يقولوا بلاش
ومش شبهك
وسيبك منها وامشي بعيد
وانا لسه بشوفك عيد
وداخل طوع ف طواحينك
كإنك ف الطريق تكفير
عن الناس اللي سابقينك
بتاخدي حق ناس غيرك
بدون ماتكوني قاصداها
باوزّع وقتي ف غيابك
على الريحة اللي سايباها
محنن ربنا قلبي
وامتى القلب كان له عنين
كفيف العشق متعكز
وماشي ماخدش باله لفين
بحبك ليه .. مافيش أسباب

و أكتر واحدة بتحبك واخدها صديقه من جهلك

لية الحاجات كرهانا واحنا نحبها ؟! 💔

ما اعظم الاشياء إن لم تزد عن كونها اشياء ..

انا اسوأ واحد ف العالم
ف الكلية / انا اكتر واحد جاب ( ض . ج )
وف مدرستي / انا اسوأ طفل على الاطلاق ف وزارة التربية والتعليم
متشرد .. محذوف من كشف المحترمين
انا عيل جه للكون ببلاء وف كل مكان عنده مصيبة
لكن ف الكورة شيطان مهارات وخبير رفعات وابن لعيبة
وبحب الضحك ف كل مكان
مابحبش اشوف خلق كئيبة
والقهوة بتاعتي زيادة تقيل
وبحب اتفرج ع البرازيل
وبحب النيل .. اكتر من بنت ماحبتنيش
وبحب الفجر بقرش حشيش
انا جيبي منفِّد ع الشارع
انا شيك جداً لكن ماعييش
انا اكتر واحد حب حاجات
واكتشف انها ف الاصل مافيش
وبحب سعاد حسني الجولييت
وبحب ارمي البناطيل ف البيت
مابحبش اصاحب خلق ذوات
وبقول عنهم "دي عيال أومليت "
وان مرة بكيت .. مابحبش ابان
انا خيط دخان
كان طالع من تبغ النسيان
بيدور ويلف
بيدور
ويلف
ومسافة مابيوصل للسقف / يتحول طيف
الواحد كده م الاخر ضيف
فمافيش داعي نمثل علي بعض ( شغل الاتيكيت والكات والكيت )
وكلام صايص منه استكفيت
انا اسوأ واحد ف العالم
فان كان مش عاجبك اسلوبي
اخبط راسك وف اتخن حيط .

مابتحبكش .. بتتعب ليه وتزرع أرض مش أرضك
وليه سهران .. وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض !
مابتحبكش والله ..💔

لو كنتي استنيتي شويه
كنت هذاكر لـ عيالنا حساب
واشتكي من نقص الملح فـ اكلك
اديكي المصروف الشهري
فـَ يضيع نصه فـ تجديد الاوضه
وستارة البلكونه البحري ..
ويهل علينا الشهر التاني نقعد نحسبله ..
العب فـ التراث مع ابوكي طاوله واتغلبله ..
تضحكي اضحك .. تندهينا للغدا نتغدا
كان زمان العمر عديَ .. خفيف عليا !!
لو كنتي استنيتي شويه . "))💙⚡️

طلبات الاعضاء🖤✨

كُل ما هو كئيب وحزين
لشاب يعشق العزلة
ويُقدس الحزن ♥️ء

إنتي عارفه إن إنتي سكر وإني من غيرك وحيد ..
واني صايم طول حياتى فجأه شوفتك جايه عيد 😍💜✨

بحبك رغم إدراكي
بإني بارتكب غلطة
ومبسوط اني وياكي
ورامي روحي للورطة
وسايبك قاعده تتمادي
وبتجرّح واقول عادي
وكل الناس بقوا قصادي
شيوخ بيأدنوا ف مالطة

يقولوا بلاش
ومش شبهك
وسيبك منها وامشي بعيد
وانا لسه بشوفك عيد

دعوة حلوة ل voltix يا جماعة 🖤😹

نورونا بـ سبسكرايب هنا للقناه ،، هتعجبكم جداً 🖤✨

وهاتلي شكل غير شكلي
'' وهاتلي حل لمشاكلي''
وهاتلي صديق مابيملش
'' وهاتلي حب رغم البعد ميقلش''
وهاتلي حضن ف عز الخوف يطمني
وهاتلي حد يسكني ومايسيبنيش ✋💔

و هاتلي فرحة و هاتلي حياة
و ناس تحبني لله ف لله
و هاتلي صبر من ايوب
و هاتلي حكمة من لقمان
و هاتلي حنين ميكسرنيش
و هاتلي اجابة تنفعني
وحد بجد يسمعني 😔💔

هاتلي تحبني لله ف لله 🖤✨

تصبحـو علـي خيـر ♥️