سكة من التفكير
ولا تتكلمي علي بيت وسرير وكيان وحياة وامان باقي
في بنات بالفطرة تسيب راجل وتسلم وقتها لبواقي
اهو جاتلّك فرصة متتخدعيش أيام بتفوت وتعديها
في ناس بتعيش وتموت زيّي تقّعد وتقوم وتقضيها
وأنا مش هشرحّلك لو لعبة اتزهدت يحصل إيه فيها
كتّري مكياج واقسمي نفسك بين الكافيهات
وافتكري إن انتي كسرتيني بلمّة نفايات
بكرة مع الوقت هتكتشفي إن انتي يا دوب كنتي وسيله

غنوايا وقاعدة وتوّصيله
برواز ألوان لأجل الليلة
وكمان كام يوم يعملوا غيّرِك
إن كان ع السر اللي فضحتيه كتّر خِيرك
أنا والله مسامح خالص
زعّقت معاكي وخونتيني
فاعتبري إن حسابك خالص
وأنا مش زعلان

أنا كُنت لكني خلاص مابقتش
يكفيني إن أنا حبيت واحدة
وطلبت وجودها لكن مرضتش
إديتها القمرة حليب صافي
ومشيت وايديها علي كتافي
عدّيت ع الجمر طريق حافي
ولقتني هصونها فما انبسطتش
دلوقتي بقيتي بتاعة الكُل
كده زي الفُل
مبسوطه وراضيه ومرتاحه ؟
وجميله وشبّعانه م الساحه ؟
افرحي بحياتك كمُتاحه
وأنا مش هحزن إني عرفتِّك
أنا لسه بحالتي وكلي إيمان
إن أنا استاهل بنت حلال
الفرق اللي ما بينّا لا يُمكن يتصلّح ولا يُمكن يتقال
💔⁦🥀⁦🗣️⁩

ما دام فِ القِصه في جارِح ، أكيد فِ القِصه في مََجروح و لَو كان القَتيل راجِل ف دَمه بيبقي مِش بالساهِل

خِسرتي معاه وجود الاهل ، خِسرتي الحُضن و اللَمه ، خِسرتي الضَهر و الضمه ، و بُكره هتندَمي لما تِحسي البرد مِن دونه.

كُلِنا اصلاً يا صاحبي كام فراشه في برطمان.

"كل الأشياء اللي نستها بحكم السِن اتقلبت جوايا لـ أفلام ولـ مازيكا"🖤

بِ الليل و كُل المِرتاحين نايمين هَتمُر جَمبك لحظه تسوي ساعات

انا كِتفي مُمكِن تِلمسه يشَوك غياب ، انا قلبي مُمكن تُعصره ينزل بنات لَكِن لسوء الحظ او حُسنه مَبقِتش عارِف أنسي دي بالذات.!!

دُموعي رصيد بحوش فيه لِناس مِستاهله مني دموع......

بحَطة ايدك الناعمة انا مازِلت
و وَزني زي ما هو لكني تقلت"..

" عملت حاجات لأول مرة بعملها ، و كملت اغنيات بيكي لاول مره اكملها ، اشمك ريحة و انا ماشي و اقول ماشي . . و اكلم ربنا عنك وجع و هروب ، عكستي المشهد المكتوب مكنش الفيلم دي نهايته" ? !
💔🥀⁦🗣️

شباب بعد بكرة بالليل هصفي الأدمنز وهسيب اكتر 2 متفاعلين يكملوا معايا🖤

لكني برضو متأكد بإنك مش هتبقيلي
لكن هعمل فـ حبك ايه وفي الوَحشه اللي بتجيلي💜!

و جيتلك شاري مش بايع
برغم ان البعيد صايع
ولا ليا في غرام ولا زفت..!❤️